ٹیگ کے محفوظات: سخنور

لوگوں نے بانس کو بھی، ثمرور بنا دیا

اپریل 30, 2017ماجد صدیقی،آنگن آنگن رات،غزلگر،پتّھر،اختر،ثمرور،سخنورadmin

ماجد صدیقی ۔ غزل نمبر 28

کانٹا ملا تو ضد میں، گُلِ تر بنا دیا

لوگوں نے بانس کو بھی، ثمرور بنا دیا

تھے جس قدر شہاب، گرائے نشیب میں

ذرّوں کو وقت نے، مہ و اختر بنا دیا

جیسے، کنارِ آب کا پودا ہو سخت جاں

صدمات نے، ہمیں بھی ہے پتّھر بنا دیا

تاحشر نفرتوں کا نشانہ رہے، جہاں

ایسی جگہ، مزارِ ستم گر بنا دیا

اِک بات بھی پتے کی، نہ تم نے کہی کبھی

ماجدؔ تمہیں، یہ کس نے سخنور بنا دیا

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

تو کیا یہ رات ٹلے گی نہیں مرے مر سے!

نومبر 17, 2013آفتاب اقبال شمیممنبر،مر،گوہر،گھر،بر،سمندر،سخنورadmin

آفتاب اقبال شمیم ۔ غزل نمبر 64

لگے کہ آنکھ تراشی گئی ہے پتھر سے

تو کیا یہ رات ٹلے گی نہیں مرے مر سے!

وُہ اور دَور تھا، لاؤں کہاں سے وہ راتیں

کہ چھت پہ سوئے ہوئے مجھ پہ چاندنی برسے

وُہ اپنے خواب سفینے کا ناخدا ٹھہرا

گیا تو تھا ابھی لوٹا نہیں سمندر سے

خدا یہاں بھی ہے، یہ خلقتیں سوال کریں

تو کیوں نہ وعظ عطا ہو گلی کے منبر سے

یہ عین وقت ہے شمع معاش جلنے کا

اُڑے ہیں دن کے پتنگے نکل کے گھر گھر سے

بلا کا دشمنِ آتش ہے آب پروردہ

کرن کی کرچیاں گرتی ہیں دستِ گوہر سے

پھر اس کے بعد سنانے کی آرزو نہ رہے

سُنون وہ شعر کسی دن کسی سخنور سے

آفتاب اقبال شمیم

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

ہم لوگ سدھارتھ کے کھلے در کی طرح ہیں

دسمبر 1, 2007منصور آفاق،شعراء،غزلمنظر،مرمر،پیمبر،پتھر،در،سخنور،صرصرadmin

منصور آفاق ۔ غزل نمبر 363

لٹنے کو خزانوں بھرے مندر کی طرح ہیں

ہم لوگ سدھارتھ کے کھلے در کی طرح ہیں

ہم حرفِ زمیں ، چیختی صدیوں کی امانت

گم گشتہ ثقافت کے سخنور کی طرح ہیں

ہم پھول کنول کے ہیں ہمیں نقش کھنڈر کے

آثارِ قدیمہ کے پیمبر کی طرح ہیں

فرعون کے اہرام بھی موسیٰ کا عصا بھی

ہم نیل کی تہذیب کے منظر کی طرح ہیں

آدم کے ہمی نقشِ کفِ پا ہیں فلک پر

کعبہ میں ہمی عرش کے پتھر کی طرح ہیں

ہم گنبد و مینار ہوئے تاج محل کے

ہم قرطبہ کے سرخ سے مرمر کی طرح ہیں

ہم عہدِ ہڑپہ کی جوانی پہ شب و روز

دیواروں میں روتی ہوئی صرصر کی طرح ہیں

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔