ٹیگ کے محفوظات: دہل

کاشکے آہوچشم اپنا آنکھوں کو پائوں سے مل جاتا

اکتوبر 6, 2015میر تقی میر،اساتذہ،غزلمل،چھل،ٹل،بدل،جل،دہل،سنبھلadmin

دیوان پنجم غزل 1568

ایک نہ خواہش بر آئی تا جی کا غبار نکل جاتا

کاشکے آہوچشم اپنا آنکھوں کو پائوں سے مل جاتا

آتش دل کی لپٹوں کا ہے یارو کچھ عالم ہی جدا

لائحہ کوئی کھینچتا سر تو سارا عالم جل جاتا

نعرہ کرنا عاشق کا ہے ساتھ اک ہیبت کے یعنی

سن آواز اس شیرنر کی سیل بلا سے دہل جاتا

اہل زمیں تو کیا ہیں ان کا سہل تھا راہ سے لے جانا

چرخ پہ ہوتا وہ جو چھلاوا خیل ملک کو چھل جاتا

کشتی زبردستوں کی اس سے پاک ہوئی تو کیا ہے عجب

رستم سامنے ہوجاتا تو راہ بچا کر ٹل جاتا

غم سے ہو گر زرد سراسر صورت ساری خزاں کی سی

آن نکلتے سوے چمن تو رنگ ہوا کا بدل جاتا

ڈھلتے ڈھلتے ضعف سے آئے میر سو ان نے منھ پھیرا

یاقوتی سے بوسۂ لب کی جی شاید کہ سنبھل جاتا

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کل درد دل کہا سو مرا منھ ابل گیا

اکتوبر 6, 2015میر تقی میر،اساتذہ،غزلنکل،چھل،ابل،بہل،بچل،بدل،جل،خلل،دہل،سنبھلadmin

دیوان چہارم غزل 1325

شاید جگر حرارت عشقی سے جل گیا

کل درد دل کہا سو مرا منھ ابل گیا

بے یار حیف باغ میں دل ٹک بہل گیا

دے گل کو آگ چار طرف میں نہ جل گیا

اس آہوے رمیدہ کی شوخی کہیں سو کیا

دکھلائی دے گیا تو چھلاوا سا چھل گیا

دن رات خوں کیا ہی کیے ہم جگر کو پھر

گر پھول گل سے کوئی گھڑی جی بہل گیا

تیور بدلنے سے تو نہیں اس کے بے حواس

اندیشہ یہ ہے طور ہی اس کا بدل گیا

ہرچند میں نے شوق کو پنہاں کیا ولے

ایک آدھ حرف پیار کا منھ سے نکل گیا

کرتے ہیں نذر ہم کہ نہ الفت کریں کہیں

گر دل ضعیف اب کے ہمارا سنبھل گیا

چلنے لگے تھے راہ طلب پر ہزار شکر

پہلے قدم ہی پائوں ہمارا بچل گیا

میں دہ دلا تو آگے ہی تھا فرط شوق سے

طور اس کا دیکھ اور بھی کچھ دل دہل گیا

سر اب لگے جھکانے بہت خاک کی طرف

شاید کہ میرجی کا دماغی خلل گیا

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

رات جو تھی چاند سا گھر سے نکل کر رہ گیا

اکتوبر 6, 2015میر تقی میر،اساتذہ،غزلمل،نکل،نگل،ٹل،اچھل،اگل،بچل،جل،دہلadmin

دیوان دوم غزل 720

مکث طالع دیکھ وہ ایدھر کو چل کر رہ گیا

رات جو تھی چاند سا گھر سے نکل کر رہ گیا

خواب میں کل پائوں اپنے دوست کے ملتا تھا میں

آنکھ دشمن کھل گئی سو ہاتھ مل کر رہ گیا

ہم تو تھے سرگرم پابوسی خدا نے خیر کی

نیمچہ کل خوش غلاف اس کا اگل کر رہ گیا

ہم بھی دنیا کی طلب میں سر کے بل ہوتے کھڑے

بارے اپنا پائوں اس رہ میں بچل کر رہ گیا

کیا کہوں بیتابی شب سے کہ ناچار اس بغیر

دل مرے سینے میں دو دو ہاتھ اچھل کر رہ گیا

کیا ہمیں کو یار کے تیغے نے کھاکر دم لیا

ایسے بہتیروں کو یہ اژدر نگل کر رہ گیا

دو قدم ساتھ اس جفا جو کے چلا جاتا ہے جی

بوالہوس عیار تھا دیکھا نہ ٹل کر رہ گیا

آنکھ کچھ اپنی ہی اس کے سامنے ہوتی نہیں

جن نے وہ خونخوار سج دیکھی دہل کر رہ گیا

ایک ڈھیری راکھ کی تھی صبح جاے میر پر

برسوں سے جلتا تھا شاید رات جل کر رہ گیا

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔