ٹیگ کے محفوظات: حکایت

درد ہے، درد بھی قیامت کا

مئی 30, 2021عرفان ستار،غزلفرصت،فضیلت،قیامت،مروّت،مشیّت،نہایت،نحوست،وحشت،وضاحت،امانت،جراحت،حقیقت،حمایت،حکایت،دولت،رقابت،روایت،ریاضت،رعونت،رعایت،سہولت،سیاست،ساعت،شکایت،طبیعت،عیادت،عادتadmin

پوچھتے کیا ہو دل کی حالت کا؟

درد ہے، درد بھی قیامت کا

یار، نشتر تو سب کے ہاتھ میں ہے

کوئی ماہر بھی ہے جراحت کا؟

اک نظر کیا اٹھی، کہ اس دل پر

آج تک بوجھ ہے مروّت کا

دل نے کیا سوچ کر کیا آخر

فیصلہ عقل کی حمایت کا

کوئی مجھ سے مکالمہ بھی کرے

میں بھی کردار ہوں حکایت کا

آپ سے نبھ نہیں رہی اِس کی؟

قتل کردیجیئے روایت کا

نہیں کُھلتا یہ رشتہِٗ باہم

گفتگو کا ہے یا وضاحت کا؟

تیری ہر بات مان لیتا ہوں

یہ بھی انداز ہے شکایت کا

دیر مت کیجیئے جناب، کہ وقت

اب زیادہ نہیں عیادت کا

بے سخن ساتھ کیا نباہتے ہم؟

شکریہ ہجر کی سہولت کا

کسرِ نفسی سے کام مت لیجے

بھائی یہ دور ہے رعونت کا

مسئلہ میری زندگی کا نہیں

مسئلہ ہے مری طبیعت کا

درد اشعار میں ڈھلا ہی نہیں

فائدہ کیا ہوا ریاضت کا؟

آپ مجھ کو معاف ہی رکھیئے

میں کھلاڑی نہیں سیاست کا

رات بھی دن کو سوچتے گزری

کیا بنا خواب کی رعایت کا؟

رشک جس پر سلیقہ مند کریں

دیکھ احوال میری وحشت کا

صبح سے شام تک دراز ہے اب

سلسلہ رنجِ بے نہایت کا

وہ نہیں قابلِ معافی، مگر

کیا کروں میں بھی اپنی عادت کا

اہلِ آسودگی کہاں جانیں

مرتبہ درد کی فضیلت کا

اُس کا دامن کہیں سے ہاتھ آئے

آنکھ پر بار ہے امانت کا

اک تماشا ہے دیکھنے والا

آئینے سے مری رقابت کا

دل میں ہر درد کی ہے گنجائش

میں بھی مالک ہوں کیسی دولت کا

ایک تو جبر اختیار کا ہے

اور اک جبر ہے مشیّت کا

پھیلتا جا رہا ہے ابرِ سیاہ

خود نمائی کی اِس نحوست کا

جز تری یاد کوئی کام نہیں

کام ویسے بھی تھا یہ فرصت کا

سانحہ زندگی کا سب سے شدید

واقعہ تھا بس ایک ساعت کا

ایک دھوکہ ہے زندگی عرفان

مت گماں اِس پہ کر حقیقت کا

عرفان ستار

درد ہے، درد بھی قیامت کا

اکتوبر 26, 2015شعراء،عرفان ستار،غزلفرصت،فضیلت،قیامت،مروّت،مشیّت،نہایت،نحوست،وحشت،وضاحت،امانت،جراحت،حقیقت،حمایت،حکایت،دولت،رقابت،روایت،ریاضت،رعونت،رعایت،سہولت،سیاست،ساعت،شکایت،طبیعت،عیادت،عادتadmin

عرفان ستار ۔ غزل نمبر 5

پوچھتے کیا ہو دل کی حالت کا؟

درد ہے، درد بھی قیامت کا

یار، نشتر تو سب کے ہاتھ میں ہے

کوئی ماہر بھی ہے جراحت کا؟

اک نظر کیا اٹھی، کہ اس دل پر

آج تک بوجھ ہے مروّت کا

دل نے کیا سوچ کر کیا آخر

فیصلہ عقل کی حمایت کا

کوئی مجھ سے مکالمہ بھی کرے

میں بھی کردار ہوں حکایت کا

آپ سے نبھ نہیں رہی اِس کی؟

قتل کردیجیئے روایت کا

نہیں کُھلتا یہ رشتہِٗ باہم

گفتگو کا ہے یا وضاحت کا؟

تیری ہر بات مان لیتا ہوں

یہ بھی انداز ہے شکایت کا

دیر مت کیجیئے جناب، کہ وقت

اب زیادہ نہیں عیادت کا

بے سخن ساتھ کیا نباہتے ہم؟

شکریہ ہجر کی سہولت کا

کسرِ نفسی سے کام مت لیجے

بھائی یہ دور ہے رعونت کا

مسئلہ میری زندگی کا نہیں

مسئلہ ہے مری طبیعت کا

درد اشعار میں ڈھلا ہی نہیں

فائدہ کیا ہوا ریاضت کا؟

آپ مجھ کو معاف ہی رکھیئے

میں کھلاڑی نہیں سیاست کا

رات بھی دن کو سوچتے گزری

کیا بنا خواب کی رعایت کا؟

رشک جس پر سلیقہ مند کریں

دیکھ احوال میری وحشت کا

صبح سے شام تک دراز ہے اب

سلسلہ رنجِ بے نہایت کا

وہ نہیں قابلِ معافی، مگر

کیا کروں میں بھی اپنی عادت کا

اہلِ آسودگی کہاں جانیں

مرتبہ درد کی فضیلت کا

اُس کا دامن کہیں سے ہاتھ آئے

آنکھ پر بار ہے امانت کا

اک تماشا ہے دیکھنے والا

آئینے سے مری رقابت کا

دل میں ہر درد کی ہے گنجائش

میں بھی مالک ہوں کیسی دولت کا

ایک تو جبر اختیار کا ہے

اور اک جبر ہے مشیّت کا

پھیلتا جا رہا ہے ابرِ سیاہ

خود نمائی کی اِس نحوست کا

جز تری یاد کوئی کام نہیں

کام ویسے بھی تھا یہ فرصت کا

سانحہ زندگی کا سب سے شدید

واقعہ تھا بس ایک ساعت کا

ایک دھوکہ ہے زندگی عرفان

مت گماں اِس پہ کر حقیقت کا

عرفان ستار

اجل تو ہے دل کے مرض کی بدایت

اکتوبر 6, 2015میر تقی میر،اساتذہ،غزلبدایت،حکایت،سرایت،شکایت،عنایتadmin

دیوان سوم غزل 1119

خدا جانیے ہووے گی کیا نہایت

اجل تو ہے دل کے مرض کی بدایت

سخن غم سے آغشتہ خوں ہے ولیکن

نہیں لب مرے آشناے شکایت

نہیں یہ گنہگار ملنے کے قابل

کرم کریے تو مہربانی عنایت

گیا آسماں پر جو نالہ تو کیا ہے

نہیں یار کے دل میں کرتا سرایت

ہمیں عشق میں میر چپ لگ گئی ہے

نہ شکر و شکایت نہ حرف و حکایت

میر تقی میر

رنج و حرماں کی یہ بدایت ہے

اکتوبر 6, 2015میر تقی میر،اساتذہ،غزلولایت،کفایت،کنایت،بدایت،حکایت،رعایت،سرایت،شکایت،عنایتadmin

دیوان دوم غزل 1032

دل مرا مضطرب نہایت ہے

رنج و حرماں کی یہ بدایت ہے

منھ ادھر کر کبھو نہ وہ سویا

کیا دعا شب کی بے سرایت ہے

اب وہ مہ اور ایک مہ سے ملا

چند در چند یہ حکایت ہے

ہر طرف بحث تجھ سے ہے اے عشق

شکر تیرا تری شکایت ہے

ایسے رنج و عنا میں اودھر سے

پرسش حال بھی عنایت ہے

دہر کا ہو گلہ کہ شکوئہ چرخ

اس ستمگر ہی سے کنایت ہے

مت مراعات غیر رکھ منظور

میرے حق میں یہی رعایت ہے

عاشق اب بڑھ گئے ہمیں چھانٹو

اس میں سرکار کی کفایت ہے

کب ملے میر ملک داروں سے

وہ گداے شہ ولایت ہے

میر تقی میر

رنج و محنت کمال راحت ہے

اکتوبر 6, 2015میر تقی میر،اساتذہ،غزلفرصت،قیامت،قسمت،محبت،مصیبت،نصیحت،الحقیقت،الزیارت،آفت،اذیت،جراحت،حکایت،حالت،حسرت،خفت،راحت،رحمت،رخصت،سلامت،صورتadmin

دیوان اول غزل 583

نالۂ عجز نقص الفت ہے

رنج و محنت کمال راحت ہے

عشق ہی گریۂ ندامت ہے

ورنہ عاشق کو چشم خفت ہے

تا دم مرگ غم خوشی کا نہیں

دل آزردہ گر سلامت ہے

دل میں ناسور پھر جدھر چاہے

ہر طرف کوچۂ جراحت ہے

رونا آتا ہے دم بدم شاید

کسو حسرت کی دل سے رخصت ہے

فتنے رہتے ہیں اس کے سائے میں

قد و قامت ترا قیامت ہے

نہ تجھے رحم نے اسے ٹک صبر

دل پہ میرے عجب مصیبت ہے

تو تو نادان ہے نپٹ ناصح

کب موثر تری نصیحت ہے

دل پہ جب میرے آ کے یہ ٹھہرا

کہ مجھے خوش دلی اذیت ہے

رنج و محنت سے باز کیونکے رہوں

وقت جاتا رہے تو حسرت ہے

کیا ہے پھر کوئی دم کو کیا جانو

دم غنیمت میاں جو فرصت ہے

تیرا شکوہ مجھے نہ میرا تجھے

چاہیے یوں جو فی الحقیقت ہے

تجھ کو مسجد ہے مجھ کو میخانہ

واعظا اپنی اپنی قسمت ہے

ایسے ہنس مکھ کو شمع سے تشبیہ

شمع مجلس کی رونی صورت ہے

باطل السحر دیکھ باطل تھے

تیری آنکھوں کا سحر آفت ہے

ابرتر کے حضور پھوٹ بہا

دیدئہ تر کو میرے رحمت ہے

گاہ نالاں طپاں گہے بے دم

دل کی میرے عجب ہی حالت ہے

کیا ہوا گر غزل قصیدہ ہوئی

عاقبت قصۂ محبت ہے

تربت میر پر ہیں اہل سخن

ہر طرف حرف ہے حکایت ہے

تو بھی تقریب فاتحہ سے چل

بخدا واجب الزیارت ہے

میر تقی میر

احرار کبھی ترکِ روایت نہ کریں گے

اپریل 10, 2012فیض احمد فیض،غبارِ ایّام،غزلہدایت،ولایت،حکایت،روایت،شکایتadmin

فیض احمد فیض ۔ غزل نمبر 11

مر جائیں گے ظالم کی حمایت نہ کریں گے

احرار کبھی ترکِ روایت نہ کریں گے

کیا کچھ نہ ملا ہے جو کبھی تجھ سے ملے گا

اب تیرے نہ ملنے کی شکایت نہ کریں گے

شب بیت گئی ہے تو گزر جائے گا دن بھی

ہر لحظہ جو گزری وہ حکایت نہ کریں گے

یہ فقر دلِ زار کا عوضانہ بہت ہے

شاہی نہیں مانگیں گے ولایت نہ کریں گے

ہم شیخ نہ لیڈر نہ مصاحب نہ صحافی

جو خود نہیں کرتے وہ ہدایت نہ کریں گے

نذرِ مولانا حسرت موہانی

فیض احمد فیض

آخری معرکۂ صبر ہے عجلت کی جائے

جنوری 11, 2012عرفان صدیقی،غزلبیعت،حیرت،حکایت،زحمت،صورت،عنایت،عجلتadmin

عرفان صدیقی ۔ غزل نمبر 250

ختم ہو جنگ خرابے پہ حکومت کی جائے

آخری معرکۂ صبر ہے عجلت کی جائے

ہم نہ زنجیر کے قابل ہیں نہ جاگیر کے اہل

ہم سے انکار کیا جائے نہ بیعت کی جائے

مملکت اور کوئی بعد میں ارزانی ہو

پہلے میری ہی زمیں مجھ کو عنایت کی جائے

یا کیا جائے مجھے خوش نظری سے آزاد

یا اسی دشت میں پیدا کوئی صورت کی جائے

ہم عبث دیکھتے ہیں غرفۂ خالی کی طرف

یہ بھی کیا کوئی تماشا ہے کہ حیرت کی جائے

گھر بھی رہیے تو چلے آتے ہیں ملنے کو غزال

کاہے کو بادیہ پیمائی کی زحمت کی جائے

اپنی تحریر تو جو کچھ ہے سو آئینہ ہے

رمز تحریر مگر کیسے حکایت کی جائے

عرفان صدیقی

سخن سرا

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: حکایت

درد ہے، درد بھی قیامت کا

درد ہے، درد بھی قیامت کا

اجل تو ہے دل کے مرض کی بدایت

رنج و حرماں کی یہ بدایت ہے

رنج و محنت کمال راحت ہے

احرار کبھی ترکِ روایت نہ کریں گے

آخری معرکۂ صبر ہے عجلت کی جائے

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں: