ٹیگ کے محفوظات: رواں

اُبھریں گے کیا کہ ڈُوبے ہیں سنگِ گراں کے ساتھ

مئی 31, 2021کلیاتِ شکیب جلالی ۔ غیر مدوّن کلام ۔ غزلیں،شکیب جلالی،غزلفشاں،کارواں،گراں،جہاں،رواںadmin

زعمِ وفا بھی ہے ہمیں ، عشقِ بُتاں کے ساتھ

اُبھریں گے کیا کہ ڈُوبے ہیں سنگِ گراں کے ساتھ

تنہائیوں کے کیف سے نا آشنا نہیں

وابستگی ضرور ہے بزمِ جہاں کے ساتھ

اے چشم تر! سفینہِ دل کی تھی کیا بساط

ساحل نشیں بھی بہ گئے سیلِ رواں کے ساتھ

اُن ساعتوں کی یاد سے مہکا ہوا ہے دل

گزری تھیں جو کسی نگہِ گُل فشاں کے ساتھ

کہتی ہے جلتی دھوپ کہ منزل سے ذرا دور

جانا پڑے گا سایہِ ابرِ رواں کے ساتھ

تُہمت سُبک رَوی کی بجا ہے مگر، شکیبؔ

اک رَہ روِ علیل بھی ہے کارواں کے ساتھ

شکیب جلالی

جاری رہے گلشن میں بیاں موسمِ گُل کا

مئی 31, 2021کلیاتِ شکیب جلالی ۔ غزلیں،شکیب جلالی،غزلنگراں،گراں،بیاں،رواںadmin

باقی ہے یہی ایک نشاں موسمِ گُل کا

جاری رہے گلشن میں بیاں موسمِ گُل کا

جب پُھول مرے چاکِ گریباں پہ ہنسے تھے

لمحہ وہی گزرا ہے گراں موسمِ گُل کا

نادان گھٹاؤں کے طلب گار ہوئے ہیں

شعلوں کو بنا کر نگراں موسمِ گُل کا

سُوکھے ہوئے پتّوں کے جہاں ڈھیر ملے ہیں

دیکھا تھا وہیں سیلِ رواں موسمِ گُل کا

شکیب جلالی

دل تھا برباد مگر جائے اماں تھا پہلے

مئی 30, 2021عرفان ستار،غزلنہاں،نگراں،یہاں،کہاں،کناں،گماں،اماں،بیاں،رواں،زیاں،زدگاں،سراں،عیاںadmin

ایسا احوال محبت میں کہاں تھا پہلے

دل تھا برباد مگر جائے اماں تھا پہلے

ایک امکان میں روپوش تھا سارا عالم

میں بھی اُس گردِ تحیّر میں نہاں تھا پہلے

ایک خوشبو سی کیے رہتی تھی حلقہ میرا

یعنی اطراف کوئی رقص کناں تھا پہلے

اُس نے مجھ سا کبھی ہونے نہ دیا تھا مجھ کو

کیا تغیّر مری جانب نگراں تھا پہلے

اب فقط میرے سخن میں ہے جھلک سی باقی

ورنہ یہ رنگ تو چہرے سے عیاں تھا پہلے

کون مانے گا کہ مجھ ایسا سراپا تسلیم

سربرآوردۂ آشفتہ سراں تھا پہلے

کون یہ لوگ ہیں نا واقفِ آداب و لحاظ

تیرا کوچہ تو رہِ دل زدگاں تھا پہلے

اب تو اک دشتِ تمنا کے سوا کچھ بھی نہیں

کیسا قلزم میرے سینے میں رواں تھا پہلے

اب کہیں جا کے یہ گیرائی ہوئی ہے پیدا

تجھ سے ملنا تو توجہ کا زیاں تھا پہلے

میں نے جیسے تجھے پایا ہے وہ میں جانتا ہوں

اب جو تُو ہے یہ فقط میرا گماں تھا پہلے

جانے ہے کس کی اداسی مری وحشت کی شریک

مجھ کو معلوم نہیں کون یہاں تھا پہلے

دل ترا راز کسی سے نہیں کہنے دیتا

ورنہ خود سے یہ تعلق بھی کہاں تھا پہلے

اب جو رہتا ہے سرِ بزمِ سخن مہر بہ لب

یہی عرفانؔ عجب شعلہ بیاں تھا پہلے

عرفان ستار

ہم کسی شے کو بھی موجود کہاں چاہتے ہیں

مئی 30, 2021عرفان ستار،غزلمکاں،نگراں،نظراں،کہاں،گراں،اماں،رواں،زیاں،سخناںadmin

سرِ صحرائے یقیں شہرِ گماں چاہتے ہیں

ہم کسی شے کو بھی موجود کہاں چاہتے ہیں

جس سے اٹھتے ہیں قدم راہِ جنوں خیز میں تیز

ہم بھی شانے پہ وہی بارِ گراں چاہتے ہیں

رُخ نہ کر جانبِ دنیا کہ اسیرانِ نظر

تجھ کو ہر دم اسی جانب نگراں چاہتے ہیں

ایسے گرویدہ کہاں ہیں لب و رخسار کے ہم

ہم تو بس قربتِ شیریں سخناں چاہتے ہیں

چاہتے ہیں کہ وہ تا عمر رہے پیشِ نظر

ایک تصویر سرِ آبِ رواں چاہتے ہیں

جس میں سیراب ہیں آنکھیں جہاں آباد ہیں دل

ہم اُسی شہرِ تخیل میں مکاں چاہتے ہیں

رازِ ہستی سے جو پردہ نہیں اُٹھتا، نہ اُٹھے

آپ کیوں اپنے تجسس کا زیاں چاہتے ہیں

شام ہوتے ہیں لگاتے ہیں درِ دل پہ صدا

آبلہ پا ہیں، اکیلے ہیں، اماں چاہتے ہیں

دُور عرفانؔ رہو اُن سے کہ جو اہلِ سخن

التفاتِ نگۂ کم نظراں چاہتے ہیں

عرفان ستار

مگر جو کچھ نہیں، وہ سب یہاں باقی رہے گا

مئی 30, 2021عرفان ستار،غزلمکاں،یہاں،گماں،آسماں،بیاں،بادباں،خانماں،درمیاں،رواں،سائباں،عاشقاںadmin

یہاں جو ہے کہاں اُس کا نشاں باقی رہے گا

مگر جو کچھ نہیں، وہ سب یہاں باقی رہے گا

سفر ہو گا سفر کی منزلیں معدوم ہوں گی

مکاں باقی نہ ہو گا لا مکاں باقی رہے گا

کبھی قریہ بہ قریہ اور کبھی عالم بہ عالم

غبارِ ہجرتِ بے خانماں باقی رہے گا

ہمارے ساتھ جب تک درد کی دھڑکن رہے گی

ترے پہلو میں ہونے کا گماں باقی رہے گا

بہت بے اعتباری سے گزر کر دل ملے ہیں

بہت دن تک تکلف درمیاں باقی رہے گا

رہے گا آسماں جب تک زمیں باقی رہے گی

زمیں قائم ہے جب تک آسماں باقی رہے گا

یہ دنیا حشر تک آباد رکھی جا سکے گی

یہاں ہم سا جو کوئی خوش بیاں باقی رہے گا

جنوں کو ایسی عمرِ جاوداں بخشی گئی ہے

قیامت تک گروہِ عاشقاں باقی رہے گا

تمدن کو بچا لینے کی مہلت اب کہاں ہے

سر گرداب کب تک بادباں باقی رہے گا

کنارہ تا کنارہ ہو کوئی یخ بستہ چادر

مگر تہہ میں کہیں آبِ رواں باقی رہے گا

ہمارا حوصلہ قائم ہے جب تک سائباں ہے

خدا جانے کہاں تک سائباں باقی رہے گا

تجھے معلوم ہے یا کچھ ہمیں اپنی خبر ہے

سو ہم مر جائیں گے تُو ہی یہاں باقی رہے گا

عرفان ستار

وہ ٹَہَر جائیں تو پھر وقت رواں کیسے ہو

مئی 20, 2021ضامن جعفری،غزلگماں،بیاں،جہاں،رواں،عیاںadmin

دل ہی مدہوش ہے احساسِ زیاں کیسے ہو

وہ ٹَہَر جائیں تو پھر وقت رواں کیسے ہو

اُن سے ہر کیفیتِ کون و مکاں کر کے بیاں

اب پریشاں ہوں محبت کا بیاں کیسے ہو

روٹھ کر بھی جو سدا میری خبر رکھتا ہے

مجھ کو اُس شخص پہ نفرت کا گماں کیسے ہو

تو ہی بتلا دے ہر اِک سانس میں بسنے والے

اِس طرح سے تو کوئی کارِ جہاں کیسے ہو

دل شکستہ ہے کوئی، کوئی نظر نیچی ہے

کس کا نقصان سِوا ہے یہ عیاں کیسے ہو

اُن کو لگتی تو ہیں اچھی تری غزلیں ضامنؔ

رازِ دل اَور بھلا کھُل کے بیاں کیسے ہو

ضامن جعفری

ہَمیَں یقین ہے ہَم زیبِ داستاں ہوں گے

مئی 20, 2021ضامن جعفری،غزلکہاں،امتحاں،داستاں،درمیاں،رواں،زباںadmin

حریمِ ناز کے قصّے اگر بیاں ہوں گے

ہَمیَں یقین ہے ہَم زیبِ داستاں ہوں گے

عَجَب شناخت ہے یہ شاہراہِ ہَستی کی

تَمام قافلے سُوئے عَدَم رَواں ہوں گے

نہ سمجھیں سہل پسند آپ اہلِ ساحل کو

ذرا سی دیر میں موجوں کے درمیاں ہوں گے

ہمارے ضبطِ سخن پر نہ جائیے صاحب

یہ بند ٹُوٹا تَو پھر آپ بھی کہاں ہوں گے

کہاں کہاں اُنہیَں ڈھونڈا مِرے تَخَیُّل نے

خیال تھا وہ ستاروں کے درمیاں ہوں گے

مِرا خیال ہے کوئی یہاں نہیں آتا

جو عِلم ہوتا یہاں اِتنے اِمتحاں ہوں گے

رَوِش حَسیِنوں کی ضامنؔ اِس اعتماد پہ ہے

ہمارے زَخم بھی ہم جیسے بے زباں ہوں گے

ضامن جعفری

دل کا یہ حال کہاں تھا پہلے

اگست 4, 2018ناصر کاظمی،برگِ نے،غزلفغاں،مکاں،نہاں،نشاں،کہاں،گراں،اماں،جہاں،جواں،جاں،خزاں،دھواں،رواں،سماںadmin

کچھ توں احساسِ زیاں تھا پہلے

دل کا یہ حال کہاں تھا پہلے

اب تو جھونکے سے لرز اُٹھتا ہوں

نشۂ خوابِ گراں تھا پہلے

اب تو منزل بھی ہے خود گرمِ سفر

ہر قدم سنگِ نشاں تھا پہلے

سفرِ شوق کے فرسنگ نہ پوچھ

وقت بے قیدِ مکاں تھا پہلے

یہ الگ بات کہ غم راس ہے اب

اس میں اندیشۂ جاں تھا پہلے

یوں نہ گھبرائے ہوے پھرتے تھے

دل عجب کنجِ اماں تھا پہلے

اب بھی تو پاس نہیں ہے لیکن

اس قدر دور کہاں تھا پہلے

ڈیرے ڈالے ہیں بگولوں نے جہاں

اُس طرف چشمہ رواں تھا پہلے

اب وہ دریا، نہ وہ بستی، نہ وہ لوگ

کیا خبر کون کہاں تھا پہلے

ہر خرابہ یہ صدا دیتا ہے

میں بھی آباد مکاں تھا پہلے

اُڑ گئے شاخ سے یہ کہہ کے طیور

سرو اک شوخ جواں تھا پہلے

کیا سے کیا ہو گئی دنیا پیارے

تو وہیں پر ہے جہاں تھا پہلے

ہم نے آباد کیا ملکِ سخن

کیسا سنسان سماں تھا پہلے

ہم نے بخشی ہے خموشی کو زباں

درد مجبورِ فغاں تھا پہلے

ہم نے ایجاد کیا تیشۂ عشق

شعلہ پتھر میں نہاں تھا پہلے

ہم نے روشن کیا معمورۂ غم

ورنہ ہر سمت دھواں تھا پہلے

ہم نے محفوظ کیا حسنِ بہار

عطرِ گل صرفِ خزاں تھا پہلے

غم نے پھر دل کو جگایا ناصر

خانہ برباد کہاں تھا پہلے

ناصر کاظمی

خوفِ بے مہریٔ خزاں بھی ہے

اگست 4, 2018ناصر کاظمی،برگِ نے،غزلگراں،بیاں،جاں،خزاں،دھواں،رفتگاں،رواں،سماں،شررفشاںadmin

فکرِ تعمیرِ آشیاں بھی ہے

خوفِ بے مہریٔ خزاں بھی ہے

خاک بھی اُڑ رہی ہے رستوں میں

آمدِ صبح کا سماں بھی ہے

رنگ بھی اُڑ رہا ہے پھُولوں کا

غنچہ غنچہ شررفشاں بھی ہے

اوس بھی ہے کہیں کہیں لرزاں

بزمِ انجم دھواں دھواں بھی ہے

کچھ تو موسم بھی ہے خیال انگیز

کچھ طبیعت مری رواں بھی ہے

کچھ ترا حسن بھی ہے ہوش رُبا

کچھ مری شوخیٔ بیاں بھی ہے

ہر نفس شوق بھی ہے منزل کا

ہر قدم یادِ رفتگاں بھی ہے

وجہِ تسکیں بھی ہے خیال اُس کا

حد سے بڑھ جائے تو گراں بھی ہے

زندگی جس کے دم سے ہے ناصر

یاد اُس کی عذابِ جاں بھی ہے

ناصر کاظمی

وہ دیکھا ہے جہاں دیکھا نہ جائے

اگست 4, 2018ناصر کاظمی،برگِ نے،غزلفغاں،مہرباں،کارواں،آسماں،جہاں،جاں،دھواں،رواں،زماں،سماںadmin

کسے دیکھیں کہاں دیکھا نہ جائے

وہ دیکھا ہے جہاں دیکھا نہ جائے

مری بربادیوں پر رونے والے

تجھے محوِ فغاں دیکھا نہ جائے

زمیں لوگوں سے خالی ہو رہی ہے

یہ رنگِ آسماں دیکھا نہ جائے

سفر ہے اور غربت کا سفر ہے

غمِ صد کارواں دیکھا نہ جائے

کہیں آگ اور کہیں لاشوں کے انبار

بس اے دورِ زماں دیکھا نہ جائے

در و دیوار ویراں شمع مدھم

شبِ غم کا سماں دیکھا نہ جائے

پرانی صحبتیں یاد آ رہی ہیں

چراغوں کا دھواں دیکھا نہ جائے

بھری برسات خالی جا رہی ہے

سرِ ابرِ رواں دیکھا نہ جائے

کہیں تم اور کہیں ہم، کیا غضب ہے

فراقِ جسم و جاں دیکھا نہ جائے

وہی جو حاصلِ ہستی ہے ناصر

اُسی کو مہرباں دیکھا نہ جائے

ناصر کاظمی

کوئی ہے ڈھب کا ٹھکانہ کہاں ہم ایسوں کا

اکتوبر 1, 2017ماجِد نشان،ماجد صدیقی،غزلکہاں،رواںadmin

ماجد صدیقی ۔ غزل نمبر 3

نہ فرشِ خاک نہ باغِ جناں ہم ایسوں کا

کوئی ہے ڈھب کا ٹھکانہ کہاں ہم ایسوں کا

نہ پُختگی ہو جو عزم و عمل میں تو ماجِد

کوئی بھی کام ہو کیونکر رواں ہم ایسوں کا

ماجد صدیقی

موجۂ آبِ رواں یاد آئے

ستمبر 30, 2017ماجِد نشان،ماجد صدیقی،غزلکماں،بیاں،جناں،رواں،زیاں،شہاںadmin

ماجد صدیقی ۔ غزل نمبر 60

جب ترا لطفِ نہاں یاد آئے

موجۂ آبِ رواں یاد آئے

تجھ سے خسارہ پیار میں پا کے

سُود نہ کوئی زیاں یاد آئے

تیور جب بھی فلک کے دیکھوں

تجھ ابرو کی کماں یاد آئے

راج پاٹ جب دل کا جانچوں

تجھ سا رشکِ شہاں یاد آئے

ہاں ہاں ہر دو بچھڑے مجھ سے

بزم تری کہ جناں یاد آئے

چاند اور لہر کے ربط سے ماجِد

کس کا زورِ بیاں یاد آئے

ماجد صدیقی

چاند چہرے کا ہوتا اگر ضَونشاں کچھ بگڑنا نہ تھا

جون 29, 2017ماجد صدیقی،سُرخ لبوں کی آگ،غزلآسماں،حاسداں،رواں،زیاں،ضونشاںadmin

ماجد صدیقی ۔ غزل نمبر 19

دیکھتے گر ذرا ہنس کے اے مہرباں کچھ بگڑنا نہ تھا

چاند چہرے کا ہوتا اگر ضَونشاں کچھ بگڑنا نہ تھا

دو قدم ہم چلے تھے اگر دو قدم تم بھی چلتے ادھر

اس سے ہونا نہیں تھا کسی کا زیاں،کچھ بگڑنا نہ تھا

حسن کی کھنکھناتی ندی جانے کیوں ہم سے کھنچتی رہی

گھونٹ دو گھونٹ پینا تھا آبِ رواں، کچھ بگڑنا نہ تھا

بندھنوں سے بغاوت، قیامت کا باعث نہ ٹھہری کبھی

جس طرح کا ہے، رہتا وہی آسماں کچھ بگڑنا نہ تھا

تھوکنے سے بھلا رُوئے مہتاب پر فرق پڑنا تھا کیا

کُھل گئی اِس طرح نیّتِ حاسداں کچھ بگڑنا نہ تھا

ماجد صدیقی

اب ذکر بھی جس شخص کا چھالا ہے زباں کا

مئی 31, 2017ماجد صدیقی،شہر پناہ،غزلفغاں،مکاں،ماں،کماں،جناں،رواں،زباںadmin

ماجد صدیقی ۔ غزل نمبر 15

کس کس کے لئے تھا وہ سبب راحتِ جاں کا

اب ذکر بھی جس شخص کا چھالا ہے زباں کا

نخچیر کا خوں خاک میں کیوں جذب ہوا تھا

لاحق یہی احساس تھا چیتے کو زباں کا

کھو جانے لگے سُر جو لپکتے تھے فضا میں

پھر اب کے گلا سُوکھ چلا جُوئے رواں کا

دی دھاڑ سنائی ہمیں وحشت کی جدھر سے

رُخ موڑ دیا ہم نے اُسی سمت کماں کا

اوروں کو بھی دے کیوں نہ دکھائی وہ ہمِیں سا

جس خطۂ جاں پر ہے گماں باغِ جناں کا

سوچا ہے کبھی ہم سے چلن چاہے وہ کیسا

جس خاک کا برتاؤ ہے ہم آپ سے ماں کا

کیوں گھر کے تصّور سے اُبھرتا ہے نظر میں

نقشہ کسی آندھی میں گِھرے کچّے مکاں کا

بولے گا تو لرزائے گا ہر قلبِ تپاں کو

ماجدؔ نہ بدل پائے گا انداز فغاں کا

ماجد صدیقی

درپیش ہیں اِس دل کو زیاں اور طرح کے

مارچ 31, 2017ماجد صدیقی،غزل،غزل سرانشاں،کماں،رواں،زیاں،زباں،شہاںadmin

ماجد صدیقی ۔ غزل نمبر 42

رکھتا ہے کرم پر بھی گماں اور طرح کے

درپیش ہیں اِس دل کو زیاں اور طرح کے

اس دشتِ طلب میں کہ بگولے ہی جہاں ہیں

آتے ہیں نظر سروِ رواں اور طرح کے

تھا پیڑ جہاں قبر سی کھائی ہے وہاں اَب

سیلاب نے چھوڑے ہیں نشاں اور طرح کے

دل کا بھی کہا، خوف سے کٹنے کے نہ مانے

کرتی ہے ادا لفظ، زباں اور طرح کے

لگتا ہے کہ جس ہاتھ میں اَب کے یہ تنی ہے

دکھلائے کمالات کماں اور طرح کے

ہم لوگ فقط آہ بہ لب اور ہیں ماجدؔ

دربار میں آدابِ شہاں اور طرح کے

ماجد صدیقی

جو برگ ہے پہلو میں لئے خوفِ خزاں ہے

مارچ 31, 2017ماجد صدیقی،غزل،غزل سرانشاں،کاہکشاں،جہاں،خزاں،رواںadmin

ماجد صدیقی ۔ غزل نمبر 48

پیڑوں میں بھی پہلی سی طراوت وُہ کہاں ہے

جو برگ ہے پہلو میں لئے خوفِ خزاں ہے

مت پوچھ کہ ہے کیسے ستاروں سے مرتّب

آنکھوں کے اُفق پر جو سجی کاہکشاں ہے

سیلاب سا منظر ہے نظر جائے جدھر بھی

گھیراؤ میں موجوں کے ہے جو شخص جہاں ہے

اُس برگ سی تازہ ہے تمّنائے بقا بھی

جو ٹُوٹ کے ٹہنی سے سرِآب، رواں ہے

رنگین ہے صدیوں سے جو انساں کے لہو سے

ہر ہاتھ میں کیسا یہ تصادم کا نشاں ہے

ماجد صدیقی

ایسا بھی کبھی حشر گلستاں میں کہاں تھا

مارچ 31, 2017ماجد صدیقی،غزل،غزل سراکہاں،گماں،جاں،رواں،زباں،سگاں،شہاںadmin

ماجد صدیقی ۔ غزل نمبر 74

تھا جو بھی شجر عرش نشاں، فرش نشاں تھا

ایسا بھی کبھی حشر گلستاں میں کہاں تھا

کانٹوں پہ لرزتی تھی تمنّاؤں کی شبنم

چھالا سا ہر اِک لفظ سرِ نوکِ زباں تھا

ہونٹوں نے بھی لو، زہرِ خموشی سے چٹخ کر

سیکھا وُہی انداز جو مرغوبِ شہاں تھا

باز آئے گھٹانے سے نہ جو رزقِ گدا کو

اَب کے بھی سرِ شہر وُہی شورِ سگاں تھا

توصیف کا ہر حرف مثالِ خس و خاشاک

دیکھا ہے جہاں بھی پسِ شہ زور رواں تھا

غافل نظر آیا نہ کبھی وار سے اپنے

وُہ خوف کا خنجر جو قریبِ رگ جاں تھا

مجروح پرندوں سی جو پیوندِ زمیں ہے

ماجدؔ نگہِ شوق پہ کب ایسا گماں تھا

ماجد صدیقی

چہرہ ہے وہ کس کا جو سرِکاہکشاں ہے

فروری 28, 2017ماجد صدیقی،سخناب،غزلنشاں،کماں،رواں،زباں،سرکاہکشاں،عیاںadmin

ماجد صدیقی ۔ غزل نمبر 4

ہے کون جو آنکھوں میں مری عرش نشاں ہے

چہرہ ہے وہ کس کا جو سرِکاہکشاں ہے

مدّت سے جو صیّاد کے ہاتھوں میں ہے موزوں

فریاد سے کب ٹوٹنے والی وہ کماں ہے

صحرا سی مری پیاس پہ برسا نہ کسی پل

وہ ابر کہ ہر آن مرے سر پہ رواں ہے

ہم لوگ چلیں ساتھ کہاں اہلِ غرض کے

آتی ہی جنہیں ایک محبت کی زباں ہے

رنگین ہے صدیوں سے جو انساں کے لہو سے

ہر ہاتھ میں کیسا یہ تصادم کا نشاں ہے

ماجدؔ ہے تجھے ناز نکھر آنے پہ جس کے

تہذیب وہ اخبار کے صفحوں سے عیاں ہے

ماجد صدیقی

کسی پہلو تو ذکرِ گل رُخاں ہو

دسمبر 31, 2016ماجد صدیقی،تمازتیں،غزلپرنیاں،جاں،رواں،رخاں،زباں،ضوفشاںadmin

ماجد صدیقی ۔ غزل نمبر 6

مہک ہو یا میانِ لب فغاں ہو

کسی پہلو تو ذکرِ گل رُخاں ہو

زباں سے کُچھ سوا لطفِ بدن ہے

سراپا تم حریر و پرنیاں ہو

تمہارے حق میں کیا جانوں کہوں کیا

سُرورِ چشم ہو تم لطفِ جاں ہو

لپک کر لیں جسے پانی کی لہریں

کنارِ آب وہ سروِ رواں ہو

مرے افکار کی بنیادِ محکم

مرے جذبات کی ناطق زباں ہو

کبھی ماجدؔ کے حرفوں میں بھی اُترو

بڑی مُدّت سے تنہا ضوفشاں ہو

ماجد صدیقی

کچھ کہہ نہ سکے جو بھی میں اُس کی زباں ٹھہروں

نومبر 30, 2016ہوا کا تخت،ماجد صدیقی،غزلکہاں،بیاں،جہاں،جاں،رواں،زباںadmin

ماجد صدیقی ۔ غزل نمبر 17

نسبت وہ سخن سے ہو اِک نطق رواں ٹھہروں

کچھ کہہ نہ سکے جو بھی میں اُس کی زباں ٹھہروں

ایسا بھی کوئی منظر دکھلائیں تو دُنیا کو

تو گل بکنارِ جو، میں آبِ رواں ٹھہروں

اتنی تو مجھے آخر، اظہار کی فرصت دے

تو راز ہو سربستہ، میں تیرا بیاں ٹھہروں

ہر دم‘ دمِ عیسٰی ہے اپنا بھی، جو پہچانوں

ہوں عہد نئے پیدا، پل بھر کو جہاں ٹھہروں

یہ شہر تو اب جیسے اک شہرِ خموشاں ہے

کس در سے گزر جاؤں، ٹھہروں تو کہاں ٹھہروں

صورت مرے جینے کی ماجدؔ ہو صبا جیسی

نس نس میں گُلوں کی مَیں، اُتری ہوئی جاں ٹھہروں

ماجد صدیقی

گنگ ہے کیوں مری غزل کی زباں

نومبر 30, 2016ہوا کا تخت،ماجد صدیقی،غزلکہاں،کراں،گماں،بتاں،خزاں،رواں،زیاں،زباں،سناںadmin

ماجد صدیقی ۔ غزل نمبر 67

چھن گیا کیوں قلم سے حرفِ رواں

گنگ ہے کیوں مری غزل کی زباں

کس خدا کی پناہ میں ہوں کہ میں

بُھولتا جا رہا ہوں جورِ بتاں

کوئی جنبش تو سطح پر بھی ہو

کس طرح کا ہوں میں بھی آبِ رواں

پیلے پتّوں کو سبز کون کرے

کس سے رُک پائے گا یہ سیلِ خزاں

اب یہی روگ لے کے بیٹھے ہیں

ہم کہ تھا شغل جن کا جی کا زیاں

ہم کہ سیماب وار جیتے تھے

اب ہمیں پر ہے پتّھروں کا گماں

اب وہ چبھنا بھی اپنا خاک ہوا

ہم کہ تھے ہر نظر میں نوکِ سناں

ہے تکلم مرے پہ خندہ بہ لب

گونجتی خامشی کراں بہ کراں

یہ تو خدشہ ہمیں نہ تھا ماجدؔ

نرغۂ غم میں گھر گئے ہو کہاں

ماجد صدیقی

تو ہے عنوانِ دل، بیاں ہیں ہم

اکتوبر 31, 2016ماجد صدیقی،آغاز،غزلکارواں،گلستاں،بیاں،ترجمان،درمیاں،رواںadmin

ماجد صدیقی ۔ غزل نمبر 28

گل ہیں خوشبُو ہیں کہکشاں ہیں ہم

تو ہے عنوانِ دل، بیاں ہیں ہم

کل بھی تھا ساتھ ولولوں کا ہجوم

آج بھی میرِ کارواں ہیں ہم

اِک تمنّا کا ساتھ بھی تو نہیں

کس بھروسے پہ یوں رواں ہیں ہم

دل میں سہمی ہے آرزوئے حیات

کن بگولوں کے درمیاں ہیں ہم

جانتی ہیں ہمیں ہری شاخیں

زرد پتّوں کے ترجمان ہیں ہم

دل کا احوال کیا کہیں ماجدؔ

گو بظاہر تو گلستاں ہیں ہم

ماجد صدیقی

دیکھ تسکین کی صورت ہے کہاں آنکھوں میں

اکتوبر 31, 2016ماجد صدیقی،آغاز،غزلنگراں،کہاں،رواں،سماںadmin

ماجد صدیقی ۔ غزل نمبر 44

رات کٹتی ہے سلگتے، مری جاں آنکھوں میں

دیکھ تسکین کی صورت ہے کہاں آنکھوں میں

دلِ ناداں کی پیمبر ہیں اِنہیں دیکھ ذرا

ہے کوئی غم تری جانب نگراں آنکھوں میں

پہلوئے دل میں مہکتا ہے وہی اِک گل تر

تیرتا ہے وہی اِک ماہ رواں آنکھوں میں

نہ کسی غم کا چراغاں نہ کسی یاد کے دیپ

کب سے ماجدؔ ہے اندھیروں کا سماں آنکھوں میں

ماجد صدیقی

چھوڑتا ہی نہیں اندیشۂ جاں

اکتوبر 31, 2016ماجد صدیقی،آغاز،غزلکہاں،جاں،دھُواں،رواںadmin

ماجد صدیقی ۔ غزل نمبر 51

دل پہ چھایا ہے وہ احساسِ گراں

چھوڑتا ہی نہیں اندیشۂ جاں

جب بھی گزرے ہیں تری یاد میں دن

کھِل اُٹھے پھُول سرِ جوئے رواں

سُونا سُونا ہے نظر کا دامن

چھُپ گیا ہے وہ مرا چاند کہاں

شعلۂ گل سے دئیے تک ماجدؔ

اُٹھ رہا ہے مری آہوں کا دھُواں

ماجد صدیقی

کیا کہوں ذکر ترا کیسے رواں ہوتا ہے

اکتوبر 31, 2016ماجد صدیقی،آغاز،غزلجاں،رواں،رخاں،سماںadmin

ماجد صدیقی ۔ غزل نمبر 63

جب بھی ہوتا ہے بہ احساسِ گراں ہوتا ہے

کیا کہوں ذکر ترا کیسے رواں ہوتا ہے

بِن ترے بھی مجھے محسوس ہوا ہے اکثر

جیسے پہلو میں کوئی ماہِ رواں ہوتا ہے

دیکھتا ہوں گلِ تر روز، بعنوانِ دگر

روز دل سے گزرِ شعلہ رُخاں ہوتا ہے

زندگی میں غمِ جاناں کا یہی حال رہا

جِس طرح پھول سرِ جُوئے رواں ہوتا ہے

درد کی آخری حد چھو کے مَیں کیوں گھبراؤں

رات ڈھلتی ہے تو کچھ اور سماں ہوتا ہے

ایک ہم ہی نہیں ماجدؔ رُخِ بے رنگ لئے

جو بھی ہو شعلہ بیاں، سوختہ جاں ہوتا ہے

ماجد صدیقی

جیسے اک فتنہ بیدار، رواں خواب میں تھا

نومبر 2, 2015احمد فراز،شعراء،غزلہمسفراں،نگراں،جاں،رواں،سماںadmin

احمد فراز ۔ غزل نمبر 23

جانے نشّے میں کہ وہ آفت جاں خواب میں تھا

جیسے اک فتنہ بیدار، رواں خواب میں تھا

وہ سرِ شام، سمندر کا کنارا، ترا ساتھ

اب تو لگتا ہے کہ جیسے یہ سماں خواب میں تھا

جیسے یادوں کا دریچہ کوئی وا رہ جائے

اک ستارہ مری جانب نگراں خواب میں تھا

جب کھلی آنکھ تو میں تھا مری تنہائی تھی

وہ جو تھا قافلۂ ہمسفراں خواب میں تھا

ایسے قاتل کو کوئی ہاتھ لگاتا ہے فراز

شکر کر شکر کہ وہ دشمنِ جاں خواب میں تھا

احمد فراز

دل تھا برباد مگر جائے اماں تھا پہلے

اکتوبر 26, 2015شعراء،عرفان ستار،غزلنہاں،نگراں،یہاں،کہاں،کناں،گماں،اماں،بیاں،رواں،زیاں،زدگاں،سراں،عیاںadmin

عرفان ستار ۔ غزل نمبر 70

ایسا احوال محبت میں کہاں تھا پہلے

دل تھا برباد مگر جائے اماں تھا پہلے

ایک امکان میں روپوش تھا سارا عالم

میں بھی اُس گردِ تحیّر میں نہاں تھا پہلے

ایک خوشبو سی کیے رہتی تھی حلقہ میرا

یعنی اطراف کوئی رقص کناں تھا پہلے

اُس نے مجھ سا کبھی ہونے نہ دیا تھا مجھ کو

کیا تغیّر مری جانب نگراں تھا پہلے

اب فقط میرے سخن میں ہے جھلک سی باقی

ورنہ یہ رنگ تو چہرے سے عیاں تھا پہلے

کون مانے گا کہ مجھ ایسا سراپا تسلیم

سربرآوردۂ آشفتہ سراں تھا پہلے

کون یہ لوگ ہیں نا واقفِ آداب و لحاظ

تیرا کوچہ تو رہِ دل زدگاں تھا پہلے

اب تو اک دشتِ تمنا کے سوا کچھ بھی نہیں

کیسا قلزم میرے سینے میں رواں تھا پہلے

اب کہیں جا کے یہ گیرائی ہوئی ہے پیدا

تجھ سے ملنا تو توجہ کا زیاں تھا پہلے

میں نے جیسے تجھے پایا ہے وہ میں جانتا ہوں

اب جو تُو ہے یہ فقط میرا گماں تھا پہلے

جانے ہے کس کی اداسی مری وحشت کی شریک

مجھ کو معلوم نہیں کون یہاں تھا پہلے

دل ترا راز کسی سے نہیں کہنے دیتا

ورنہ خود سے یہ تعلق بھی کہاں تھا پہلے

اب جو رہتا ہے سرِ بزمِ سخن مہر بہ لب

یہی عرفانؔ عجب شعلہ بیاں تھا پہلے

عرفان ستار

ہم کسی شے کو بھی موجود کہاں چاہتے ہیں

اکتوبر 26, 2015شعراء،عرفان ستار،غزلمکاں،نگراں،نظراں،کہاں،گراں،اماں،رواں،زیاں،سخناںadmin

عرفان ستار ۔ غزل نمبر 46

سرِ صحرائے یقیں شہرِ گماں چاہتے ہیں

ہم کسی شے کو بھی موجود کہاں چاہتے ہیں

جس سے اٹھتے ہیں قدم راہِ جنوں خیز میں تیز

ہم بھی شانے پہ وہی بارِ گراں چاہتے ہیں

رُخ نہ کر جانبِ دنیا کہ اسیرانِ نظر

تجھ کو ہر دم اسی جانب نگراں چاہتے ہیں

ایسے گرویدہ کہاں ہیں لب و رخسار کے ہم

ہم تو بس قربتِ شیریں سخناں چاہتے ہیں

چاہتے ہیں کہ وہ تا عمر رہے پیشِ نظر

ایک تصویر سرِ آبِ رواں چاہتے ہیں

جس میں سیراب ہیں آنکھیں جہاں آباد ہیں دل

ہم اُسی شہرِ تخیل میں مکاں چاہتے ہیں

رازِ ہستی سے جو پردہ نہیں اُٹھتا، نہ اُٹھے

آپ کیوں اپنے تجسس کا زیاں چاہتے ہیں

شام ہوتے ہیں لگاتے ہیں درِ دل پہ صدا

آبلہ پا ہیں، اکیلے ہیں، اماں چاہتے ہیں

دُور عرفانؔ رہو اُن سے کہ جو اہلِ سخن

التفاتِ نگۂ کم نظراں چاہتے ہیں

عرفان ستار

مگر جو کچھ نہیں، وہ سب یہاں باقی رہے گا

اکتوبر 26, 2015شعراء،عرفان ستار،غزلمکاں،یہاں،گماں،آسماں،بیاں،بادباں،خانماں،درمیاں،رواں،سائباں،عاشقاںadmin

عرفان ستار ۔ غزل نمبر 9

یہاں جو ہے کہاں اُس کا نشاں باقی رہے گا

مگر جو کچھ نہیں، وہ سب یہاں باقی رہے گا

سفر ہو گا سفر کی منزلیں معدوم ہوں گی

مکاں باقی نہ ہو گا لا مکاں باقی رہے گا

کبھی قریہ بہ قریہ اور کبھی عالم بہ عالم

غبارِ ہجرتِ بے خانماں باقی رہے گا

ہمارے ساتھ جب تک درد کی دھڑکن رہے گی

ترے پہلو میں ہونے کا گماں باقی رہے گا

بہت بے اعتباری سے گزر کر دل ملے ہیں

بہت دن تک تکلف درمیاں باقی رہے گا

رہے گا آسماں جب تک زمیں باقی رہے گی

زمیں قائم ہے جب تک آسماں باقی رہے گا

یہ دنیا حشر تک آباد رکھی جا سکے گی

یہاں ہم سا جو کوئی خوش بیاں باقی رہے گا

جنوں کو ایسی عمرِ جاوداں بخشی گئی ہے

قیامت تک گروہِ عاشقاں باقی رہے گا

تمدن کو بچا لینے کی مہلت اب کہاں ہے

سر گرداب کب تک بادباں باقی رہے گا

کنارہ تا کنارہ ہو کوئی یخ بستہ چادر

مگر تہہ میں کہیں آبِ رواں باقی رہے گا

ہمارا حوصلہ قائم ہے جب تک سائباں ہے

خدا جانے کہاں تک سائباں باقی رہے گا

تجھے معلوم ہے یا کچھ ہمیں اپنی خبر ہے

سو ہم مر جائیں گے تُو ہی یہاں باقی رہے گا

عرفان ستار

ہے آگ جامہ زیب۔۔دھواں بے لباس ہے

اکتوبر 23, 2015Jaun Elia،جون ایلیا،شعراء،غزلہوں۔۔فغاں،مکاں،کہاں،جہاں،جاں،رواں،زیاں،زیب۔۔دھواںadmin

جون ایلیا ۔ غزل نمبر 218

بخشش ہوا یقین۔۔گماں بے لباس ہے

ہے آگ جامہ زیب۔۔دھواں بے لباس ہے

ہے یہ فضا ہزار لباسوں کا اک لباس

جو بے لباس ہے وہ کہاں بے لباس ہے

ملبوس تار تارِ نفس ہے زیانِ سود

سُودِ زیان یہ ہے کہ زیاں بے لباس ہے

محمل نشینِ رنگ! کوئی پوستینِ رنگ

ریگِ رواں ہوں۔۔ریگِ رواں بے لباس ہے

اب پارہ پارہ پوششِ گفتار بھی نہیں

ہیں سانس بے رفو سو زیاں بے لباس ہے

صد جامہ پوش جس کا ہے جسم برہنہ ابھی

خلوت سرائے جاں میں وہ جاں بے لباس ہے

ہے دل سے ہر نفس ہوسِ دید کا سوال

خلوت ہے وہ کہاں۔۔وہ جہاں بے لباس ہے

ہے بُود اور نبود میں پوشش نہ پیرہن

یاراں مکین کیا کہ مکاں بے لباس ہے

تُو خود ہی دیکھ رنگِ بدن اپنا جوش رنگ

تُو اپنے ہر لباس میں جاں بے لباس ہے

غم کی برہنگی کو کہاں سے جُڑے لباس

میں لب سیے ہوئے ہوں۔۔فغاں بے لباس ہے

جون ایلیا

جانِ جاں ، جانانِ جاں ، افسوس میں

اکتوبر 23, 2015Jaun Elia،جون ایلیا،شعراء،غزلگہاں،گماں،گراں،آسماں،آشیاں،اماں،جاوداں،جاں،خزاں،دھواں،داستاں،رواں،سماںadmin

جون ایلیا ۔ غزل نمبر 108

سود ہے میرا زیاں ، افسوس میں

جانِ جاں ، جانانِ جاں ، افسوس میں

رائگانی میں نے سونپی ہے تجھے

اے مری عمرِ رواں ، افسوس میں

اے جہانِ بے گمان و صد گماں

میں ہوں اوروں کا گماں ، افسوس میں

نا بہ ہنگامی ہے میری زندگی

میں ہوں ہر دم نا گہاں ، افسوس میں

زندگی ہے داستاں افسوس کی

میں ہوں میرِ داستاں ، افسوس میں

اپنے برزن اپنے ہی بازار میں

اپنے حق میں ہوں گراں ، افسوس میں

گم ہوا اور بے نہائت گم ہوا

مجھ میں ہے میرا سماں ، افسوس میں

میرے سینے میں چراغِ زندگی

میری انکھوں میں دھواں ، افسوس میں

مجھ کو جز پرواز کوئی چارہ نہیں

ہوں میں اپنا آشیاں ، افسوس میں

ہے وہ مجھ میں بے اماں ، افسوس وہ

ہوں میں اس میں بے اماں ، افسوس میں

خود تو میں ہوں یک نفس کا ماجرا

میرا غم ہے جاوداں ، افسوس میں

ایک ہی تو باغِ حسرت ہے میرا

ہوں میں اس کی ہی خزاں ، افسوس میں

اے زمین و آسماں ،، افسوس تم

اے زمین و آسماں ، افسوس میں

جون ایلیا

کرتے ہیں مَحبّت تو گزرتا ہے گماں اور

اکتوبر 8, 2015مرزا اسد اللہ خان غالب،اساتذہ،غزلہاں،فشاں،فغاں،نہاں،کماں،گماں،گراں،بیاں،جاں،رواں،زباںadmin

دیوانِ غالب ۔ غزل نمبر 120

ہے بس کہ ہر اک ان کے اشارے میں نشاں اور

کرتے ہیں مَحبّت تو گزرتا ہے گماں اور

یارب وہ نہ سمجھے ہیں نہ سمجھیں گے مری بات

دے اور دل ان کو، جو نہ دے مجھ کو زباں اور

ابرو سے ہے کیا اس نگہِ ناز کو پیوند

ہے تیر مقرّر مگر اس کی ہے کماں اور

تم شہر میں ہو تو ہمیں کیا غم، جب اٹھیں گے

لے آئیں گے بازار سے جا کر دل و جاں اور

ہر چند سُبُک دست ہوئے بت شکنی میں

ہم ہیں، تو ابھی راہ میں ہیں سنگِ گراں اور

ہے خوںِ جگر جوش میں دل کھول کے روتا

ہوتے جو کئی دیدۂ خو نبانہ فشاں اور

مرتا ہوں اس آواز پہ ہر چند سر اڑ جائے

جلاّد کو لیکن وہ کہے جائیں کہ ’ہاں اور‘

لوگوں کو ہے خورشیدِ جہاں تاب کا دھوکا

ہر روز دکھاتا ہوں میں اک داغِ نہاں اور

لیتا، نہ اگر دل تمھیں دیتا، کوئی دم چین

کرتا، جو نہ مرتا، کوئی دن آہ و فغاں اور

پاتے نہیں جب راہ تو چڑھ جاتے ہیں نالے

رُکتی ہے مری طبع، تو ہوتی ہے رواں اور

ہیں اور بھی دنیا میں سخنور بہت اچھّے

کہتے ہیں کہ غالب کا ہے اندازِ بیاں اور

مرزا اسد اللہ خان غالب

کہ یہ پیرانہ سر جاہل جواں ہے

اکتوبر 7, 2015میر تقی میر،اساتذہ،غزلمہرباں،نشاں،کہاں،کماں،آستاں،آشیاں،جواں،جاں،رواںadmin

دیوان ششم غزل 1911

فلک کرنے کے قابل آسماں ہے

کہ یہ پیرانہ سر جاہل جواں ہے

گئے ان قافلوں سے بھی اٹھی گرد

ہماری خاک کیا جانیں کہاں ہے

بہت نامہرباں رہتا ہے یعنی

ہمارے حال پر کچھ مہرباں ہے

ہمیں جس جاے کل غش آگیا تھا

وہیں شاید کہ اس کا آستاں ہے

مژہ ہر اک ہے اس کی تیز ناوک

خمیدہ بھوں جو ہے زوریں کماں ہے

اسے جب تک ہے تیر اندازی کا شوق

زبونی پر مری خاطر نشاں ہے

چلی جاتی ہے دھڑکوں ہی میں جاں بھی

یہیں سے کہتے ہیں جاں کو رواں ہے

اسی کا دم بھرا کرتے رہیں گے

بدن میں اپنے جب تک نیم جاں ہے

پڑا ہے پھول گھر میں کاہے کو میر

جھمک ہے گل کی برق آشیاں ہے

میر تقی میر

نہ شب کو مہلت نہ دن کو فرصت دمادم آنکھوں سے خوں رواں ہے

اکتوبر 7, 2015میر تقی میر،اساتذہ،غزلکہاں،جہاں،جواں،دہاں،رواں،زماں،زیاںadmin

دیوان ششم غزل 1891

کہو سو کریے علاج اپنا طپیدن دل بلاے جاں ہے

نہ شب کو مہلت نہ دن کو فرصت دمادم آنکھوں سے خوں رواں ہے

تلاش دل کی جو دلبری سے ہمارے پاس آ تمھیں رہے ہے

ستم رسیدہ شکستہ وہ دل گیا بھی خوں ہوکے یاں کہاں ہے

کڑھا کریں ہیں ہوا ہے مورد جہان اجسام جب سے اپنا

غم جدائی جہان جاں کا ہمارے دل میں جہاں جہاں ہے

نہیں جو دیکھا ہے ہم نے اس کو ہوا ہے نقصان جان اپنا

ادھر نہ دیکھے ہے وہ کبھو تو نگہ کا اس کی مگر زیاں ہے

بجا بھی ہے جو نہ ہووے مائل نگار سیر چمن کا ہرگز

گلوں میں ہمدم ہو کوئی اس کا سو کس کا ایسا لب و دہاں ہے

کسے ہے رنج و غم و الم سے دماغ سر کے اٹھانے کا اب

مصیبت اس کے زمانے میں تو ہمارے اوپر زماں زماں ہے

نہیں ہے اب میر پیر اتنا جو ذکر حق سے تو منھ چھپاوے

پگاہ نعرہ زنی کیا کر ابھی تو نام خدا جواں ہے

میر تقی میر

حیرت سے آفتاب جہاں کا تہاں رہا

اکتوبر 7, 2015میر تقی میر،اساتذہ،غزلمہرباں،میہماں،کہاں،تہاں،جہاں،جواں،جاں،خانماں،رواںadmin

دیوان ششم غزل 1807

اب یار دوپہر کو کھڑا ٹک جو یاں رہا

حیرت سے آفتاب جہاں کا تہاں رہا

جو قافلے گئے تھے انھوں کی اٹھی بھی گرد

کیا جانیے غبار ہمارا کہاں رہا

سوکھی پڑی ہیں آنکھیں مری دیر سے جو اب

سیلاب ان ہی رخنوں سے مدت رواں رہا

اعضا گداز عشق سے ایک ایک بہ گئے

اب کیا رہا ہے مجھ میں جو میں نیم جاں رہا

منعم کا گھر تمادی ایام میں بنا

سو آپ ایک رات ہی واں میہماں رہا

اس کے فریب لطف پہ مت جا کہ ہمنشیں

وہ دیر میرے حال پہ بھی مہرباں رہا

اب در پہ اس کے گھر کے گرا ہوں وگر نہ میں

مدت خرابہ گرد ہی بے خانماں رہا

ہے جان تو جہان ہے مشہور ہے مثل

کیا ہے گئے پہ جان کے گو پھر جہاں رہا

ترک شراب خانہ ہے پیری میں ورنہ میر

ترسا بچوں ہی میں رہا جب تک جواں رہا

میر تقی میر

مرنا تمام ہو نہ سکا نیم جاں ہوا

اکتوبر 6, 2015میر تقی میر،اساتذہ،غزلفغاں،لامکاں،مہرباں،مغاں،کہاں،گراں،امتحاں،آشیاں،جواں،جاں،خانماں،رواں،زیاں،سماںadmin

دیوان ششم غزل 1793

میں رنج عشق کھینچے بہت ناتواں ہوا

مرنا تمام ہو نہ سکا نیم جاں ہوا

بستر سے اپنے اٹھ نہ سکا شب ہزار حیف

بیمار عشق چار ہی دن میں گراں ہوا

شاید کہ دل تڑپنے سے زخم دروں پھٹا

خونناب میری آنکھوں سے منھ پر رواں ہوا

غیر از خدا کی ذات مرے گھر میں کچھ نہیں

یعنی کہ اب مکان مرا لامکاں ہوا

مستوں میں اس کی کیسی تعین سے ہے نشست

شیشہ ہوا نہ کیف کا پیر مغاں ہوا

سائے میں تاک کے مجھے رکھا اسیر کر

صیاد کے کرم سے قفس آشیاں ہوا

ہم نے نہ دیکھا اس کو سو نقصان جاں کیا

ان نے جو اک نگاہ کی اس کا زیاں ہوا

ٹک رکھ لے ہاتھ تن میں نہیں اور جاے زخم

بس میرے دل کا یار جی اب امتحاں ہوا

وے تو کھڑے کھڑے مرے گھر آ کے پھر گئے

میں بے دیار و بیدل و بے خانماں ہوا

گردش نے آسماں کی عجائب کیا سلوک

پیر کبیر جب میں ہوا وہ جواں ہوا

مرغ چمن کی نالہ کشی کچھ خنک سی تھی

میں آگ دی چمن کو جو گرم فغاں ہوا

دو پھول لاکے پھینک دیے میری گور پر

یوں خاک میں ملا کے مجھے مہرباں ہوا

سر کھینچا دود دل نے جہاں تیرہ ہو گیا

دم بھر میں صبح زیر فلک کیا سماں ہوا

کہتے ہیں میر سے کہیں اوباش لڑ گئے

ہنگامہ ان سے ایسا الٰہی کہاں ہوا

میر تقی میر

تسکیں نہیں ہے جان کو آب رواں سے بھی

اکتوبر 6, 2015میر تقی میر،اساتذہ،غزلیاں،پیرمغاں،آسماں،جہاں،جاں،رواں،زباںadmin

دیوان چہارم غزل 1518

ہوتی نہیں تسلی دل گلستاں سے بھی

تسکیں نہیں ہے جان کو آب رواں سے بھی

تا یہ گرفتہ وا ہو کہاں لے کے جائیے

آئے ہیں اس کی غنچگی میں تنگ جاں سے بھی

آگے تھی شوخی ہم سے کنایوں میں چپ تھے ہم

مشکل ہے اب برا لگے کہنے زباں سے بھی

ہر چند دست بیع جواناں ہوں میں ولے

اک اعتقاد رکھتا ہوں پیرمغاں سے بھی

جھنجھلاہٹ اور غصے میں ہجران یار کے

جھگڑا ہمیں رہے ہے زمیں آسماں سے بھی

دنیا سے درگذر کہ گذرگہ عجب ہے یہ

درپیش یعنی میر ہے جانا جہاں سے بھی

لشکر میں ہے مبیت اسی بات کے لیے

کہتے ہیں لوگ کوچ ہے کل صبح یاں سے بھی

میر تقی میر

نکلی ہے مگر تازہ کوئی شاخ کماں میں

اکتوبر 6, 2015میر تقی میر،اساتذہ،غزلفغاں،کماں،خزاں،رواں،زباںadmin

دیوان چہارم غزل 1445

ہے وضع کشیدہ کا جو شور اس کے جہاں میں

نکلی ہے مگر تازہ کوئی شاخ کماں میں

ہر طور میں ہم حرف و سخن لاگ سے دل کی

کیا کیا کہیں ہیں مرغ چمن اپنی زباں میں

کیا بائو نے بھی دست تطاول کو دیا طول

پھیلے پڑے ہیں پھول ہی سب اب کے خزاں میں

خوش رنگ ہے کس مرتبہ انہار کا پانی

خوناب مری چشم کا ہے آب رواں میں

روئو مرے احوال پہ جوں ابر بہت میر

بے طاقتی بجلی کی سی ہے آہ و فغاں میں

میر تقی میر

پیدا ہے عشق کشتے کا اس کے نشاں ہنوز

اکتوبر 6, 2015میر تقی میر،اساتذہ،غزلناتواں،نشاں،آسماں،جاں،داستاں،رواں،زباںadmin

دیوان چہارم غزل 1394

ہے زیرخاک لاشۂ عاشق طپاں ہنوز

پیدا ہے عشق کشتے کا اس کے نشاں ہنوز

گردش سے اس کی خاک برابر ہوئی ہے خلق

استادہ روے خاک پہ ہے آسماں ہنوز

اس تک پہنچنے کا تو نہیں حال کچھ ولے

جاتے ہیں گرتے پڑتے بھی ہم ناتواں ہنوز

پروانہ جل کے خاک ہوا پھر اڑا کیا

اے شمع تیری رہتی نہیں ہے زباں ہنوز

چندیں ہزار جانیں گئیں اس کی راہ میں

ایک آدھ تو بھی مر رہے ہیں نیم جاں ہنوز

مدت ہوئی کہ خوار ہو گلیوں میں مر گئے

قصہ ہمارے عشق کا ہے داستاں ہنوز

لخت جگر کے غم میں کہ تھا لعل پارہ میر

رخسار زرد پر ہے مرے خوں رواں ہنوز

میر تقی میر

کی عشق نے خرابی سے اس خانداں کی طرح

اکتوبر 6, 2015میر تقی میر،اساتذہ،غزللامکاں،مہرباں،ناتواں،کماں،آسماں،آشیاں،خانداں،رواں،زیاںadmin

دیوان چہارم غزل 1374

کیا ہم بیاں کسو سے کریں اپنے ہاں کی طرح

کی عشق نے خرابی سے اس خانداں کی طرح

جوں سبزہ چل چمن میں لب جو پہ سیر کر

عمر عزیز جاتی ہے آب رواں کی طرح

جو سقف بے عمد ہو نہیں اس کا اعتماد

کس خانماں خراب نے کی آسماں کی طرح

اثبات بے ثباتی ہوا ہوتا آگے تو

کیوں اس چمن میں ڈالتے ہم آشیاں کی طرح

اب کہتے ہیں بلا ہے ستم کش یہ پیرگی

قد جو ہوا خمیدہ ہمارا کماں کی طرح

نقصان جاں صریح تھا سودے میں عشق کے

ہم جان کر نکالی ہے جی کے زیاں کی طرح

دل کو جو خوب دیکھا تو ہو کا مکان ہے

ہے اس مکاں میں ساری وہی لامکاں کی طرح

کل دیکھ آفتاب کو رویا ہوں دیر تک

غصے میں ایسی ہی تھی مرے مہرباں کی طرح

جاوے گا اپنی بھول طرح داری میر وہ

کچھ اور ہو گئی جو کسو ناتواں کی طرح

میر تقی میر

اب کیسے لوگ آئے زمیں آسماں کے بیچ

اکتوبر 6, 2015میر تقی میر،اساتذہ،غزلگلستاں،پاسباں،آسماں،آستاں،آشیاں،استخواں،دودماں،رواں،زباںadmin

دیوان چہارم غزل 1370

آگے تو رسم دوستی کی تھی جہاں کے بیچ

اب کیسے لوگ آئے زمیں آسماں کے بیچ

میں بے دماغ عشق اٹھا سو چلا گیا

بلبل پکارتی ہی رہی گلستاں کے بیچ

تحریک چلنے کی ہے جو دیکھو نگاہ کر

ہیئت کو اپنی موجوں میں آب رواں کے بیچ

کیا میل ہو ہما کی پس از مرگ میری اور

ہے جاے گیر عشق کی تب استخواں کے بیچ

کیا جانوں لوگ کہتے ہیں کس کو سرور قلب

آیا نہیں یہ لفظ تو ہندی زباں کے بیچ

طالع سے بن گئی کہ ہم اس مہ کنے گئے

بگڑی تھی رات اس کے سگ و پاسباں کے بیچ

اتنی جبین رگڑی کہ سنگ آئینہ ہوا

آنے لگا ہے منھ نظر اس آستاں کے بیچ

خوگر ہوئے ہیں عشق کی گرمی سے خار و خس

بجلی پڑی رہی ہے مرے آشیاں کے بیچ

اس روے برفروختہ سے جی ڈرے ہے میر

یہ آگ جا لگے گی کسو دودماں کے بیچ

میر تقی میر

پر کیا ہی دل کو لگتی ہے اس بد زباں کی بات

اکتوبر 6, 2015میر تقی میر،اساتذہ،غزلمہرباں،کہاں،دہاں،رواں،زباںadmin

دیوان چہارم غزل 1365

کرتا ہے گرچہ یاروں سے وہ ٹیڑھی بانکی بات

پر کیا ہی دل کو لگتی ہے اس بد زباں کی بات

تھی بحر کی سی لہر کہ آئی چلی گئی

پہنچی ہے اس سرے تئیں طبع رواں کی بات

اب تو وفا و مہر کا مذکور ہی نہیں

تم کس سمیں کی کہتے ہو ہے یہ کہاں کی بات

مرغ اسیر کہتے تھے کس حسرتوں سے ہائے

ہم بھی کبھی سنیں گے گلوں کے دہاں کی بات

شب باش ان نے کہتے ہیں آنے کہا ہے میر

دن اچھے ہوں تو یہ بھی ہو اس مہرباں کی بات

میر تقی میر

صدشکر کہ مستی میں جانا نہ کہاں آیا

اکتوبر 6, 2015میر تقی میر،اساتذہ،غزلفغاں،کہاں،گراں،جہاں،رواں،زیاں،سماںadmin

دیوان چہارم غزل 1338

ہم کوے مغاں میں تھے ماہ رمضاں آیا

صدشکر کہ مستی میں جانا نہ کہاں آیا

گو قدر محبت میں تھی سہل مری لیکن

سستا جو بکا میں تو مجھ کو بھی گراں آیا

رسم اٹھ گئی دنیا سے اک بار مروت کی

کیا لوگ زمیں پر ہیں کیسا یہ سماں آیا

یہ نفع ہوا نقصاں چاہت میں کیا جی کا

کی ایک نگہ ان نے سو جی کا زیاں آیا

بلبل بھی تو نالاں تھی پر سارے گلستاں میں

اک آگ پھنکی میں جب سرگرم فغاں آیا

طائر کی بھی رہتی ہے پھر جان چمن ہی میں

گل آئے جہاں وہ بھی جوں آب رواں آیا

خلوت ہی رہا کی ہے مجلس میں تو یوں اس کی

ہوتا ہے جہاں یک جا میں میر جہاں آیا

میر تقی میر

بلبل نے بھی نہ طور گلوں کا بیاں کیا

اکتوبر 6, 2015میر تقی میر،اساتذہ،غزلامتحاں،بیاں،بدزباں،جہاں،جاں،رواں،زیاںadmin

دیوان سوم غزل 1079

میں گلستاں میں آ کے عبث آشیاں کیا

بلبل نے بھی نہ طور گلوں کا بیاں کیا

پھر اس کے ابرواں کا خم و تاب ہے وہی

تلوار کے تلے بھی مرا امتحاں کیا

دوں کس کو دوش دشمن جانی تھی دوستی

اس سودے میں صریح میں نقصان جاں کیا

گالی ہے حرف یار قلم نے قضا کے ہائے

صورت نکالی خوب ولے بدزباں کیا

اس جنس خوش کے پیچھے کھپا میں چوائو کیا

میں نے کسو کا کیا کیا اپنا زیاں کیا

لڑکے جہان آباد کے یک شہر کرتے ناز

آجاتے ہیں بغل میں اشارہ جہاں کیا

میں منتظر جواب کا نامے کے مر گیا

ناچار میر جان کو اودھر رواں کیا

میر تقی میر

سو یوں رہے کہ جیسے کوئی میہماں رہے

اکتوبر 6, 2015میر تقی میر،اساتذہ،غزلمہرباں،میہماں،نہاں،نشاں،یاں،کہاں،آسماں،جہاں،جاں،درمیاں،رواں،زباں،سماںadmin

دیوان دوم غزل 1004

یاں ہم براے بیت جو بے خانماں رہے

سو یوں رہے کہ جیسے کوئی میہماں رہے

تھا ملک جن کے زیرنگیں صاف مٹ گئے

تم اس خیال میں ہو کہ نام و نشاں رہے

آنسو چلے ہی آنے لگے منھ پہ متصل

کیا کیجے اب کہ راز محبت نہاں رہے

ہم جب نظر پڑیں تو وہ ابرو کو خم کرے

تیغ اپنے اس کے کب تئیں یوں درمیاں رہے

کوئی بھی اپنے سر کو کٹاتا ہے یوں ولے

جوں شمع کیا کروں جو نہ میری زباں رہے

یہ دونوں چشمے خون سے بھر دوں تو خوب ہے

سیلاب میری آنکھوں سے کب تک رواں رہے

دیکھیں تو مصر حسن میں کیا خواریاں کھنچیں

اب تک تو ہم عزیز رہے ہیں جہاں رہے

مقصود گم کیا ہے تب ایسا ہے اضطراب

چکر میں ورنہ کاہے کو یوں آسماں رہے

کیا اپنی ان کی تم سے بیاں کیجیے معاش

کیں مدتوں رکھا جو تنک مہرباں رہے

گہ شام اس کے مو سے ہے گہ رو سے اس کے صبح

تم چاہو ہو کہ ایک سا ہی یاں سماں رہے

کیا نذر تیغ عشق سرِتیر میں کیا

اس معرکے میں کھیت بہت خستہ جاں رہے

اس تنگناے دہر میں تنگی نفس نے کی

جوں صبح ایک دم ہی رہے ہم جو یاں رہے

اک قافلے سے گرد ہماری نہ ٹک اٹھی

حیرت ہے میر اپنے تئیں ہم کہاں رہے

میر تقی میر

ہما کے آشیانے میں جلیں ہیں استخواں میرے

اکتوبر 6, 2015میر تقی میر،اساتذہ،غزلمہرباں،کہاں،کارواں،آسماں،استخواں،جہاں،جواں،خارآشیاں،داستاں،رواں،عیاںadmin

دیوان دوم غزل 974

وہی شورش موئے پر بھی ہے اب تک ساتھ یاں میرے

ہما کے آشیانے میں جلیں ہیں استخواں میرے

عزیزاں غم میں اپنے یوسفؑ گم گشتہ کے ہر دم

چلے جاتے ہیں آنسو کارواں در کارواں میرے

تمھاری دشمنی ہم دوستوں سے لا نہایت ہے

وگرنہ انتہا کینے کو بھی ہے مہرباں میرے

لب و لہجہ غزل خوانی کا کس کو آج کل ایسا

گھڑی بھر کو ہوئے مرغ چمن ہم داستاں میرے

نظر مت بے پری پر کر کہ آں سوے جہاں پھر ہوں

ہوئے پرواز کے قابل یہ ٹوٹے پر جہاں میرے

کہاں تک سر کو دیواروں سے یوں مارا کرے کوئی

رکھوں اس در پہ پیشانی نصیب ایسے کہاں میرے

مجھے پامال کر یکساں کیا ہے خاک سے تو بھی

وہی رہتا ہے صبح و شام درپے آسماں میرے

خزاں کی بائو سے حضرت میں گلشن کے تطاول تھا

تبرک ہو گئے یک دست خارآشیاں میرے

کہا میں شوق میں طفلان تہ بازار کے کیا کیا

سخن مشتاق ہیں اب شہر کے پیر و جواں میرے

زمیں سر پر اٹھا لی کبک نے رفتار رنگیں سے

خراماں ناز سے ہو تو بھی اے سرو رواں میرے

سخن کیا میر کریے حسرت و اندوہ و حرماں سے

بیاں حاجت نہیں حالات ہیں سارے عیاں میرے

میر تقی میر

اس آتش خاموش کا ہے شور جہاں میں

اکتوبر 6, 2015میر تقی میر،اساتذہ،غزلمکاں،نشاں،جہاں،جواں،دکاں،رواں،زباںadmin

دیوان دوم غزل 908

معلوم نہیں کیا ہے لب سرخ بتاں میں

اس آتش خاموش کا ہے شور جہاں میں

یوسفؑ کے تئیں دیکھ نہ کیوں بند ہوں بازار

یہ جنس نکلتی نہیں ہر اک کی دکاں میں

یک پرچۂ اشعار سے منھ باندھے سبھوں کے

جادو تھا مرے خامے کی گویا کہ زباں میں

یہ دل جو شکستہ ہے سو بے لطف نہیں ہے

ٹھہرو کوئی دم آن کے اس ٹوٹے مکاں میں

میں لگ کے گلے خوب ہی رویا لب جو پر

ملتی تھی طرح اس کی بہت سرو رواں میں

کیا قہر ہوا دل جو دیا لڑکوں کو میں نے

چرچا ہے یہی شہر کے اب پیر و جواں میں

وے یاسمن تازہ شگفتہ میں کہاں میر

پائے گئے لطف اس کے جو پائوں کے نشاں میں

میر تقی میر

جی لگ رہا ہے خار و خس آشیاں کی اور

اکتوبر 6, 2015میر تقی میر،اساتذہ،غزلمکاں،ناتواں،آسماں،آشیاں،جہاں،جواں،جاں،دہاں،رواں،زباںadmin

دیوان دوم غزل 811

چمکی ہے جب سے برق سحر گلستاں کی اور

جی لگ رہا ہے خار و خس آشیاں کی اور

وہ کیا یہ دل لگے ہے فنا میں کہ رفتگاں

منھ کرکے بھی نہ سوئے کبھو پھر جہاں کی اور

رنگ سخن تو دیکھ کہ حیرت سے باغ میں

رہ جاتے ہیں گے دیکھ کے گل اس دہاں کی اور

آنکھیں سی کھل ہی جائیں گی جو مر گیا کوئی

دیکھا نہ کر غضب سے کسو خستہ جاں کی اور

کیا بے خبر ہے رفتن رنگین عمر سے

جوے چمن میں دیکھ ٹک آب رواں کی اور

یاں تاب سعی کس کو مگر جذب عشق کا

لاوے اسی کو کھینچ کسو ناتواں کی اور

یارب ہے کیا مزہ سخن تلخ یار میں

رہتے ہیں کان سب کے اسی بد زباں کی اور

یا دل وہ دیدنی تھی جگہ یا کہ تجھ بغیر

اب دیکھتا نہیں ہے کوئی اس مکاں کی اور

آیا کسے تکدر خاطر ہے زیرخاک

جاتا ہے اکثر اب تو غبار آسماں کی اور

کیا حال ہو گیا ہے ترے غم میں میر کا

دیکھا گیا نہ ہم سے تو ٹک اس جواں کی اور

میر تقی میر

لاتا ہے تازہ آفت تو ہر زماں زمیں پر

اکتوبر 6, 2015میر تقی میر،اساتذہ،غزلمہرباں،مکاں،ناتواں،نشاں،یاں،کہاں،آسماں،استخواں،جہاں،جاں،رواں،زماں،عیاںadmin

دیوان دوم غزل 802

رفتار میں یہ شوخی رحم اے جواں زمیں پر

لاتا ہے تازہ آفت تو ہر زماں زمیں پر

آنکھیں لگی رہیں گی برسوں وہیں سبھوں کی

ہو گا قدم کا تیرے جس جا نشاں زمیں پر

میں مشت خاک یارب بارگران غم تھا

کیا کہیے آ پڑا ہے اک آسماں زمیں پر

آنکھیں ہی بچھ رہی ہیں لوگوں کی تیری رہ میں

ٹک دیکھ کر قدم رکھ اے کام جاں زمیں پر

خاک سیہ سے یکساں ہر ایک ہے کہے تو

مارا اٹھا فلک نے سارا جہاں زمیں پر

چشمے کہیں ہیں جوشاں جوئیں کہیں ہیں جاری

جوں ابر ہم نہ روئے اس بن کہاں زمیں پر

آتا نہ تھا فرو سرجن کا کل آسماں سے

ہیں ٹھوکروں میں ان کے آج استخواں زمیں پر

جو کوئی یاں سے گذرا کیا آپ سے نہ گذرا

پانی رہا کب اتنا ہوکر رواں زمیں پر

پھر بھی اٹھالی سر پر تم نے زمیں سب آکر

کیا کیا ہوا تھا تم سے کچھ آگے یاں زمیں پر

کچھ بھی مناسبت ہے یاں عجز واں تکبر

وے آسمان پر ہیں میں ناتواں زمیں پر

پست و بلند یاں کا ہے اور ہی طرف سے

اپنی نظر نہیں ہے کچھ آسماں زمیں پر

قصر جناں تو ہم نے دیکھا نہیں جو کہیے

شاید نہ ہووے دل سا کوئی مکاں زمیں پر

یاں خاک سے انھوں کی لوگوں نے گھر بنائے

آثار ہیں جنھوں کے اب تک عیاں زمیں پر

کیا سر جھکا رہے ہو میر اس غزل کو سن کر

بارے نظر کرو ٹک اے مہرباں زمیں پر

میر تقی میر

ہر گام پر تلف ہوئے آب رواں کی طرح

اکتوبر 6, 2015میر تقی میر،اساتذہ،غزلفغاں،مکاں،کہاں،آشیاں،جواں،جاں،خواں،دہاں،رواں،زباںadmin

دیوان دوم غزل 793

آنے کی اپنے کیا کہیں اس گلستاں کی طرح

ہر گام پر تلف ہوئے آب رواں کی طرح

کیا میں ہی چھیڑ چھیڑ کے کھاتا ہوں گالیاں

اچھی لگے ہے سب کو مرے بد زباں کی طرح

آگے تو بے طرح نہ کبھو کہتے تھے ہمیں

اب تازہ یہ نکالی ہے تم نے کہاں کی طرح

یہ شور دل خراش کب اٹھتا تھا باغ میں

سیکھے ہے عندلیب بھی ہم سے فغاں کی طرح

کرتے تو ہو ستم پہ نہیں رہنے کے حواس

کچھ اور ہو گئی جو کسو خستہ جاں کی طرح

نقشہ الٰہی دل کا مرے کون لے گیا

کہتے ہیں ساری عرش میں ہے اس مکاں کی طرح

مرغ چمن نے زور رلایا سبھوں کے تیں

میری غزل پڑھی تھی شب اک روضہ خواں کی طرح

لگ کر گلے سے اس کے بہت میں بکا کیا

ملتی تھی سرو باغ میں کچھ اس جواں کی طرح

جو کچھ نہیں تو بجلی سے ہی پھول پڑ گیا

ڈالی چمن میں ہم نے اگر آشیاں کی طرح

یہ باتیں رنگ رنگ ہماری ہیں ورنہ میر

آجاتی ہے کلی میں کبھو اس دہاں کی طرح

میر تقی میر

تیر و کماں ہے ہاتھ میں سینہ نشاں ہے اب

اکتوبر 6, 2015میر تقی میر،اساتذہ،غزلناتواں،نشاں،اماں،جہاں،جواں،رواں،زباں،سماں،عیاںadmin

دیوان دوم غزل 770

وہ جو کشش تھی اس کی طرف سے کہاں ہے اب

تیر و کماں ہے ہاتھ میں سینہ نشاں ہے اب

اتنا بھی منھ چھپانا خط آئے پہ وجہ کیا

لڑکا نہیں ہے نام خدا تو جواں ہے اب

پھول اس چمن کے دیکھتے کیا کیا جھڑے ہیں ہائے

سیل بہار آنکھوں سے میری رواں ہے اب

جن و ملک زمین و فلک سب نکل گئے

بارگران عشق و دل ناتواں ہے اب

نکلی تھی اس کی تیغ ہوئے خوش نصیب لوگ

گردن جھکائی میں تو سنا یہ اماں ہے اب

زردی رنگ ہے غم پوشیدہ پر دلیل

دل میں جو کچھ ہے منھ سے ہمارے عیاں ہے اب

پیش از دم سحر مرا رونا لہو کا دیکھ

پھولے ہے جیسے سانجھ وہی یاں سماں ہے اب

نالاں ہوئی کہ یاد ہمیں سب کو دے گئی

گلشن میں عندلیب ہماری زباں ہے اب

برسوں ہوئے گئے اسے پر بھولتا نہیں

یادش بخیر میر رہے خوش جہاں ہے اب

میر تقی میر

انداز سخن کا سبب شور و فغاں تھا

اکتوبر 6, 2015میر تقی میر،اساتذہ،غزلفغاں،نہاں،نگراں،نشاں،کہاں،بیاں،تواں،جہاں،رواںadmin

دیوان دوم غزل 718

یہ میر ستم کشتہ کسو وقت جواں تھا

انداز سخن کا سبب شور و فغاں تھا

جادو کی پڑی پرچۂ ابیات تھا اس کا

منھ تکیے غزل پڑھتے عجب سحر بیاں تھا

جس راہ سے وہ دل زدہ دلی میں نکلتا

ساتھ اس کے قیامت کا سا ہنگامہ رواں تھا

افسردہ نہ تھا ایسا کہ جوں آب زدہ خاک

آندھی تھی بلا تھا کوئی آشوب جہاں تھا

کس مرتبہ تھی حسرت دیدار مرے ساتھ

جو پھول مری خاک سے نکلا نگراں تھا

مجنوں کو عبث دعوی وحشت ہے مجھی سے

جس دن کہ جنوں مجھ کو ہوا تھا وہ کہاں تھا

غافل تھے ہم احوال دل خستہ سے اپنے

وہ گنج اسی کنج خرابی میں نہاں تھا

کس زور سے فرہاد نے خارا شکنی کی

ہر چند کہ وہ بے کس و بے تاب و تواں تھا

گو میر جہاں میں کنھوں نے تجھ کو نہ جانا

موجود نہ تھا تو تو کہاں نام و نشاں تھا

میر تقی میر

بلبل نے کیا سمجھ کر یاں آشیاں بنایا

اکتوبر 6, 2015میر تقی میر،اساتذہ،غزلمکاں،نشاں،یاں،کہاں،آسماں،آستاں،آشیاں،جہاں،خاکداں،دہاں،رواںadmin

دیوان دوم غزل 716

لے رنگ بے ثباتی یہ گلستاں بنایا

بلبل نے کیا سمجھ کر یاں آشیاں بنایا

اڑتی ہے خاک یارب شام و سحر جہاں میں

کس کے غبار دل سے یہ خاکداں بنایا

اک رنگ پر نہ رہنا یاں کا عجب نہیں ہے

کیا کیا نہ رنگ لائے تب یہ جہاں بنایا

آئینے میں کہاں ہے ایسی صفا کہے تو

جبہوں سے راستوں کے وہ آستاں بنایا

سرگشتہ ایسی کس کی ہاتھ آگئی تھی مٹی

جو چرخ زن قضا نے یہ آسماں بنایا

نقش قدم سے اس کے گلشن کی طرح ڈالی

گرد رہ اس کی لے کر سرو رواں بنایا

ہونے پہ جمع اپنے پھولا بہت تھا لیکن

کیا غنچہ تنگ آیا جب وہ دہاں بنایا

اس صحن پر یہ وسعت اللہ رے تیری صنعت

معمار نے قضا کے دل کیا مکاں بنایا

دل ٹک ادھر نہ آیا ایدھر سے کچھ نہ پایا

کہنے کو ترک لے کر اک سوانگ یاں بنایا

دریوزہ کرتے گذری گلیوں میں عمر اپنی

درویش کب ہوئے ہم تکیہ کہاں بنایا

وہ تو مٹا گیا تھا تربت بھی میر جی کی

دو چار اینٹیں رکھ کر پھر میں نشاں بنایا

میر تقی میر

ٹہنی جو زرد بھی ہے سو شاخ زعفراں ہے

اکتوبر 6, 2015میر تقی میر،اساتذہ،غزلکہاں،جاں،داستاں،درمیاں،رواں،زباں،زعفراں،سماں،عیاںadmin

دیوان اول غزل 585

نازچمن وہی ہے بلبل سے گو خزاں ہے

ٹہنی جو زرد بھی ہے سو شاخ زعفراں ہے

گر اس چمن میں وہ بھی اک ہی لب ودہاں ہے

لیکن سخن کا تجھ سے غنچے کو منھ کہاں ہے

ہنگام جلوہ اس کے مشکل ہے ٹھہرے رہنا

چتون ہے دل کی آفت چشمک بلاے جاں ہے

پتھر سے توڑنے کے قابل ہے آرسی تو

پر کیا کریں کہ پیارے منھ تیرا درمیاں ہے

باغ و بہار ہے وہ میں کشت زعفراں ہوں

جو لطف اک ادھر ہے تو یاں بھی اک سماں ہے

ہر چند ضبط کریے چھپتا ہے عشق کوئی

گذرے ہے دل پہ جو کچھ چہرے ہی سے عیاں ہے

اس فن میں کوئی بے تہ کیا ہو مرا معارض

اول تو میں سند ہوں پھر یہ مری زباں ہے

عالم میں آب و گل کا ٹھہرائو کس طرح ہو

گر خاک ہے اڑے ہے ورآب ہے رواں ہے

چرچا رہے گا اس کا تاحشر مے کشاں میں

خونریزی کی ہماری رنگین داستاں ہے

ازخویش رفتہ اس بن رہتا ہے میر اکثر

کرتے ہو بات کس سے وہ آپ میں کہاں ہے

میر تقی میر

ہوں میں چراغ کشتہ باد سحر کہاں ہے

اکتوبر 6, 2015میر تقی میر،اساتذہ،غزلنشاں،کہاں،آسماں،آشیاں،جہاں،جواں،دہاں،رواں،زباںadmin

دیوان اول غزل 574

دو سونپ دود دل کو میرا کوئی نشاں ہے

ہوں میں چراغ کشتہ باد سحر کہاں ہے

بیٹھا جگر سے اپنے کھینچوں ہوں اس کے پیکاں

جینے کی اور سے تو خاطر مری نشاں ہے

روشن ہے جل کے مرنا پروانے کا ولیکن

اے شمع کچھ تو کہہ تو تیرے بھی تو زباں ہے

بھڑکے ہے آتش گل اے ابرتر ترحم

گوشے میں گلستاں کے میرا بھی آشیاں ہے

ہم زمزمہ تو ہو کے مجھ نالہ کش سے چپ رہ

اے عندلیب گلشن تیرا لب و دہاں ہے

کس دور میں اٹھایا مجھ سینہ سوختہ کو

پیوند ہو زمیں کا جیسا یہ آسماں ہے

کتنی ہی جی نے تجھ سے لی خاک گر اڑائی

وابستگی کر اس سے پر وہی جہاں ہے

ہے قتل گاہ کس کی کوچہ ترا ستمگر

یک عمر خضر ہو گئی خوں متصل رواں ہے

پیرمغاں سعادت تیری جو ایسا آوے

یہ میر مے کشوں میں اک طرز کا جواں ہے

میر تقی میر

شیخ کیوں مست ہوا ہے تو کہاں ہے شیشہ

اکتوبر 6, 2015میر تقی میر،اساتذہ،غزلمغاں،نشاں،یاں،کہاں،گراں،جواں،دہاں،رواںadmin

دیوان اول غزل 422

دل پر خوں ہے یہاں تجھ کو گماں ہے شیشہ

شیخ کیوں مست ہوا ہے تو کہاں ہے شیشہ

شیشہ بازی تو تنک دیکھنے آ آنکھوں کی

ہر پلک پر مرے اشکوں سے رواں ہے شیشہ

روسفیدی ہے نقاب رخ شور مستی

ریش قاضی کے سبب پنبہ دہاں ہے شیشہ

منزل مستی کو پہنچے ہے انھیں سے عالم

نشۂ مے بلد و سنگ نشاں ہے شیشہ

درمیاں حلقۂ مستاں کے شب اس کی جا تھی

دور ساغر میں مگر پیر مغاں ہے شیشہ

جاکے پوچھا جو میں یہ کارگہ مینا میں

دل کی صورت کا بھی اے شیشہ گراں ہے شیشہ

کہنے لاگے کہ کدھر پھرتا ہے بہکا اے مست

ہر طرح کا جو تو دیکھے ہے کہ یاں ہے شیشہ

دل ہی سارے تھے پہ اک وقت میں جو کرکے گداز

شکل شیشے کی بنائے ہیں کہاں ہے شیشہ

جھک گیا دیکھ کے میں میر اسے مجلس میں

چشم بد دور طرحدار جواں ہے شیشہ

میر تقی میر

کیا جانے منھ سے نکلے نالے کے کیا سماں ہو

اکتوبر 6, 2015میر تقی میر،اساتذہ،غزلفشاں،کہاں،کارواں،گماں،امتحاں،آسماں،آستاں،آشیاں،جہاں،جواں،درمیاں،رواں،سماں،سرگراںadmin

دیوان اول غزل 383

اے چرخ مت حریف اندوہ بے کساں ہو

کیا جانے منھ سے نکلے نالے کے کیا سماں ہو

کب تک گرہ رہے گا سینے میں دل کے مانند

اے اشک شوق اک دم رخسار پر رواں ہو

ہم دور ماندگاں کی منزل رساں مگر اب

یا ہو صدا جرس کی یا گرد کارواں ہو

مسند نشین ہو گر عرصہ ہے تنگ اس پر

آسودہ وہ کسو کا جو خاک آستاں ہو

تاچند کوچہ گردی جیسے صبا زمیں پر

اے آہ صبح گاہی آشوب آسماں ہو

گر ذوق سیر ہے تو آوارہ اس چمن میں

مانند عندلیب گم کردہ آشیاں ہو

یہ جان تو کہ ہے اک آوارہ دست بردل

خاک چمن کے اوپر برگ خزاں جہاں ہو

کیا ہے حباب ساں یاں آ دیکھ اپنی آنکھوں

گر پیرہن میں میرے میرا تجھے گماں ہو

از خویش رفتہ ہر دم رہتے ہیں ہم جو اس بن

کہتے ہیں لوگ اکثر اس وقت تم کہاں ہو

پتھر سے توڑ ڈالوں آئینے کو ابھی میں

گر روے خوبصورت تیرا نہ درمیاں ہو

اس تیغ زن سے کہیو قاصد مری طرف سے

اب تک بھی نیم جاں ہوں گر قصد امتحاں ہو

کل بت کدے میں ہم نے دھولیں لگائیاں ہیں

کعبے میں آج زاہد گو ہم پہ سرگراں ہو

ہمسایہ اس چمن کے کتنے شکستہ پر ہیں

اتنے لیے کہ شاید اک بائو گل فشاں ہو

میر اس کو جان کر تو بے شبہ ملیو رہ پر

صحرا میں جو نمد مو بیٹھا کوئی جواں ہو

میر تقی میر

اک آگ مرے دل میں ہے جو شعلہ فشاں ہوں

اکتوبر 6, 2015میر تقی میر،اساتذہ،غزلفشاں،نہاں،یاں،کہاں،گراں،بتاں،جہاں،خزاں،رواں،زباںadmin

دیوان اول غزل 321

میں کون ہوں اے ہم نفساں سوختہ جاں ہوں

اک آگ مرے دل میں ہے جو شعلہ فشاں ہوں

لایا ہے مرا شوق مجھے پردے سے باہر

میں ورنہ وہی خلوتی راز نہاں ہوں

جلوہ ہے مجھی سے لب دریاے سخن پر

صد رنگ مری موج ہے میں طبع رواں ہوں

پنجہ ہے مرا پنجۂ خورشید میں ہر صبح

میں شانہ صفت سایہ رو زلف بتاں ہوں

دیکھا ہے مجھے جن نے سو دیوانہ ہے میرا

میں باعث آشفتگی طبع جہاں ہوں

تکلیف نہ کر آہ مجھے جنبش لب کی

میں صد سخن آغشتہ بہ خوں زیر زباں ہوں

ہوں زرد غم تازہ نہالان چمن سے

اس باغ خزاں دیدہ میں میں برگ خزاں ہوں

رکھتی ہے مجھے خواہش دل بسکہ پریشاں

درپے نہ ہو اس وقت خدا جانے کہاں ہوں

اک وہم نہیں بیش مری ہستی موہوم

اس پر بھی تری خاطر نازک پہ گراں ہوں

خوش باشی و تنزیہ و تقدس تھے مجھے میر

اسباب پڑے یوں کہ کئی روز سے یاں ہوں

میر تقی میر

پر مل چلا کرو بھی کسو خستہ جاں سے تم

اکتوبر 6, 2015میر تقی میر،اساتذہ،غزلمکاں،کہاں،پاسباں،امتحاں،جہاں،جاں،داستاں،رواں،زباںadmin

دیوان اول غزل 278

جانا کہ شغل رکھتے ہو تیر و کماں سے تم

پر مل چلا کرو بھی کسو خستہ جاں سے تم

ہم اپنی چاک جیب کو سی رہتے یا نہیں

پھاٹے میں پائوں دینے کو آئے کہاں سے تم

اب دیکھتے ہیں خوب تو وہ بات ہی نہیں

کیا کیا وگرنہ کہتے تھے اپنی زباں سے تم

تنکے بھی تم ٹھہرتے کہیں دیکھے ہیں تنک

چشم وفا رکھو نہ خسان جہاں سے تم

جائو نہ دل سے منظر تن میں ہے جا یہی

پچھتائوگے اٹھوگے اگر اس مکاں سے تم

قصہ مرا سنوگے تو جاتی رہے گی نیند

آرام چشم مت رکھو اس داستاں سے تم

کھل جائیں گی پھر آنکھیں جو مر جائے گا کوئی

آتے نہیں ہو باز مرے امتحاں سے تم

جتنے تھے کل تم آج نہیں پاتے اتنا ہم

ہر دم چلے ہی جاتے ہو آب رواں سے تم

رہتے نہیں ہو بن گئے میر اس گلی میں رات

کچھ راہ بھی نکالو سگ و پاسباں سے تم

میر تقی میر

پر مطلقاً کہیں ہم اس کا نشاں نہ پایا

اکتوبر 6, 2015میر تقی میر،اساتذہ،غزلنشاں،کہاں،کماں،آستاں،جہاں،درمیاں،رواںadmin

دیوان اول غزل 90

یاں نام یار کس کا ورد زباں نہ پایا

پر مطلقاً کہیں ہم اس کا نشاں نہ پایا

وضع کشیدہ اس کی رکھتی ہے داغ سب کو

نیوتا کسو سے ہم وہ ابرو کماں نہ پایا

پایا نہ یوں کہ کریے اس کی طرف اشارت

یوں تو جہاں میں ہم نے اس کو کہاں نہ پایا

یہ دل کہ خون ہووے برجا نہ تھا وگرنہ

وہ کون سی جگہ تھی اس کو جہاں نہ پایا

فتنے کی گرچہ باعث آفاق میں وہی تھی

لیکن کمر کو اس کی ہم درمیاں نہ پایا

محروم سجدہ آخر جانا پڑا جہاں سے

جوش جباہ سے ہم وہ آستاں نہ پایا

ایسی ہے میر کی بھی مدت سے رونی صورت

چہرے پہ اس کے کس دن آنسو رواں نہ پایا

میر تقی میر

القصہ رفتہ رفتہ دشمن ہوا ہے جاں کا

اکتوبر 6, 2015میر تقی میر،اساتذہ،غزلہاں،ناتواں،واں،کہاں،گلستاں،امتحاں،آسماں،آستاں،آشیاں،استخواں،بان،بدزباں،جہاں،جواں،جھان،جاں،خواں،رواں،شادماںadmin

دیوان اول غزل 25

شکوہ کروں میں کب تک اس اپنے مہرباں کا

القصہ رفتہ رفتہ دشمن ہوا ہے جاں کا

گریے پہ رنگ آیا قید قفس سے شاید

خوں ہو گیا جگر میں اب داغ گلستاں کا

لے جھاڑو ٹوکرا ہی آتا ہے صبح ہوتے

جاروب کش مگر ہے خورشید اس کے ہاں کا

دی آگ رنگ گل نے واں اے صبا چمن کو

یاں ہم جلے قفس میں سن حال آشیاں کا

ہر صبح میرے سر پر اک حادثہ نیا ہے

پیوند ہو زمیں کا شیوہ اس آسماں کا

ان صید افگنوں کا کیا ہو شکار کوئی

ہوتا نہیں ہے آخر کام ان کے امتحاں کا

تب تو مجھے کیا تھا تیروں سے صید اپنا

اب کرتے ہیں نشانہ ہر میرے استخواں کا

فتراک جس کا اکثر لوہو میں تر رہے ہے

وہ قصد کب کرے ہے اس صید ناتواں کا

کم فرصتی جہاں کے مجمع کی کچھ نہ پوچھو

احوال کیا کہوں میں اس مجلس رواں کا

سجدہ کریں ہیں سن کر اوباش سارے اس کو

سید پسر وہ پیارا ہے گا امام بانکا

ناحق شناسی ہے یہ زاہد نہ کر برابر

طاعت سے سو برس کی سجدہ اس آستاں کا

ہیں دشت اب یہ جیتے بستے تھے شہر سارے

ویرانۂ کہن ہے معمورہ اس جہاں کا

جس دن کہ اس کے منھ سے برقع اٹھے گا سنیو

اس روز سے جہاں میں خورشید پھر نہ جھانکا

ناحق یہ ظلم کرنا انصاف کہہ پیارے

ہے کون سی جگہ کا کس شہر کا کہاں کا

سودائی ہو تو رکھے بازار عشق میں پا

سر مفت بیچتے ہیں یہ کچھ چلن ہے واں کا

سو گالی ایک چشمک اتنا سلوک تو ہے

اوباش خانہ جنگ اس خوش چشم بدزباں کا

یا روئے یا رلایا اپنی تو یوں ہی گذری

کیا ذکر ہم صفیراں یاران شادماں کا

قید قفس میں ہیں تو خدمت ہے نالگی کی

گلشن میں تھے تو ہم کو منصب تھا روضہ خواں کا

پوچھو تو میر سے کیا کوئی نظر پڑا ہے

چہرہ اتر رہا ہے کچھ آج اس جواں کا

میر تقی میر

ہو گیا جزوِ زمین و آسماں ، کیا پوچھئے

نومبر 18, 2013آفتاب اقبال شمیمنہاں،آسماں،بیاں،بدگماں،داستاں،رواں،رائیگاں،زیاںadmin

آفتاب اقبال شمیم ۔ غزل نمبر 103

مردِ نسیاں بُرد کا نام و نشاں کیا پوچھئے

ہو گیا جزوِ زمین و آسماں ، کیا پوچھئے

نامقرر راستوں کی سیرِ ممنوعہ کے بعد

کیوں ہنسی کے ساتھ آنسو ہیں رواں، کیا پوچھئے

ہر نئے ظاہر میں پوشیدہ ہے اک ظاہر نیا

ایک حیرت ہے نہاں اندر نہاں کیا پوچھئے

خود کو نامشہور کرنے کے یہی تو ڈھنگ ہیں

آفتاب اقبال کا طرزِ بیاں کیا پوچھئے

کیوں اُسے پرتوں کی پرتیں کھو جنا اچھا لگے

کیوں کئے جاتا ہے کارِ رائیگاں کیا پوچھئے

لیکھ ہی ایسا تھا یا آدرش میں کچھ کھوٹ تھی

زندگی ہم سے رہی کیوں بدگماں کیا پوچھئے

ہم نے سمجھا یا تو تھا لیکن وہ سمجھا ہی نہیں

آج کا یہ سود ہے کل کا زیاں کیا پوچھئے

ہم سبھی جس داستاں کے فالتو کردار ہیں

زندگی ہے ایک ایسی داستاں ، کیا پوچھئے

آفتاب اقبال شمیم

وہ معجزہ جو وہاں ہوا ہے یہاں بھی ہو گا

نومبر 15, 2013آفتاب اقبال شمیممہرباں،یہاں،دشمناں،رواں،زیاں،عیاںadmin

آفتاب اقبال شمیم ۔ غزل نمبر 27

یہ وقت آساں ، کبھی عدو پر گراں بھی ہو گا

وہ معجزہ جو وہاں ہوا ہے یہاں بھی ہو گا

یہی سجھائے ہمیں یہ ٹھہرا ہوا ستارہ

کہ جو بظاہر رُکا ہوا ہے رواں بھی ہو گا

اگر سفر میں رہا نہ آگے سے اور آگے

تو پھر وہ شہرِ مثال ہم پر عیاں بھی ہو گا

اُداس مت ہو خدا اگر واقعی خدا ہے

ضرور اِن بستیوں پہ وہ مہرباں بھی ہو گا

چلو تو یاروں کی چاہتیں ساتھ لیتے جاؤ

کہ راستے میں قبیلۂ دشمناں بھی ہو گا

بگاڑ بیٹھے ہو دل سے ان دنیا داریوں میں

کہا نہ تھا ایسے فائدے میں زیاں بھی ہو گا

آفتاب اقبال شمیم

یہ ایک صبح تو ہے سیرِ بوستاں کے لیے

مارچ 5, 2012فردا،مجید امجد،غزلہمرہاں،ناں،بوستاں،بیاں،بےمکاں،جہاں،جاں،رفتگاں،رواں،رائیگاںadmin

مجید امجد ۔ غزل نمبر 179

بچا کے رکھا ہے جس کو غروبِ جاں کے لیے

یہ ایک صبح تو ہے سیرِ بوستاں کے لیے

چلیں کہیں تو سیہ دل زمانوں میں ہوں گی

فراغتیں بھی اس اک صدقِ رائیگاں کے لیے

لکھے ہیں لوحوں پہ جو مردہ لفظ، ان میں جییں

اس اپنی زیست کے اسرار کے بیاں کے لیے

پکارتی رہی ہنسی، بھٹک گئے ریوڑ

نئے گیاہ، نئے چشمۂ رواں کے لیے

سحر کو نکلا ہوں مینہ میں اکیلا کس کے لیے؟

درخت، ابر، ہوا، بوئے ہمرہاں کے لیے

سوادِ نور سے دیکھیں تو تب سراغ ملے

کہ کس مقام کی ظلمت ہے کس جہاں کے لیے

تو روشنی کے ملیدے میں رزق کی خاطر

میں روشنائی کے گودے میں آب و ناں کے لیے

ترس رہے ہیں سدا خشت خشت لمحوں کے دیس

جو میرے دل میں ہے اس شہرِ بےمکاں کے لیے

یہ نین، جلتی لووں، جیتی نیکیوں والے

گھنے بہشتوں کا سایہ ہیں ارضِ جاں کے لیے

ضمیرِ خاک میں خفتہ ہے میرا دل امجد

کہ نیند مجھ کو ملی خوابِ رفتگاں کے لیے

مجید امجد

جہاں اندر جہاں ہے اور میں ہوں

مارچ 2, 2012مجید امجد،روزِ رفتہ،غزلفغاں،گراں،تپاں،جہاں،خزاں،رواںadmin

مجید امجد ۔ غزل نمبر 61

ضمیرِ رازداں ہے اور میں ہوں

جہاں اندر جہاں ہے اور میں ہوں

درِ پیرِ مغاں ہے اور میں ہوں

وہی رطلِ گراں ہے اور میں ہوں

وہی دورِ زماں ہے اور میں ہوں

وہی رسمِ فغاں ہے اور میں ہوں

فریبِ رنگ و بو ہے اور تم ہو

بہارِ صد خزاں ہے اور میں ہوں

جہاں ہے اور سکوتِ نیم شب ہے

مرا قلبِ تپاں ہے اور میں ہوں

یہ دو ساتھی نہ جانے کب بچھڑ جائیں

مری عمر رواں ہے اور میں ہوں

مجید امجد

یہ میرے ساتھ کا بچہ جواں ابھی تک ہے

جنوری 14, 2012عرفان صدیقی،غزلکارواں،جواں،حکمراں،درمیاں،رواںadmin

عرفان صدیقی ۔ غزل نمبر 330

جو سر پہ کل تھا وہی آسماں ابھی تک ہے

یہ میرے ساتھ کا بچہ جواں ابھی تک ہے

کسی جزیرے پہ شاید مجھے بھی پھینک آئے

سمندروں پہ ہوا حکمراں ابھی تک ہے

یہاں سے پیاسوں کے خیمے تو اٹھ گئے کب کے

یہ کیوں رکی ہوئی جوئے رواں ابھی تک ہے

تو رہزنوں کو بھی توفیقِ خواب دے یارب

کہ دشتِ شب میں مرا کارواں ابھی تک ہے

میں کس طرح مرے قاتل گلے لگاؤں تجھے

یہ تیر تیرے مرے درمیاں ابھی تک ہے

عرفان صدیقی

کیا سمندر ہے کہ اک موج رواں سے کم ہے

جنوری 14, 2012عرفان صدیقی،غزلناں،گراں،جہاں،جاں،رواںadmin

عرفان صدیقی ۔ غزل نمبر 327

ساعتِ وصل بھی عمر گزراں سے کم ہے

کیا سمندر ہے کہ اک موج رواں سے کم ہے

ہے بہت کچھ مری تعبیر کی دُنیا تجھ میں

پھر بھی کچھ ہے کہ جو خوابوں کے جہاں سے کم ہے

جان کیا دیجئے اس دولتِ دُنیا کے لیے

ہم فقیروں کو جو اک پارۂ ناں سے کم ہے

وادیِ ہو میں پہنچتا ہوں بیک جستِ خیال

دشتِ افلاک مری وحشتِ جاں سے کم ہے

میں وہ بسمل ہوں کہ بچنا نہیں اچھا جس کا

ویسے خطرہ ہنرِ چارہ گراں سے کم ہے

عرفان صدیقی

سارا منظر مرے خوابوں کے جہاں جیسا ہے

جنوری 14, 2012عرفان صدیقی،غزلگراں،جہاں،جاں،دھواں،رواںadmin

عرفان صدیقی ۔ غزل نمبر 316

پھول چہروں پہ سویروں کا سماں جیسا ہے

سارا منظر مرے خوابوں کے جہاں جیسا ہے

کیسا موسم ہے کوئی پیاس کا رشتہ بھی نہیں

میں بیاباں ہوں، نہ وہ ابرِ رواں جیسا ہے

تو یہاں تھا تو بہت کچھ تھا اسی شہر کے پاس

اب جو کچھ ہے وہ مرے قریۂ جاں جیسا ہے

جان بچنے پہ یہ شکرانہ ضروری ہے‘ مگر

جانتا ہوں ہنرِ چارہ گراں جیسا ہے

جوئے مہتاب تو میلی نہیں ہوتی‘ شاید

آج کچھ میری ہی آنکھوں میں دھواں جیسا ہے

عرفان صدیقی

ہم لوگ بھی اے دل زدگاں عیش کریں گے

جنوری 12, 2012عرفان صدیقی،غزلگماں،بتاں،بدناں،رواں،زدگاںadmin

عرفان صدیقی ۔ غزل نمبر 287

سر ہونے دو یہ کارِ جہاں عیش کریں گے

ہم لوگ بھی اے دل زدگاں عیش کریں گے

کچھ عرض کریں گے تب و تابِ خس و خاشاک

آجا‘ کہ ذرا برقِ بتاں عیش کریں گے

اب دل میں شرر کوئی طلب کا‘ نہ ہوس کا

اس خاک پہ کیا خوش بدناں عیش کریں گے

کچھ دور تو بہتے چلے جائیں گے بھنور تک

کچھ دیر سرِ آبِ رواں عیش کریں گے

اس آس پہ سچائی کے دن کاٹ رہے ہیں

آتی ہے شبِ وہم و گماں عیش کریں گے

عرفان صدیقی

سوچئے وہ شہر کیا ہو گا جہاں میں ہی نہیں

جنوری 9, 2012عرفان صدیقی،غزلفغاں،نامہرباں،یہاں،گماں،انگلیاں،جہاں،داستاں،رواں،رائیگاںadmin

عرفان صدیقی ۔ غزل نمبر 201

دیکھئے جو دشت زندہ ہے دم آہو سے ہے

سوچئے وہ شہر کیا ہو گا جہاں میں ہی نہیں

خار و خس بھی ہیں تری موج ہوا کے شکوہ سنج

باغ میں اے موسم نامہرباں میں ہی نہیں

اب ادھورا چھوڑنا ممکن نہیں اے قصہ گو

ساری دنیا سن رہی ہے داستاں میں ہی نہیں

سایۂ آسیب وحشت دوسرے گھر میں بھی ہے

تیرا قیدی اے شب وہم و گماں میں ہی نہیں

تیرے اک جانے سے یہ لشکر بھی پیاسا مر نہ جائے

تشنہ لب صحرا میں اے جوئے رواں میں ہی نہیں

MERGED آسماں کی زد میں زیر آسماں میں ہی نہیں

تو بھی ہے ظالم نشانے پر یہاں میں ہی نہیں

اختر الایمان کی اک نظم سے مجھ پر کھلا

اور بھی کم گو ہیں مجبور فغاں میں ہی نہیں

کوئی انشا کر رہا ہے مصحف آئندگاں

لکھ رہی ہیں لکھنے والی انگلیاں میں ہی نہیں

رنج اس کا ہے کہ کس کو رائیگاں کرتا ہے کون

ورنہ اس آشوب جاں میں رائیگاں میں ہی نہیں

خار و خس بھی ہیں تری زور ہوا سے پائمال

باغ میں اے موسم نامہرباں میں ہی نہیں

اب اسے انجام تک لانا تو ہو گا قصہ گو

ساری دنیا سن رہی ہے داستاں میں ہی نہیں

سایۂ آسیب کوئی دوسرے گھر میں بھی ہے

ہاں گرفتار شب وہم و گماں میں ہی نہیں

تیرے رک جانے سے یہ لشکر بھی پیاسا مر نہ جائے

تشنہ لب صحرا میں اے جوئے رواں میں ہی نہیں

عرفان صدیقی

بیعتِ دست ہاں ضرور، بیعتِ جاں نہیں نہیں

جنوری 9, 2012عرفان صدیقی،غزلمیاں،جاں،رواں،زماں،زدگاںadmin

عرفان صدیقی ۔ غزل نمبر 196

جسم کی رسمیات اور دل کے معاملات اور

بیعتِ دست ہاں ضرور، بیعتِ جاں نہیں نہیں

درد کی کیا بساط ہے جس پہ یہ پیچ و تاب ہو

دیکھ عزیز صبر صبر، دیکھ میاں نہیں نہیں

ہم فقراء کا نام کیا، پھر بھی اگر کہیں لکھو

لوحِ زمیں تلک تو خیر، لوحِ زماں نہیں نہیں

دونوں تباہ ہو گئے، ختم کرو یہ معرکے

اہلِ ستم نہیں نہیں، دل زدگاں نہیں نہیں

گرمئ شوق کا صلہ دشت کی سلطنت غلط

چشمۂ خوں کا خوں بہا جوئے رواں نہیں نہیں

عرفان صدیقی

جو دل میں ہے وہ دل آزردگاں علیؑ سے کہو

جنوری 6, 2012عرفان صدیقی،غزلگراں،آزردگاں،اماں،خونچکاں،خسرواں،داستاں،درمیاں،رواں،رائیگاں،سیارگاں،عناںadmin

عرفان صدیقی ۔ غزل نمبر 125

وہی ہیں مرجعِ لفظ و بیاں علیؑ سے کہو

جو دل میں ہے وہ دل آزردگاں علیؑ سے کہو

شکایتِ ہنر چارہ گر علیؑ سے کرو

حکایتِ جگر خونچکاں علیؑ سے کہو

بدل چکا ہے یہی آفتاب سمتِ سفر

سو حالِ گردش سیارگاں علیؑ سے کہو

تمہارے غم کا مداوا انہیں کے ہاتھ میں ہے

نہ جاؤ روبروئے خسرواں علیؑ سے کہو

اُنہیں کے سامنے اپنا مرافعہ لے جاؤ

اُنہیں کے پاس ہے اذنِ اماں علیؑ سے کہو

کرے کمند تعاقب تو ان کو دو آواز

بنے عذاب جو بندِ گراں علیؑ سے کہو

پہاڑ راستہ روکے تو اُن سے عرض کرو

رُکے اگر کوئی جوُئے رواں علیؑ سے کہو

پھر اب کے طائرِ وحشی نہ ہو سکا آزاد

یہ فصلِ گل بھی گئی رائیگاں علیؑ سے کہو

تمہیں مصاف میں نصرت عطا کریں مولاؑ

سبک ہو تم پہ شبِ درمیاں علیؑ سے کہو

پھرے تمہارے خرابے کی سمت بھی رہوار

اُٹھے تمہاری طرف بھی عناں علیؑ سے کہو

اُنہیں خبر ہے کہ کیا ہے ورائے صوت وصدا

لبِ سکوت کی یہ داستاں علیؑ سے کہو

عرفان صدیقی

کون ہے جس کے لیے نامۂ جاں لکھتے ہو

جنوری 6, 2012عرفان صدیقی،غزلنشاں،کہاں،گمشدگاں،گراں،گزراں،جاں،دگراں،دھواں،رواںadmin

عرفان صدیقی ۔ غزل نمبر 123

تم جو عرفانؔ یہ سب دردِ نہاں لکھتے ہو

کون ہے جس کے لیے نامۂ جاں لکھتے ہو

جانتے ہو کہ کوئی موج مٹا دے گی اسے

پھر بھی کیا کیا سرِ ریگِ گزراں لکھتے ہو

جس کے حلقے کا نشاں بھی نہیں باقی کوئی

اب تک اس رشتے کو زنجیرِ گراں لکھتے ہو

یہ بھی کہتے ہو کہ احوال لکھا ہے جی کا

اور یہ بھی کہ حدیثِ دگراں لکھتے ہو

یہ بھی لکھتے ہو کہ معلوم نہیں ان کا پتا

اور خط بھی طرفِ گمشدگاں لکھتے ہو

سایہ نکلے گا جو پیکر نظر آتا ہے تمہیں

وہم ٹھہرے گا جسے سروِ رواں لکھتے ہو

اتنی مدت تو سلگتا نہیں رہتا کچھ بھی

اور کچھ ہو گا جسے دل کا دھواں لکھتے ہو

کوئی دلدار نہیں تھا تو جتاتے کیا ہو

کیا چھپاتے ہو اگر اس کا نشاں لکھتے ہو

تم جو لکھتے ہو وہ دُنیا کہیں ملتی ہی نہیں

کون سے شہر میں رہتے ہو‘ کہاں لکھتے ہو

عرفان صدیقی

کارواں میں کچھ غبارِ کارواں میرا بھی تھا

جنوری 3, 2012عرفان صدیقی،غزلکارواں،گراں،آسماں،درمیاں،رواں،رائیگاں،سائباںadmin

عرفان صدیقی ۔ غزل نمبر 55

اے ہوا‘ کل تیری راہوں پر نشاں میرا بھی تھا

کارواں میں کچھ غبارِ کارواں میرا بھی تھا

اب خیال آتا ہے سب کچھ راکھ ہوجانے کے بعد

کچھ نہ کچھ تو سائباں در سائباں میرا بھی تھا

اس کی آنکھوں میں نہ جانے عکس تھا کس کا مگر

انگلیوں پر ایک لمس رائیگاں میرا بھی تھا

کیوں تعاقب کر رہی ہے تشنگی‘ اے تشنگی

کیا کوئی خیمہ سرِ آب رواں میرا بھی تھا

جان پر کب کھیلتا ہے کوئی اوروں کے لیے

ایک بچہ دشمنوں کے درمیاں میرا بھی تھا

شہر کے ایوان اپنی مٹھیاں کھولیں ذرا

اس زمیں پر ایک ٹکڑا آسماں میرا بھی تھا

میں نے جس کو اگلی نسلوں کے حوالے کر دیا

یار سچ پوچھو تو وہ بارِ گراں میرا بھی تھا

عرفان صدیقی

وہ آدمی تھا غلط فہمیاں بھی رکھتا تھا

جنوری 2, 2012عرفان صدیقی،غزلفہمیاں،پتّیاں،جہاں،جاں،درمیاں،رواں،سائباںadmin

عرفان صدیقی ۔ غزل نمبر 46

مروّتوں پہ وفا کا گماں بھی رکھتا تھا

وہ آدمی تھا غلط فہمیاں بھی رکھتا تھا

بہت دِنوں میں یہ بادل اِدھر سے گزرا ہے

مرا مکان کبھی سائباں بھی رکھتا تھا

عجیب شخص تھا، بچتا بھی تھا حوادث سے

پھر اپنے جسم پہ الزامِ جاں بھی رکھتا تھا

ڈبو دیا ہے تو اَب اِس کا کیا گلہ کیجیے

یہی بہاؤ سفینے رواں بھی رکھتا تھا

توُ یہ نہ دیکھ کہ سب ٹہنیاں سلامت ہیں

کہ یہ درخت تھا اور پتّیاں بھی رکھتا تھا

ہر ایک ذرّہ تھا گردش میں آسماں کی طرح

میں اپنا پاؤں زمیں پر جہاں بھی رکھتا تھا

لپٹ بھی جاتا تھا اکثر وہ میرے سینے سے

اور ایک فاصلہ سا درمیاں بھی رکھتا تھا

عرفان صدیقی

اک ذرا منظرِ غرقابی جاں دیکھئے گا

جنوری 2, 2012عرفان صدیقی،غزلمیاں،نشاں،کہاں،کناں،بتاں،جاں،رواںadmin

عرفان صدیقی ۔ غزل نمبر 41

ہر طرف ڈوبتے سورج کا سماں دیکھئے گا

اک ذرا منظرِ غرقابی جاں دیکھئے گا

سیرِ غرناطہ و بغداد سے فرصت پاکر

اس خرابے میں بھی خوابوں کے نشاں دیکھئے گا

یہ در و بام یہ چہرے یہ قبائیں یہ چراغ

دیکھئے بارِ دگر ان کو کہاں دیکھئے گا

راہ میں اور بھی قاتل ہیں اجازت لیجے

جیتے رہیے گا تو پھر کوئے بتاں دیکھئے گا

شاخ پر جھومتے رہنے کا تماشا کیا ہے

کبھی صرصر میں ہمیں رقص کناں دیکھئے گا

یہی دُنیا ہے تو اس تیغِ مکافات کی دھار

ایک دن گردنِ خنجر پہ رواں دیکھئے گا

دل طرفدارِ حرم، جسم گرفتارِ فرنگ

ہم نے کیا وضع نکالی ہے میاں دیکھئے گا

عرفان صدیقی

یہ لگ رہا ہے مجھے ناگہاں تباہی ہے

دسمبر 1, 2007منصور آفاق،شعراء،غزلناگہاں،نشاں،وہاں،کہاں،کراں،آسماں،رواںadmin

منصور آفاق ۔ غزل نمبر 637

تباہی ہے شبِ آئندگاں تباہی ہے

یہ لگ رہا ہے مجھے ناگہاں تباہی ہے

کوئی معاشرہ ممکن نہیں بجز انصاف

جہاں جہاں پہ ستم ہے وہاں تباہی ہے

میں ٹال سکتا نہیں آیتوں کی قرآت سے

لکھی ہوئی جو سرِ آسماں تباہی ہے

گزر گیا ہے جو طوفاں گزرنے والاتھا

یہ ملبہ زندگی ہے، اب کہاں تباہی ہے

بچھے ہوئے کئی بھونچال ہیں مکانوں میں

دیارِ دل میں مسلسل رواں تباہی ہے

دعا کرو کہ قیامت میں دیکھتا ہوں قریب

مرے قریب کوئی بے کراں تباہی ہے

فراز مند ہے ابلیس کا علم منصور

گلی گلی میں عجب بے نشاں تباہی ہے

منصور آفاق

دل مزاجاً میری جاں معشوق ہے

دسمبر 1, 2007منصور آفاق،شعراء،غزلنوجواں،نامہرباں،وہاں،کراں،آسماں،آستاں،جہاں،جاں،درمیاں،رواں،سارباںadmin

منصور آفاق ۔ غزل نمبر 617

عشق میں کوئی کہاں معشوق ہے

دل مزاجاً میری جاں معشوق ہے

جس سے گزرا ہی نہیں ہوں عمر بھر

وہ گلی وہ آستاں معشوق ہے

رفتہ رفتہ کیسی تبدیلی ہوئی

میں جہاں تھا اب وہاں معشوق ہے

ہے رقیبِ دلربا اک ایک آنکھ

کہ مرا یہ آسماں معشوق ہے

مشورہ جا کے زلیخا سے کروں

کیا کروں نامہرباں معشوق ہے

صبحِ ہجراں سے نشیبِ خاک کا

جلوۂ آب رواں معشوق ہے

ہیں مقابل ہر جگہ دو طاقتیں

اور ان کے درمیاں معشوق ہے

گھنٹیاں کہتی ہیں دشتِ یاد کی

اونٹنی کا سارباں معشوق ہے

وہ علاقہ کیا زمیں پر ہے کہیں

ان دنوں میرا جہاں معشوق ہے

میں جہاں دیدہ سمندر کی طرح

اور ندی سی نوجواں معشوق ہے

ہر طرف موجودگی منصور کی

کس قدر یہ بے کراں معشوق ہے

منصور آفاق

نور کے گیت کہاں تیرہ شباں سنتے ہیں

دسمبر 1, 2007منصور آفاق،شعراء،غزلگماں،گراں،اذاں،بیاں،رواں،شباںadmin

منصور آفاق ۔ غزل نمبر 387

رات کا شور، اندھیروں کی زباں سنتے ہیں

نور کے گیت کہاں تیرہ شباں سنتے ہیں

ایک سقراط نے زنجیر بپا آنا ہے

دوستو آؤ عدالت میں بیاں سنتے ہیں

کیوں پلٹتی ہی نہیں کوئی صدا کوئی پکار

یہ تو طے تھا کہ مرے چارہ گراں سنتے ہیں

اب بدلنی ہے شب و روز کی تقویم کہ لوگ

شام کے وقت سویرے کی اذاں سنتے ہیں

ایسے منفی تو لب و دیدہ نہیں ہیں اس کے

کچھ زیادہ ہی مرے وہم و گماں سنتے ہیں

بات کرتی ہے ہوا میری نگہ سے منصور

اور رک رک کے مجھے آبِ رواں سنتے ہیں

منصور آفاق

اسمِ جاں اللہ ہو جانِ جہاں اللہ ہو

دسمبر 1, 2007منصور آفاق،شعراء،غزلفغاں،لامکاں،نہاں،آسماں،جہاں،جاوداں،رواںadmin

منصور آفاق ۔ غزل نمبر 235

وردِ دل اللہ ہو ، وردِ زباں اللہ ہو

اسمِ جاں اللہ ہو جانِ جہاں اللہ ہو

ایک ہی آہنگ میں موجِ صبا کے ساتھ ساتھ

کہہ رہا ہے صبح دم آبِ رواں اللہ ہو

گونجتا ہے اس لئے داؤد سے باہو تلک

نغمۂ ہو کے تکلم میں نہاں اللہ ہو

عابدوں کا اپنا تقوی ، زاہدوں کا اپنا زہد

رندِ درد آمیز کی آہ و فغاں اللہ ہو

لفظِ ہو میں گم ہواہے ہست کا سارا وجود

یہ زمیں اللہ ہو یہ آسماں اللہ ہو

خاک اور افلاک کو واپس بھی لے سکتا ہے وہ

ہیں جہاں دونوں فنا اک جاوداں اللہ ہو

قبر کی دعوت میں باہو کہہ گیا منصور سے

جس کا میں شہباز ہوں وہ لامکاں اللہ ہو

منصور آفاق

دیکھتا ہوں ویسی ہی آبِ رواں میں کوئی چیز

دسمبر 1, 2007منصور آفاق،شعراء،غزلمکاں،وگماں،کماں،اماں،آئندگاں،بیاں،جہاں،داستاں،رواںadmin

منصور آفاق ۔ غزل نمبر 183

جگمگاتی تھی جو طاقِ آسماں میں کوئی چیز

دیکھتا ہوں ویسی ہی آبِ رواں میں کوئی چیز

رات جیسا ساری دنیا میں نہیں ہے کوئی ظلم

اور دئیے جیسی نہیں سارے جہاں میں کوئی چیز

یہ بھی ہو سکتا ہے ممکن میں کوئی کردار ہوں

یا مرے جیسی کسی ہے داستاں میں کوئی چیز

دیکھنا میری طرف کچھ دن نہیں آنا تجھے

ایسا لگتا ہے کہ ہے میرے مکاں میں کوئی چیز

کوئی بے مفہوم نقطہ، کوئی مصرع کا فریب

ڈھونڈتی ہے رات پھر صبحِ بیاں میں کوئی چیز

لگتا ہے دشتِ جنوں کی آندھیوں کو دیکھ کر

اہل غم نے سونپ دی میری کماں میں کوئی چیز

واہمہ ہے سانحہ کا،خدشہ اِن ہونی کاہے

خوف جیسی ہے مرے وہم وگماں میں کوئی چیز

آیت الکرسی کا کب تک کھینچ رکھوں گا حصار

جانے والا دے گیا میری اماں میں کوئی چیز

نام ہے دیوانِ منصور اس کا، کل کی ڈاک میں

بھیج دی ہے صحبتِ آئندگاں میں کوئی چیز

منصور آفاق

پھر مہرباں ہوئی کسی نا مہرباں کی یاد

دسمبر 1, 2007منصور آفاق،شعراء،غزلمہرباں،مکاں،وہاں،کہاں،دلاں،دوستاں،رفتگاں،رواںadmin

منصور آفاق ۔ غزل نمبر 155

وہ خواب گاہِ عرش وہ باغِ جناں کی یاد

پھر مہرباں ہوئی کسی نا مہرباں کی یاد

آنکھوں میں کس کے عارض و لب کے چراغ ہیں

پھرتی ہے یہ خیال میں آخر کہاں کی یاد

پھر گونجنے لگی ہے مرے لاشعور میں

روزِ ازل سے پہلے کے کچھ رفتگاں کی یاد

میں آسماں نژاد زمیں پر مقیم ہوں

کچھ ہے یہاں کا درد تو کچھ ہے وہاں کی یاد

کوئی نہ تھا جہاں پہ مری ذات کے سوا

آئی سکوتِ شام سے اُس لا مکاں کی یاد

دیکھوں کہیں خلوص تو آتی ہے ذہن میں

پیچھے سے وار کرتے ہوئے دوستاں کی یاد

دریائے ٹیمز! اپنے کنارے سمیٹ لے

آئی ہے مجھ کو سندھ کے آبِ رواں کی یاد

منصور آ رہی ہے سرِ آئینہ مجھے

اِس شہرِ پُر فریب میں سادہ دلاں کی یاد

منصور آفاق

بہتے پانی کی قسم، گریۂ جاں کارِ عبث

دسمبر 1, 2007منصور آفاق،شعراء،غزلفغاں،مکاں،نشاں،اماں،جہاں،جاں،رواں،زیاںadmin

منصور آفاق ۔ غزل نمبر 143

ساحلِ یاد پہ آہوں کا دھواں کارِ عبث

بہتے پانی کی قسم، گریۂ جاں کارِ عبث

دھوپ میں ساتھ بھلا کیسے وہ دے سکتا تھا

ایک سائے کے لیے آہ و فغاں کارِ عبث

میں تماشا ہوں تماشائی نہیں ہو سکتا

یہ فلک فہمی یہ تسخیرِ جہاں کارِ عبث

تیرے ہونے سے مہ و مہر مرے ہوتے تھے

اب تو ہے سلسلہء کون و مکاں کارِ عبث

یہ الگ چیختے رنگوں کا ہوں شاعر میں بھی

ہے مگر غلغلہء نام و نشاں کارِ عبث

ایک جھونکے کے تصرف پہ ہے قصہ موقوف

بلبلے اور سرِ آب رواں کار عبث

خیر باقی رہے یا شر کی عمل داری ہو

دونوں موجود ہوں تو امن و اماں کارِ عبث

کوئی انگلی، کوئی مضراب نہیں کچھ بھی نہیں

کھینچ رکھی گئی تارِ رگِ جاں کارِ عبث

رہ گئے جنت و دوزخ کہیں پیچھے منصور

اب جہاں میں ہوں وہاں سود و زیاں کارِ عبث

منصور آفاق

یقیں کتنا ہی پختہ ہو گماں تک ساتھ دیتا ہے

جنوری 8, 1972باقی صدیقی،شعراء،غزلکہاں،گماں،جہاں،رواںadmin

باقی صدیقی ۔ غزل نمبر 246

خیال سود احساس زیاں تک ساتھ دیتا ہے

یقیں کتنا ہی پختہ ہو گماں تک ساتھ دیتا ہے

بدلتے جا رہے ہیں دمبدم حالات دنیا کے

تمہارا غم بھی اب دیکھیں کہاں تک ساتھ دیتا ہے

خیال ناخدا پھر بھی مسلط ہے زمانے پر

کہاں کوئی بھلا سیل رواں تک ساتھ دیتا ہے

زمانے کی حقیقت خود بخود کھُل جائے گی باقیؔ

چلا چل تو بھی وہ تیرا جہاں تک ساتھ دیتا ہے

باقی صدیقی

کس حال میں قافلہ رواں ہے

جنوری 8, 1972باقی صدیقی،شعراء،غزلمہرباں،آسماں،درمیاں،رواںadmin

باقی صدیقی ۔ غزل نمبر 236

آواز جرس ہے یا فغان ہے

کس حال میں قافلہ رواں ہے

اٹھتے اٹھتے اٹھیں گے پردے

صدیوں کا غبار درمیاں ہے

کس کس سے بچائے کوئی دل کو

ہر گام پہ ایک مہرباں ہے

ہر چند زمیں زمیں ہے لیکن

تم ساتھ چلو تو آسماں ہے

ضو صبح کی چھو رہی ہے دل کو

ہر چند کہ رات درمیاں ہے

ہم ہوں کہ ہو گرد راہ باقیؔ

منزل ہے اسی کی جو رواں ہے

باقی صدیقی

تیرے جلوے یہاں وہاں دیکھے

جنوری 8, 1972باقی صدیقی،شعراء،غزلمکاں،وہاں،آسماں،آشیاں،اماں،بادباں،جاں،دشمنان،رواں،زیاں،سماںadmin

باقی صدیقی ۔ غزل نمبر 234

دشت دیکھے ہیں گلستاں دیکھے

تیرے جلوے یہاں وہاں دیکھے

اس کو کہتے ہیں تیرا لطف و کرم

خشک شاخوں پہ آشیاں دیکھے

جو جہاں کی نظر میں کانٹا تھے

ہم نے آباد وہ مکاں دیکھے

دوستوں میں ہے تیرے لطف کا رنگ

کوئی کیوں بغض دشمنان دیکھے

جو نہیں چاہتا اماں تیری

مانگ کر غیر سے اماں دیکھے

تیری قدرت سے ہے جسے انکار

اٹھکے وہ صبح کا سماں دیکھے

یہ حسیں سلسلہ ستاروں کا

کوئی تا حد آسماں دیکھے

ایک قطرہ جہاں نہ ملتا تھا

ہم نے چشمے وہاں رواں دیکھے

کس نے مٹی میں روح پھونکی ہے

کوئی یہ ربط جسم و جاں دیکھے

دیکھ کر بیچ و تاب دریا کا

یہ سفینے پہ بادباں دیکھے

جس کو تیری رضا سے مطلب ہے

سود دیکھے نہ وہ زیاں دیکھے

باقی صدیقی

تم نہ ہوتے تو ہم کہاں ہوتے

جنوری 8, 1972باقی صدیقی،شعراء،غزلمکاں،کہاں،گلستاں،آسماں،آستاں،بدگماں،جہاں،دھواں،داستاں،رواں،عیاںadmin

باقی صدیقی ۔ غزل نمبر 198

بے نشاں رہتے بے نشاں ہوتے

تم نہ ہوتے تو ہم کہاں ہوتے

مہر و مہ کو نہ یہ ضیا ملتی

آسماں بھی نہ آسماں ہوتے

تم نے تفسیر دو جہاں کی ہے

ورنہ یہ راز کب عیاں ہوتے

تم دکھاتے اگر نہ راہ حیات

جانے کس سمت ہم رواں ہوتے

ہمیں اپنی جبیں نہ مل سکتی

اتنے غیروں کے آستاں ہوتے

ایک انسان بھی نہ مل سکتا

گرچہ آباد سب مکاں ہوتے

کھل نہ سکتی کلی مسرت کی

غم ہی غم زیب داستاں ہوتے

مقصد زندگی نہ پا سکتے

اپنی ہستی سے بدگماں ہوتے

ہمیں کوئی نہ آسرا ملتا

بے اماں ہوتے ہم جہاں ہوتے

تو نے بخشی ہے روشنی ورنہ

دیدہ و دل دھواں دھواں ہوتے

باقی صدیقی

کون سے مہرباں کی بات کریں

جنوری 8, 1972باقی صدیقی،شعراء،غزلمہرباں،گلستاں،آستاں،جہاں،رواںadmin

باقی صدیقی ۔ غزل نمبر 111

آپ کی یا جہاں کی بات کریں

کون سے مہرباں کی بات کریں

حسن خوش ہے نہ عشق آسودہ

کیا ترے آستاں کی بات کریں

ہو چکیں اس جہان کی باتیں

اب کوئی اس جہاں کی بات کریں

زندگی نام ہے بہاروں کا

گل نہیں گلستاں کی بات کریں

سب کو ساحل کا پاس ہے باقیؔ

کس سے موج رواں کی بات کریں

باقی صدیقی

دل بھی اب چپ ہے زباں کی صورت

جنوری 8, 1972شعراء،غزلکاہکشاں،گماں،گراں،رواں،زیاں،زباںadmin

باقی صدیقی ۔ غزل نمبر 74

ہے یہ کیسی غم جاں کی صورت

دل بھی اب چپ ہے زباں کی صورت

خود پہ ہوتا ہے کسی کا دھوکا

کون سی ہے یہ گماں کی صورت

کس کی آمد ہے کہ لو دیتے ہیں

راستے کاہکشاں کی صورت

زیست کی راہ میں اکثر آیا

دل بھی اک سنگ گراں کی صورت

غم کے ہر موڑ پہ تیری باتیں

یاد آتی ہیں زیاں کی صورت

دیکھ کر صورت ساحل باقیؔ

چل دئیے موج رواں کی صورت

باقی صدیقی

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں: