طِلِسمِ حُسن اَلَگ، عِشقِ خُوش صِفات اَلَگ

حَریمِ ناز کے سارے مُعامَلات اَلَگ

تُمہاری رات میں بھی دِن شَریک رہتا ہے

ہَماری رات اَکیلی، ہَماری رات اَلَگ

سَتائے جاتی ہے یادِ بَہارِ خَلوَت بھی

جو کھائے جاتا ہے وہ حُسنِ اِلتفات اَلَگ

یہ اَنجُمَن ہے یہاں جو کَہو گے کہہ دَیں گے

جو تُم سے کہنی ہے تَنہائی میں وہ بات اَلَگ

سَبَق دِیا ہے یہ اُستادِ وَقت نے ضامنؔ

حَقیقَتیں ہیں اَلَگ اُور تَوَقُّعات اَلَگ

ضامن جعفری