ٹیگ کے محفوظات: ثواب

دریا بھی سَراب ہو گئے ہیں

جولائی 24, 2018چمن کوئی بھی ہو،باصر کاظمی،غزلثواب،جواب،حباب،خضاب،سرابadmin

حالات خراب ہو گئے ہیں

دریا بھی سَراب ہو گئے ہیں

آسان سوال تھے اگرچہ

دشوار جواب ہو گئے ہیں

لیتی تھیں گھٹائیں جن سے رنگ

محتاجِ خضاب ہو گئے ہیں

راتیں ہیں پہاڑ سی اور دن

مانندِ حباب ہو گئے ہیں

جو کام کبھی گُنہ تھے باصرِؔ

اب کارِ ثواب ہو گئے ہیں

باصر کاظمی

تمام بستی میں ایک سا اضطراب دیکھا

مارچ 31, 2017ماجد صدیقی،غزل،غزل سراانتساب،اجتناب،احتساب،اضطراب،ثواب،خضاب،سرابadmin

ماجد صدیقی ۔ غزل نمبر 7

ہُوا ہے سچ مچ یہی کہ مَیں نے یہ خواب دیکھا

تمام بستی میں ایک سا اضطراب دیکھا

خُدا سے بھی ہے سلوک میرا معاوضے کا

کِیا ہے میں نے وُہی جو کارِ ثواب دیکھا

بھرا ہے کیا کیا نجانے چھالوں میں اپنے پانی

بہ دشتِ اُمید جانے کیا کیا سراب دیکھا

چھڑا جو قّصہ کبھی غلاموں کی منفعت کا

سخن میں آقاؤں کے نہ کیا اجتناب دیکھا

کسی عمارت پہ لوحِ کم مائیگاں نہ لٹکے

بڑے بڑوں ہی کے نام یہ انتساب دیکھا

پہنچ میں آیا جو بچّۂ میش بھیڑئیے کی

ندی کنارے اُسی کا ہے احتساب دیکھا

نہ بچ سکا تو بھی خود فریبی کی دلکشی سے

ترے بھی بالوں میں اب کے ماجدؔ خضاب دیکھا

ماجد صدیقی

برائی دیکھی، بھلائی دیکھی، عذاب دیکھا، ثواب دیکھا

اکتوبر 25, 2015اساتذہ،داغ دہلوی،غزلثواب،جواب،حجاب،خراب،عذابadmin

داغ دہلوی ۔ غزل نمبر 21

ہماری آنکھوں نے بھی تماشا عجب عجب انتخاب دیکھا

برائی دیکھی، بھلائی دیکھی، عذاب دیکھا، ثواب دیکھا

نہ دل ہی ٹھہرا، نہ آنکھ جھپکی، نہ چین پایا، نہ خواب آیا

خدا دکھائے نہ دشمنوں کو، جو دوستی میں عذاب دیکھا

نظر میں ہے تیری کبریائی، سما گئی تیری خود نمائی

اگر چہ دیکھی بہت خدائی، مگر نہ تیرا جواب دیکھا

پڑے ہوئے تھے ہزاروں پردے کلیم دیکھوں تو جب بھی خوش تھے

ہم اس کی آنکھوں کے صدقے جس نے وہ جلوہ یوں بے حجاب دیکھا

یہ دل تو اے عشق گھر ہے تیرا، جس کو تو نے بگاڑ ڈالا

مکاں سے تالا دیکھا، تجھی کو خانہ خراب دیکھا

جو تجھ کو پایا تو کچھ نہ پایا، یہ خاکداں ہم نے خاک پایا

جو تجھ کو دیکھا تو کچھ نہ دیکھا، تمام عالم خراب دیکھا

داغ دہلوی

نام کو بھی اب اِضطراب نہیں

اکتوبر 23, 2015Jaun Elia،جون ایلیا،شعراء،غزلکتاب،اِضطراب،باب،ثواب،شبابadmin

جون ایلیا ۔ غزل نمبر 130

سب چلے جاؤ مجھ میں تاب نہیں

نام کو بھی اب اِضطراب نہیں

خون کر دوں تیرے شباب کا میں

مجھ سا قاتل تیرا شباب نہیں

اِک کتابِ وجود ہے تو صحیح

شاید اُس میں دُعاء کا باب نہیں

تو جو پڑھتا ہے بو علی کی کتاب

کیا یہ الم کوئی کتاب نہیں

ہم کتابی صدا کے ہیں لیکن

حسبِ منشا کوئی کتاب نہیں

بھول جانا نہیں گناہ اُسے

یاد کرنا اُسے ثواب نہیں

پڑھ لیا اُس کی یاد کا نسخہ

اُس میں شہرت کا کوئی باب نہیں

جون ایلیا

ہم سے کرتا ہے اب حجاب بہت

اکتوبر 7, 2015میر تقی میر،اساتذہ،غزلاحتساب،اضطراب،ثواب،حجاب،خراب،شباب،شتاب،شراب،عتابadmin

دیوان ششم غزل 1816

منھ پہ رکھتا ہے وہ نقاب بہت

ہم سے کرتا ہے اب حجاب بہت

چشمک گل کا لطف بھی نہ اٹھا

کم رہا موسم شباب بہت

دیر بھی کچھ لگی نہ مرتے ہمیں

عمر جاتی رہی شتاب بہت

ڈھونڈتے اس کو کوچے کوچے پھرے

دل نے ہم کو کیا خراب بہت

چلنا اپنا قریب ہے شاید

جاں کرے ہے اب اضطراب بہت

توبہ مے سے بہار میں نہ کروں

گو کرے شیخ احتساب بہت

اس غصیلے سے کیا کسو کی نبھے

مہربانی ہے کم عتاب بہت

کشتن مردماں اگر ہے ثواب

تو ہوا ہے اسے ثواب بہت

دیر تک کعبے میں تھے شب بے ہوش

پی گئے میر جی شراب بہت

میر تقی میر

کرنا جو کچھ ہو تم کو سو کرلو شتاب اب

اکتوبر 7, 2015میر تقی میر،اساتذہ،غزلکباب،ثواب،جواب،حجاب،حساب،خواب،خراب،خطاب،شتاب،عذابadmin

دیوان ششم غزل 1810

آیا ہے شیب سر پہ گیا ہے شباب اب

کرنا جو کچھ ہو تم کو سو کرلو شتاب اب

بگڑا بنا ہوں عشق سے سو بار عاقبت

پایا قرار یہ کہ رہوں میں خراب اب

خوں ریزی عاشقوں کی ہے ظالم اگر ثواب

تو تو ہوا ہے تجھ کو بہت سا ثواب اب

بھڑکی دروں میں آتش سوزندہ عشق کی

دل رہ گیا ہے پہلو میں ہوکر کباب اب

ہوں اس بہشتی رو سے جدا میں جحیم میں

رہتا ہے میری خاک کو ہر دم عذاب اب

قاصد جو آیا چپ ہے نشاں خط کا کچھ نہیں

دیکھیں جو لاوے باد کوئی کیا جواب اب

کیا رنج و غم کو آگے ترے میں کروں شمار

یاں خود حسابی میری تو ہے بے حساب اب

جھپکی ہیں آنکھیں اور جھکی آتی ہیں بہت

نزدیک شاید آیا ہے ہنگام خواب اب

آرام کریے میری کہانی بھی ہوچکی

کرنے لگو گے ورنہ عتاب و خطاب اب

جانا سبھوں نے یہ کہ تو معشوق میر ہے

خلع العذار سے نہ گیا ہے حجاب اب

میر تقی میر

شاید آوے گا خون ناب بہت

اکتوبر 6, 2015میر تقی میر،اساتذہ،غزلناب،اجتناب،ثواب،حجاب،خراب،شبابadmin

دیوان چہارم غزل 1363

چشم رہنے لگی پرآب بہت

شاید آوے گا خون ناب بہت

دیر و کعبے میں اس کے خواہش مند

ہوتے پھرتے ہیں ہم خراب بہت

دل کے دل ہی میں رہ گئے ارمان

کم رہا موسم شباب بہت

مارنا عاشقوں کا گر ہے ثواب

تو ہوا ہے تمھیں ثواب بہت

کہیے بے پردہ کیونکے عاشق ہیں

ہم کو لوگوں سے ہے حجاب بہت

میر بے خود ہیں اس جناب سے اب

چاہیے سب کو اجتناب بہت

میر تقی میر

یہ خط ضرور ہے مگر جواب کے لیے نہیں

جنوری 9, 2012عرفان صدیقی،غزلماہتاب،ثواب،جواب،حساب،خواب،رکابadmin

عرفان صدیقی ۔ غزل نمبر 203

غزل کسی کے نام انتساب کے لیے نہیں

یہ خط ضرور ہے مگر جواب کے لیے نہیں

اب اس زمیں پہ شہ سوار لوٹ کر نہ آئیں گے

سو یہ سفر غبارِ ہم رکاب کے لیے نہیں

یہ ساعتِ وصال کس جتن سے ہاتھ آئی ہے

متاعِ دست برد ہے حساب کے لیے نہیں

نکل رہی ہیں طاق و در سے سایہ سایہ صورتیں

سنو! یہ بام سیرِ ماہتاب کے لیے نہیں

میں کیا بتاؤں جاگتا ہوں رات رات کس لیے

نہیں، کسی کی چشمِ نیم خواب کے لیے نہیں

تو اور کوئی راز ہے مرے سخن کا‘ صاحبو!

کہ یہ عذاب جاں فقط ثواب کے لیے نہیں

عرفان صدیقی

تو ورد کرنے لگے لہو میں نزول زندہ کتاب والے

دسمبر 1, 2007منصور آفاق،شعراء،غزلکتاب،گلاب،باب،ثواب،شراب،صوابadmin

منصور آفاق ۔ غزل نمبر 555

نماز لمحوں میں آئے مجھ کو خیال عالی جناب والے

تو ورد کرنے لگے لہو میں نزول زندہ کتاب والے

خدا بھی محشر میں منتظر ہے اسی کی پلکوں کی جنبشوں کا

وہ جس کی رحمت کو دیکھتے ہیں تمام عیب و صواب والے

لبوں پہ مہکیں دلوں میں چہکیں جو قرآئتوں کی ہرے پرندے

دھنک دھنک رنگ سرسرائیں نظرنظر میں گلاب والے

جنابِ غالب یہ کہہ گئے ہیں بہت مسائل سہی جہاں کے

بہت ہیں کوثر کی نہر والے بہت ہیں حوضِ شراب والے

مرے مکاں میں کھلے ہوئے ہیں مری دعامیں ملے ہوئے ہیں

وہ نیکیوں والے سبز پتے وہ پھول باغِ ثواب والے

مری نظر کو سویردے بس حسیں تبسم بکھیرے دے بس

نئے زمانوں کے خواب والے نئی بہاروں کے باب والے

منصور آفاق

کوئی تمہیدِ انقلاب نہیں

دسمبر 1, 2007منصور آفاق،شعراء،غزلکتاب،انقلاب،ثواب،جواب،حجاب،خواب،خرابadmin

منصور آفاق ۔ غزل نمبر 393

اپنی نیندوں میں کوئی خواب نہیں

کوئی تمہیدِ انقلاب نہیں

ساحلوں پر برہنہ جوڑے ہیں

پر کوئی آنکھ بے حجاب نہیں

ہم سفر احتیاط، میرا بدن

نیکیوں کی کوئی کتاب نہیں

کچھ دنوں سے بجا ہے شب کا ایک

اور گھڑیال بھی خراب نہیں

عمر گزری ہے ایک کمرے میں

پھر بھی ہم رنگ اپنے خواب نہیں

کس لیے ذہن میں در آتے ہیں

جن سوالات کے جواب نہیں

آنکھ بھی خالی ہو گئی منصور

اور گٹھڑی میں بھی ثواب نہیں

منصور آفاق

سورج دکھائی دے شبِ خانہ خراب میں

دسمبر 1, 2007منصور آفاق،شعراء،غزلنقاب،کتاب،گلاب،ثواب،حساب،خراب،شرابadmin

منصور آفاق ۔ غزل نمبر 307

سرکا دیا نقاب کو کھڑکی نے خواب میں

سورج دکھائی دے شبِ خانہ خراب میں

تجھ ایسی نرم گرم کئی لڑکیوں کے ساتھ

میں نے شبِ فراق ڈبو دی شراب میں

آنکھیں ، خیال، خواب، جوانی، یقین، سانس

کیا کیا نکل رہا ہے کسی کے حساب میں

قیدی بنا لیا ہے کسی حور نے مجھے

یوں ہی میں پھر رہا تھا دیار ثواب میں

مایوس آسماں ابھی ہم سے نہیں ہوا

امید کا نزول ہے کھلتے گلاب میں

دیکھوں ورق ورق پہ خدوخال نور کے

سورج صفت رسول ہیں صبحِ کتاب میں

سیسہ بھری سماعتیں بے شک مگر بڑا

شورِ برہنگی ہے سکوتِ نقاب میں

منصور آفاق

کسی کو کیا دلِ خانہ خراب پیش کریں

دسمبر 1, 2007منصور آفاق،شعراء،غزلثواب،جاب،حساب،خواب،خرابadmin

منصور آفاق ۔ غزل نمبر 301

اداسی پیش کریں اضطراب پیش کریں

کسی کو کیا دلِ خانہ خراب پیش کریں

طلائی طشتِ جواہر کے بیچ میں رکھ کر

خیال گاہِ محبت میں خواب پیش کریں

بتائیں کیسے کہ کس کس جگہ مراسم تھے

گذشتہ عمر کا کیسے حساب پیش کریں

کسی طرح اسے اپنے قریب لے آئیں

ملازمت کا کہیں کوئی جاب پیش کریں

طوافِ کوچہ ء جاناں سے جو ملامنصور

چلو وہ شہر کو حج کا ثواب پیش کریں

منصور آفاق

مجھے سوال کا کیسا حسیں جواب ملا

دسمبر 1, 2007منصور آفاق،شعراء،غزلکتاب،آفتاب،تاب،ثواب،جواب،حساب،خراب،شراب،غیابadmin

منصور آفاق ۔ غزل نمبر 39

سفید طشت میں اک کاسنی گلاب ملا

مجھے سوال کا کیسا حسیں جواب ملا

ملی شرابِ کرم ہم گناہگاروں کو

جنابِ شیخ کو بس وعدۂ شراب ملا

یہ آنکھیں لیں جو دیکھنا نہیں ممکن

کسی مقام پہ سر چشمۂ غیاب ملا

میں سرخ سرخ رتوں سے بڑا الرجک ہوں

مجھے ہمیشہ لہو رنگ آفتاب ملا

مجھے چراغ کی خواہش ذرا زیادہ ہے

وہ رات ہوں جسے کوئی نہ ماہ تاب ملا

علوم وصل سے میرا بھی کچھ تعارف ہو

کوئی بیاض دکھا دے کوئی کتاب ملا

سلگ اٹھی ہے تہجد میں وصل کی خواہش

خدائے پاک مجھے منزلِ ثواب ملا

تُو ہار جائے گی غم کا مقابلہ پگلی

شمارِ شامِ محرم سے نہ حساب ملا

ہزار ٹیکس دئیے روڈ کے مگر منصور

میں جس طرف بھی مڑا راستہ خراب ملا

منصور آفاق

ساقی ہزار شکر خدا کی جناب میں

نومبر 20, 2005امیر مینائی،غزلنقاب،کباب،گلاب،آفتاب،اضطراب،تاب،ثواب،جناب،جواب،حباب،حجاب،سراب،شراب،عذابadmin

امیر مینائی ۔ غزل نمبر 28

قاضی بھی اب تو آئے ہیں بزمِ شراب میں

ساقی ہزار شکر خدا کی جناب میں

جا پائی خط نے اس کے رخِ بے نقاب میں

سورج گہن پڑا شرفِ آفتاب میں

دامن بھرا ہوا تھا جو اپنا شراب میں

محشر کے دن بٹہائے گئے آفتاب میں

رکھا یہ تم نے پائے حنائی رکاب میں

یا پھول بھر دئیے طبقِ آفتاب میں

تیرِ دعا نشانے پہ کیونکر نہ بیٹھتا

کچھ زور تھا کماں سے سوا اضطراب میں

وہ ناتواں ہوں قلعۂ آہن ہو وہ مجھے

کر دے جو کوئی بند مکانِ حباب میں

حاجت نہیں تو دولتِ دنیا سے کام کیا

پھنستا ہے تشنہ دام فریبِ سراب میں

مثلِ نفس نہ آمد و شد سے ملا فراغ

جب تک رہی حیات، رہے اضطراب میں

سرکش کا ہے جہاں میں دورانِ سر مآل

کیونکر نہ گرد باد رہے پیچ و تاب میں

چاہے جو حفظِ جان تو نہ کر اقربا سے قطع

کب سوکھتے ہیں برگِ شجر آفتاب میں

دل کو جلا تصور حسنِ ملیح سے

ہوتی ہے بے نمک کوئی لذت، کباب میں

ڈالی ہیں نفسِ شوم نے کیا کیا خرابیاں

موذی کو پال کر میں پڑا کس عذاب میں

اللہ رے تیز دستیِ مژگانِ رخنہ گر

بے کار بند ہو گئے ان کی نقاب میں

چلتا نہیں ہے ظلم تو عادل کے سامنے

شیطاں ہے پردہ در کہ ہیں مہدی حجاب میں

کچھ ربط حسن و عشق سے جائے عجب نہیں

بلبل بنے جو بلبلہ اٹھّے گلاب میں

چومے جو اس کا مصحفِ رخ زلف میں پھنسے

مارِ عذاب بھی ہے طریقِ ثواب میں

ساقی کچھ آج کل سے نہیں بادہ کش ہیں بند

اس خاک کا خمیر ہوا ہے شراب میں

جب نامہ بر کیا ہے کبوتر کو اے امیر

اس نے کباب بھیجے ہیں خط کے جواب میں

امیر مینائی

ہم آج پیر ہوئے کیا کبھی شباب نہ تھا

نومبر 19, 2005امیر مینائی،غزلنقاب،آفتاب،اضطراب،ثواب،جواب،خراب،خطاب،شباب،شراب،عذابadmin

امیر مینائی ۔ غزل نمبر 10

وہ کون تھا جو خرابات میں خراب نہ تھا

ہم آج پیر ہوئے کیا کبھی شباب نہ تھا

شبِ فراق میں کیوں یارب انقلاب نہ تھا

یہ آسمان نہ تھا یا یہ آفتاب نہ تھا

لحاظ ہم سے نہ قاتل کا ہو سکا دمِ قتل

سنبھل سنبھل کے تڑپتے وہ اضطراب نہ تھا

اُسے جو شوقِ سزا ہے مجھے ضرور ہے جرم

کہ کوئی یہ نہ کہے قابلِ عذاب نہ تھا

شکایت اُن سے کوئی گالیوں کی کیا کرتا

کسی کا نام کسی کی طرف خطاب نہ تھا

نہ پوچھ عیش جوانی کا ہم سے پیری میں

ملی تھی خواب میں وہ سلطنت شباب نہ تھا

دماغ بحث تھا کس کو وگر نہ اے ناصح

دہن نہ تھا کہ دہن میں مرے جواب نہ تھا

وہ کہتے ہیں شبِ وعدہ میں کس کے پاس آنا

تجھے تو ہوش ہی اے خانماں خراب نہ تھا

ہزار بار گلا رکھ دیا تہِ شمشیر

میں کیا کروں تری قسمت ہی میں ثواب نہ تھا

فلک نے افسرِ خورشید سر پہ کیوں رکھا

سبوئے بادہ نہ تھا ساغرِ شراب نہ تھا

غرض یہ ہے کہ ہو عیش تمام باعث مرگ

وگرنہ میں کبھی قابلِ خطاب نہ تھا

سوال وصل کیا یا سوال قتل کیا

وہاں نہیں کے سوا دوسرا جواب نہ تھا

ذرا سے صدمے کی تاب اب نہیں وہی ہم میں

کہ ٹکڑے ٹکڑے تھا دل اور اضطراب نہ تھا

کلیم شکر کرو حشر تک نہ ہوش آتا

ہوئی یہ خیر کہ وہ شوق بے نقاب نہ تھا

یہ بار بار جو کرتا تھا ذکر مے واعظ

پئے ہوئے تو کہیں خانماں خراب نہ تھا

امیر اب ہیں یہ باتیں جب اُٹھ گیا وہ شوخ

حضور یار کے منہ میں ترے جواب نہ تھا

امیر مینائی

سخن سرا

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: ثواب

دریا بھی سَراب ہو گئے ہیں

تمام بستی میں ایک سا اضطراب دیکھا

برائی دیکھی، بھلائی دیکھی، عذاب دیکھا، ثواب دیکھا

نام کو بھی اب اِضطراب نہیں

ہم سے کرتا ہے اب حجاب بہت

کرنا جو کچھ ہو تم کو سو کرلو شتاب اب

شاید آوے گا خون ناب بہت

یہ خط ضرور ہے مگر جواب کے لیے نہیں

تو ورد کرنے لگے لہو میں نزول زندہ کتاب والے

کوئی تمہیدِ انقلاب نہیں

سورج دکھائی دے شبِ خانہ خراب میں

کسی کو کیا دلِ خانہ خراب پیش کریں

مجھے سوال کا کیسا حسیں جواب ملا

ساقی ہزار شکر خدا کی جناب میں

ہم آج پیر ہوئے کیا کبھی شباب نہ تھا

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں: