ٹیگ کے محفوظات: زعفرانی

کہاں ہم کہاں تم کہاں پھر جوانی

اکتوبر 6, 2015میر تقی میر،اساتذہ،غزلمانی،کہانی،تانی،جوانی،زعفرانیadmin

دیوان پنجم غزل 1738

ملو ان دنوں ہم سے اک رات جانی

کہاں ہم کہاں تم کہاں پھر جوانی

شکایت کروں ہوں تو سونے لگے ہے

مری سرگذشت اب ہوئی ہے کہانی

ادا کھینچ سکتا ہے بہزاد اس کی

کھنچے صورت ایسی تو یہ ہم نے مانی

ملاقات ہوتی ہے تو کشمکش سے

یہی ہم سے ہے جب نہ تب اینچا تانی

بسنتی قبا پر تری مر گیا ہے

کفن میر کو دیجیو زعفرانی

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

اب کب گئی اٹھائی ہے زور ناتوانی

اکتوبر 6, 2015میر تقی میر،اساتذہ،غزلناتوانی،کہانی،پانی،جوانی،جانی،زبانی،زعفرانیadmin

دیوان چہارم غزل 1501

اکثر کی بے دماغی ہر دم کی سرگرانی

اب کب گئی اٹھائی ہے زور ناتوانی

تم دل کو دیتے ہو تو بے دل سمجھ کے ہوجو

ہم نے تو قدر دل کی افسوس کچھ نہ جانی

عہد شباب کی تو فرصت تھی ایک چشمک

مژگاں بہم زدن میں جاتی رہی جوانی

حسرت سے دیکھ رہیو اے نامہ بر منھ اس کا

بس اور کچھ نہ کہیو ہرگز مری زبانی

اس غیرت قمر کی خجلت سے تاب رخ کی

آئینہ تو سراسر ہوتا ہے پانی پانی

مرزائی فقر میں بھی دل سے گئی نہ میرے

چہرے کے رنگ اپنے چادر کی زعفرانی

یوں میر تو غم اپنا برسوں کہا کریں گے

اب رات کم ہے سوئو بس ہو چکی کہانی

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

دوستی مدعی جانی تھی

اکتوبر 6, 2015میر تقی میر،اساتذہ،غزلمہربانی،مانی،چھانی،ناگہانی،کہانی،پانی،جوانی،جانی،زندگانی،زعفرانیadmin

دیوان دوم غزل 956

یار بن تلخ زندگانی تھی

دوستی مدعی جانی تھی

سر سے اس کی ہوا گئی نہ کبھو

عمر برباد یوں ہی جانی تھی

لطف پر اس کے ہم نشیں مت جا

کبھو ہم پر بھی مہربانی تھی

ہاتھ آتا جو تو تو کیا ہوتا

برسوں تک ہم نے خاک چھانی تھی

شیب میں فائدہ تامل کا

سوچنا تب تھا جب جوانی تھی

میرے قصے سے سب کی گئیں نیندیں

کچھ عجب طور کی کہانی تھی

عاشقی جی ہی لے گئی آخر

یہ بلا کوئی ناگہانی تھی

اس رخ آتشیں کی شرم سے رات

شمع مجلس میں پانی پانی تھی

پھر سخن نشنوی ہے ویسی ہی

رات ایک آدھ بات مانی تھی

کوے قاتل سے بچ کے نکلا خضر

اسی میں اس کی زندگانی تھی

فقر پر بھی تھا میر کے اک رنگ

کفنی پہنی سو زعفرانی تھی

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔