ٹیگ کے محفوظات: تاب

کیوں چَین تجھے اے دلِ بے تاب! نہ آئے

مئی 31, 2017ماجد صدیقی،شہر پناہ،غزلمہتاب،آداب،اعراب،تاب،سرآبadmin

ماجد صدیقی ۔ غزل نمبر 40

ٹھہراؤ کہیں صورتِ سیماب نہ آئے

کیوں چَین تجھے اے دلِ بے تاب! نہ آئے

شکوہ جو سرِ اشک ہے لفظوں میں نہ ڈھالو

کائی کہ جو تہہ میں ہے، سرِآب نہ آئے

کیا لفظ تھے ہم اور غلط العام ہوئے کیا

کوئی بھی لگانے جِنہیں اعراب نہ آئے

وہ غار نشیں ہم ہیں تصوّر میں بھی جن کے

بہروپ میں جگنو کے بھی مہتاب نہ آئے

رفعت جو ذرا سر کے جھکانے سے دلائیں

ماجد تمہی اب تک، وہی آداب نہ آئے

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

مرے خدا یہ مجھی پر عتاب سا کیا ہے

نومبر 30, 2016ہوا کا تخت،ماجد صدیقی،غزلاجتناب،تاب،حباب،حجاب،خواب،عتابadmin

ماجد صدیقی ۔ غزل نمبر 2

یہ روز و شب مرے سر ہی عذاب سا کیا ہے

مرے خدا یہ مجھی پر عتاب سا کیا ہے

یہی متاع‘ یہی آرزو ہے دان ترا

یہ میری سطح پہ پھٹتا حباب سا کیا ہے

کہوں نہ کیوں ترے منہ پر جو مجھ پہ گزرے ہے

مجھے یہ باک سا تجھ سے حجاب سا کیا ہے

ہوئی نہ سیر کہیں بھی مری عمق نظری

مری نظر سے گزرتا یہ خواب سا کیا ہے

ملا ہے جو بھی رُتوں سے، پڑے گا لوٹانا

نمو طلب تھے تو اب سے پیچ و تاب سا کیا ہے

قرارِ جاں ہے تو ماجدؔ اُسے تلاش بھی کر

حصولِ یار سے یہ اجتناب سا کیا ہے

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

وہ ماہتاب ہی اُترا،نہ اُس کے خواب اُترے

اکتوبر 25, 2015پروین شاکر،شعراء،غزلنقاب،گلاب،تاب،جواب،خواب،سحاب،سرابadmin

پروین شاکر ۔ غزل نمبر 100

دل و نگاہ پہ کس طور کے عذاب اُترے

وہ ماہتاب ہی اُترا،نہ اُس کے خواب اُترے

کہاں وہ رُت کہ جبینوں پہ آفتاب اُترے

زمانہ بیت گیا ان کی آب و تاب اُترے

میں اُس سے کُھل کے ملوں ،سوچ کا حجاب اُترے

وہ چاہتا ہے مری رُوح کا نقاب اُترے

اُداس شب میں ،کڑی دوپہر کے لمحوں میں

کوئی چراغ ، کوئی صُورتِ گلاب اُترے

کبھی کبھی ترے لہجے کی شبنمی ٹھنڈک

سماعتوں کے دریچوں پہ خواب خواب اُترے

فصیلِ شہرِ تمنا کی زرد بیلوں پر

تراجمال کبھی صُورت سحاب اُترے

تری ہنسی میں نئے موسموں کی خوشبو تھی

نوید ہو کہ بدن سے پُرانے خواب اُترے

سپردگی کا مجسم سوال بن کے کِھلوں

مثالِ قطرہ ءِ شبنم ترا جواب اُترے

تری طرح ، مری آنکھیں بھی معتبر نہ رہیں

سفر سے قبل ہی رستوں میں وہ سراب اُترے

پروین شاکر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

فرش ہے مخمل و کمخواب ترے کوچے میں

اکتوبر 25, 2015مصطفٰی خان شیفتہ،اساتذہ،غزلنایاب،ناب،کمخواب،احباب،تاب،خوناب،خواب،دولاب،شادابadmin

مصطفٰی خان شیفتہ ۔ غزل نمبر 74

کیوں نہ اڑ جائے مرا خواب ترے کوچے میں

فرش ہے مخمل و کمخواب ترے کوچے میں

دولتِ حسن یہاں تک تو لٹائی ظالم

اشک ہے گوہرِ نایاب ترے کوچے میں

جوششِ گریۂ عشاق سے اک دم میں ہوا

شجرِ سوختہ، شاداب ترے کوچے میں

ہوش کا پاؤں جو یاں آ کے پھسل جاتا ہے

کیا لنڈھائی ہے مئے ناب ترے کوچے میں

ہے کفِ پائے عدو، پا سے ترے رنگیں تر

بس کہ ہم روتے ہیں خوناب ترے کوچے میں

گوشہ گیری سے بھی گردش نہ گئ طالع کی

پھرتے ہیں صورتِ دولاب ترے کوچے میں

غیر نے سنگ جو پھینکے وہ ہوئے بالشِ سر

چین سے کرتے ہیں ہم خواب ترے کوچے میں

وہ بھی محروم نہیں جن کو نہیں بزم میں بار

تیرے رخسار کی ہے تاب ترے کوچے میں

چل دیا شیفتہ سودے میں خدا جانے کہاں

ڈھونڈتے پھرتے ہیں احباب ترے کوچے میں

مصطفٰی خان شیفتہ

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کہ کچھ حظ اٹھے سیرِ مہتاب کا

اکتوبر 25, 2015مصطفٰی خان شیفتہ،اساتذہ،غزلمہتاب،نایاب،ناب،آب،احباب،اسباب،باب،تاب،جلباب،خواب،سیماب،عنابadmin

مصطفٰی خان شیفتہ ۔ غزل نمبر 17

پلا جام ساقی مے ناب کا

کہ کچھ حظ اٹھے سیرِ مہتاب کا

دلِ زار کا ماجرا کیا کہوں

فسانہ ہے مشہور سیماب کا

کہاں پھر وہ نایاب، پایا جسے

غلط شوق ہے جنسِ نایاب کا

نہ کیجو غل اے خوش نوایانِ صبح

یہ ہے وقت ان کی شکر خواب کا

محبت نہ ہرگز جتائی گئی

رہا ذکر کل اور ہر باب کا

دمِ سرد سے لا نہ طوفانِ باد

نہ سن ماجرا چشمِ پر آب کا

وہاں بے خودوں کی خبر کون لے

جہاں شغل ہو بادۂ ناب کا

وہاں تیرہ روزوں کی پروا کسے

جہاں شوق ہو سیرِ مہتاب کا

وہ تشخیصِ شخصی بھی جاتی رہی

کنارا الٹتے ہی جلباب کا

میں بے جرم رہتا ہوں خائف کہ واں

جفا میں نہیں دخل اسباب کا

پڑے صبر آرام کی جان پر

مری جانِ بے صبر و بے تاب کا

لبِ لعل کو کس کے جنبش ہوئی

ہوا میں ہے کچھ رنگ عناب کا

نہ کرنا خطا پر نظر شیفتہ

کہ اغماض شیوہ ہے احباب کا

مصطفٰی خان شیفتہ

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

خواب دیکھا تھا خواب ہی لکھا

اکتوبر 23, 2015Jaun Elia،جون ایلیا،شعراء،غزلتاب،جناب،جواب،حجاب،حساب،خواب،خرابadmin

جون ایلیا ۔ غزل نمبر 35

تشنگی نے سراب ہی لکھا

خواب دیکھا تھا خواب ہی لکھا

ہم نے لکھا نصابِ تیرہ شبی

اور بہ صد آب و تاب ہی لکھا

مُنشیانِ شہود نے تا حال

ذکرِ غیب و حجاب ہی لکھا

نہ رکھا ہم نے بیش و کم کا خیال

شوق کو بے حساب ہی لکھا

دوستو۔۔ہم نے اپنا حال اُسے

جب بھی لکھا خراب ہی لکھا

نہ لکھا اس نے کوئی بھی مکتوب

پھر بھی ہم نے جواب ہی لکھا

ہم نے اس شہرِ دین و دولت میں

مسخروں کو جناب ہی لکھا

جون ایلیا

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

اس سال کے حساب کو برق آفتاب ہے

اکتوبر 8, 2015مرزا اسد اللہ خان غالب،اساتذہ،غزلنقاب،کامیاب،آفتاب،تاب،جواب،خراب،شرابadmin

دیوانِ غالب ۔ غزل نمبر 255

رفتارِ عمر قطعِ رہ اضطراب ہے

اس سال کے حساب کو برق آفتاب ہے

مینائے مے ہے سروِ نشاطِ بہار سے

بالِ تَدَر و@ جلوۂ موجِ شراب ہے

زخمی ہوا ہے پاشنہ پائے ثبات کا

نے بھاگنے کی گوں، نہ اقامت کی تاب ہے

جادادِ بادہ نوشیِ رنداں ہے شش جہت

غافل گماں کرے ہے کہ گیتی خراب ہے

نظّارہ کیا حریف ہو اس برقِ حسن کا

جوشِ بہار جلوے کو جس کے نقاب ہے

میں نامراد دل کی تسلّی کو کیا کروں

مانا کہ تیری رخ سے نگہ کامیاب ہے

گزرا اسدؔ مسرّتِ پیغامِ یار سے

قاصد پہ مجھ کو رشکِ سوال و جواب ہے

@ تذرو اور تدرو دونوں طرح لکھا جاتاہے۔ نسخۂ مہر

مرزا اسد اللہ خان غالب

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

یہ سُوء ظن ہے ساقئ کوثر کے باب میں

اکتوبر 8, 2015مرزا اسد اللہ خان غالب،اساتذہ،غزلنقاب،باب،تاب،تراب،جناب،حباب،حجاب،حساب،خواب،رکاب،ربابadmin

دیوانِ غالب ۔ غزل نمبر 169

کل کے لئے کر آج نہ خسّت شراب میں

یہ سُوء ظن ہے ساقئ کوثر کے باب میں

ہیں آج کیوں ذلیل کہ کل تک نہ تھی پسند

گستاخئ فرشتہ ہماری جناب میں

جاں کیوں نکلنے لگتی ہے تن سے دمِ سماع

گر وہ صدا سمائی ہے چنگ و رباب میں

رَو میں ہے رخشِ عمر، کہاں دیکھیے تھمے

نے ہاتھ باگ پر ہے نہ پا ہے رکاب میں

اتنا ہی مجھ کو اپنی حقیقت سے بُعد ہے

جتنا کہ وہمِ غیر سے ہُوں پیچ و تاب میں

اصلِ شہود و شاہد و مشہود ایک ہے

حیراں ہوں پھر مشاہدہ ہے کس حساب میں

ہے مشتمل نمُودِ صُوَر پر وجودِ بحر

یاں کیا دھرا ہے قطرہ و موج و حباب میں

شرم اک ادائے ناز ہے اپنے ہی سے سہی

ہیں کتنے بے حجاب کہ ہیں یُوں حجاب میں

آرائشِ جمال سے فارغ نہیں ہنوز

پیشِ نظر ہے آئینہ دائم نقاب میں

ہے غیبِ غیب جس کو سمجھتے ہیں ہم شہود

ہیں خواب میں ہنوز، جو جاگے ہیں خواب میں

غالب ندیمِ دوست سے آتی ہے بوئے دوست

مشغولِ حق ہوں، بندگئ بُو تراب میں

مرزا اسد اللہ خان غالب

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

شب ہائے ہجر کو بھی رکھوں گر حساب میں

اکتوبر 8, 2015مرزا اسد اللہ خان غالب،اساتذہ،غزلماہتاب،نقاب،آفتاب،اضطراب،باب،تاب،جواب،حساب،خواب،سراب،شراب،عتاب،عزابadmin

دیوانِ غالب ۔ غزل نمبر 168

کب سے ہُوں، کیا بتاؤں جہانِ خراب میں

شب ہائے ہجر کو بھی رکھوں گر حساب میں

ملتی ہے خُوئے یار سے نار التہاب میں

کافر ہوں گر نہ ملتی ہو راحت عزاب میں

تا پھر نہ انتظار میں نیند آئے عمر بھر

آنے کا عہد کر گئے آئے جو خواب میں

قاصد کے آتے آتے خط اک اور لکھ رکھوں

میں جانتا ہوں جو وہ لکھیں گے جواب میں

مجھ تک کب ان کی بزم میں آتا تھا دورِ جام

ساقی نے کچھ ملا نہ دیا ہو شراب میں

جو منکرِ وفا ہو فریب اس پہ کیا چلے

کیوں بدگماں ہوں دوست سے دشمن کے باب میں

میں مضطرب ہُوں وصل میں خوفِ رقیب سے

ڈالا ہے تم کو وہم نے کس پیچ و تاب میں

میں اور حظِّ وصل خدا ساز بات ہے

جاں نذر دینی بھول گیا اضطراب میں

ہے تیوری چڑھی ہوئی اندر نقاب کے

ہے اک شکن پڑی ہوئی طرفِ نقاب میں

لاکھوں لگاؤ ایک چُرانا نگاہ کا

لاکھوں بناؤ ایک بگڑنا عتاب میں

وہ نالہ دل میں خس کے برابر جگہ نہ پائے

جس نالے سے شگاف پڑے آفتاب میں

وہ سحر مدعا طلبی میں کام نہ آئے

جس سِحر سے سفینہ رواں ہو سراب میں

غالب چُھٹی شراب پر اب بھی کبھی کبھی

پیتا ہوں روزِ ابر و شبِ ماہتاب میں

مرزا اسد اللہ خان غالب

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

تھا سپندِبزمِ وصلِ غیر ، گو بیتاب تھا

اکتوبر 8, 2015مرزا اسد اللہ خان غالب،اساتذہ،غزلآب،بیتاب،بیخواب،باب،تاب،سنجاب،سیلابadmin

دیوانِ غالب ۔ غزل نمبر 94

نالۂ دل میں شب اندازِ اثر نایاب تھا

تھا سپندِبزمِ وصلِ غیر ، گو بیتاب تھا

مَقدمِ سیلاب سے دل کیا نشاط آہنگ ہے !

خانۂ عاشق مگر سازِ صدائے آب تھا

نازشِ ایّامِ خاکستر نشینی ، کیا کہوں

پہلوئے اندیشہ ، وقفِ بسترِ سنجاب تھا

کچھ نہ کی اپنے جُنونِ نارسا نے ، ورنہ یاں

ذرّہ ذرّہ روکشِ خُرشیدِ عالم تاب تھا

آج کیوں پروا نہیں اپنے اسیروں کی تجھے ؟

کل تلک تیرا بھی دل مہرووفا کا باب تھا

یاد کر وہ دن کہ ہر یک حلقہ تیرے دام کا

انتظارِ صید میں اِک دیدۂ بیخواب تھا

میں نے روکا رات غالب کو ، وگرنہ دیکھتے

اُس کے سیلِ گریہ میں ، گردُوں کفِ سیلاب تھا

مرزا اسد اللہ خان غالب

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

بے دماغی سے با خطاب رہا

اکتوبر 6, 2015میر تقی میر،اساتذہ،غزلنقاب،اجتناب،اضطراب،تاب،حجاب،خواب،خراب،خطاب،شباب،عذابadmin

دیوان ششم غزل 1785

اپنے ہوتے تو با عتاب رہا

بے دماغی سے با خطاب رہا

ہو کے بے پردہ ملتفت بھی ہوا

ناکسی سے ہمیں حجاب رہا

نہ اٹھا لطف کچھ جوانی کا

کم بہت موسم شباب رہا

کارواں ہائے صبح ہوتے گیا

میں ستم دیدہ محو خواب رہا

ہجر میں جی ڈھہا گرے ہی رہے

ضعف سے حال دل خراب رہا

گھر سے آئے گلی میں سو باری

یار بن دیر اضطراب رہا

ہم سے سلجھے نہ اس کے الجھے بال

جان کو اپنی پیچ و تاب رہا

پردے میں کام یاں ہوا آخر

واں سدا چہرے پر نقاب رہا

سوزش سینہ اپنے ساتھ گئی

خاک میں بھی ہمیں عذاب رہا

حیف ہے میر کی جناب سے میاں

ہم کو ان سمجھے اجتناب رہا

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

وہ ہی ناز و عتاب ہے سو ہے

اکتوبر 6, 2015میر تقی میر،اساتذہ،غزلکباب،پرآب،اضطراب،باب،تاب،جناب،حجاب،حساب،خواب،خراب،عتابadmin

دیوان پنجم غزل 1751

ہم پہ خشم و خطاب ہے سو ہے

وہ ہی ناز و عتاب ہے سو ہے

گرچہ گھبرا کے لب پہ آئی ولے

جان کو اضطراب ہے سو ہے

بس گئی جاں خراب مدت کی

حال اپنا خراب ہے سو ہے

خشکی لب کی ہے تری کیسی

چشم لیکن پرآب ہے سو ہے

خاک جل کر بدن ہوا ہے سب

دل جلا سا کباب ہے سو ہے

کر گئے کاروانیاں شب گیر

وہ گراں مجھ کو خواب ہے سو ہے

یاں تو رسوا ہیں کیسا پردئہ شرم

اس کو ہم سے حجاب ہے سو ہے

دشمن جاں تو ہے دلوں میں بہم

دوستی کا حساب ہے سو ہے

زلفیں اس کی ہوا کریں برہم

ہم کو بھی پیچ و تاب ہے سو ہے

خاک میں مل کے پست ہیں ہم تو

ان کی عالی جناب ہے سو ہے

شہر میں در بدر پھرے ہے عزیز

میر ذلت کا باب ہے سو ہے

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

ہو چہرہ اس کے لب سے یاقوت ناب کیونکر

اکتوبر 6, 2015میر تقی میر،اساتذہ،غزلناب،آب،اجتناب،اضطراب،باب،تاب،خراب،سحابadmin

دیوان پنجم غزل 1615

لاوے جھمکتے رخ کی آئینہ تاب کیونکر

ہو چہرہ اس کے لب سے یاقوت ناب کیونکر

ہے شعر و شاعری گو کب سے شعار اپنا

حرف و سخن سے کریے اب اجتناب کیونکر

جوں ابر اگر نہ روویں وادی و کوہ پر ہم

تو شہروں شہروں آوے نہروں میں آب کیونکر

اب بھی نہیں ہے ہم کو اے عشق ناامیدی

دیکھیں خراب ہووے حال خراب کیونکر

اڑ اڑ کے جا لگے ہے وہ تیر مار کاکل

کھاتا رہے نہ افعی پھر پیچ تاب کیونکر

چشمے محیط سے جو ہووے نہ چشم تر کے

تو سیر ہو ہوا پر پھیلے سحاب کیونکر

اب تو طپش نے دل کی اودھم مچا رکھا ہے

تسکین پاوے دیکھوں یہ اضطراب کیونکر

رو چاہیے ہے اس کے در پر بھی بیٹھنے کو

ہم تو ذلیل اس کے ہوں میر باب کیونکر

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

دل کو میرے ہے اضطراب بہت

اکتوبر 6, 2015میر تقی میر،اساتذہ،غزلکباب،گلاب،اضطراب،تاب،جناب،حجاب،حساب،خراب،شتاب،عتابadmin

دیوان پنجم غزل 1586

چشم رہتی ہے اب پرآب بہت

دل کو میرے ہے اضطراب بہت

دیکھیے رفتہ رفتہ کیا ہووے

تاب دل کم ہے پیچ و تاب بہت

دیر افسوس کرتے رہیے گا

عمر جاتی رہی شتاب بہت

مہر و لطف و کرم عنایت کم

ناز و خشم و جفا عتاب بہت

بے تفاوت ہے فرق آپس میں

وے مقدس ہیں میں خراب بہت

پشت پا پر ہے چشم شوخ اس کی

ہائے رے ہم سے ہے حجاب بہت

دختر رز سے رہتے ہیں محشور

شیخ صاحب ہیں کُس کباب بہت

آویں محشر میں کیوں نہ پاے حساب

ہم یہی کرتے ہیں حساب بہت

واں تک اپنی دعا پہنچتی نہیں

عالی رتبہ ہے وہ جناب بہت

گل کے دیکھے کا غش گیا ہی نہ میر

منھ پہ چھڑکا مرے گلاب بہت

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

پلکیں نہ ہوئی تھیں مری خوناب سے واقف

اکتوبر 6, 2015میر تقی میر،اساتذہ،غزلآداب،اسباب،تاب،خوناب،خوابadmin

دیوان چہارم غزل 1415

میں آگے نہ تھا دیدئہ پرآب سے واقف

پلکیں نہ ہوئی تھیں مری خوناب سے واقف

پتھر تو بہت لڑکوں کے کھائے ہیں ولیکن

ہم اب بھی جنوں کے نہیں آداب سے واقف

ہم ننگ خلائق یہ عجب ہے کہ نہیں ہیں

اس عالم اسباب میں اسباب سے واقف

شب آنکھیں کھلی رہتی ہیں ہم منتظروں کی

جوں دیدئہ انجم نہیں ہیں خواب سے واقف

بل کھائے انھیں بالوں کو ہم جانیں ہیں یا میر

ہیں پیچ و غم و رنج و تب و تاب سے واقف

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

دل کو ہمارے چین دے آنکھوں کو خواب دے

اکتوبر 6, 2015میر تقی میر،اساتذہ،غزلآفتاب،آب،تاب،جواب،حساب،خواب،شرابadmin

دیوان سوم غزل 1296

تسکین دردمندوں کو یارب شتاب دے

دل کو ہمارے چین دے آنکھوں کو خواب دے

اس کا غضب سے نامہ نہ لکھنا تو سہل ہے

لوگوں کے پوچھنے کا کوئی کیا جواب دے

گل ہے بہار تب ہے جب آنکھوں میں ہو نشہ

جاتی ہے فصل گل کہیں ساقی شراب دے

وہ تیغ میری تشنۂ خوں ہو گئی ہے کند

کر رحم مجھ پہ کاشکے یار اس کو آب دے

دو چار الم جو ہوویں تو ہیں بابت بتاں

کیا درد بے شمار کا کوئی حساب دے

تار نگہ کا سوت نہیں بندھتا ضعف سے

بیجان ہے یہ رشتہ دلا اس کو تاب دے

مژگان تر کو یار کے چہرے پہ کھول میر

اس آب خستہ سبزے کو ٹک آفتاب دے

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

جس سے دل آگ و چشم آب ہے میاں

اکتوبر 6, 2015میر تقی میر،اساتذہ،غزلکتاب،انقلاب،آب،اضطراب،تاب،جواب،حجاب،حساب،خواب،شراب،عتابadmin

دیوان سوم غزل 1196

عشق وہ خانماں خراب ہے میاں

جس سے دل آگ و چشم آب ہے میاں

تن میں جب تک ہے جاں تکلف ہے

ہم میں اس میں ابھی حجاب ہے میاں

گو نہیں میں کسو شمار میں یاں

عاقبت ایک دن حساب ہے میاں

کو دماغ و جگر کہاں وہ قلب

یاں عجب ایک انقلاب ہے میاں

زلف بل کھا رہی ہے گو اس کی

دل کو اپنے تو پیچ و تاب ہے میاں

لطف و مہر و وفا وہ کیا جانے

ناز ہے خشم ہے عتاب ہے میاں

لوہو اپنا پیوں ہوں چپکا ہوں

کس کو اس بن سر شراب ہے میاں

چشم وا یاں کی چشم بسمل ہے

جاگنا یہ نہیں ہے خواب ہے میاں

منھ سے کچھ بولتا نہیں قاصد

شاید اودھر سے اب جواب ہے میاں

دل ہی اپنا نہیں فقط بے چین

جی کو بھی زور اضطراب ہے میاں

چاہیے وہ کہے سو لکھ رکھیں

ہر سخن میر کا کتاب ہے میاں

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

رہا ہے کیا دل بے تاب میں اب

اکتوبر 6, 2015میر تقی میر،اساتذہ،غزلوتاب،آب،اسباب،باب،تاب،خواب،شابadmin

دیوان سوم غزل 1110

پڑا ہے فرق خورد و خواب میں اب

رہا ہے کیا دل بے تاب میں اب

جنوں میں اب کے نے دامن ہے نے جیب

کمی آئی بہت اسباب میں اب

ہوا ہے خواب ملنا اس سے شب کا

کبھو آتا ہے وہ مہ خواب میں اب

گدائی لی ہے میں نے اس کے در کی

کہے کیا دیکھوں میرے باب میں اب

گلے لگنے بن اس کے اتنا روئے

کہ ہم ہیں گے گلے تک آب میں اب

کہاں بل کھائے بال اس کے کہاں یہ

عبث سنبل ہے پیچ وتاب میں اب

بلا چرچا ہے میرے عشق کا میر

یہی ہے ذکر شیخ و شاب میں اب

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

جی دل کے اضطراب سے بے تاب تھا سو تھا

اکتوبر 6, 2015میر تقی میر،اساتذہ،غزلنایاب،ناب،آب،اسباب،تاب،خواب،سیرابadmin

دیوان سوم غزل 1103

آنکھوں میں اپنی رات کو خوناب تھا سو تھا

جی دل کے اضطراب سے بے تاب تھا سو تھا

آکر کھڑا ہوا تھا بہ صدحسن جلوہ ناک

اپنی نظر میں وہ در نایاب تھا سو تھا

ساون ہرے نہ بھادوں میں ہم سوکھے اہل درد

سبزہ ہماری پلکوں کا سیراب تھا سو تھا

درویش کچھ گھٹا نہ بڑھا ملک شاہ سے

خرقہ کلاہ پاس جو اسباب تھا سو تھا

کیا بھاری بھاری قافلے یاں سے چلے گئے

تجھ کو وہی خیال گراں خواب تھا سو تھا

برسوں سے ہے تلاوت و سجادہ و نماز

پر میل دل جو سوے مئے ناب تھا سو تھا

ہم خشک لب جو روتے رہے جوئیں بہ چلیں

پر میر دشت عشق کا بے آب تھا سو تھا

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کیا ہی مست شراب ہے وہ بھی

اکتوبر 6, 2015میر تقی میر،اساتذہ،غزلکباب،پرشتاب،تاب،جواب،خراب،سراب،شرابadmin

دیوان دوم غزل 954

آج کچھ بے حجاب ہے وہ بھی

کیا ہی مست شراب ہے وہ بھی

میں ہی جلتا نہیں جدا دل سے

دور مجھ سے کباب ہے وہ بھی

سائل بوسہ سب گئے محروم

ایک حاضر جواب ہے وہ بھی

وہم جس کو محیط سمجھا ہے

دیکھیے تو سراب ہے وہ بھی

کم نہیں کچھ صبا سے اشک گرم

قاصد پرشتاب ہے وہ بھی

حسن سے دود دل نہیں خالی

زلف پرپیچ و تاب ہے وہ بھی

خانہ آباد کعبے میں تھا میر

کیا خدائی خراب ہے وہ بھی

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

دل کو لگا کے ہم نے کھینچے عذاب کیا کیا

اکتوبر 6, 2015میر تقی میر،اساتذہ،غزلکباب،اضطراب،تاب،حساب،خواب،خراب،شاب،شراب،عذابadmin

دیوان دوم غزل 668

پائے خطاب کیا کیا دیکھے عتاب کیا کیا

دل کو لگا کے ہم نے کھینچے عذاب کیا کیا

کاٹے ہیں خاک اڑا کر جوں گردباد برسوں

گلیوں میں ہم ہوئے ہیں اس بن خراب کیا کیا

کچھ گل سے ہیں شگفتہ کچھ سرو سے ہیں قد کش

اس کے خیال میں ہم دیکھے ہیں خواب کیا کیا

انواع جرم میرے پھر بے شمار و بے حد

روز حساب لیں گے مجھ سے حساب کیا کیا

اک آگ لگ رہی ہے سینوں میں کچھ نہ پوچھو

جل جل کے ہم ہوئے ہیں اس بن کباب کیا کیا

افراط شوق میں تو رویت رہی نہ مطلق

کہتے ہیں میرے منھ پر اب شیخ و شاب کیا کیا

پھر پھر گیا ہے آکر منھ تک جگر ہمارے

گذرے ہیں جان و دل پر یاں اضطراب کیا کیا

آشفتہ اس کے گیسو جب سے ہوئے ہیں منھ پر

تب سے ہمارے دل کو ہے پیچ و تاب کیا کیا

کچھ سوجھتا نہیں ہے مستی میں میر جی کو

کرتے ہیں پوچ گوئی پی کر شراب کیا کیا

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

دریاے موج خیز جہاں کا سراب ہے

اکتوبر 6, 2015میر تقی میر،اساتذہ،غزلکباب،آفتاب،تاب،حباب،حساب،خواب،خراب،سراب،عذابadmin

دیوان اول غزل 614

ہے خاک جیسے ریگ رواں سب نہ آب ہے

دریاے موج خیز جہاں کا سراب ہے

روز شمار میں بھی محاسب ہے گر کوئی

تو بے حساب کچھ نہ کر آخر حساب ہے

اس شہر دل کو تو بھی جو دیکھے تو اب کہے

کیا جانیے کہ بستی یہ کب کی خراب ہے

منھ پر لیے نقاب تو اے ماہ کیا چھپے

آشوب شہر حسن ترا آفتاب ہے

کس رشک گل کی باغ میں زلف سیہ کھلی

موج ہوا میں آج نپٹ پیچ و تاب ہے

کیا دل مجھے بہشت میں لے جائے گا بھلا

جس کے سبب یہ جان پہ میری عذاب ہے

سن کان کھول کر کہ تنک جلد آنکھ کھول

غافل یہ زندگانی فسانہ ہے خواب ہے

رہ آشناے لطف حقیقت کے بحر کا

ہے رشک زلف و چشم جو موج حباب ہے

آتش ہے سوز سینہ ہمارا مگر کہ میر

نامے سے عاشقوں کے کبوتر کباب ہے

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

وگر قصہ کہوں اپنا تو سنتے اس کو خواب آوے

اکتوبر 6, 2015میر تقی میر،اساتذہ،غزلآب،تاب،خواب،شرابadmin

دیوان اول غزل 565

اچنبھا ہے اگر چپکا رہوں مجھ پر عتاب آوے

وگر قصہ کہوں اپنا تو سنتے اس کو خواب آوے

بھرا ہے دل مرا جام لبالب کی طرح ساقی

گلے لگ خوب روئوں میں جو میناے شراب آوے

بغل پروردئہ طوفاں ہوں میں یہ موج ہے میری

بیاباں میں اگر روئوں تو شہروں میں بھی آب آوے

لپیٹا ہے دل سوزاں کو اپنے میر نے خط میں

الٰہی نامہ بر کو اس کے لے جانے کی تاب آوے

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کیا آفت آگئی مرے اس دل کی تاب کو

اکتوبر 6, 2015میر تقی میر،اساتذہ،غزلآفتاب،آب،تاب،جواب،خواب،خراب،شرابadmin

دیوان اول غزل 407

فرصت نہیں تنک بھی کہیں اضطراب کو

کیا آفت آگئی مرے اس دل کی تاب کو

میری ہی چشم تر کی کرامات ہے یہ سب

پھرتا تھا ورنہ ابر تو محتاج آب کو

گذری ہے شب خیال میں خوباں کے جاگتے

آنکھیں لگا کے اس سے میں ترسوں ہوں خواب کو

خط آگیا پر اس کا تغافل نہ کم ہوا

قاصد مرا خراب پھرے ہے جواب کو

تیور میں جب سے دیکھے ہیں ساقی خمار کے

پیتا ہوں رکھ کے آنکھوں پہ جام شراب کو

اب تو نقاب منھ پہ لے ظالم کہ شب ہوئی

شرمندہ سارے دن تو کیا آفتاب کو

کہنے سے میر اور بھی ہوتا ہے مضطرب

سمجھائوں کب تک اس دل خانہ خراب کو

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

ایک گردش میں تری چشم سیہ کے سب خراب

اکتوبر 6, 2015میر تقی میر،اساتذہ،غزلکباب،آب،تاب،جواب،حباب،حساب،خراب،سراب،شباب،شرابadmin

دیوان اول غزل 178

کس کی مسجد کیسے میخانے کہاں کے شیخ و شاب

ایک گردش میں تری چشم سیہ کے سب خراب

تو کہاں اس کی کمر کیدھر نہ کریو اضطراب

اے رگ گل دیکھیو کھاتی ہے جو تو پیچ و تاب

موند رکھنا چشم کا ہستی میں عین دید ہے

کچھ نہیں آتا نظر جب آنکھ کھولے ہے حباب

تو ہو اور دنیا ہو ساقی میں ہوں مستی ہو مدام

پر بط صہبا نکالے اڑ چلے رنگ شراب

ہے ملاحت تیرے باعث شور پر تجھ سے نمک

ٹک تو رہ پیری چلی آتی ہے اے عہد شباب

کب تھی یہ بے جرأتی شایان آہوے حرم

ذبح ہوتا تیغ سے یا آگ میں ہوتا کباب

کیا ہو رنگ رفتہ کیا قاصد ہو جس کو خط دیا

جز جواب صاف اس سے کب کوئی لایا جواب

واے اس جینے پر اے مستی کہ دور چرخ میں

جام مے پر گردش آوے اور میخانہ خراب

چوب حرفی بن الف بے میں نہیں پہچانتا

ہوں میں ابجد خواں شناسائی کو مجھ سے کیا حساب

مت ڈھلک مژگاں سے اب تو اے سرشک آبدار

مفت میں جاتی رہے گی تیری موتی کی سی آب

کچھ نہیں بحرجہاں کی موج پر مت بھول میر

دور سے دریا نظر آتا ہے لیکن ہے سراب

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

یاں شرم سے عرق میں ڈوب آفتاب نکلا

اکتوبر 6, 2015میر تقی میر،اساتذہ،غزلکتاب،گلاب،پرآب،آفتاب،تاب،جواب،حجاب،خواب،خراب،شتابadmin

دیوان اول غزل 104

واں وہ تو گھر سے اپنے پی کر شراب نکلا

یاں شرم سے عرق میں ڈوب آفتاب نکلا

آیا جو واقعے میں درپیش عالم مرگ

یہ جاگنا ہمارا دیکھا تو خواب نکلا

دیکھا جو اوس پڑتے گلشن میں ہم تو آخر

گل کا وہ روے خنداں چشم پرآب نکلا

پردے ہی میں چلا جا خورشید تو ہے بہتر

اک حشر ہے جو گھر سے وہ بے حجاب نکلا

کچھ دیر ہی لگی نہ دل کو تو تیر لگتے

اس صید ناتواں کا کیا جی شتاب نکلا

ہر حرف غم نے میرے مجلس کے تیں رلایا

گویا غبار دل کا پڑھتا کتاب نکلا

روے عرق فشاں کو بس پونچھ گرم مت ہو

اس گل میں کیا رہے گا جس کا گلاب نکلا

مطلق نہ اعتنا کی احوال پر ہمارے

نامے کا نامے ہی میں سب پیچ و تاب نکلا

شان تغافل اپنے نوخط کی کیا لکھیں ہم

قاصد موا تب اس کے منھ سے جواب نکلا

کس کی نگہ کی گردش تھی میر رو بہ مسجد

محراب میں سے زاہد مست و خراب نکلا

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

قسمے کہ عشق جی سے مرے تاب لے گیا

اکتوبر 6, 2015میر تقی میر،اساتذہ،غزلقصاب،مہتاب،ناب،آب،اسباب،تاب،سیلابadmin

دیوان اول غزل 97

اس کا خیال چشم سے شب خواب لے گیا

قسمے کہ عشق جی سے مرے تاب لے گیا

کن نیندوں اب تو سوتی ہے اے چشم گریہ ناک

مژگاں تو کھول شہر کو سیلاب لے گیا

آوے جو مصطبے میں تو سن لو کہ راہ سے

واعظ کو ایک جام مئے ناب لے گیا

نے دل رہا بجا ہے نہ صبر و حواس و ہوش

آیا جو سیل عشق سب اسباب لے گیا

میرے حضور شمع نے گریہ جو سر کیا

رویا میں اس قدر کہ مجھے آب لے گیا

احوال اس شکار زبوں کا ہے جاے رحم

جس ناتواں کو مفت نہ قصاب لے گیا

منھ کی جھلک سے یار کے بے ہوش ہو گئے

شب ہم کو میر پرتو مہتاب لے گیا

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

مجھے سوال کا کیسا حسیں جواب ملا

دسمبر 1, 2007منصور آفاق،شعراء،غزلکتاب،آفتاب،تاب،ثواب،جواب،حساب،خراب،شراب،غیابadmin

منصور آفاق ۔ غزل نمبر 39

سفید طشت میں اک کاسنی گلاب ملا

مجھے سوال کا کیسا حسیں جواب ملا

ملی شرابِ کرم ہم گناہگاروں کو

جنابِ شیخ کو بس وعدۂ شراب ملا

یہ آنکھیں لیں جو دیکھنا نہیں ممکن

کسی مقام پہ سر چشمۂ غیاب ملا

میں سرخ سرخ رتوں سے بڑا الرجک ہوں

مجھے ہمیشہ لہو رنگ آفتاب ملا

مجھے چراغ کی خواہش ذرا زیادہ ہے

وہ رات ہوں جسے کوئی نہ ماہ تاب ملا

علوم وصل سے میرا بھی کچھ تعارف ہو

کوئی بیاض دکھا دے کوئی کتاب ملا

سلگ اٹھی ہے تہجد میں وصل کی خواہش

خدائے پاک مجھے منزلِ ثواب ملا

تُو ہار جائے گی غم کا مقابلہ پگلی

شمارِ شامِ محرم سے نہ حساب ملا

ہزار ٹیکس دئیے روڈ کے مگر منصور

میں جس طرف بھی مڑا راستہ خراب ملا

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

ساقی ہزار شکر خدا کی جناب میں

نومبر 20, 2005امیر مینائی،غزلنقاب،کباب،گلاب،آفتاب،اضطراب،تاب،ثواب،جناب،جواب،حباب،حجاب،سراب،شراب،عذابadmin

امیر مینائی ۔ غزل نمبر 28

قاضی بھی اب تو آئے ہیں بزمِ شراب میں

ساقی ہزار شکر خدا کی جناب میں

جا پائی خط نے اس کے رخِ بے نقاب میں

سورج گہن پڑا شرفِ آفتاب میں

دامن بھرا ہوا تھا جو اپنا شراب میں

محشر کے دن بٹہائے گئے آفتاب میں

رکھا یہ تم نے پائے حنائی رکاب میں

یا پھول بھر دئیے طبقِ آفتاب میں

تیرِ دعا نشانے پہ کیونکر نہ بیٹھتا

کچھ زور تھا کماں سے سوا اضطراب میں

وہ ناتواں ہوں قلعۂ آہن ہو وہ مجھے

کر دے جو کوئی بند مکانِ حباب میں

حاجت نہیں تو دولتِ دنیا سے کام کیا

پھنستا ہے تشنہ دام فریبِ سراب میں

مثلِ نفس نہ آمد و شد سے ملا فراغ

جب تک رہی حیات، رہے اضطراب میں

سرکش کا ہے جہاں میں دورانِ سر مآل

کیونکر نہ گرد باد رہے پیچ و تاب میں

چاہے جو حفظِ جان تو نہ کر اقربا سے قطع

کب سوکھتے ہیں برگِ شجر آفتاب میں

دل کو جلا تصور حسنِ ملیح سے

ہوتی ہے بے نمک کوئی لذت، کباب میں

ڈالی ہیں نفسِ شوم نے کیا کیا خرابیاں

موذی کو پال کر میں پڑا کس عذاب میں

اللہ رے تیز دستیِ مژگانِ رخنہ گر

بے کار بند ہو گئے ان کی نقاب میں

چلتا نہیں ہے ظلم تو عادل کے سامنے

شیطاں ہے پردہ در کہ ہیں مہدی حجاب میں

کچھ ربط حسن و عشق سے جائے عجب نہیں

بلبل بنے جو بلبلہ اٹھّے گلاب میں

چومے جو اس کا مصحفِ رخ زلف میں پھنسے

مارِ عذاب بھی ہے طریقِ ثواب میں

ساقی کچھ آج کل سے نہیں بادہ کش ہیں بند

اس خاک کا خمیر ہوا ہے شراب میں

جب نامہ بر کیا ہے کبوتر کو اے امیر

اس نے کباب بھیجے ہیں خط کے جواب میں

امیر مینائی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔