ٹیگ کے محفوظات: ذات

شام، شب اور حیات کمرے میں

جون 1, 2021یاور ماجد،آنکھ بھر آسمان،غزلمات،بات،ثبات،جہات،حیات،ذات،راتadmin

ڈھل چلیں ساتھ ساتھ کمرے میں

شام، شب اور حیات کمرے میں

یک جہت ہیں تمام دنیائیں

ہیں مری شش جہات کمرے میں

اس مکاں سے مجھے ملا کیا ہے

چوٹ چھت پر، تو مات کمرے میں

اتنی تنہائیوں کی محفل تھی

کرتا کس کس سے بات کمرے میں

صرف تنہائی ہی نہیں ہے یہاں

اس سے بڑھ کر ہے بات کمرے میں

کچھ تغیر نہیں ملا باہر

اور نہ پایا ثبات کمرے میں

جسم میرا گلی گلی بکھرا

رہ گئی میری ذات کمرے میں

وقت سے کیا گلہ کروں یاؔور

دن ہے باہر، تو رات کمرے میں

یاور ماجد

آنکھ بھر آسمان ۔ فہرست

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

اجنبی طرز کے حالات سے دُکھ پہنچا ہے

مئی 31, 2021کلیاتِ شکیب جلالی ۔ غیر مدوّن کلام ۔ غزلیں،شکیب جلالی،غزلبات،حالات،ذات،روایات،شبہاتadmin

اُن کی سنجیدہ ملاقات سے دُکھ پہنچا ہے

اجنبی طرز کے حالات سے دُکھ پہنچا ہے

اُس کا مذکور کہیں شکوہِ محسن میں نہیں

میری خوددار روایات سے دُکھ پہنچا ہے

دیکھ زخمی ہوا جاتا ہے دو عالم کا خلوص

ایک انساں کو تری ذات سے دُکھ پہنچا ہے

احتراماً مرے ہونٹوں پہ مُسلّط تھا سُکوت

اُن کے بڑھتے ہوئے شبہات سے دُکھ پہنچا ہے

یا انھیں لغزشِ معصوم، گراں گزری ہے

یا غلط فہمیِ حالات سے دُکھ پہنچا ہے

میرے اشکوں کو شکایت نہیں کوئی تم سے

مجھ کو اپنی ہی کسی بات سے دُکھ پہنچا ہے

میری جرأت پہ، شکیبؔ، آج خرد حاوی ہے

آج ناکامیِ حالات سے دُکھ پہنچا ہے

شکیب جلالی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

بدگمانی ہے تو ہر بات گراں گزرے گی

مئی 31, 2021کلیاتِ شکیب جلالی ۔ غیر مدوّن کلام ۔ غزلیں،شکیب جلالی،غزلبات،جذبات،ذات،راتadmin

اب انھیں پُرسشِ حالات گراں گزرے گی

بدگمانی ہے تو ہر بات گراں گزرے گی

خواہشِ لطفِ پرستش کو مٹا دو دل سے

میری خودداریِ جذبات گراں گزرے گی

مجھ سے پہلے رُخِ سادہ کی حقیقت کیا تھی

منہ نہ کُھلواؤ، مری بات گراں گزرے گی

تم اچانک جسے ہمراہ بنا بیٹھے ہو

ایک دن تم کو وہی ذات گراں گزرے گی

پاس ہو کر بھی اگر دُور رہا مجھ سے کوئی

اور بھی تاروں بھری رات گراں گزرے گی

دل میں اظہارِ محبت پہ کوئی خوش ہو گا

ظاہراً پُھول سی یہ بات گراں گزرے گی

شکیب جلالی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

جام چھلکاؤ اندھیری رات ہے

مئی 31, 2021کلیاتِ شکیب جلالی ۔ غیر مدوّن کلام ۔ غزلیں،شکیب جلالی،غزلجذبات،ذات،رات،صدماتadmin

موسمِ گُل ہے، بھری برسات ہے

جام چھلکاؤ اندھیری رات ہے

رنج و غم میں زندگی پاتا ہوں میں

لطف اُن کا موجبِ صَدمات ہے

اُٹھتے جاتے ہیں نگاہوں سے حجاب

جرأتوں پر عالمِ جذبات ہے

کون سی منزل پہ لے آیا جنوں

اب مجسّم حُسن، میری ذات ہے

گِردِ رُخ زُلفیں ہیں اُن کی یا، شکیبؔ

صبح کو گھیرے اندھیری رات ہے

شکیب جلالی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

سارے مرے منصوبے تھے اک بات کی حد تک

جولائی 24, 2018چمن کوئی بھی ہو،باصر کاظمی،غزلملاقات،مناجات،مراعات،کرامات،آیات،بیانات،بات،برسات،خرافات،ذات،عمارات،عباداتadmin

صد حیف رہے خواب و خیالات کی حد تک

سارے مرے منصوبے تھے اک بات کی حد تک

یہ شہر تمہارا مری بستی کے مقابل

اچھا ہے مگر صِرف عمارات کی حد تک

کر سکتے تماشا تو زمانے کو دکھاتے

لفظوں کے کمالات کرامات کی حد تک

آوارہ خرامی کی بھلا اب کسے فرصت

ہوتی ہے ملاقات ملاقات کی حد تک

خوشیوں میں تو کرتا ہوں شریک اوروں کو لیکن

رہتے ہیں مرے رنج مری ذات کی حد تک

ہوتے ہیں عموماَ یہ مِری دھُوپ کے دشمن

بادل مجھے خوش آتے ہیں برسات کی حد تک

دن دوگنی شب چوگنی کی ہم نے ترقی

کچھ راہنماؤں کے بیانات کی حد تک

افسوس کہ صاحب نے کیا اُن پہ بھروسہ

تھی جن کی وفاداری مراعات کی حد تک

اب حِکمتِ قرآن شب و روز میں اپنے

باقی ہے فقط قرأتِ آیات کی حد تک

ہر گام پہ تھا راہنما دین جو اپنا

محدود ہُوا صِرف عبادات کی حد تک

ڈرتا ہوں میں واعظ سے کہ اقبالؔ نہیں ہوں

شکوہ مرا ہوتا ہے مناجات کی حد تک

ہر چند مہذب کوئی ہم سا نہیں باصرؔ

بہکیں تو چلے جائیں خرافات کی حد تک

باصر کاظمی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

تیرا میرا سات

اپریل 30, 2017ماجد صدیقی،آنگن آنگن رات،غزلگھات،پات،بات،درجات،ذات،ساتadmin

ماجد صدیقی ۔ غزل نمبر 72

پورا چاند اور رات

تیرا میرا سات

خوشبُو تک میں بھی

کیا کچھ ہیں درجات

کون کرے تسلیم

سچے حرف کی ذات

اِک ناد ر تصویر

پیڑ سے جھڑتے پات

کاشانوں کے پاس

سانپ لگائیں گھات

نشتر جیسی تیز

ماجد ؔ تیری بات

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

اَب نام ہمارے کوئی سوغات نہ آئے

مارچ 31, 2017ماجد صدیقی،غزل،غزل سراکرامات،پات،برسات،جذبات،ذات،رات،سوغاتadmin

ماجد صدیقی ۔ غزل نمبر 54

خوشبُو بھی صبا اُس کی لئے سات نہ آئے

اَب نام ہمارے کوئی سوغات نہ آئے

جو لہر بھی اُٹھتی ہو بھلے دل میں اُٹھے وُہ

ہونٹوں پہ مگر تُندیٔ جذبات نہ آئے

اک بار جھنجھوڑا ہو جِسے ابر و ہوا نے

اُس پیڑ پہ پھر لوٹ کے پھل پات نہ آئے

دیکھی تھی نشیمن کے اُجڑنے سے جو پہلے

ایسی بھی گلستاں میں کوئی رات نہ آئے

جو یاد بھی آئے، تو لرزتا ہے بدن تک

آنکھوں میں کہیں پھر وُہی برسات نہ آئے

ہر کوہ یہ کہتا ہے کہ آگے کبھی اُس کے

تیشے میں ہے جو لطفِ کرامات نہ آئے

کرنے کو شفاعت بھی یہ اچّھا ہے کہ ماجدؔ

نیّت ہے بُری جس کی وُہ بد ذات نہ آئے

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

بڑا دشوار ہے حق بات کہنا

فروری 27, 2017ماجد صدیقی،سخناب،غزلہیہات،مات،پات،بات،جذبات،ذات،ساتadmin

ماجد صدیقی ۔ غزل نمبر 98

چمن کی تیرگی کو رات کہنا

بڑا دشوار ہے حق بات کہنا

جو دھبے گرد کے اشجار پر ہیں

انہیں دھبے نہ کہنا پات کہنا

جو انساں کل فرشتہ تھا نظر میں

اُسے بھی پڑ گیا بد ذات کہنا

شریکِ راحت یاراں نہ ہونا

بجائے آفریں ہیہات کہنا

زباں پر حرفِ حق آئے اگر تو

اُسے تم تنُدیٔ جذبات کہنا

نہ خفت ماننا کوئی تم اپنی

ہماری جیت ہی کو مات کہنا

یہ دنیا ہے یہاں رہنے کو ماجدؔ

پڑے سچ جھوٹ سب اِک سات کہنا

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کوئی صورت ہو کہ برسات کٹے

اکتوبر 25, 2015پروین شاکر،شعراء،غزلہات،مناجات،بات،برسات،ذات،ساتadmin

پروین شاکر ۔ غزل نمبر 106

دن ٹھہر جائے ، مگر رات کٹے

کوئی صورت ہو کہ برسات کٹے

خوشبوئیں مجھ کو قلم کرتی گئیں

شاخ در شاخ مرے ہات کٹے

موجہ ءِ گُل ہے کہ تلوار کوئی

درمیاں سے ہی مناجات کٹے

حرف کیوں اپنے گنوائیں جا کر

بات سے پہلے جہاں بات کٹے

چاند! آ مِل کے منائیں یہ شب

آج کی رات ترے سات کٹے

پُورے انسانوں میں گُھس آئے ہیں

سر کٹے ، جسم کٹے ، ذات کٹے

پروین شاکر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کیا تجھے بھی کوئی یاد آتا ہے برسات کے ساتھ

اکتوبر 25, 2015پروین شاکر،شعراء،غزلہات،برسات،ذات،شکایات،عجبماتadmin

پروین شاکر ۔ غزل نمبر 68

نم ہیں پلکیں تری اے موجِ ہَوا، رات کے ساتھ

کیا تجھے بھی کوئی یاد آتا ہے برسات کے ساتھ

روٹھنے اور منانے کی حدیں ملنے لگیں

چشم پوشی کے سلیقے تھے، شکایات کے ساتھ

تجھ کو کھو کر بھی رہوں ،خلوتِ جاں میں تیری

جیت پائی ہے محبت نے عجب،مات کے ساتھ

نیند لاتا ہُوا،پھر آنکھ کو دُکھ دیتا ہُوا

تجربے دونوں ہیں وابستہ ہات کے ساتھ

کبھی تنہائی سے محروم نہ رکھّا مُجھ کو

دوست ہمدرد ہے،کتنے ،مری ذات کے ساتھ

پروین شاکر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کچھ اور رنگ ڈھنگ ہوا کائنات کا

اکتوبر 25, 2015مصطفٰی خان شیفتہ،اساتذہ،غزلنجات،وفات،کائنات،التفات،بات،برات،ثبات،حیات،ذات،راتadmin

مصطفٰی خان شیفتہ ۔ غزل نمبر 16

جب سے عطا ہوا ہمیں خلعت حیات کا

کچھ اور رنگ ڈھنگ ہوا کائنات کا

شیشہ اتار، شکوے کو بالائے طاق رکھ

کیا اعتبار زندگیِ بے ثبات کا

لڑتے ہو جب رقیب سے کرتے ہو مجھ سے صلح

مشتاق یاں نہیں کوئی اس التفات کا

گر تیرے تشنہ کام کو دے خضر مرتے دم

پانی ہو خشک چشمۂ آبِ حیات کا

یاں خار و خس کو بے ادبی سے نہ دیکھنا

ہاں عالمِ شہود ہے آئینہ ذات کا

کہتے ہیں جان، جانتے ہیں بے وفا مجھے

کیا اعتبار ہے انہیں دشمن کی بات کا

واعظ جنوں زدوں سے نہیں باز پرسِ حشر

بس آپ فکر کیجئے اپنی نجات کا

جوشِ سرشکِ خوں کے سبب سے دمِ رقم

نامہ نہیں رہا یہ ورق ہے برات کا

اے مرگ آ ، کہ میری بھی رہ جائے آبرو

رکھا ہے اس نے سوگ عدو کی وفات کا

ایسے کے آگے شیفتہ کیا چل سکے جہاں

احسان ایک عمر رہے، ایک رات کا

مصطفٰی خان شیفتہ

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

بھَوں پاس آنکھ قبلۂ حاجات چاہیے

اکتوبر 8, 2015مرزا اسد اللہ خان غالب،اساتذہ،غزلملاقات،مناجات،مکافات،مافات،اثبات،بات،حاجات،ذات،راتadmin

دیوانِ غالب ۔ غزل نمبر 291

مسجد کے زیرِ سایہ خرابات چاہیے

بھَوں پاس آنکھ قبلۂ حاجات چاہیے

عاشق ہوئے ہیں آپ بھی ایک اور شخص پر

آخر ستم کی کچھ تو مکافات چاہیے

دے داد اے فلک! دلِ حسرت پرست کی@

ہاں کچھ نہ کچھ تلافیِ مافات چاہیے

سیکھے ہیں مہ رخوں کے لیے ہم مصوّری

تقریب کچھ تو بہرِ ملاقات چاہیے

مے سے غرض نشاط ہے کس رو سیاہ کو

اک گونہ بیخودی مجھے دن رات چاہیے

ہے رنگِ لالہ و گل و نسریں جدا جدا

ہر رنگ میں بہار کا اثبات چاہیے

سر پائے خم پہ چاہیے ہنگامِ بے خودی

رو سوئے قبلہ وقتِ مناجات چاہیے

یعنی بہ حسبِ گردشِ پیمانۂ صفات

عارف ہمیشہ مستِ مئے ذات چاہیے

نشو و نما ہے اصل سے غالب فروع کو

خاموشی ہی سے نکلے ہے جو بات چاہیے

@ نسخۂ مہر میں "کو”

مرزا اسد اللہ خان غالب

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

خاموش ان لبوں سے کوئی بات ہو تو ہو

اکتوبر 6, 2015میر تقی میر،اساتذہ،غزلمکافات،کرامات،بات،خرابات،ذات،عنایاتadmin

دیوان پنجم غزل 1716

راہیں رکے پر اس سے ملاقات ہو تو ہو

خاموش ان لبوں سے کوئی بات ہو تو ہو

رنج و عنا کہ دشمن جان عزیز ہیں

ان سے بچائو اس کی عنایات ہو تو ہو

نومید وصل دل نہیں شب ہاے ہجر میں

ان راتوں ہی میں ملنے کی بھی بات ہو تو ہو

امید ہے کہ اس سے قیامت کو پھر ملوں

حسن عمل کی واں بھی مکافات ہو تو ہو

تخفیفے شملے پیرہن و کنگھی اور کلاہ

شیخوں کی گاہ ان میں کرامات ہو تو ہو

ساقی کو چشم مست سے اودھر ہی دیکھنا

مسجد ہو یا کہ کعبہ خرابات ہو تو ہو

منکر نہیں ہے کوئی سیادت کا میر کی

ذات مقدس ان کی یہی ذات ہو تو ہو

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کبھو کے دن ہیں بڑے یاں کبھو کی رات بڑی

اکتوبر 6, 2015میر تقی میر،اساتذہ،غزلالتفات،ذات،راتadmin

دیوان سوم غزل 1287

حدیث زلف دراز اس کے منھ کی بات بڑی

کبھو کے دن ہیں بڑے یاں کبھو کی رات بڑی

کبھو جو گالی ہمیں دیتے ہو کرو موقوف

تمھاری بس ہیں یہی ہم پر التفات بڑی

دخیل ذات نہیں عشق میں کہ میر کو دیکھ

ذلیل کیسے ہیں ان کی ہے گوکہ ذات بڑی

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

ملنا اپنا جو ہوا اس سے سو وہ بات کی بات

اکتوبر 6, 2015میر تقی میر،اساتذہ،غزلمساوات،گھات،بات،خرابات،ذات،رات،طاماتadmin

دیوان دوم غزل 778

دیر کچھ کھنچتی تو کہتے بھی ملاقات کی بات

ملنا اپنا جو ہوا اس سے سو وہ بات کی بات

گفتگو شاہد و مے سے ہے نہ غیبت نہ گلہ

خانقہ کی سی نہیں بات خرابات کی بات

سن کے آواز سگ یار ہوئے ہم خاموش

بولتے واں ہیں جہاں ہووے مساوات کی بات

منھ ادھر اور سخن زیرلبی غیر کے ساتھ

اس فریبندہ کی ناگفتنی ہے گھات کی بات

اس لیے شیخ ہے چپکا کہ پڑے شہر میں شور

ہم سمجھتے ہیں یہ شیادی و طامات کی بات

یہ کس آشفتہ کی جمعیت دل تھی منظور

بال بکھرے ترے منھ پر کہیں ہیں رات کی بات

گفتگو وصفوں سے اس ماہ کے کریے اے میر

کاہش افزا ہے کروں اس کی اگر ذات کی بات

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

نکلے ہے جی ہی اس کے لیے کائنات کا

اکتوبر 6, 2015میر تقی میر،اساتذہ،غزلنبات،نجات،وفات،کائنات،بات،ثبات،ذات،رات،سومنات،صفات،صلوٰتadmin

دیوان دوم غزل 664

ہر ذی حیات کا ہے سبب جو حیات کا

نکلے ہے جی ہی اس کے لیے کائنات کا

بکھری ہے زلف اس رخ عالم فروز پر

ورنہ بنائو ہووے نہ دن اور رات کا

در پردہ وہ ہی معنی مقوم نہ ہوں اگر

صورت نہ پکڑے کام فلک کے ثبات کا

ہیں مستحیل خاک سے اجزاے نوخطاں

کیا سہل ہے زمیں سے نکلنا نبات کا

مستہلک اس کے عشق کے جانیں ہیں قدر مرگ

عیسیٰ و خضر کو ہے مزہ کب وفات کا

اشجار ہوویں خامہ و آب سیہ بحار

لکھنا نہ تو بھی ہوسکے اس کی صفات کا

اس کے فروغ حسن سے جھمکے ہے سب میں نور

شمع حرم ہو یا کہ دیا سومنات کا

بالذات ہے جہاں میں وہ موجود ہر جگہ

ہے دید چشم دل کے کھلے عین ذات کا

ہر صفحے میں ہے محو کلام اپنا دس جگہ

مصحف کو کھول دیکھ ٹک انداز بات کا

ہم مذنبوں میں صرف کرم سے ہے گفتگو

مذکور ذکر یاں نہیں صوم و صلوٰت کا

کیا میر تجھ کو نامہ سیاہی کا فکر ہے

ختم رسل سا شخص ہے ضامن نجات کا

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

حسن قبول کیا ہو مناجات کے تئیں

اکتوبر 6, 2015میر تقی میر،اساتذہ،غزلہات،ملاقات،مناجات،آفات،بات،حالات،خرابات،ذات،راتadmin

دیوان اول غزل 330

تا پھونکیے نہ خرقۂ طامات کے تئیں

حسن قبول کیا ہو مناجات کے تئیں

کیفیتیں اٹھے ہیں یہ کب خانقاہ میں

بدنام کر رکھا ہے خرابات کے تئیں

ڈریے خرام ناز سے خوباں کے ہمنشیں

ٹھوکر سے یہ اٹھاتے ہیں آفات کے تئیں

ہم جانتے ہیں یا کہ دل آشنا زدہ

کہیے سو کس سے عشق کے حالات کے تئیں

خوبی کو اس کے ساعد سیمیں کی دیکھ کر

صورت گروں نے کھینچ رکھا ہات کے تئیں

اتنی بھی حرف ناشنوی غیر کے لیے

رکھ کان ٹک سنا بھی کرو بات کے تئیں

سید ہو یا چمار ہو اس جا وفا ہے شرط

کب عاشقی میں پوچھتے ہیں ذات کے تئیں

آخر کے یہ سلوک ہم اب تیرے دیکھ کر

کرتے ہیں یاد پہلی ملاقات کے تئیں

آنکھوں نے میر صاحب و قبلہ ورم کیا

حضرت بکا کیا نہ کرو رات کے تئیں

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

صد شکر کہ اپنی راتوں میں اب ہجر کی کوئی رات نہیں

اپریل 3, 2012فیض احمد فیض،زنداں نامہ،غزلمات،بات،حالات،ذات،راتadmin

فیض احمد فیض ۔ غزل نمبر 12

کب یاد میں تیرا ساتھ نہیں، کب ہات میں تیرا ہات نہیں

صد شکر کہ اپنی راتوں میں اب ہجر کی کوئی رات نہیں

مشکل ہے اگر حالات وہاں، دل بیچ آئیں جاں دے آئیں

دل والو کوچہء جاناں میں‌کیا ایسے بھی حالات نہیں

جس دھج سے کوئی مقتل میں گیا، وہ شان سلامت رہتی ہے

یہ جان توآنی جانی ہے ، اس جاں کی تو کوئی بات نہیں

میدانِ وفا دربار نہیں یاں‌ نام و نسب کی پوچھ کہاں

عاشق تو کسی کا نام نہیں، کچھ عشق کسی کی ذات نہیں

گر بازی عشق کی بازی ہے جو چاہو لگا دو ڈر کیسا

گرجیت گئے تو کیا کہنا، ہارے بھی تو بازی مات نہیں

فیض احمد فیض

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

مجذوب ذرا سیر مقامات میں گم ہے

جنوری 14, 2012عرفان صدیقی،غزلمقامات،گات،ذات،سادات،طلسماتadmin

عرفان صدیقی ۔ غزل نمبر 328

ناچیز بھی خوباں سے ملاقات میں گم ہے

مجذوب ذرا سیر مقامات میں گم ہے

کیا شمع جلاتا ہے کہ اے دولتِ شب تاب

کل صبح کا سورج تو تری گات میں گم ہے

کھلتے ہی نہیں لمس پہ اس جسم کے اسرار

سیاح عجب شہرِ طلسمات میں گم ہے

میں ڈوب گیا جب ترے پیکر میں تو ٹوٹا

یہ وہم کو تو خود ہی مری ذات میں گم ہے

یا حسن ہی اس شہر میں کافر نہیں ہوتا

یا عشق یہاں عزتِ سادات میں گم ہے

عرفان صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

ستم گروں کی مدارات کرتا رہتا ہوں

جنوری 7, 2012عرفان صدیقی،غزلمافات،مدارات،مساوات،کرامات،بات،ذات،شروعاتadmin

عرفان صدیقی ۔ غزل نمبر 145

انہیں کی شہ سے انہیں مات کرتا رہتا ہوں

ستم گروں کی مدارات کرتا رہتا ہوں

یہاں کوئی نہیں سنتا حدیثِ دل زدگاں

مگر میں اور طرح بات کرتا رہتا ہوں

بھلا یہ عمر کوئی کاروبارِ شوق کی ہے

بس اک تلافیِ مافات کرتا رہتا ہوں

یہ کائنات مرے بال و پر کے بس کی نہیں

تو کیا کروں سفرِ ذات کرتا رہتا ہوں

یہیں پہ وارِ حریفاں اٹھانا پڑتا ہے

یہیں حسابِ مساوات کرتا رہتا ہوں

عجب نہیں کسی کوشش میں کامراں ہوجائیں

محبتوں کی شروعات کرتا رہتا ہوں

ہمیشہ کاسۂ خالی چھلکتا رہتا ہے

فقیر ہوں سو کرامات کرتا رہتا ہوں

عرفان صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

دھند تھی دنیا شعورِ ذات سے پہلے

دسمبر 1, 2007منصور آفاق،شعراء،غزلمات،نعت،بات،تعلقات،ذات،راتadmin

منصور آفاق ۔ غزل نمبر 560

ساتھ نہ تھا کوئی اپنے ساتھ سے پہلے

دھند تھی دنیا شعورِ ذات سے پہلے

بزمِ سخن یعنی چہرہ بول پڑا تھا

غم کی تلاوت تھی، حمد و نعت سے پہلے

نیند بھری رات ! انتظار کسی کا

ہوتا تھا ترکِ تعلقات سے پہلے

کہتے ہیں خالی نگر میں رہتی ہیں روحیں

لوٹ چلیں گھر کو آؤ رات سے پہلے

کیسا تھا سناٹا تیرے عہدِ عدم میں

کیسی خموشی تھی پہلی بات سے پہلے

خواب تھے پنہاں شکستِ زعم میں شاید

فتح کی باتیں کہاں تھیں مات سے پہلے

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

رہ رہے ہیں رات میں ہم رات کے مارے ہوئے

دسمبر 1, 2007منصور آفاق،شعراء،غزلبرسات،جات،حالات،ذات،راتadmin

منصور آفاق ۔ غزل نمبر 511

جا نہیں سکتے کہیں ظلمات کے مارے ہوئے

رہ رہے ہیں رات میں ہم رات کے مارے ہوئے

رات کے پچھلی گلی میں ایک میں اور ایک چاند

جاگتے پھرے ہیں دو حالات کے مارے ہوئے

دیدۂ شب میں پہن کر بارشوں کے پیرہن

پھر رہے ہیں موسمِ برسات کے مارے ہوئے

لوگ تھے اور فیض جاری تھی کسی درگاہ پر

لوٹ آئے ہم شعورِ ذات کے مارے ہوئے

ہم بھارت اور پاکستان کے منصور لوگ

دونوں کشمیری علاقہ جات کے مارے ہوئے

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

پھر ایک پوری دیانت سے رات پوری کی

دسمبر 1, 2007منصور آفاق،شعراء،غزلفرات،واردات،کائنات،انبساط،احتیاط،بات،برات،حیات،ذات،راتadmin

منصور آفاق ۔ غزل نمبر 465

اک ایک سایہ ء ہجراں کے ساتھ پوری کی

پھر ایک پوری دیانت سے رات پوری کی

میں ایک کُن کی صدا تھا سو عمر بھر میں نے

ادھوری جو تھی پڑی کائنات پوری کی

عجیب عالمِ وحشت، عجیب دانائی

کبھی بکھیرا، کبھی اپنی ذات پوری کی

تھلوں کی ریت میں بو بو کے پیاس کے کربل

پھر آبِ سندھ نے رسمِ فرات پوری کی

پلک پلک پہ ستارے رکھے سہاگ کی رات

نہ پوچھ چاند کی کیسے برات پوری کی

کئی برس سے ادھوری پڑی تھی، سو میں نے

یہ مانگ تانگ کے سانسیں ، حیات پوری کی

یہ اور بات کہ دل میں اتر گیا پھر بھی

کسی سے ملتے ہوئے احتیاط پوری کی

یہ اور بات کہ آنسو ورق ورق پہ رکھے

کتابِ فلسفہء انبساط پوری کی

یہ اور بات کہ کام آ گئی کوئی نیکی

اُس اجنبی نے مگر واردات پوری کی

ہزار کہہ کے بھی میں کچھ نہ کہہ سکا منصور

کہا نہ کچھ بھی مگر اس نے بات پوری کی

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

چلتی ہے کتنے پہر کسی ذات کی گھڑی

دسمبر 1, 2007منصور آفاق،شعراء،غزلفتوحات،ملاقات،مناجات،مکافات،مدارات،اوقات،آیات،حوالات،حالات،ذات،سماواتadmin

منصور آفاق ۔ غزل نمبر 460

کچھ کہہ رہی ہے مجھ سے ترے ہاتھ کی گھڑی

چلتی ہے کتنے پہر کسی ذات کی گھڑی

لیکن میں روک سکتانہیں رات کی گھڑی

دیوار پر لگادی ہے اوقات کی گھڑی

باہر سے لوٹ جائے وہ مہتاب کی کرن

اب ختم ہوچکی ہے ملاقات کی گھڑی

اچھی ہیں یار کی متلون مزاجیاں

ممکن ہے پھر وہ آئے مدارات کی گھڑی

بہتا ہے میرے سینے میں اک چشمۂ دعا

ٹھہری ہوئی ہے مجھ میں مناجات کی گھڑی

یہ اور بات دیکھ کے پہچانتے نہیں

آتی ہے روز، روزِ مکافات کی گھڑی

دیکھو ازل نژاد ہے چلتی ہوئی ہوا

سمجھو ابد خرام ہے آیات کی گھڑی

اب ختم ہورہی ہے مشقت نصیب کی

چلنے پہ آگئی ہے حوالات کی گھڑی

گھڑیال مسجدوں کے بتاتے ہیں اور وقت

کچھ اور کہہ رہی ہے سماوات کی گھڑی

اعمال دیکھ کر مرے آقائے لوح نے

امت سے چھین لی ہے فتوحات کی گھڑی

منصور بہہ رہا ہے مرے وقت سے لہو

چلتی سدا ہے زخم میں حالات کی گھڑی

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

پھر بھی میں ہوں جلتی بجھتی روشنی کے ساتھ ساتھ

دسمبر 1, 2007منصور آفاق،شعراء،غزلپات،برسات،حالات،ذات،ساتھadmin

منصور آفاق ۔ غزل نمبر 405

چل رہی ہے زندگی کی اک بھیانک رات ساتھ

پھر بھی میں ہوں جلتی بجھتی روشنی کے ساتھ ساتھ

میں نے سوچا کیا کہیں گے میرے بچپن کے رفیق

اور پھر رختِ سفر میں رکھ لیے حالات ساتھ

میں اکیلا رونے والا تو نہیں ہوں دھوپ میں

دے رہی ہے کتنے برسوں سے مرا برسات ساتھ

چاہیے تھا صرف تعویذِ فروغِ کُن مجھے

دے دیا درویش نے اذنِ شعورِ ذات ساتھ

یہ خزاں زادے کہیں کیا گل رتوں کے مرثیے

یونہی بے مقصد ہواؤں کے ہیں سوکھے پات ساتھ

ایک بچھڑے یار کی پرسوز یادوں میں مگن

کوئی بگلا چل رہا تھا پانیوں کے ساتھ ساتھ

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

میں خدا اور کائنات

دسمبر 1, 2007منصور آفاق،شعراء،غزلہاتھ،فرات،قنات،لغات،ممکنات،وفات،واقعات،وات،واردات،کائنات،کات،پات،بات،برات،ثبات،جہات،ذات،راتadmin

منصور آفاق ۔ غزل نمبر 3

چل رہے ہیں ایک ساتھ

میں خدا اور کائنات

عرش پر بس بیٹھ کر

کن فکاں کا چرخہ کات

مرد و زن کا اجتماع

بیچ صدیوں کی قنات

دو وجودوں میں جلی

سردیوں کی ایک رات

بند ذرے میں کوئی

کائناتی واردات

آسیا میں قطب کی

سو گئیں سولہ جہات

پانیوں پر قرض ہے

فدیۂ نہر فرات

تُو پگھلتی تارکول

میں سڑک کا خشک پات

تیرا چہرہ جاوداں

تیری زلفوں کو ثبات

رحمتِ کن کا فروغ

جشن ہائے شب برات

شب تھی خالی چاند سے

دل رہا اندیشوں وات

نت نئے مفہوم دے

تیری آنکھوں کی لغات

آنکھ سے لکھا گیا

قصۂ نا ممکنات

گر پڑی ہے آنکھ سے

اک قیامت خیز بات

تیرے میرے درد کا

ایک شجرہ، ایک ذات

کٹ گئے ہیں روڈ پر

دو ہوا بازوں کے ہاتھ

لکھ دی اک دیوار پر

دل کی تاریخِ وفات

موت تک محدود ہیں

ڈائری کے واقعات

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

جس پہ بھولے تھے ہم وہ بات نہیں

نومبر 16, 2006الطاف حسین حالیواردات،بات،حیات،ذات،راتadmin

الطاف حسین حالی ۔ غزل نمبر 42

اب وہ اگلا سا التفات نہیں

جس پہ بھولے تھے ہم وہ بات نہیں

رنج كيا كيا ہیں ایك جان کے ساتھ

زندگی موت ہے حیات نہیں

کوئی دلسوز ہو تو کیجے بیاں

سرسری دل کی واردات نہیں

ذرہ ذرہ ہے مظہر خورشید

جاگ اے آنکھ دن ہے رات نہیں

قیس ہو، كوہكن ہو، يا حالی

عاشقی کچھ كسي کی ذات نہیں

الطاف حسین حالی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

انگڑائی لے کے موج خرابات رہ گئی

جنوری 8, 1972باقی صدیقی،شعراء،غزلبات،حالات،خرابات،ذاتadmin

باقی صدیقی ۔ غزل نمبر 158

ان کے لبوں پر آ کے مری بات رہ گئی

انگڑائی لے کے موج خرابات رہ گئی

پھر رخ بدل دیا غم ہستی نے دہر کا

پھر زیر بحث آ کے تری ذات رہ گئی

ہونے کو ان سے سینکڑوں باتیں ہوئیں مگر

جس بات کا گلہ تھا وہی بات رہ گئی

باقیؔ کسی سے ان کی شکایت نہ کر سکے

کچھ یوں بدل کے صورت حالات رہ گئی

باقی صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔