ٹیگ کے محفوظات: جگاتے

لوگ گرویدہ ہوتے جاتے ہیں

مئی 31, 2021کلیاتِ شکیب جلالی ۔ غزلیں،شکیب جلالی،غزلمسکراتے،جگاتے،جاتےadmin

جس قدر خود کو وہ چھپاتے ہیں

لوگ گرویدہ ہوتے جاتے ہیں

جو بھی ہمدرد بن کے آتے ہیں

غم کا احساس ہی جگاتے ہیں

عہدِ ماضی کے زرفِشاں لمحے

شِدّتِ غم میں مسکراتے ہیں

خود کو بدنام کر رہا ہوں میں

ان پہ الزام آئے جاتے ہیں

اجنبی بن کے جی رہا ہوں میں

لوگ مانوس ہوتے جاتے ہیں

شکیب جلالی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

رسم یہ منصوری ہے اِسے دُہراتے رہنا

فروری 27, 2017ماجد صدیقی،سخناب،غزلگدراتے،پچھتاتے،اٹھلاتے،جگاتے،جتاتے،دہراتے،سناتےadmin

ماجد صدیقی ۔ غزل نمبر 97

حق سمجھو جو بات زباں پر لاتے رہنا

رسم یہ منصوری ہے اِسے دُہراتے رہنا

برگ اور بار جھڑے تو کیا ہے، باغ کے پیڑو!

آنگن میں اُمید کے تم اِٹھلاتے رہنا

اِس کی شہ پر کاہے کو جی میلا کیجے

موسم کی تو خُو ہے یہی، گدراتے رہنا

سُن ہو جاؤگے للکار ستم کی سنتے

عزم کا جادو اپنے لہو میں جگاتے رہنا

ظلم کو سخت دلی کی آنچ سے ہی پیش آنا

اپنے کیے پر پھر چاہے پچھتاتے رہنا

دیکھنا وقت لگے زخموں کو مٹا ہی نہ ڈالے

رنج کی شدّت اِس شاطر کو جتاتے رہنا

لاکھ زباں پر جبر کے پہرے لگتے رہیں پر

ماجدؔ دل کا حال ہمیں ہے سناتے رہنا

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

بوسۂ کنج لب سے پھر بھی ذائقے اپنے بناتے تھے

اکتوبر 6, 2015میر تقی میر،اساتذہ،غزللگاتے،ماتے،بناتے،جلاتے،جگاتے،جاتے،سماتےadmin

دیوان پنجم غزل 1753

ہائے جوانی وصل میں اس کے کیا کیا لذت پاتے تھے

بوسۂ کنج لب سے پھر بھی ذائقے اپنے بناتے تھے

کیا کیا تم نے فریب کیے ہیں سادگی میں دل لینے کو

ٹیڑھی کرکے کلاہ آتے تھے مے ناخوردہ ماتے تھے

ہائے جدائی ایک ہی جاگہ مار کے ہم کو توڑ رکھا

وے دن یاد آتے ہیں اب جب ان کے آتے جاتے تھے

غیروں کی تم سنتے رہے سو غیرت سے ہم سہتے رہے

وے تو تم کو لگا جاتے تھے تم آہم کو جلاتے تھے

رنج و الم غم عشق ہی کے اعجاز سے کھنچتے تھے ورنہ

حوصلہ کتنا اپنا جس میں یہ آزار سماتے تھے

وے دن کیسے سالتے ہیں جو آکر سوتے پاتے کبھو

آنکھوں سے ہم سہلا سہلا تلوے اس کو جگاتے تھے

چاہت روگ برا ہے جی کا میر اس سے پرہیز بھلا

اگلے لوگ سنا ہے ہم نے دل نہ کسو سے لگاتے تھے

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

میں لوٹ کے آؤں گا وہ جاتے ہوئے کہتا

دسمبر 1, 2007منصور آفاق،شعراء،غزلہلاتے،لگاتے،ملاتے،بہاتے،بناتے،بتاتے،جلاتے،جگاتے،جاتےadmin

منصور آفاق ۔ غزل نمبر 23

اتنا تو تعلق کو نبھاتے ہوئے کہتا

میں لوٹ کے آؤں گا وہ جاتے ہوئے کہتا

پہچانو مجھے، میں وہی سورج ہوں تمہارا

کیسے بھلا لوگوں کو جگاتے ہوئے کہتا

یہ صرف پرندوں کے بسیرے کے لیے ہے

آنگن میں کوئی پیڑ لگاتے ہوئے کہتا

ہر شخص مرے ساتھ ’’انا الحق‘‘ سرِ منزل

آواز سے آواز ملاتے ہوئے کہتا

اک موجِ مسلسل کی طرح نقش ہیں میرے

پتھر پہ میں اشکال بناتے ہوئے کہتا

اتنا بھی بہت تھا مری مایوس نظر کو

وہ دور سے کچھ ہاتھ ہلاتے ہوئے کہتا

یہ تیرے عطا کردہ تحائف ہیں میں کیسے

تفصیل مصائب کی بتاتے ہوئے کہتا

موسم کے علاوہ بھی ہو موجوں میں روانی

دریا میں کوئی نظم بہاتے ہوئے کہتا

عادت ہے چراغ اپنے بجھانے کی ہوا کو

کیا اس سے کوئی شمع جلاتے ہوئے کہتا

میں اپنی محبت کا فسانہ اسے منصور

محفل میں کہاں ہاتھ ملاتے ہوئے کہتا

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

لوگ اب بھولتے جاتے ہیں مجھے

جنوری 8, 1972باقی صدیقی،شعراء،غزللاتے،آتے،اٹھاتے،جگاتے،جاتے،دلاتےadmin

باقی صدیقی ۔ غزل نمبر 232

تیرے افسانے سناتے ہیں مجھے

لوگ اب بھولتے جاتے ہیں مجھے

قمقمے بزم طرب کے جاگے

رنگ کیا کیا نظر آتے ہیں مجھے

میں کسی بات کا پردہ ہوں کہ لوگ

تیری محفل سے اٹھاتے ہیں مجھے

زخم آئنہ بنے جاتے ہیں

حادثے سامنے لاتے ہیں مجھے

نیند بھی ایک ادا ہے تیری

رات بھر خواب جگاتے ہیں مجھے

تیرے کوچے سے گزرنے والے

کتنے اونچے نظر آتے ہیں مجھے

ان کے بگڑے ہوئے تیور باقیؔ

زیست کی یاد دلاتے ہیں مجھے

باقی صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔