ٹیگ کے محفوظات: رحمت

ایسے موسم میں جو خواب آئیں غنیمت جانو

اکتوبر 25, 2015پروین شاکر،شعراء،غزلمحبّت،مروّت،رحمت،سلامت،عنایت،غنیمتadmin

پروین شاکر ۔ غزل نمبر 43

جب ہوا تک یہ کہے ، نیند کو رخصت جانو

ایسے موسم میں جو خواب آئیں غنیمت جانو

جب تک اُس سادہ قبا کو نہیں چھونے پاتی

موجہ ءِ رنگ کا پندار سلامت جانو

جس گھروندے میں ہَوا آتے ہُوئے کترائے

دھوپ آ جائے تو یہ اُس کی مروّت جانو

دشتِ غربت میں جہاں کوئی شناسا بھی نہیں

اَبر رُک جائے ذرا دیر تو رحمت جانو

منہ پہ چھڑکاؤ ہو ، اندد سے جڑیں کاٹی جائیں

اُس پہ اصرار ، اسے عین محبّت جانو

ورنہ یوں طنز کا لہجہ بھی کِسے ملتا ہے

اُن کا یہ طرزِ سخن خاص عنایت جانو۔۔۔

پروین شاکر

کہ مل جاتا ہے ان جوئوں کا پانی بحر رحمت میں

اکتوبر 6, 2015میر تقی میر،اساتذہ،غزلمنت،مدت،الفت،خدمت،رحمت،ساعت،صحبت،طاقت،طاعتadmin

دیوان دوم غزل 876

رکھا کر اشک افشاں چشم فرصت غیر فرصت میں

کہ مل جاتا ہے ان جوئوں کا پانی بحر رحمت میں

سنبھالے سدھ کہاں سر ہی فرو لاتا نہیں ہرگز

وگرنہ مان جاتا تھا کہاں تھوڑی سی منت میں

گئے دن متصل جانے کے اس کی اور اٹھ اٹھ کر

تفاوت ہو گیا اب تو بہت پائوں کی طاقت میں

تحمل ہوسکا جب تک بدن میں تاب و طاقت تھی

قیامت اب گذر جاتی ہے جی پر ایک ساعت میں

عجب کیا ہے جو یاران چمن کو ہم نہ پہچانیں

رہائی اتفاق اپنی پڑی ہے ایک مدت میں

سلاتا تیغ خوں میں گر نہ میرے تو قیامت تھی

اٹھا تھا روز محشر کا سا فتنہ رات صحبت میں

کوئی عمامہ لے بھاگا کنھوں نے پیرہن پھاڑا

بہت گستاخیاں یاروں نے کیں واعظ کی خدمت میں

ملا تیوری چڑھائے تو لگا ابرو بھی خم کرنے

موثر کچھ ہوا سر مارنا محراب طاعت میں

قدم پر رکھ قدم اس کے بہت مشکل ہے مر جانا

سرآمد ہو گیا ہے میر فن مہر و الفت میں

میر تقی میر

رنج و محنت کمال راحت ہے

اکتوبر 6, 2015میر تقی میر،اساتذہ،غزلفرصت،قیامت،قسمت،محبت،مصیبت،نصیحت،الحقیقت،الزیارت،آفت،اذیت،جراحت،حکایت،حالت،حسرت،خفت،راحت،رحمت،رخصت،سلامت،صورتadmin

دیوان اول غزل 583

نالۂ عجز نقص الفت ہے

رنج و محنت کمال راحت ہے

عشق ہی گریۂ ندامت ہے

ورنہ عاشق کو چشم خفت ہے

تا دم مرگ غم خوشی کا نہیں

دل آزردہ گر سلامت ہے

دل میں ناسور پھر جدھر چاہے

ہر طرف کوچۂ جراحت ہے

رونا آتا ہے دم بدم شاید

کسو حسرت کی دل سے رخصت ہے

فتنے رہتے ہیں اس کے سائے میں

قد و قامت ترا قیامت ہے

نہ تجھے رحم نے اسے ٹک صبر

دل پہ میرے عجب مصیبت ہے

تو تو نادان ہے نپٹ ناصح

کب موثر تری نصیحت ہے

دل پہ جب میرے آ کے یہ ٹھہرا

کہ مجھے خوش دلی اذیت ہے

رنج و محنت سے باز کیونکے رہوں

وقت جاتا رہے تو حسرت ہے

کیا ہے پھر کوئی دم کو کیا جانو

دم غنیمت میاں جو فرصت ہے

تیرا شکوہ مجھے نہ میرا تجھے

چاہیے یوں جو فی الحقیقت ہے

تجھ کو مسجد ہے مجھ کو میخانہ

واعظا اپنی اپنی قسمت ہے

ایسے ہنس مکھ کو شمع سے تشبیہ

شمع مجلس کی رونی صورت ہے

باطل السحر دیکھ باطل تھے

تیری آنکھوں کا سحر آفت ہے

ابرتر کے حضور پھوٹ بہا

دیدئہ تر کو میرے رحمت ہے

گاہ نالاں طپاں گہے بے دم

دل کی میرے عجب ہی حالت ہے

کیا ہوا گر غزل قصیدہ ہوئی

عاقبت قصۂ محبت ہے

تربت میر پر ہیں اہل سخن

ہر طرف حرف ہے حکایت ہے

تو بھی تقریب فاتحہ سے چل

بخدا واجب الزیارت ہے

میر تقی میر

چھوڑا وفا کو ان نے مروت کو کیا ہوا

اکتوبر 6, 2015میر تقی میر،اساتذہ،غزلقیامت،مروت،نہایت،ندامت،رحمت،طاقت،غیرتadmin

دیوان اول غزل 5

اس عہد میں الٰہی محبت کو کیا ہوا

چھوڑا وفا کو ان نے مروت کو کیا ہوا

امیدوار وعدئہ دیدار مر چلے

آتے ہی آتے یارو قیامت کو کیا ہوا

کب تک تظلم آہ بھلا مرگ کے تئیں

کچھ پیش آیا واقعہ رحمت کو کیا ہوا

اس کے گئے پر ایسے گئے دل سے ہم نشیں

معلوم بھی ہوا نہ کہ طاقت کو کیا ہوا

بخشش نے مجھ کو ابر کرم کی کیا خجل

اے چشم جوش اشک ندامت کو کیا ہوا

جاتا ہے یار تیغ بکف غیر کی طرف

اے کشتۂ ستم تری غیرت کو کیا ہوا

تھی صعب عاشقی کی بدایت ہی میر پر

کیا جانیے کہ حال نہایت کو کیا ہوا

میر تقی میر

پھر وہی قوسِ قزح جیسی مصیبت ہو گی

دسمبر 1, 2007منصور آفاق،شعراء،غزلمصیبت،آفت،حکومت،رحمت،ضیافتadmin

منصور آفاق ۔ غزل نمبر 469

دستکیں کہتی ہیں پھر وہی قیامت ہو گی

پھر وہی قوسِ قزح جیسی مصیبت ہو گی

اگلا پھر بے بسی کا ہو گا وزیرِ اعظم

اگلی پھر بے کسی کی کوئی حکومت ہو گی

پھر غلط بول پڑے اپنے ذرائع ابلاغ

میڈیا والوں کی پھر ایک ضیافت ہو گی

پھر ہمیں فول بنائیں گے ہمارے ہیرو

پھر نیا قصہ ء غم پھرنئی آفت ہو گی

ریٹ ڈالر کا بڑھا دیں گے فرشتے منصور

پھر کسی کوٹھی پہ اللہ کی رحمت ہو گی

منصور آفاق

رحمت

جون 1, 1979نظم،ریتنجناںرحمتadmin

پانی دے قطرے

جے اک دوجے توں نکھڑن

تے امبراں توں

اتری بارش داناں پاون

امبراں اتوں لتھی ہوئی رحمت اکھواون

پر ایہہ گن تے

اوس ائی پانی نوں لبھدا اے

جیہرا چیاناں دے اپر پجیا ہووے

اوہ پانی

جیہڑا زمیں دے ویہڑے ائی

جھنکاں بن جاوے

وسو اس پانی نوں تسی

کیہڑی رحمت داناں دلیسو

ماجد صدیقی (پنجابی کلام)

سخن سرا

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: رحمت

ایسے موسم میں جو خواب آئیں غنیمت جانو

کہ مل جاتا ہے ان جوئوں کا پانی بحر رحمت میں

رنج و محنت کمال راحت ہے

چھوڑا وفا کو ان نے مروت کو کیا ہوا

پھر وہی قوسِ قزح جیسی مصیبت ہو گی

رحمت

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں: