ٹیگ کے محفوظات: تھم

مژہ نم رہیں حال درہم رہا

اکتوبر 6, 2015میر تقی میر،اساتذہ،غزلاودھم،تھم،دم،درہم،رستمadmin

دیوان چہارم غزل 1331

کیا عشق سو پھر مجھے غم رہا

مژہ نم رہیں حال درہم رہا

ضعیف و قوی دونوں رہتے نہیں

نہ یاں زال ٹھہرا نہ رستم رہا

سحر جلوہ کیوں کر کرے کل ہوکیا

یہ اندیشہ ہر رات ہر دم رہا

ہوا غم مجھے خوں جگر میں نہیں

اگر آنسو آتے کوئی تھم رہا

رہی آتی آندھی سی سینے میں میر

بہت دل تڑپنے کا اودھم رہا

میر تقی میر

کیسے کیسے ہائے اپنے دیکھتے موسم گئے

اکتوبر 6, 2015میر تقی میر،اساتذہ،غزلہم،موسم،ماتم،نم،نامحرم،پچھم،تھم،جم،خم،دم،شبنمadmin

دیوان دوم غزل 1012

گل گئے بوٹے گئے گلشن ہوئے برہم گئے

کیسے کیسے ہائے اپنے دیکھتے موسم گئے

ہنستے رہتے تھے جو اس گلزار میں شام و سحر

دیدئہ تر ساتھ لے وے لوگ جوں شبنم گئے

گر ہوا اس باغ کی ہے یہ تو اے بلبل نہ پھول

کوئی دن میں دیکھیو واں وے گئے یاں ہم گئے

کیا کم اس خورشیدرو کی جستجو یاروں نے کی

لوہو روتے جوں شفق پورب گئے پچھم گئے

جی گیا یاں بے دماغی سے انھوں کی اور واں

نے جبیں سے چیں گئی نے ابروئوں سے خم گئے

شاید اب ٹکڑوں نے دل کے قصد آنکھوں کا کیا

کچھ سبب تو ہے جو آنسو آتے آتے تھم گئے

گرچہ ہستی سے عدم تک اک مسافت تھی بعید

پر اٹھے جو ہم یہاں سے واں تلک اک دم گئے

کیا معاش اس غم کدے میں ہم نے دس دن کی بہم

اٹھ کے جس کے ہاں گئے دل کا لیے ماتم گئے

سبزہ و گل خوش نشینی اس چمن کی جن کو تھی

سو بھی تو دیکھا گریباں چاک و مژگاں نم گئے

مردم دنیا بھی ہوتے ہیں سمجھ کس مرتبہ

آن بیٹھے نائوں کو تو یاں نگیں سے جم گئے

ربط صاحب خانہ سے مطلق بہم پہنچا نہ میر

مدتوں سے ہم حرم میں تھے پہ نامحرم گئے

میر تقی میر

رہ سکے ہے تو تو رہ یاں ہم چلے

اکتوبر 6, 2015میر تقی میر،اساتذہ،غزلہم،برہم،تھم،جم،دم،رم،عالمadmin

دیوان اول غزل 520

ہم تو اس کے ظلم سے ہمدم چلے

رہ سکے ہے تو تو رہ یاں ہم چلے

ٹوٹے جوں لالہ ستاں سے ایک پھول

ہم لے یاں سے داغ یک عالم چلے

جبنش ابرو تو واں رہتی نہیں

کب تلک تلوار یاں ہر دم چلے

نم جگر کے آیا آخر ہو گئے

اشک خونیں کچھ مژہ پر جم چلے

دیکھیے بخت زبوں کیا کیا دکھائے

تم تو خوباں ہم سے ہو برہم چلے

بھاگنے پر بیٹھے تھے گویا غزال

تیری آنکھیں دیکھتے ہی رم چلے

مجھ سے ناشائستہ کیا دیکھا کہ میر

آتے آتے کچھ جو آنسو تھم چلے

میر تقی میر

تھامنا اے ضبط الفت ہم گئے

جنوری 8, 1972باقی صدیقی،شعراء،غزلہم،تھم،شبنم،غمadmin

باقی صدیقی ۔ غزل نمبر 192

رک گئی برسات، ساغر تھم گئے

تھامنا اے ضبط الفت ہم گئے

کیا سمجھ سکتے وہ اسرار چمن

جو چمن میں صورت شبنم گئے

ایک عالم سرنگوں پایا گیا

جس طرف ہم لے کے تیرا غم گئے

غم کے ہیں یا ضبط غم کے ترجماں

اشک جو پلکوں پہ آ کر تھم گئے

اس کے آگے کیا ہوا باقیؔ نہ پوچھ

بارگاہ حسن تک تو ہم گئے

باقی صدیقی

لے تری بزم سے ہم جاتے ہیں

جنوری 8, 1972باقی صدیقی،شعراء،غزلہم،کم،تھمadmin

باقی صدیقی ۔ غزل نمبر 125

پی کے تلخابۂ غم جاتے ہیں

لے تری بزم سے ہم جاتے ہیں

جب سے اٹھ آئے تری محفل سے

ہم کہیں اور بھی کم جاتے ہیں

جانے اس راہ میں کیا کھو آئے

روز کچھ ڈھونڈنے ہم جاتے ہیں

ان کے غصے کے نہ تیور بدلے

ورنہ طوفان بھی تھم جاتے ہیں

جب سے ٹوٹا ہے سفینہ باقیؔ

ساتھ ہر موج کے ہم جاتے ہیں

باقی صدیقی

سخن سرا

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: تھم

مژہ نم رہیں حال درہم رہا

کیسے کیسے ہائے اپنے دیکھتے موسم گئے

رہ سکے ہے تو تو رہ یاں ہم چلے

تھامنا اے ضبط الفت ہم گئے

لے تری بزم سے ہم جاتے ہیں

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں: