ٹیگ کے محفوظات: جناں

موجۂ آبِ رواں یاد آئے

ستمبر 30, 2017ماجِد نشان،ماجد صدیقی،غزلکماں،بیاں،جناں،رواں،زیاں،شہاںadmin

ماجد صدیقی ۔ غزل نمبر 60

جب ترا لطفِ نہاں یاد آئے

موجۂ آبِ رواں یاد آئے

تجھ سے خسارہ پیار میں پا کے

سُود نہ کوئی زیاں یاد آئے

تیور جب بھی فلک کے دیکھوں

تجھ ابرو کی کماں یاد آئے

راج پاٹ جب دل کا جانچوں

تجھ سا رشکِ شہاں یاد آئے

ہاں ہاں ہر دو بچھڑے مجھ سے

بزم تری کہ جناں یاد آئے

چاند اور لہر کے ربط سے ماجِد

کس کا زورِ بیاں یاد آئے

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

اب ذکر بھی جس شخص کا چھالا ہے زباں کا

مئی 31, 2017ماجد صدیقی،شہر پناہ،غزلفغاں،مکاں،ماں،کماں،جناں،رواں،زباںadmin

ماجد صدیقی ۔ غزل نمبر 15

کس کس کے لئے تھا وہ سبب راحتِ جاں کا

اب ذکر بھی جس شخص کا چھالا ہے زباں کا

نخچیر کا خوں خاک میں کیوں جذب ہوا تھا

لاحق یہی احساس تھا چیتے کو زباں کا

کھو جانے لگے سُر جو لپکتے تھے فضا میں

پھر اب کے گلا سُوکھ چلا جُوئے رواں کا

دی دھاڑ سنائی ہمیں وحشت کی جدھر سے

رُخ موڑ دیا ہم نے اُسی سمت کماں کا

اوروں کو بھی دے کیوں نہ دکھائی وہ ہمِیں سا

جس خطۂ جاں پر ہے گماں باغِ جناں کا

سوچا ہے کبھی ہم سے چلن چاہے وہ کیسا

جس خاک کا برتاؤ ہے ہم آپ سے ماں کا

کیوں گھر کے تصّور سے اُبھرتا ہے نظر میں

نقشہ کسی آندھی میں گِھرے کچّے مکاں کا

بولے گا تو لرزائے گا ہر قلبِ تپاں کو

ماجدؔ نہ بدل پائے گا انداز فغاں کا

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کلیدِ باغِ جناں لا الہ الا اللہ

دسمبر 1, 2007منصور آفاق،شعراء،غزلنہاں،اماں،جہاں،جناں،عیاںadmin

منصور آفاق ۔ غزل نمبر 423

نجاتِ خلقتِ جاں لا الہ الا اللہ

کلیدِ باغِ جناں لا الہ الا اللہ

یہ خوفِ آتشِ دوزخ یہ خطرۂ ابلیس

وہاں کہاں کہ جہاں لا الہ الا اللہ

بگاڑ سکتی ہے کیا اس کا چرخ کی گردش

ہے جس کی جائے اماں لا الہ الا اللہ

یہ جائیدادِ جہاں کچھ نہیں ہے اُس کے لئے

ہے جس کے دل میں نہاں لا الہ الا اللہ

یہ کائنات یہ عالم نہیں وہاں باہو

جہاں جہاں پہ عیاں لا الہ الا اللہ

سلطان باہو کی فارسی غزل کا ترجمہ

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

اس جہنم میں کوئی باغ جناں ہے کہ نہیں

دسمبر 1, 2007منصور آفاق،شعراء،غزلمکاں،نشاں،کنواں،بارگراں،جناں،دھواںadmin

منصور آفاق ۔ غزل نمبر 397

اپنی بستی میں کہیں امن و اماں ہے کہ نہیں

اس جہنم میں کوئی باغ جناں ہے کہ نہیں

حلقہ زن ہوکے درِ دل پہ پکارے کوئی

زندگی تیرے لئے بارگراں ہے کہ نہیں

جس میں شہزادیاں سوئی تھیں بوقت تقسیم

اب وہ بستی میں تری اندھا کنواں ہے کہ نہیں

جو کسی کو بھی برہنہ نہیں ہونے دیتا

آسماں پر وہ سیہ پوش دھواں ہے کہ نہیں

خانۂ خاک تو آباد بتانِ زر سے

آسماں پر بھی کہیں تیرا مکاں ہے کہ نہیں

میرے جیسوں کو بتاتا ہے جو رستے کا پتہ

اُس ستارے کا کہیں نام و نشاں ہے کہ نہیں

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔