ٹیگ کے محفوظات: زاری

جانچ لیا جس نے گردن کی دھاری سے

مارچ 31, 2017ماجد صدیقی،غزل،غزل سرالاری،ناری،پٹواری،جیداری،دھاری،زاریadmin

ماجد صدیقی ۔ غزل نمبر 83

بچتے کیا صّیاد کی ہم عّیاری سے

جانچ لیا جس نے گردن کی دھاری سے

ہم اپنے‘ وُہ اپنے جھنجھٹ لے بیٹھے

کام کی کوئی بات نہ ہو اُس ناری سے

پیڑ مسلسل زد پر آئے پانی کی

کب تک لیں گے کام بھلا جیداری سے

ہتھیا لیں گے رقبہ اپنی مرضی کا

پینچ نظر آتے ہیں ملے پٹواری سے

شیشے پر کچھ حرف لہو کے چھوڑ گئی

مشت پروں کی ٹکرا کر اِک لاری سے

ماجدؔ ہم میں کون چمک تھی سُورج سی

جو بھی ملا ہم سے وُہ ملا بے زاری سے

ماجد صدیقی

سینہ جویائے زخمِ کاری ہے

اکتوبر 8, 2015مرزا اسد اللہ خان غالب،اساتذہ،غزلہماری،فوجداری،کاری،بیقراری،باری،جاری،خواری،داری،روبکاری،زاری،سپاری،عماریadmin

دیوانِ غالب ۔ غزل نمبر 247

پھر کچھ اک دل کو بیقراری ہے

سینہ جویائے زخمِ کاری ہے

پھِر جگر کھودنے لگا ناخن

آمدِ فصلِ لالہ کاری ہے

قبلۂ مقصدِ نگاہِ نیاز

پھر وہی پردۂ عماری ہے

چشم دلاّلِ جنسِ رسوائی

دل خریدارِ ذوقِ خواری ہے

وُہ ہی@ صد رنگ نالہ فرسائی

وُہ ہی@ صد گونہ اشک باری ہے

دل ہوائے خرامِ ناز سے پھر

محشرستانِ بیقراری ہے

جلوہ پھر عرضِ ناز کرتا ہے

روزِ بازارِ جاں سپاری ہے

پھر اسی بے وفا پہ مرتے ہیں

پھر وہی زندگی ہماری ہے

پھر کھلا ہے درِ عدالتِ ناز

گرم بازارِ فوجداری ہے

ہو رہا ہے جہان میں اندھیر

زلف کی پھر سرشتہ داری ہے

پھر دیا پارۂ جگر نے سوال

ایک فریاد و آہ و زاری ہے

پھر ہوئے ہیں گواہِ عشق طلب

اشک باری کا حکم جاری ہے

دل و مژگاں کا جو مقدمہ تھا

آج پھر اس کی روبکاری ہے

بے خودی بے سبب نہیں غالب

کچھ تو ہے جس کی پردہ داری ہے

@ نسخۂ مہر و آسی میں ” وُہی”

مرزا اسد اللہ خان غالب

بھلا کب تلک بیقراری رہے

اکتوبر 7, 2015میر تقی میر،اساتذہ،غزلنزاری،یادگاری،کناری،اعتباری،بیقراری،تمھاری،جاری،داری،زاری،ساری،شماریadmin

دیوان ششم غزل 1892

سر راہ چند انتظاری رہے

بھلا کب تلک بیقراری رہے

رہا ہی کئے آنسو پلکوں پہ شب

کہاں تک ستارہ شماری رہے

کہا بوسہ دے کر سفر جب چلا

کہ میری بھی یہ یادگاری رہے

کہیں خشک ہو چشمۂ چشم بھی

لہو منھ پہ تاچند جاری رہے

بس اب رہ چکی جان غمناک بھی

جو ایسی ہی تن کی نزاری رہے

تسلی نہ ہو دل اگر یار سے

ہمیں سالہا ہم کناری رہے

ترے ہیں دعاگو سنا خوب ہی

فقیروں کی گر گوش داری رہے

شب وصل تھی یا شب تیغ تھی

کہ لڑتے ہی وے رات ساری رہے

کریں خواب ہمسائے کیونکر کہ یاں

بلا شور و فریاد و زاری رہے

پھرا کرتے ہیں خوار گلیوں میں ہم

کہاں تک یہ بے اعتباری رہے

کج ابرو ان اطفال میں ہے عجب

جو میر آبرو بھی تمھاری رہے

میر تقی میر

بے موقع یاں آہ و فغاں ہے بے اثری زاری میں ہے

اکتوبر 6, 2015میر تقی میر،اساتذہ،غزلکیاری،کاری،گرفتاری،زاری،طرحداریadmin

دیوان پنجم غزل 1742

یاری کرے جو چاہے کسو سے غم ہی غم یاری میں ہے

بے موقع یاں آہ و فغاں ہے بے اثری زاری میں ہے

ہاتھ لیے آئینہ تجھ کو حیرت ہے رعنائی کی

ہے بھی زمانہ ہی ایسا ہر کوئی گرفتاری میں ہے

باغ میں شب جو روتا پھرتا ہوں اس بن میں سو صبح تلک

دانۂ اشک روش شبنم کے گل پر ہر کیاری میں ہے

صورتیں بگڑیں کتنی کیوں نہ اس کو توجہ کب ہے وہ

سامنے رکھے آئینہ مصروف طرحداری میں ہے

میر کوئی اس صورت میں امید بہی کی کیا رکھے

ایک جراحت سینے کے میرے ہر زخم کاری میں ہے

میر تقی میر

کیا ہوئی تقصیر اس کی نازبرداری کے بیچ

اکتوبر 6, 2015میر تقی میر،اساتذہ،غزلہشیاری،نازبرداری،کیاری،بیماری،تیاری،خونباری،دیواری،زاریadmin

دیوان چہارم غزل 1372

رنج کیا کیا ہم نے کھینچے دوستی یاری کے بیچ

کیا ہوئی تقصیر اس کی نازبرداری کے بیچ

دوش و آغوش و گریباں دامن گلچیں ہوئے

گل فشانی کر رہی ہے چشم خونباری کے بیچ

ایک کو اندیشۂ کار ایک کو ہے فکر یار

لگ رہے ہیں لوگ سب چلنے کی تیاری کے بیچ

منتظر تو رہتے رہتے پھر گئیں آنکھیں ندان

وہ نہ آیا دیکھنے ہم کو تو بیماری کے بیچ

جان کو قید عناصر سے نہیں ہے وارہی

تنگ آئے ہیں بہت اس چار دیواری کے بیچ

روتے ہی گذری ہمیں تو شب نشینی باغ کی

اوس سی پڑتی رہی ہے رات ہر کیاری کے بیچ

یاد پڑتا ہے جوانی تھی کہ آئی رفتگی

ہو گیا ہوں میں تو مست عشق ہشیاری کے بیچ

ایک ہوویں جو زبان و دل تو کچھ نکلے بھی کام

یوں اثر اے میر کیا ہو گریہ و زاری کے بیچ

میر تقی میر

لے زمیں سے تا فلک فریاد و زاری کیجیے

اکتوبر 6, 2015میر تقی میر،اساتذہ،غزلہماری،یاری،گذاری،بردباری،تیمارداری،جاری،دستکاری،زاری،ساریadmin

دیوان سوم غزل 1281

شب اگر دل خواہ اپنے بے قراری کیجیے

لے زمیں سے تا فلک فریاد و زاری کیجیے

ایک دن ہو تو کریں احوال گیری دل کی آہ

مر گئے ہم کب تلک تیمارداری کیجیے

نوچیے ناخن سے منھ یا چاک کریے سب جگر

جی میں ہے آگے ترے کچھ دستکاری کیجیے

جایئے اس شہر ہی سے اب گریباں پھاڑ کر

کیجیے کیا غم سے یوں ماتم گذاری کیجیے

یوں بنے کب تک کہ بے لعل لب اس کے ہر گھڑی

چشمہ چشمہ خون دل آنکھوں سے جاری کیجیے

کنج لب اس شوخ کا بھی ریجھنے کی جاے ہے

صرف کیجے عمر تو اس جاے ساری کیجیے

کوہ غم سر پر اٹھا لیجے نہ کہیے منھ سے کچھ

عشق میں جوں کوہکن کچھ بردباری کیجیے

گرچہ جی کب چاہتا ہے آپ کا آنے کو یاں

پر کبھو تو آئیے خاطر ہماری کیجیے

آشنا ہو اس سے ہم مر مر گئے آئندہ میر

جیتے رہیے تو کسو سے اب نہ یاری کیجیے

میر تقی میر

مُکھڑے مکھڑے اکو جیہی بے زاری اے

جون 1, 1963وِتّھاں ناپدے ہتھ،غزلہکساہری،لاری،نتاری،یاری،کھاری،اتاری،اسواری،اساری،دھاری،زاریadmin

ماجد صدیقی (پنجابی کلام) ۔ غزل نمبر 109

ویلے نے کُجھ ایداں دی مت ماری اے

مُکھڑے مکھڑے اکو جیہی بے زاری اے

رُکھ اپنی چھاں دُوجے رُکھ نوں دیندا نئیں

انت نوں سبھناں ایہو گل نتاری اے

گلی گلی وچ ہوکا دیوے اُسّے دا

جس جس دے سر اُتے جیہڑی کھاری اے

پَتّر نَم نوں رُکھ چھانواں نوں سِکدے نیں

دَین رُتاں دی ہرتھانویں ہکساہری اے

کون کسے دا، جنہوں ویکھو، اُنّھے اُئی

اپنے آل دوالے کندھ اُساری اے

کدے نہ پھیرا پاوے اجڑیاں تھانواں ول

کَنیاں دی رُت وی شاہ دی اسواری اے

نویں وکھالی دیون دے لئی چڑیاں نوں

سپ نے اپنی پہلی کُنج اُتاری اے

اوڑک اوہنوں پنجرہ کھِچ ائی لیاندا اے

دَھون دوالے جس پکھنو دے دھاری اے

حرص دی ایس بھاجڑ وچ کِنّھے بچنا ایں

سڑکاں اُتّے لاری پچھے لاری اے

سُولی تیک وی ایہو حرف پُجاندے نیں

ماجدُ جنہاں دے سنگ تیری یاری اے

ماجد صدیقی (پنجابی کلام)

سخن سرا

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: زاری

جانچ لیا جس نے گردن کی دھاری سے

سینہ جویائے زخمِ کاری ہے

بھلا کب تلک بیقراری رہے

بے موقع یاں آہ و فغاں ہے بے اثری زاری میں ہے

کیا ہوئی تقصیر اس کی نازبرداری کے بیچ

لے زمیں سے تا فلک فریاد و زاری کیجیے

مُکھڑے مکھڑے اکو جیہی بے زاری اے

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں: