ٹیگ کے محفوظات: حیات

شام، شب اور حیات کمرے میں

جون 1, 2021یاور ماجد،آنکھ بھر آسمان،غزلمات،بات،ثبات،جہات،حیات،ذات،راتadmin

ڈھل چلیں ساتھ ساتھ کمرے میں

شام، شب اور حیات کمرے میں

یک جہت ہیں تمام دنیائیں

ہیں مری شش جہات کمرے میں

اس مکاں سے مجھے ملا کیا ہے

چوٹ چھت پر، تو مات کمرے میں

اتنی تنہائیوں کی محفل تھی

کرتا کس کس سے بات کمرے میں

صرف تنہائی ہی نہیں ہے یہاں

اس سے بڑھ کر ہے بات کمرے میں

کچھ تغیر نہیں ملا باہر

اور نہ پایا ثبات کمرے میں

جسم میرا گلی گلی بکھرا

رہ گئی میری ذات کمرے میں

وقت سے کیا گلہ کروں یاؔور

دن ہے باہر، تو رات کمرے میں

یاور ماجد

آنکھ بھر آسمان ۔ فہرست

نہ جانے چھوڑ دے مجھ کو مری حیات کہاں

اکتوبر 25, 2015قمر جلالوی،شعراء،غزلکائنات،بات،تعلقات،حیات،راتadmin

قمر جلالوی ۔ غزل نمبر 60

میں ڈھونڈ لوں تجھے میری بس کی بات کہاں

نہ جانے چھوڑ دے مجھ کو مری حیات کہاں

قفس میں یاد نہ کر آشیاں کی آزادی

وہ اپنا گھر تھا یہاں اپنے گھر کی بات کہاں

شباب آنے سے تجھ سے عبث امیدِ وفا

رہے گی تیرے زمانے میں کائنات کہاں

تلاش کرنے کو آئے گا کون صحرا میں

مرے جنوں کے ہیں ایسے تعلقات کہاں

قمر وہ رات کو بہرِ عیادت آئیں گے

مگر مریض کی قسمت میں آج، رات کہاں

قمر جلالوی

کچھ اور رنگ ڈھنگ ہوا کائنات کا

اکتوبر 25, 2015مصطفٰی خان شیفتہ،اساتذہ،غزلنجات،وفات،کائنات،التفات،بات،برات،ثبات،حیات،ذات،راتadmin

مصطفٰی خان شیفتہ ۔ غزل نمبر 16

جب سے عطا ہوا ہمیں خلعت حیات کا

کچھ اور رنگ ڈھنگ ہوا کائنات کا

شیشہ اتار، شکوے کو بالائے طاق رکھ

کیا اعتبار زندگیِ بے ثبات کا

لڑتے ہو جب رقیب سے کرتے ہو مجھ سے صلح

مشتاق یاں نہیں کوئی اس التفات کا

گر تیرے تشنہ کام کو دے خضر مرتے دم

پانی ہو خشک چشمۂ آبِ حیات کا

یاں خار و خس کو بے ادبی سے نہ دیکھنا

ہاں عالمِ شہود ہے آئینہ ذات کا

کہتے ہیں جان، جانتے ہیں بے وفا مجھے

کیا اعتبار ہے انہیں دشمن کی بات کا

واعظ جنوں زدوں سے نہیں باز پرسِ حشر

بس آپ فکر کیجئے اپنی نجات کا

جوشِ سرشکِ خوں کے سبب سے دمِ رقم

نامہ نہیں رہا یہ ورق ہے برات کا

اے مرگ آ ، کہ میری بھی رہ جائے آبرو

رکھا ہے اس نے سوگ عدو کی وفات کا

ایسے کے آگے شیفتہ کیا چل سکے جہاں

احسان ایک عمر رہے، ایک رات کا

مصطفٰی خان شیفتہ

پہروں چوائو ان نے رکھا بات بات کا

اکتوبر 6, 2015میر تقی میر،اساتذہ،غزلہاتھ،نجات،کائنات،التفات،بات،ثبات،حیات،سگات،سات،صلوٰتadmin

دیوان چہارم غزل 1314

قصہ کہیں تو کیا کہیں ملنے کی رات کا

پہروں چوائو ان نے رکھا بات بات کا

جرأت سے گرچہ زرد ہوں پر مانتا ہے کون

منھ لال جب تلک نہ کروں پانچ سات کا

کیونکر بسر کرے غم و غصہ میں ہجر کے

خوگر جو ہو کسو کے کوئی التفات کا

جاگہ سے لے گیا ہمیں اس کا خرام ناز

ٹھہرائو ہوسکا نہ قرار و ثبات کا

ڈرتا ہوں مالکان جزا چھاتی دیکھ کر

کہنے لگیں نہ واہ رے زخم اس کے ہاتھ کا

واعظ کہے سو سچ ہے ولے مے فروش سے

ہم ذکر بھی سنا نہیں صوم و صلوٰت کا

بھونکا کریں رقیب پڑے کوے یار میں

کس کے تئیں دماغ عفف ہے سگات کا

ان ہونٹوں کا حریف ہو ظلمات میں گیا

پردے میں رو سیاہ ہے آب حیات کا

عالم کسو حکیم کا باندھا طلسم ہے

کچھ ہو تو اعتبار بھی ہو کائنات کا

گر یار میر اہل ہے تو کام سہل ہے

اندیشہ تجھ کو یوں ہی ہے اپنی نجات کا

میر تقی میر

سجدہ اس آستاں کا کیا پھر وفات کی

اکتوبر 6, 2015میر تقی میر،اساتذہ،غزلمات،نبات،وفات،کائنات،گھات،التفات،بات،حیات،راتadmin

دیوان اول غزل 469

غم سے یہ راہ میں نے نکالی نجات کی

سجدہ اس آستاں کا کیا پھر وفات کی

نسبت تو دیتے ہیں ترے لب سے پر ایک دن

ناموس یوں ہی جائے گی آب حیات کی

صد حرف زیر خاک تہ دل چلے گئے

مہلت نہ دی اجل نے ہمیں ایک بات کی

ہم تو ہی اس زمانے میں حیرت سے چپ نہیں

اب بات جاچکی ہے سبھی کائنات کی

پژمردہ اس کلی کے تئیں وا شدن سے کیا

آہ سحر نے دل پہ عبث التفات کی

حور و پری فرشتہ بشر مار ہی رکھا

دزدیدہ تیرے دیکھنے نے جس پہ گھات کی

اس لب شکر کے ہیں گے جہاں ذائقہ شناس

اس جا دعا پہنچتی نہیں ہے نبات کی

عرصہ ہے تنگ چال نکلتی نہیں ہے اور

جو چال پڑتی ہے سو وہ بازی کی مات کی

برقع اٹھا تھا یار کے منھ کا سو میر کل

سنتے ہیں آفتاب نے جوں توں کے رات کی

میر تقی میر

کس قیامت کی رات گزری ہے

مارچ 1, 2012مجید امجد،شبِ رفتہ،غزلواردات،حیات،رات،ساتadmin

مجید امجد ۔ غزل نمبر 78

دل سے ہر گزری بات گزری ہے

کس قیامت کی رات گزری ہے

چاندنی، نیم وا دریچہ، سکوت

آنکھوں آنکھوں میں رات گزری ہے

ہائے وہ لوگ، خوبصورت لوگ

جن کی دُھن میں حیات گزری ہے

کسی بھٹکے ہوئے خیال کی موج

کتنی یادوں کے سات گزری ہے

تمتماتا ہے چہرۂ ایام

دل پہ کیا واردات گزری ہے

پھر کوئی آس لڑکھڑائی ہے

کہ نسیمِ حیات گزری ہے

بجھتے جاتے ہیں دکھتی پلکوں پہ دیپ

نیند آئی ہے، رات گزری ہے

مجید امجد

پھر ایک پوری دیانت سے رات پوری کی

دسمبر 1, 2007منصور آفاق،شعراء،غزلفرات،واردات،کائنات،انبساط،احتیاط،بات،برات،حیات،ذات،راتadmin

منصور آفاق ۔ غزل نمبر 465

اک ایک سایہ ء ہجراں کے ساتھ پوری کی

پھر ایک پوری دیانت سے رات پوری کی

میں ایک کُن کی صدا تھا سو عمر بھر میں نے

ادھوری جو تھی پڑی کائنات پوری کی

عجیب عالمِ وحشت، عجیب دانائی

کبھی بکھیرا، کبھی اپنی ذات پوری کی

تھلوں کی ریت میں بو بو کے پیاس کے کربل

پھر آبِ سندھ نے رسمِ فرات پوری کی

پلک پلک پہ ستارے رکھے سہاگ کی رات

نہ پوچھ چاند کی کیسے برات پوری کی

کئی برس سے ادھوری پڑی تھی، سو میں نے

یہ مانگ تانگ کے سانسیں ، حیات پوری کی

یہ اور بات کہ دل میں اتر گیا پھر بھی

کسی سے ملتے ہوئے احتیاط پوری کی

یہ اور بات کہ آنسو ورق ورق پہ رکھے

کتابِ فلسفہء انبساط پوری کی

یہ اور بات کہ کام آ گئی کوئی نیکی

اُس اجنبی نے مگر واردات پوری کی

ہزار کہہ کے بھی میں کچھ نہ کہہ سکا منصور

کہا نہ کچھ بھی مگر اس نے بات پوری کی

منصور آفاق

اک نئی کائنات سے گزرا

دسمبر 1, 2007منصور آفاق،شعراء،غزلہاتھ،منات،نفسیات،واقعات،کائنات،ثبات،حیات،حادثات،رات،سومناتadmin

منصور آفاق ۔ غزل نمبر 28

جب بھی میں کشفِ ذات سے گزرا

اک نئی کائنات سے گزرا

ہاتھ میں لالٹین لے کر میں

جبر کی کالی رات سے گزرا

آتی جاتی ہوئی کہانی میں

کیا کہوں کتنے ہاتھ سے گزرا

موت کی دلکشی زیادہ ہے

میں مقامِ ثبات سے گزرا

جستہ جستہ دلِ تباہ مرا

جسم کی نفسیات سے گزرا

لمحہ بھر ہی وہاں رہا لیکن

میں بڑے واقعات سے گزرا

لفظ میرا ترے تعاقب میں

حوضِ آبِ حیات سے گزرا

ایک تُو ہی نہیں ہے غم کا سبب

دل کئی حادثات سے گزرا

یہ بھی اِنکار کی تجلی ہے

ذہن لات و منات سے گزرا

دستِ اقبال تھام کر منصور

کعبہ و سومنات سے گزرا

منصور آفاق

جس پہ بھولے تھے ہم وہ بات نہیں

نومبر 16, 2006الطاف حسین حالیواردات،بات،حیات،ذات،راتadmin

الطاف حسین حالی ۔ غزل نمبر 42

اب وہ اگلا سا التفات نہیں

جس پہ بھولے تھے ہم وہ بات نہیں

رنج كيا كيا ہیں ایك جان کے ساتھ

زندگی موت ہے حیات نہیں

کوئی دلسوز ہو تو کیجے بیاں

سرسری دل کی واردات نہیں

ذرہ ذرہ ہے مظہر خورشید

جاگ اے آنکھ دن ہے رات نہیں

قیس ہو، كوہكن ہو، يا حالی

عاشقی کچھ كسي کی ذات نہیں

الطاف حسین حالی

پھر ایک بات چھڑی، ایک بات ختم ہوئی

جنوری 8, 1972باقی صدیقی،شعراء،غزلکائنات،التفات،بات،حیاتadmin

باقی صدیقی ۔ غزل نمبر 154

وہ پو پھٹی، وہ سحر آئی، رات ختم ہوئی

پھر ایک بات چھڑی، ایک بات ختم ہوئی

رہ حیات کے ہر موڑ پر یہ غم توبہ

ابھی حیات، ابھی کائنات ختم ہوئی

مریض عشق نے لو شرح زندگی کر دی

چھڑی تھی آہ سے، ہچکی پہ بات ختم ہوئی

مرے جنوں ہی نے بحث حیات چھیڑی تھی

مرے جنوں ہی پہ بحث حیات ختم ہوئی

ہمیں نے عشق کیا اختیار جب باقیؔ

جہاں سے رسم و رہ التفات ختم ہوئی

باقی صدیقی

سخن سرا

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: حیات

شام، شب اور حیات کمرے میں

نہ جانے چھوڑ دے مجھ کو مری حیات کہاں

کچھ اور رنگ ڈھنگ ہوا کائنات کا

پہروں چوائو ان نے رکھا بات بات کا

سجدہ اس آستاں کا کیا پھر وفات کی

کس قیامت کی رات گزری ہے

پھر ایک پوری دیانت سے رات پوری کی

اک نئی کائنات سے گزرا

جس پہ بھولے تھے ہم وہ بات نہیں

پھر ایک بات چھڑی، ایک بات ختم ہوئی

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں: