ٹیگ کے محفوظات: ریشم

قریب آنے لگا دُوریوں کا موسم پھر

اکتوبر 25, 2015پروین شاکر،شعراء،غزلموسم،مبہم،مدھم،نم،نیلم،ریشم،سنگم،شبنمadmin

پروین شاکر ۔ غزل نمبر 39

سکوں بھی خواب ہُوا، نیند بھی ہے کم کم پھر

قریب آنے لگا دُوریوں کا موسم پھر

بنا رہی ہے تری یاد مُجھ کو سلکِ کُہر

پرو گئی مری پلکوں میں آج شبنم پھر

وہ نرم لہجے میں کُچھ کہہ رہا ہے پھر مُجھ سے

چھڑا ہے پیار کے کومل سُروں میں مدھم پھر

تجھے مناؤں کہ اپنی انا کی بات سُنوں

اُلجھ رہا ہے مرے فیصلوں کا ریشم پھر

نہ اُس کی بات میں سمجھوں نہ وہ مری نظریں

معاملاتِ زباں ہو چلے ہیں مبہم پھر

یہ آنے والا نیا دُکھ بھی اُس کے سر ہی گیا

چٹخ گیا مری انگشتری کا نیلم پھر

وہ ایک لمحہ کہ جب سارے رنگ ایک ہوئے

کِسی بہار نے دیکھا نہ ایسا سنگم پھر

بہت عزیز ہیں آنکھیں مری اُسے، لیکن

وہ جاتے جاتےانہیں کر گیا ہے پُر نم پھر

پروین شاکر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

گزرتے ہی نہیں جاں سے محرم مانگنے والے

دسمبر 1, 2007منصور آفاق،شعراء،غزلموسم،محرم،کسٹم،درہم،ریشمadmin

منصور آفاق ۔ غزل نمبر 557

ذرا سا زخم آئے تو یہ مرہم مانگنے والے

گزرتے ہی نہیں جاں سے محرم مانگنے والے

بناتے پھرتے ہیں کیسے تعلق قیس سے اپنا

بدن کے واسطے کمخواب و ریشم مانگنے والے

سب اُس بازار کے دلال ہیں رشتوں زمینوں تک

یہ استعمال کی چیزوں پہ کسٹم مانگنے والے

بھلا کیسے یہ ہوسکتے ہیں خادم کعبہ اللہ کے

یہ حج کو بیچنے والے یہ درہم مانگنے والے

کبھی منصور جا کر پوچھتے احوال کانٹوں کا

گلستان کیلئے پھولوں کا موسم مانگنے والے

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کچھ تو کہیے آپ کے ہم کیا ہوئے

دسمبر 1, 2007منصور آفاق،شعراء،غزلہم،موسم،محکم،مدہم،پرنم،دلرباغم،ریشم،سنگم،شیشمadmin

منصور آفاق ۔ غزل نمبر 505

محرم دل، غیر محرم کیا ہوئے

کچھ تو کہیے آپ کے ہم کیا ہوئے

کیا ہوئے وہ بانسری کے نرم سُر

وہ کنارِ آب شیشم کیا ہوئے

کس گلی میں رک گیا سچ کا جلوس

سرپھروں کے اونچے پرچم کیا ہوئے

رک گیا دل ، تھم گئی نبضِ حیات

وقت کے سنگیت مدہم کیا ہوئے

گاؤں کے چھتنار پیڑوں کے تلے

وہ جوتھے سوچوں کے سنگم کیا ہوئے

خوبرو تھی جو محبت کیا ہوئی

وہ ہمارے دلرباغم کیا ہوئے

کیا ہوا آہنگ بہتی نظم کا

لفظ جو ہوتے تھے محکم کیا ہوئے

سنگ باری کی رتیں کیوں آگئیں

قربتوں کے سرخ ریشم کیا ہوئے

کیا ہوئی منصوررنگوں کی بہار

شوخ دوپٹوں کے موسم کیا ہوئے

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

اچھی لگتی ہے ندی دیدہ ء پرنم کی یونہی

دسمبر 1, 2007منصور آفاق،شعراء،غزلموسم،ماتم،محرم،نیلم،پرنم،جہلم،ریشم،شیشم،شبنمadmin

منصور آفاق ۔ غزل نمبر 495

بانسری بانس کے جنگل سے سنوں غم کی یونہی

اچھی لگتی ہے ندی دیدہ ء پرنم کی یونہی

کوئی امکان بظاہر تو بچھڑنے کا نہیں

یاد آئی ہے مجھے ہجر کے موسم کی یونہی

دشت کی دھوپ کوئی چیز نہیں میرے غزال

گفتگو تجھ سے ہوئی سایہ ء شیشم کی یونہی

میں نے جانا نہیں برفاب تہوں میں اس کی

بات سنتا ہوں میں بہتے ہوئے جہلم کی یونہی

برف گرتی ہے تو آتی ہے نظر خوابوں میں

اک پری زاد مجھے وادی ء نیلم کی یونہی

صبر کرتا رہا قربان حسین ابن علی

ظلم کہتا رہا حرمت ہے محرم کی یونہی

مجھ کو معلوم نہیں کون کہاں روتا ہے

بات کی سبزہ پہ بکھری ہوئی شبنم کی یونہی

اک موبائل سے بنا لینے دو تصویر مجھے

پہنے رکھو ذرا پوشاک یہ ریشم کی یونہی

ذکر ہوتا رہے لیلائے وطن کا منصور

آگ جلتی رہے بس نوحۂ ماتم کی یونہی

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔