ٹیگ کے محفوظات: دکاں

کی تم نے مہربانی بے خانماں کے اوپر

اکتوبر 7, 2015میر تقی میر،اساتذہ،غزلنشاں،امتحاں،آسماں،آشیاں،تواں،جہاں،جاں،خانماں،دہاں،دکاں،زیاں،زباںadmin

دیوان ششم غزل 1823

آئے ہو گھر سے اٹھ کر میرے مکاں کے اوپر

کی تم نے مہربانی بے خانماں کے اوپر

پھولوں سے اٹھ نگاہیں مکھڑے پہ اس کے ٹھہریں

وہ گل فروش کا جو آیا دکاں کے اوپر

برسات اب کے گذری خوف و خطر میں ساری

چشمک زناں رہی ہے برق آشیاں کے اوپر

رخسار سا کسو کے کاہے کو ہے فروزاں

ہر چند ماہ تاباں ہے آسماں کے اوپر

بے سدھ پڑا رہوں ہوں بستر پہ رات دن میں

کیا آفت آگئی ہے اس نیم جاں کے اوپر

عشق و ہوس میں کچھ تو آخر تمیز ہو گی

آئی طبیعت اس کی گر امتحاں کے اوپر

الفت کی کلفتوں میں معلوم ہے ہوئی وہ

تھا اعتماد کلی تاب و تواں کے اوپر

محو دعا تھا اکثر غیرت سے لیک گاہے

آیا نہ نام اس کا میری زباں کے اوپر

وہ جان و دل کی خواہش آیا نہیں جہاں میں

آئی ہے اک قیامت اہل جہاں کے اوپر

کیا لوگ ہیں محباں سوداے عاشقی میں

اغماض کرتے ہیں سب جی کے زیاں کے اوپر

حیرت سے اس کے روکی چپ لگ گئی ہے ایسی

گویا کہ مہر کی ہے میرے دہاں کے اوپر

جو راہ دوستی میں اے میر مرگئے ہیں

سر دیں گے لوگ ان کے پا کے نشاں کے اوپر

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

میرا دماغ تب سے ہے ہفتم آسماں پر

اکتوبر 6, 2015میر تقی میر،اساتذہ،غزللامکاں،ناتواں،آسماں،آشیاں،جاں،دکاں،زباںadmin

دیوان پنجم غزل 1620

شوریدہ سر رکھا ہے جب سے اس آستاں پر

میرا دماغ تب سے ہے ہفتم آسماں پر

گھائل گرا رہا ہے فتراک سے بندھا ہے

کیا کیا ستم ہوئے ہیں اس صید ناتواں پر

لطف بدن کو اس کے ہرگز پہنچ سکے نہ

جا پڑتی تھی ہمیشہ اپنی نگاہ جاں پر

خاشاک و خار و خس کو کر ایک جا جلایا

کیا چشم شور برق خاطف تھی آشیاں پر

وہ باغباں پسر کچھ گل گل شگفتہ ہے اب

یہ اور گل کھلا ہے اک پھولوں کی دکاں پر

پرکالے آگ کے تھے کیا نالہ ہاے بلبل

شبنم سے آبلے ہیں گل برگ سی زباں پر

دل کیا مکاں پھر اس کا کیا صحن میر لیکن

غالب ہے سعی میں تو میدان لامکاں پر

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

اس آتش خاموش کا ہے شور جہاں میں

اکتوبر 6, 2015میر تقی میر،اساتذہ،غزلمکاں،نشاں،جہاں،جواں،دکاں،رواں،زباںadmin

دیوان دوم غزل 908

معلوم نہیں کیا ہے لب سرخ بتاں میں

اس آتش خاموش کا ہے شور جہاں میں

یوسفؑ کے تئیں دیکھ نہ کیوں بند ہوں بازار

یہ جنس نکلتی نہیں ہر اک کی دکاں میں

یک پرچۂ اشعار سے منھ باندھے سبھوں کے

جادو تھا مرے خامے کی گویا کہ زباں میں

یہ دل جو شکستہ ہے سو بے لطف نہیں ہے

ٹھہرو کوئی دم آن کے اس ٹوٹے مکاں میں

میں لگ کے گلے خوب ہی رویا لب جو پر

ملتی تھی طرح اس کی بہت سرو رواں میں

کیا قہر ہوا دل جو دیا لڑکوں کو میں نے

چرچا ہے یہی شہر کے اب پیر و جواں میں

وے یاسمن تازہ شگفتہ میں کہاں میر

پائے گئے لطف اس کے جو پائوں کے نشاں میں

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

تنگ آیا ہوں سو پیراہن جاں کھولتا ہوں

جنوری 6, 2012عرفان صدیقی،غزلگماں،جاں،دُکاں،دکاںadmin

عرفان صدیقی ۔ غزل نمبر 141

لو، میں راز ہنر چارہ گراں کھولتا ہوں

تنگ آیا ہوں سو پیراہن جاں کھولتا ہوں

یہ بھی دیکھوں ترے افلاک میں رکھا کیا ہے

آج میں بال و پر وہم و گماں کھولتا ہوں

بھولتا بھی نہیں، نام اس کا بتاتا بھی نہیں

بند کرتا ہوں نہ یہ دل کی دُکاں کھولتا ہوں

MERGED تو بھی دیکھے ترے افلاک کی وسعت کیا ہے

آج میں بال و پر، ہم و گماں کھولتا ہوں

بھولتا بھی نہیں نام اس کا بتاتا بھی نہیں

نہ بڑھاتا ہوں نہ یہ دل کی دکاں کھولتا ہوں

عرفان صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔