ٹیگ کے محفوظات: جلاتا

نجانے یہ دل جشن کیا کیا مناتا تم آئے تو ہوتے

جون 29, 2017ماجد صدیقی،سُرخ لبوں کی آگ،غزلمناتا،جلاتا،دکھاتا،سجھاتا،سجاتاadmin

ماجد صدیقی ۔ غزل نمبر 17

زرونقدِراحت تمہی پر لٹاتا تم آئے تو ہوتے

نجانے یہ دل جشن کیا کیا مناتا تم آئے تو ہوتے

گلے میں حمائل سجل ضَو کے ہالے، سرِبام چندا

جہاں بھر کو میں اپنی پونجی دکھاتا تم آئے تو ہوتے

کلی کی چٹک سی ،زمیں پر نئی بوندیوں کی کھنک سی

نرالی دھنیں میں لبوں پر سجاتا تم آئے تو ہوتے

مجھے کس طرح تم جلاتے بجھاتے رہے فرقتوں میں

تمہیں جَور اک اک تمہارا سُجھاتا تم آئے تو ہوتے

ان اشکوں کے آنکھوں سے فرطِمسرت میں جو پھوٹتے ہیں

نئے دیپ پلکوں پہ اپنی جلاتا تم آئے تو ہوتے

ماجد صدیقی

وہ ستمگر اس ستم کش کو ستاتا ہے بہت

اکتوبر 7, 2015میر تقی میر،اساتذہ،غزلآتا،بلاتا،بناتا،بھاتا،جلاتا،جاتا،سناتا،ستاتاadmin

دیوان ششم غزل 1815

جو کوئی اس بے وفا سے دل لگاتا ہے بہت

وہ ستمگر اس ستم کش کو ستاتا ہے بہت

اس کے سونے سے بدن سے کس قدر چسپاں ہے ہائے

جامہ کبریتی کسو کا جی جلاتا ہے بہت

کیا پس از چندے مری آوارگی منظور ہے

مو پریشاں اب جو شب مجھ پاس آتا ہے بہت

چاہ میں بھی بیشتر جانے سے کم ہوتا ہے وقر

اس لیے جاتا ہوں تب جب وہ بلاتا ہے بہت

گرچہ کم جاتا ہوں پر دل پر نہیں کچھ اختیار

وہ کجی سے سیدھیاں مجھ کو سناتا ہے بہت

بھول جاوے گا سخن پردازی اس کے سامنے

شاعری سے جو کوئی باتیں بناتا ہے بہت

بامزہ معشوق کیا کم ہیں پر اس کو کیا کروں

ناز و انداز اس ہی کا جو مجھ کو بھاتا ہے بہت

وہ نہیں ہجراں میں اس بن خواب خوش آوے مجھے

اب خیال اس کی طرف ہر لحظہ جاتا ہے بہت

کیا کروں کہنے لگا ایدھر نہ آنے پائے وہ

بد کہیں ہنگامہ آرا میر آتا ہے بہت

میر تقی میر

دیدنی ہے پہ بہت کم نظر آتا ہے میاں

اکتوبر 6, 2015میر تقی میر،اساتذہ،غزلپلاتا،پاتا،آتا،اٹھاتا،بناتا،جلاتا،جاتاadmin

دیوان سوم غزل 1201

شہروں ملکوں میں جو یہ میر کہاتا ہے میاں

دیدنی ہے پہ بہت کم نظر آتا ہے میاں

عالم آئینہ ہے جس کا وہ مصور بے مثل

ہائے کیا صورتیں پردے میں بناتا ہے میاں

قسمت اس بزم میں لائی کہ جہاں کا ساقی

دے ہے مے سب کو ہمیں زہر پلاتا ہے میاں

ہوکے عاشق ترے جان و دل و دیں کھو بیٹھے

جیسا کرتا ہے کوئی ویسا ہی پاتا ہے میاں

حسن یک چیز ہے ہم ہوویں کہ تو ہو ناصح

ایسی شے سے کوئی بھی ہاتھ اٹھاتا ہے میاں

جھکّڑ اس حادثے کا کوہ گراں سنگ کو بھی

جوں پر کاہ اڑائے لیے جاتا ہے میاں

کیا پری خواں ہے جو راتوں کو جگاوے ہے میر

شام سے دل جگر و جان جلاتا ہے میاں

میر تقی میر

دریا کو ڈوبنے سے بچاتا تھا کون شخص

دسمبر 1, 2007منصور آفاق،شعراء،غزلنبھاتا،گاتا،بناتا،بجھاتا،جلاتا،جگاتا،جاتا،دکھاتا،داتاadmin

منصور آفاق ۔ غزل نمبر 195

صحرا کی سرخ آگ بجھاتا تھا کون شخص

دریا کو ڈوبنے سے بچاتا تھا کون شخص

تھا کون سوز سینہ ء صدیق کا امیں

خونِ جگر سے دیب جلاتا تھا کون شخص

تھامے ہوئے عدالتِ فاروق کا علم

پھر فتح نو کی آس جگاتا تھا کون شخص

تھا کون شخص سنتِ عثمان کا غلام

تقسیم زر کا فرض نبھاتا تھا کون شخص

وہ کون تھا شجاعتِ حیدر کا جانثار

وہ آتشِ غرور بجھاتا تھا کون شخص

ہر سمت دیکھتا ہوں سیاست کی مصلحت

شبیریوں کی آن دکھاتا تھا کون شخص

ہم رقص میرا کون تھا شہرِ سلوک میں

رومی کی قبر پر اسے گاتا تھا کون شخص

صدیوں سے جس کی قبر بھی بستی ہے زندہ ہے

یہ کون گنج بخش تھا داتا تھا کون شخص

ہوتا تھا کون وہ جسے منصور کہتے تھے

دار و رسن کو چومنے جاتا تھا کون شخص

منصور آفاق

سخن سرا

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: جلاتا

نجانے یہ دل جشن کیا کیا مناتا تم آئے تو ہوتے

وہ ستمگر اس ستم کش کو ستاتا ہے بہت

دیدنی ہے پہ بہت کم نظر آتا ہے میاں

دریا کو ڈوبنے سے بچاتا تھا کون شخص

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں: