ٹیگ کے محفوظات: بیاں

جاری رہے گلشن میں بیاں موسمِ گُل کا

مئی 31, 2021کلیاتِ شکیب جلالی ۔ غزلیں،شکیب جلالی،غزلنگراں،گراں،بیاں،رواںadmin

باقی ہے یہی ایک نشاں موسمِ گُل کا

جاری رہے گلشن میں بیاں موسمِ گُل کا

جب پُھول مرے چاکِ گریباں پہ ہنسے تھے

لمحہ وہی گزرا ہے گراں موسمِ گُل کا

نادان گھٹاؤں کے طلب گار ہوئے ہیں

شعلوں کو بنا کر نگراں موسمِ گُل کا

سُوکھے ہوئے پتّوں کے جہاں ڈھیر ملے ہیں

دیکھا تھا وہیں سیلِ رواں موسمِ گُل کا

شکیب جلالی

کچھ بھی میرے سِوا یہاں نہ رہے

مئی 30, 2021عرفان ستار،غزلہاں،نشاں،وہاں،یہاں،کہاں،کلاں،گماں،اماں،بیاں،جہاں،جاں،درمیاں،رائگاں،رازداں،زیاں،سائباںadmin

یہ زمیں اور آسماں نہ رہے

کچھ بھی میرے سِوا یہاں نہ رہے

میں ہی اول بھی اور آخر بھی

کوئی بھی میرے درمیاں نہ رہے

بس معانی ہوں، لفظ کھو جائیں

روح رہ جائے، جسم و جاں نہ رہے

میری یکسوئی میں پڑے نہ خلل

"میں رہوں اور یہ جہاں نہ رہے”

مہرباں آج مجھ پہ ہے جو نظر

عین ممکن ہے کل کلاں نہ رہے

ہاں بلا سے مری، رہے نہ وجود

نہیں رہتا عدم بھی، ہاں نہ رہے

سوچتا ہوں خموش ہو جاؤں

اور یہ حرفِ رائگاں نہ رہے

کاش چھا جائے ایک ابرِ اماں

اور کوئی بھی بے اماں نہ رہے

اک سہارا۔ ہے بے یقینوں کا

کیا کریں وہ اگر گماں نہ رہے

بات کیسی جو سننے والا نہ ہو

راز کیسا جو رازداں نہ رہے

وہی ہوتا ہے رائگاں کہ جو ہو

نہ رہوں میں تو یہ زیاں نہ رہے

زخم تو سارے بھر ہی جاتے ہیں

بات تب ہے اگر نشاں نہ رہے

ہے وہاں ماں، یہاں مرے بچے

اب رہے دل کہاں، کہاں نہ رہے

زخمِ دل کو زبان مل جائے

درد ناقابلِ بیاں نہ رہے

کیا خبر کس گھڑی چلے آندھی

اور سر پر یہ سائباں نہ رہے

شہرِ دام و درم کی تم جانو

اہلِ دل تو کبھی وہاں نہ رہے

ان دنوں ہے یہاں، مگر عرفان

بس چلے تو کبھی یہاں نہ رہے

عرفان ستار

دل تھا برباد مگر جائے اماں تھا پہلے

مئی 30, 2021عرفان ستار،غزلنہاں،نگراں،یہاں،کہاں،کناں،گماں،اماں،بیاں،رواں،زیاں،زدگاں،سراں،عیاںadmin

ایسا احوال محبت میں کہاں تھا پہلے

دل تھا برباد مگر جائے اماں تھا پہلے

ایک امکان میں روپوش تھا سارا عالم

میں بھی اُس گردِ تحیّر میں نہاں تھا پہلے

ایک خوشبو سی کیے رہتی تھی حلقہ میرا

یعنی اطراف کوئی رقص کناں تھا پہلے

اُس نے مجھ سا کبھی ہونے نہ دیا تھا مجھ کو

کیا تغیّر مری جانب نگراں تھا پہلے

اب فقط میرے سخن میں ہے جھلک سی باقی

ورنہ یہ رنگ تو چہرے سے عیاں تھا پہلے

کون مانے گا کہ مجھ ایسا سراپا تسلیم

سربرآوردۂ آشفتہ سراں تھا پہلے

کون یہ لوگ ہیں نا واقفِ آداب و لحاظ

تیرا کوچہ تو رہِ دل زدگاں تھا پہلے

اب تو اک دشتِ تمنا کے سوا کچھ بھی نہیں

کیسا قلزم میرے سینے میں رواں تھا پہلے

اب کہیں جا کے یہ گیرائی ہوئی ہے پیدا

تجھ سے ملنا تو توجہ کا زیاں تھا پہلے

میں نے جیسے تجھے پایا ہے وہ میں جانتا ہوں

اب جو تُو ہے یہ فقط میرا گماں تھا پہلے

جانے ہے کس کی اداسی مری وحشت کی شریک

مجھ کو معلوم نہیں کون یہاں تھا پہلے

دل ترا راز کسی سے نہیں کہنے دیتا

ورنہ خود سے یہ تعلق بھی کہاں تھا پہلے

اب جو رہتا ہے سرِ بزمِ سخن مہر بہ لب

یہی عرفانؔ عجب شعلہ بیاں تھا پہلے

عرفان ستار

تُو جو موجود نہ ہوتا، تو کہاں تھے ہم بھی

مئی 30, 2021عرفان ستار،غزلفغاں،نگراں،یہاں،کہاں،کجکلہاں،گماں،گراں،بیاں،جاں،دگراں،زیاں،سخناںadmin

تیری نسبت سے زمانے پہ عیاں تھے ہم بھی

تُو جو موجود نہ ہوتا، تو کہاں تھے ہم بھی

حرمتِ حرف نہیں ہے سو یہ ارزانی ہے

ورنہ وہ دن بھی تھے جب خوابِ گراں تھے ہم بھی

ہم بھی حیراں ہیں بہت خود سے بچھڑ جانے پر

مستقل اپنی ہی جانب نگراں تھے ہم بھی

اب کہیں کیا، کہ وہ سب قصہءِ پارینہ ہُوا

رونقِ محفلِ شیریں سخناں تھے ہم بھی

وقت کا جبر ہی ایسا ہے کہ خاموش ہیں اب

ورنہ تردیدِ صفِ کجکلہاں تھے ہم بھی

رنج مت کر، کہ تجھے ضبط کا یارا نہ رہا

کس قدر واقفِ آدابِ فغاں تھے ہم بھی

تُو بھی کردار کہانی سے الگ تھا کوئی

اپنے قصے میں حدیثِ دگراں تھے ہم بھی

کیسی حیرت، جو کہیں ذکر بھی باقی نہ رہا

تُو بھی تحریر نہ تھا، حرفِ بیاں تھے ہم بھی

ہم کہ رکھتے تھے یقیں اپنی حقیقت سے سِوا

اب گماں کرنے لگے ہیں کہ گماں تھے ہم بھی

رائگاں ہوتا رہا تُو بھی پئے کم نظراں

ناشناسوں کے سبب اپنا زیاں تھے ہم بھی

تُو بھی کس کس کے لیے گوش برآواز رہا

ہم کو سنتا تو سہی، نغمہءِ جاں تھے ہم بھی

ہم نہیں ہیں، تو یہاں کس نے یہ محسوس کیا؟

ہم یہاں تھے بھی تو ایسے، کہ یہاں تھے ہم بھی

عرفان ستار

تیری آسودہ حالی کی امید پر، کر گئے ہم تو اپنا زیاں یا اخی

مئی 30, 2021عرفان ستار،غزلمہرباں،نشاں،یہاں،کہاں،آسماں،بیاں،جاں،دھواں،داستاں،درمیاں،زیاں،سائباںadmin

رزق کی جستجو میں کسے تھی خبر، تُو بھی ہو جائے گا رائگاں یا اخی

تیری آسودہ حالی کی امید پر، کر گئے ہم تو اپنا زیاں یا اخی

جب نہ تھا یہ بیابانِ دیوار و در، جب نہ تھی یہ سیاہی بھری رہگزر

کیسے کرتے تھے ہم گفتگو رات بھر، کیسے سنتا تھا یہ آسماں یا اخی

جب یہ خواہش کا انبوہِ وحشت نہ تھا، شہر اتنا تہی دستِ فرصت نہ تھا

کتنے آباد رہتے تھے اہلِ ہنر، ہر نظر تھی یہاں مہرباں یا اخی

یہ گروہِ اسیرانِ کذب و ریا، بندگانِ درم بندگانِ انا

ہم فقط اہلِ دل یہ فقط اہلِ زر، عمر کیسے کٹے گی یہاں یا اخی

خود کلامی کا یہ سلسلہ ختم کر، گوش و آواز کا فاصلہ ختم کر

اک خموشی ہے پھیلی ہوئی سر بہ سر، کچھ سخن چاہیے درمیاں یا اخی

جسم کی خواہشوں سے نکل کر چلیں، زاویہ جستجو کا بدل کا چلیں

ڈھونڈنے آگہی کی کوئی رہگزر، روح کے واسطے سائباں یا اخی

ہاں کہاتھا یہ ہم نے بچھڑتے ہوئے، لوٹ آئیں گے ہم عمر ڈھلتے ہوئے

ہم نے سوچا بھی تھا واپسی کا مگر، پھر یہ سوچا کہ تُو اب کہاں یا اخی

خود شناسی کے لمحے بہم کب ہوئے، ہم جو تھے درحقیقت وہ ہم کب ہوئے

تیرا احسان ہو تُو بتا دے اگر، کچھ ہمیں بھی ہمارا نشاں یا اخی

قصۂ رنج و حسرت نہیں مختصر، تجھ کو کیا کیا بتائے گی یہ چشمِ تر

آتش غم میں جلتے ہیں قلب و جگر، آنکھ تک آ رہا ہے دھواں یا اخی

عمر کے باب میں اب رعایت کہاں، سمت تبدیل کرنے کی مہلت کہاں

دیکھ بادِ فنا کھٹکھٹاتی ہے در، ختم ہونے کو ہے داستاں یا اخی

ہو چکا سب جو ہونا تھا سود و زیاں، اب جو سوچیں تو کیا رہ گیا ہے یہاں

اور کچھ فاصلے کا یہ رختِ سفر، اور کچھ روز کی نقدِ جاں یا اخی

تُو ہمیں دیکھ آ کر سرِ انجمن، یوں سمجھ لے کہ ہیں جانِ بزمِ سخن

ایک تو روداد دلچسپ ہے اس قدر، اور اس پر ہمارا بیاں یا اخی

عرفان ستار

نہ کر ملال کہ کوئی یہاں کسی کا نہیں

مئی 30, 2021عرفان ستار،غزلیہاں،گماں،بیاں،دھواں،درمیاں،رائگاں،زیاںadmin

زمیں کسی کی نہیں آسماں کسی کا نہیں

نہ کر ملال کہ کوئی یہاں کسی کا نہیں

بھلا یہ لفظ کہاں، اور کربِ ذات کہاں

بقدرِ رنج غزل میں بیاں کسی کا نہیں

عدم وجود میں ہے، اور وجود ہے ہی نہیں

یقیں کسی کا نہیں ہے، گماں کسی کا نہیں

ہمیں جو کہنا ہے اک دوسرے سے کہہ لیں گے

سو کام تیرے مرے درمیاں کسی کا نہیں

بہت سے لوگوں کا ہے نفع میرے ہونے میں

مرے نہ ہونے میں لیکن زیاں کسی کا نہیں

مرے سوا بھی بہت لوگ جل رہے ہیں یہاں

اگرچہ ایسا چمکتا دھواں کسی کا نہیں

ہمیشہ گونجتا رہتا ہے یہ کہیں نہ کہیں

میں جانتا ہوں سخن رائگاں کسی کا نہیں

عرفان ستار

عجب یقین پسِ پردہ ءِ گماں ہے یہاں

مئی 30, 2021عرفان ستار،غزلنقدجاں،گماں،آسماں،اماں،بیاں،جاں،داستاں،درمیاں،رفتگاں،رائیگاںadmin

نہیں ہے جو، وہی موجود و بے کراں ہے یہاں

عجب یقین پسِ پردہ ءِ گماں ہے یہاں

نہ ہو اداس، زمیں شق نہیں ہوئی ہے ابھی

خوشی سے جھوم، ابھی سر پہ آسماں ہے یہاں

یہاں سخن جو فسانہ طراز ہو، وہ کرے

جو بات سچ ہے وہ ناقابلِ بیاں ہے یہاں

نہ رنج کر، کہ یہاں رفتنی ہیں سارے ملال

نہ کر ملال، کہ ہر رنج رائیگاں ہے یہاں

زمیں پلٹ تو نہیں دی گئی ہے محور پر؟

نمو پذیر فقط عہدِ رفتگاں ہے یہاں

یہ کارزارِ نفس ہے، یہاں دوام کسے

یہ زندگی ہے مری جاں، کسے اماں ہے یہاں

ہم اور وصل کی ساعت کا انتظار کریں؟

مگر وجود کی دیوار درمیاں ہے یہاں

چلے جو یوں ہی ابد تک، تو اِس میں حیرت کیا؟

ازل سے جب یہی بے ربط داستاں ہے یہاں

جو ہے وجود میں، اُس کو گماں کی نذر نہ کر

یہ مان لے کہ حقیقت ہی جسم و جاں ہے یہاں

کہا گیا ہے جو وہ مان لو، بلا تحقیق

کہ اشتباہ کی قیمت تو نقدِجاں ہے یہاں

عرفان ستار

اب نہ رہیں گے ہم یہاں، پھر بھی یہاں کی خیر ہو

مئی 30, 2021عرفان ستار،غزلماتمیاں،نہاں،نفساں،نظراں،وشاں،یہاں،گماں،پیر_مغاں،اماں،بیاں،جہاں،خلوتیاں،خواں،زیاں،زدگاں،سخناںadmin

مجلسِ دل بکھر چکی، مجلسیاں کی خیر ہو

اب نہ رہیں گے ہم یہاں، پھر بھی یہاں کی خیر ہو

راحتِ جاں نہ مل سکی، ہم کو اماں نہ مل سکی

خیر ہماری خیر ہے، جائے اماں کی خیر ہو

باغ چہک نہیں رہا، رنگ مہک نہیں رہا

سانس اُکھڑ گیا مرا، ہم نفساں کی خیر ہو

ہجر ہے یا وصال ہے، اصل میں اک خیال ہے

یعنی یقیں سے ہو مفر، گویا گماں کی خیر ہو

کتنا عجیب وقت ہے، خواب گروں پہ سخت ہے

رنج کا بندوبست ہے، دل زدگاں کی خیر ہو

ایک ہجومِ بد نگاہ، بے ہنروں کی اک سپاہ

پردہ دری سے بچ کے چل، رازِ نہاں کی خیر ہو

اے مرے قلبِ ناصبور، خواہشِ وصل دُور دُور

ملتفتوں سے کر حذر، شوقِ زیاں کی خیر ہو

ایک سا شورِ ہاؤ ہُو، پھیل گیا ہے چار سُو

نعرہ زنوں کی بھیڑ میں، خلوتیاں کی خیر ہو

عارض و لب کھِلے رہیں، چاکِ جنوں سلے رہیں

شیریں مقال زندہ باد، ماہ وشاں کی خیر ہو

عشق سے دشمنی کے دن، حرف کی جاں کنی کے دن

شہرِ سخن کے شور میں، کم سخناں کی خیر ہو

وحشتِ دل کے محرماں، میرے سخن کے نکتہ داں

آج بھی چند ہیں یہاں، خوش نظراں کی خیر ہو

لطف و سرور بے کراں، نشہ و کیف جاوداں

میکدہ_جنوں ترے، پیر_مغاں کی خیر ہو

بزم_طرب سجی رہی، بس یہ ہما ہمی رہے

آہ مری دبی رہے، زمزمہ خواں کی خیر ہو

اوجِ کمالِ دل کشی، اے مرے طرزِ شاعری

عمر دراز ہو تری، حسنِ بیاں کی خیر ہو

ختم ہوا سفر یہاں، چل پڑو سوئے لامکاں

راہ روو سفر بخیر، بزم_ جہاں کی خیر ہو

درد کا ہم نشیں کوئی، کوچہ_غم کہیں کوئی

اچھا کہیں نہیں کوئی، ماتمیاں کی خیر ہو

عرفان ستار

مگر جو کچھ نہیں، وہ سب یہاں باقی رہے گا

مئی 30, 2021عرفان ستار،غزلمکاں،یہاں،گماں،آسماں،بیاں،بادباں،خانماں،درمیاں،رواں،سائباں،عاشقاںadmin

یہاں جو ہے کہاں اُس کا نشاں باقی رہے گا

مگر جو کچھ نہیں، وہ سب یہاں باقی رہے گا

سفر ہو گا سفر کی منزلیں معدوم ہوں گی

مکاں باقی نہ ہو گا لا مکاں باقی رہے گا

کبھی قریہ بہ قریہ اور کبھی عالم بہ عالم

غبارِ ہجرتِ بے خانماں باقی رہے گا

ہمارے ساتھ جب تک درد کی دھڑکن رہے گی

ترے پہلو میں ہونے کا گماں باقی رہے گا

بہت بے اعتباری سے گزر کر دل ملے ہیں

بہت دن تک تکلف درمیاں باقی رہے گا

رہے گا آسماں جب تک زمیں باقی رہے گی

زمیں قائم ہے جب تک آسماں باقی رہے گا

یہ دنیا حشر تک آباد رکھی جا سکے گی

یہاں ہم سا جو کوئی خوش بیاں باقی رہے گا

جنوں کو ایسی عمرِ جاوداں بخشی گئی ہے

قیامت تک گروہِ عاشقاں باقی رہے گا

تمدن کو بچا لینے کی مہلت اب کہاں ہے

سر گرداب کب تک بادباں باقی رہے گا

کنارہ تا کنارہ ہو کوئی یخ بستہ چادر

مگر تہہ میں کہیں آبِ رواں باقی رہے گا

ہمارا حوصلہ قائم ہے جب تک سائباں ہے

خدا جانے کہاں تک سائباں باقی رہے گا

تجھے معلوم ہے یا کچھ ہمیں اپنی خبر ہے

سو ہم مر جائیں گے تُو ہی یہاں باقی رہے گا

عرفان ستار

تم کہانی کے کس باب پر، اُس کے انجام سے کتنی دُوری پہ ہو اِس سے قطعِ نظر، دفعتاً یہ تمہارا بیاں ختم ہو جائے گا

مئی 30, 2021عرفان ستار،غزلوہاں،آسماں،بیاں،دھواں،زیاںadmin

زندگی کا سفر ایک دن، وقت کے شور سے، ایک پُرخواب ساعت کے بیدار ہوتے ہی بس یک بیک ناگہاں ختم ہو جائے گا

تم کہانی کے کس باب پر، اُس کے انجام سے کتنی دُوری پہ ہو اِس سے قطعِ نظر، دفعتاً یہ تمہارا بیاں ختم ہو جائے گا

بند ہوتے ہی آنکھوں کے سب، واہموں وسوسوں کے وجود و عدم کے کٹھن مسئلے، ہاتھ باندھے ہوئے، صف بہ صف روبرو آئیں گے

سارے پوشیدہ اسرار ہم اپنی آنکھوں سے دیکھیں گے، سب وہم مر جائیں گے، بد گماں بے یقینی کا سارا دھواں ختم ہو جائے گا

بے دماغوں کے اِس اہلِ کذب و ریا سے بھرے شہر میں، ہم سوالوں سے پُر، اور جوابوں سے خالی کٹورا لیے بے طلب ہو گئے

چند ہی روز باقی ہیں بس، جمع و تفریق کے اِن اصولوں کے تبدیل ہوتے ہی جب، یہ ہمارا مسلسل زیاں ختم ہو جائے گا

بادشاہوں کے قصوں میں یا راہبوں کے فقیروں کے احوال میں دیکھ لو، وقت سا بے غرض کوئی تھا، اور نہ ہے، اور نہ ہو گا کبھی

تم کہاں کس تگ و دو میں ہو وقت کو اِس سے کیا، یہ تو وہ ہے جہاں حکم آیا کہ اب ختم ہونا ہے، یہ بس وہاں ختم ہو جائے گا

کوئی حد بھی تو ہو ظلم کی، تم سمجھتے ہو شاید تمہیں زندگی یہ زمیں اِس لیے دی گئی ہے، کہ تم جیسے چاہو برت لو اِسے

تم یہ شاید نہیں جانتے، اِس زمیں کو تو عادت ہے دکھ جھیلنے کی مگر جلد ہی، یہ زمیں ہو نہ ہو، آسماں ختم ہو جائے گا

عرفان ستار

لغتِ عشق میں حیرت کی زباں کہتے ہیں

مئی 20, 2021ضامن جعفری،غزلکہاں،گماں،بیاں،زباںadmin

یہ حَسیں جس کو مِرا عجزِ بیاں کہتے ہیں

لغتِ عشق میں حیرت کی زباں کہتے ہیں

اتنے محتاط ہیں ہم پھر بھی شکایت ہم سے

گفتنی ہو بھی تَو ہم بات کہاں کہتے ہیں

چشمِ پُر آب کی کیا اُن سے وضاحت کیجے

اس کو محرومِ نظارہ کی زباں کہتے ہیں

وہ حقیقت ہے گماں کہتے ہیں ہم جس کو مگر

مصلحت ہے جو حقیقت کو گماں کہتے ہیں

تُم جسے سمجھے ہو خاموش نگاہی ضامنؔ

ہم سخن فہم اُسے سحرِ بیاں کہتے ہیں

ضامن جعفری

حالِ دِل پھِر ہَم نے محتاجِ بیاں رہنے دِیا

مئی 20, 2021ضامن جعفری،غزلمکاں،نہاں،نشاں،گماں،الاماں،آسماں،بیاں،باغباںadmin

وعدۂ فَردا کو زیبِ داستاں رہنے دِیا

حالِ دِل پھِر ہَم نے محتاجِ بیاں رہنے دِیا

کون سی چھَت کیسی دیواریں کَہاں کے بام و دَر

سَر چھُپانے کو تھا جیسا بھی مکاں رہنے دِیا

مُدَّتَوں سے اِک خُدائی ہے وہ اَب جیسی بھی ہے

سِلسِلہ ہم نے بھی تا حَدِ گُماں رہنے دِیا

بہرِ تسکینِ غرورِ اِختیار و اقتدار

کِس نے یہ شورِ صَدائے اَلاماں رہنے دِیا

کون ہے پَردے کے پیچھے! ہے بھی کوئی یا نہیں !

ہر گماں ہم نے پَسِ پَردہ نِہاں رہنے دِیا

حیَف! یہ دعوائے ہَم آہَنگیٔ عِلم و ہُنَر!

لوگ اِس پَر خُوش ہیں سَر پَر آسماں رہنے دِیا

وَقت نے بھَر تَو دِئیے سَب زَخمِ یادِ عندلیب

شاخِ گُل پر ایک ہَلکا سا نشاں رہنے دِیا

جِس کو ضامنؔ آشیانہ پھُونکتے دیکھا تھا کَل

تُم نے حیَرَت ہے اُسی کو باغباں رہنے دِیا

ضامن جعفری

ہم جسے سُود سمجھتے تھے زِیاں ہے صاحب

مئی 20, 2021ضامن جعفری،غزلمغاں،نہاں،کہاں،گماں،بیاں،زیاںadmin

زندگی تحفَہِ یَک بارِ گراں ہے صاحب

ہم جسے سُود سمجھتے تھے زِیاں ہے صاحب

آگ میخانہِ ہستی میں لگائی کِس نے؟

کوئی کہتا تھا کہ خُود پیِرِ مُغاں ہے صاحب

زِیست اِک خواب سا ہے عالَمِ بیداری کا

وہ بھی کیا کہیے یقیں ہے کہ گُماں ہے صاحب

مُنتَشَر ہو گئے اَربابِ کَرَم اَور احباب

پُوچھتے پِھرتے ہیں ہم کون کہاں ہے صاحب

دِیدہ و دِل کی بَظاہر تَو خَطا ہے لیکن

حُسن کا ذِکر اَبھی مُحتاجِ بیاں ہے صاحب

عِشق آئینہِ ہَستی کی جِلا ہے ضامنؔ

گَردِ تاریخ کی ہَر تہ میں نہاں ہے صاحب

ضامن جعفری

مِل بھی لیتے ہیں مگر بارِ گراں ہو جیسے

مئی 20, 2021ضامن جعفری،غزلفغاں،گراں،بیاں،دھواں،سماںadmin

ذِکر ہے میرا حدیثِ دِگَرَاں ہو جیسے

مِل بھی لیتے ہیں مگر بارِ گراں ہو جیسے

راکھ کر کے بھی مرے دل کو وہ یوں فکر میں ہیں

کہیں اُٹھتا ہُوا ہلکا سا دُھواں ہو جیسے

آہ و فریاد نہ منّت نہ سماجت کا اثر

اِک تغافل ہی فقط حسنِ بیاں ہو جیسے

شب کے سنّاٹے میں اُس چہرہ و آواز کی یاد

"چاندنی رات میں دریا کا سماں ہو جیسے”

اُن کو جینا ہی گوارا نہیں میرا ضامنؔ

سانس بھی لُوں تو شکایت ہے فغاں ہو جیسے

ضامن جعفری

وہ ٹَہَر جائیں تو پھر وقت رواں کیسے ہو

مئی 20, 2021ضامن جعفری،غزلگماں،بیاں،جہاں،رواں،عیاںadmin

دل ہی مدہوش ہے احساسِ زیاں کیسے ہو

وہ ٹَہَر جائیں تو پھر وقت رواں کیسے ہو

اُن سے ہر کیفیتِ کون و مکاں کر کے بیاں

اب پریشاں ہوں محبت کا بیاں کیسے ہو

روٹھ کر بھی جو سدا میری خبر رکھتا ہے

مجھ کو اُس شخص پہ نفرت کا گماں کیسے ہو

تو ہی بتلا دے ہر اِک سانس میں بسنے والے

اِس طرح سے تو کوئی کارِ جہاں کیسے ہو

دل شکستہ ہے کوئی، کوئی نظر نیچی ہے

کس کا نقصان سِوا ہے یہ عیاں کیسے ہو

اُن کو لگتی تو ہیں اچھی تری غزلیں ضامنؔ

رازِ دل اَور بھلا کھُل کے بیاں کیسے ہو

ضامن جعفری

لُغّتِ عشق میں حیرت کی زباں کہتے ہیں

مئی 20, 2021ضامن جعفری،غزلکہاں،گماں،بیاں،زباںadmin

پیشِ حُسن آپ جسے عجزِ بیاں کہتے ہیں

لُغّتِ عشق میں حیرت کی زباں کہتے ہیں

اتنے محتاط ہیں ہم پھر بھی شکایت ہم سے

گفتنی ہو بھی تَو ہم بات کہاں کہتے ہیں

چشمِ پُر آب کی کیا اُن سے وضاحت کیجے

اس کو محرومِ نظارہ کی زباں کہتے ہیں

وہ حقیقت ہے گماں کہتے ہیں ہم جس کو مگر

مصلحت ہے جو حقیقت کو گماں کہتے ہیں

تُم جسے سمجھے ہو خاموش نگاہی ضامنؔ

ہم سخن فہم اُسے سحرِ بیاں کہتے ہیں

ضامن جعفری

ہر لمحہ وہ رقصِ دل و جاں بھول گئے کیا

مئی 20, 2021ضامن جعفری،غزلمیاں،نگراں،گماں،بیاں،جہاں،جاں،دہناںadmin

آغازِ محبت کا سماں بھول گئے کیا

ہر لمحہ وہ رقصِ دل و جاں بھول گئے کیا

چہرے کی تب و تاب وہ آہٹ پہ ہماری

ہر پل وہ سوئے دَر نِگَراں بھول گئے کیا

کیا حرفِ محبت کو تکلّم کی ضرورت

آنکھوں میں ہے جو حُسنِ بیاں بھول گئے کیا

وہ حسن و جوانی کے لپکتے ہوئے شعلے

اور اُن میں سکونِ دو جہاں بھول گئے کیا

ہر چیز اہم تھی، نظر و لہجہ و الفاظ

ہر چیز پہ سو سو تھے گماں بھول گئے کیا

یوں یاد دِلاتا ہوں اُنہیں وعدۂ فردا

میں آپ کے صدقے مری جاں بھول گئے کیا

ہے کوئی جو اُن سے یہ ذرا پوچھ کے آئے

قدریں وہ بزرگوں کی میاں بھول گئے کیا

شیرینیٔ گفتار ہے ضامنؔ جو تمہاری

ہے صدقۂ شیریں دہناں بھول گئے کیا

ضامن جعفری

اب مجھے یہ امتحاں کھَلنے لگا

مئی 20, 2021ضامن جعفری،غزلنشاں،امتحاں،آسماں،ابلہاں،بیاں،دوستاں،دھواں،دانشوراں،رایگاںadmin

ارتباطِ جسم و جاں کھَلنے لگا

اب مجھے یہ امتحاں کھَلنے لگا

اک متاعِ زندگی لگتا تھا جو

اب وہ حرفِ رایگاں کھَلنے لگا

آنچ آئی جب اصولوں پر مرے

التفاتِ دوستاں کھَلنے لگا

تیری منزل تھی مرا نقشِ قدم

اب مرا نام و نشاں کھَلنے لگا

اشکبار آنکھوں نے مانگی ہے دعا

آگ لگ جائے، دُھواں کھَلنے لگا

کب تلک قتلِ زبان و حرف و لفظ

شاعرِ شعلہ بیاں کھَلنے لگا

علم و دانش، حرف و فن آزاد ہَوں

حلقۂ دانشوراں کھَلنے لگا

کب سے ہُوں محرومِ کنجِ عافیت

یہ جہانِ اَبلَہاں کھَلنے لگا

فطرتِ آزاد کو ضامنؔ مری

ہر جگہ اک آسماں کھَلنے لگا

ضامن جعفری

ہوتے ہیں غمِ دل کے بیاں اور طرح کے

اگست 4, 2018ناصر کاظمی،دیوانِ ناصر،غزلفغاں،نشاں،گماں،گراں،بیاں،جہاں،جواں،جاں،خزاںadmin

قصے ہیں خموشی میں نہاں اور طرح کے

ہوتے ہیں غمِ دل کے بیاں اور طرح کے

تھی اور ہی کچھ بات کہ تھا غم بھی گوارا

حالات ہیں اب درپے جاں اور طرح کے

اے راہروِ راہِ وفا دیکھ کے چلنا

اس راہ میں ہیں سنگِ گراں اور طرح کے

کھٹکا ہے جدائی کا نہ ملنے کی تمنا

دل کو ہیں مرے وہم و گماں اور طرح کے

پر سال تو کلیاں ہی جھڑی تھیں مگر اب کے

گلشن میں ہیں آثارِ خزاں اور طرح کے

دُنیا کو نہیں تاب مرے درد کی یارب

دے مجھ کو اسالیبِ فغاں اور طرح کے

ہستی کا بھرم کھول دیا ایک نظر نے

اب اپنی نظر میں ہیں جہاں اور طرح کے

لشکر ہے نہ پرچم ہے نہ دَولت ہے نہ ثروت

ہیں خاک نشینوں کے نشاں اور طرح کے

مرتا نہیں اب کوئی کسی کے لیے ناصر

تھے اپنے زمانے کے جواں اور طرح کے

ناصر کاظمی

خوفِ بے مہریٔ خزاں بھی ہے

اگست 4, 2018ناصر کاظمی،برگِ نے،غزلگراں،بیاں،جاں،خزاں،دھواں،رفتگاں،رواں،سماں،شررفشاںadmin

فکرِ تعمیرِ آشیاں بھی ہے

خوفِ بے مہریٔ خزاں بھی ہے

خاک بھی اُڑ رہی ہے رستوں میں

آمدِ صبح کا سماں بھی ہے

رنگ بھی اُڑ رہا ہے پھُولوں کا

غنچہ غنچہ شررفشاں بھی ہے

اوس بھی ہے کہیں کہیں لرزاں

بزمِ انجم دھواں دھواں بھی ہے

کچھ تو موسم بھی ہے خیال انگیز

کچھ طبیعت مری رواں بھی ہے

کچھ ترا حسن بھی ہے ہوش رُبا

کچھ مری شوخیٔ بیاں بھی ہے

ہر نفس شوق بھی ہے منزل کا

ہر قدم یادِ رفتگاں بھی ہے

وجہِ تسکیں بھی ہے خیال اُس کا

حد سے بڑھ جائے تو گراں بھی ہے

زندگی جس کے دم سے ہے ناصر

یاد اُس کی عذابِ جاں بھی ہے

ناصر کاظمی

یہ انجمن ہے راز کی باتیں یہاں نہیں

جولائی 24, 2018موجِ خیال،باصر کاظمی،غزلمہرباں،یہاں،گماں،بیاں،زباںadmin

اے جذبِ دل سمجھ مرے منہ میں زباں نہیں

یہ انجمن ہے راز کی باتیں یہاں نہیں

بلبل کے بعد پوچھتی پھرتی ہے یہ صبا

اتنے بڑے چمن میں کوئی خوش بیاں نہیں

ہر لمحہ دل سے آتی ہے امید کی صدا

دنیا میں کوئی بات بعید از گماں نہیں

ساری صدائیں میری صدا کی ہیں بازگشت

اہلِ چمن میں کون مرا ہم زباں نہیں

شکوے کا کیا جواز ہے باصرِؔ تمہارے پاس

وہ مہرباں ہی کب تھے جو اب مہرباں نہیں

باصر کاظمی

پھر غلط کیا تھا جو تجھ کو ہم زباں سمجھا تھا میں

جولائی 24, 2018موجِ خیال،باصر کاظمی،غزلقدرداں،مہرباں،بیاں،رائگاں،زباںadmin

اپنے افسانے کو سب کی داستاں سمجھا تھا میں

پھر غلط کیا تھا جو تجھ کو ہم زباں سمجھا تھا میں

تُو نے آنکھیں پھیر لیں تو آج آنکھیں کھُل گئیں

تیری باتوں سے تو تجھ کو مہرباں سمجھا تھا میں

میری کوتاہی کہ میں سمجھا نہ اپنی قدر آپ

میری خوش فہمی کہ تجھ کو قدرداں سمجھا تھا میں

ہو کے شرمندہ وہ مجھ سے آج یہ کہنے لگا

انکساری کو تری عجزِ بیاں سمجھا تھا میں

آج اُسی کے نام سے روشن ہیں منزل کے چراغ

جس مسافر کے سفر کو رائگاں سمجھا تھا میں

باصر کاظمی

موجۂ آبِ رواں یاد آئے

ستمبر 30, 2017ماجِد نشان،ماجد صدیقی،غزلکماں،بیاں،جناں،رواں،زیاں،شہاںadmin

ماجد صدیقی ۔ غزل نمبر 60

جب ترا لطفِ نہاں یاد آئے

موجۂ آبِ رواں یاد آئے

تجھ سے خسارہ پیار میں پا کے

سُود نہ کوئی زیاں یاد آئے

تیور جب بھی فلک کے دیکھوں

تجھ ابرو کی کماں یاد آئے

راج پاٹ جب دل کا جانچوں

تجھ سا رشکِ شہاں یاد آئے

ہاں ہاں ہر دو بچھڑے مجھ سے

بزم تری کہ جناں یاد آئے

چاند اور لہر کے ربط سے ماجِد

کس کا زورِ بیاں یاد آئے

ماجد صدیقی

دے دی ہے اُسی حبس نے پیڑوں کو زباں اور

جولائی 31, 2017ماجد صدیقی،دِل دِل کرب کمان،غزلنشاں،کماں،گراں،بیاں،جاں،زباں،سگاںadmin

ماجد صدیقی ۔ غزل نمبر 59

اظہار کو تھا جس کی رعُونت پہ گماں اور

دے دی ہے اُسی حبس نے پیڑوں کو زباں اور

کہتی ہیں تجھے تشنہ شگوفوں کی زبانیں

اے ابر کرم ! کھینچ نہ تو اپنی کماں اور

ہر نقشِ قدم، رِستے لہو کا ہے مرّقع

اِس خاک پہ ہیں، اہلِ مسافت کے نشاں اور

نکلے ہیں لئے ہاتھ میں ہم، خَیر کا کاسہ

اُٹھنے کو ہے پھر شہر میں، غوغائے سگاں اور

صیّاد سے بچنے پہ بھی ، شب خون کا ڈر ہے

اب فاختہ رکھتی ہے یہاں ، خدشۂ جاں اور

دیکھیں گے، گرانی ہے زمانے کی یہی تو

سبزے کے کچلنے کو ابھی ، سنگِ گراں اور

ماجد وُہی کہتے ہیں، تقاضا ہو جو دل کا

ہم اہلِ سیاست نہیں، دیں گے جو بیاں اور

ماجد صدیقی

پپڑی سا ہر اک لب پہ جما شورِ فغاں ہے

مارچ 31, 2017ماجد صدیقی،غزل،غزل سرافغاں،کماں،کراں،بیاں،سماںadmin

ماجد صدیقی ۔ غزل نمبر 49

وُہ خوف کہ ہر جسم میں دبکی ہوئی جاں ہے

پپڑی سا ہر اک لب پہ جما شورِ فغاں ہے

برتر ہے ہر اِک بزم میں مختار ہے جو بھی

ہونٹوں پہ سجا اُس کے عجب زورِ بیاں ہے

کیا جانئے کچھ بھی تو معانی نہیں رکھتی

وُہ خامشی پھیلی جو کراں تا بہ کراں ہے

اِک ایک نگہ تیر، ہمیں دیکھنے والی

جو طاق بھی ابرو کا نظر آئے کماں ہے

ہر عہد کے آنگن میں بہلنے کو ہمارے

جس سمت نظر جائے کھلونوں کا سماں ہے

ماجد صدیقی

کچھ کہہ نہ سکے جو بھی میں اُس کی زباں ٹھہروں

نومبر 30, 2016ہوا کا تخت،ماجد صدیقی،غزلکہاں،بیاں،جہاں،جاں،رواں،زباںadmin

ماجد صدیقی ۔ غزل نمبر 17

نسبت وہ سخن سے ہو اِک نطق رواں ٹھہروں

کچھ کہہ نہ سکے جو بھی میں اُس کی زباں ٹھہروں

ایسا بھی کوئی منظر دکھلائیں تو دُنیا کو

تو گل بکنارِ جو، میں آبِ رواں ٹھہروں

اتنی تو مجھے آخر، اظہار کی فرصت دے

تو راز ہو سربستہ، میں تیرا بیاں ٹھہروں

ہر دم‘ دمِ عیسٰی ہے اپنا بھی، جو پہچانوں

ہوں عہد نئے پیدا، پل بھر کو جہاں ٹھہروں

یہ شہر تو اب جیسے اک شہرِ خموشاں ہے

کس در سے گزر جاؤں، ٹھہروں تو کہاں ٹھہروں

صورت مرے جینے کی ماجدؔ ہو صبا جیسی

نس نس میں گُلوں کی مَیں، اُتری ہوئی جاں ٹھہروں

ماجد صدیقی

تو ہے عنوانِ دل، بیاں ہیں ہم

اکتوبر 31, 2016ماجد صدیقی،آغاز،غزلکارواں،گلستاں،بیاں،ترجمان،درمیاں،رواںadmin

ماجد صدیقی ۔ غزل نمبر 28

گل ہیں خوشبُو ہیں کہکشاں ہیں ہم

تو ہے عنوانِ دل، بیاں ہیں ہم

کل بھی تھا ساتھ ولولوں کا ہجوم

آج بھی میرِ کارواں ہیں ہم

اِک تمنّا کا ساتھ بھی تو نہیں

کس بھروسے پہ یوں رواں ہیں ہم

دل میں سہمی ہے آرزوئے حیات

کن بگولوں کے درمیاں ہیں ہم

جانتی ہیں ہمیں ہری شاخیں

زرد پتّوں کے ترجمان ہیں ہم

دل کا احوال کیا کہیں ماجدؔ

گو بظاہر تو گلستاں ہیں ہم

ماجد صدیقی

کچھ بھی میرے سِوا یہاں نہ رہے

اکتوبر 26, 2015شعراء،عرفان ستار،غزلہاں،نشاں،وہاں،یہاں،کہاں،کلاں،گماں،اماں،بیاں،جہاں،جاں،درمیاں،رائگاں،رازداں،زیاں،سائباںadmin

عرفان ستار ۔ غزل نمبر 100

یہ زمیں اور آسماں نہ رہے

کچھ بھی میرے سِوا یہاں نہ رہے

میں ہی اول بھی اور آخر بھی

کوئی بھی میرے درمیاں نہ رہے

بس معانی ہوں، لفظ کھو جائیں

روح رہ جائے، جسم و جاں نہ رہے

میری یکسوئی میں پڑے نہ خلل

"میں رہوں اور یہ جہاں نہ رہے”

مہرباں آج مجھ پہ ہے جو نظر

عین ممکن ہے کل کلاں نہ رہے

ہاں بلا سے مری، رہے نہ وجود

نہیں رہتا عدم بھی، ہاں نہ رہے

سوچتا ہوں خموش ہو جاؤں

اور یہ حرفِ رائگاں نہ رہے

کاش چھا جائے ایک ابرِ اماں

اور کوئی بھی بے اماں نہ رہے

اک سہارا۔ ہے بے یقینوں کا

کیا کریں وہ اگر گماں نہ رہے

بات کیسی جو سننے والا نہ ہو

راز کیسا جو رازداں نہ رہے

وہی ہوتا ہے رائگاں کہ جو ہو

نہ رہوں میں تو یہ زیاں نہ رہے

زخم تو سارے بھر ہی جاتے ہیں

بات تب ہے اگر نشاں نہ رہے

ہے وہاں ماں، یہاں مرے بچے

اب رہے دل کہاں، کہاں نہ رہے

زخمِ دل کو زبان مل جائے

درد ناقابلِ بیاں نہ رہے

کیا خبر کس گھڑی چلے آندھی

اور سر پر یہ سائباں نہ رہے

شہرِ دام و درم کی تم جانو

اہلِ دل تو کبھی وہاں نہ رہے

ان دنوں ہے یہاں، مگر عرفان

بس چلے تو کبھی یہاں نہ رہے

عرفان ستار

دل تھا برباد مگر جائے اماں تھا پہلے

اکتوبر 26, 2015شعراء،عرفان ستار،غزلنہاں،نگراں،یہاں،کہاں،کناں،گماں،اماں،بیاں،رواں،زیاں،زدگاں،سراں،عیاںadmin

عرفان ستار ۔ غزل نمبر 70

ایسا احوال محبت میں کہاں تھا پہلے

دل تھا برباد مگر جائے اماں تھا پہلے

ایک امکان میں روپوش تھا سارا عالم

میں بھی اُس گردِ تحیّر میں نہاں تھا پہلے

ایک خوشبو سی کیے رہتی تھی حلقہ میرا

یعنی اطراف کوئی رقص کناں تھا پہلے

اُس نے مجھ سا کبھی ہونے نہ دیا تھا مجھ کو

کیا تغیّر مری جانب نگراں تھا پہلے

اب فقط میرے سخن میں ہے جھلک سی باقی

ورنہ یہ رنگ تو چہرے سے عیاں تھا پہلے

کون مانے گا کہ مجھ ایسا سراپا تسلیم

سربرآوردۂ آشفتہ سراں تھا پہلے

کون یہ لوگ ہیں نا واقفِ آداب و لحاظ

تیرا کوچہ تو رہِ دل زدگاں تھا پہلے

اب تو اک دشتِ تمنا کے سوا کچھ بھی نہیں

کیسا قلزم میرے سینے میں رواں تھا پہلے

اب کہیں جا کے یہ گیرائی ہوئی ہے پیدا

تجھ سے ملنا تو توجہ کا زیاں تھا پہلے

میں نے جیسے تجھے پایا ہے وہ میں جانتا ہوں

اب جو تُو ہے یہ فقط میرا گماں تھا پہلے

جانے ہے کس کی اداسی مری وحشت کی شریک

مجھ کو معلوم نہیں کون یہاں تھا پہلے

دل ترا راز کسی سے نہیں کہنے دیتا

ورنہ خود سے یہ تعلق بھی کہاں تھا پہلے

اب جو رہتا ہے سرِ بزمِ سخن مہر بہ لب

یہی عرفانؔ عجب شعلہ بیاں تھا پہلے

عرفان ستار

تُو جو موجود نہ ہوتا، تو کہاں تھے ہم بھی

اکتوبر 26, 2015شعراء،عرفان ستار،غزلفغاں،نگراں،یہاں،کہاں،کجکلہاں،گماں،گراں،بیاں،جاں،دگراں،زیاں،سخناںadmin

عرفان ستار ۔ غزل نمبر 61

تیری نسبت سے زمانے پہ عیاں تھے ہم بھی

تُو جو موجود نہ ہوتا، تو کہاں تھے ہم بھی

حرمتِ حرف نہیں ہے سو یہ ارزانی ہے

ورنہ وہ دن بھی تھے جب خوابِ گراں تھے ہم بھی

ہم بھی حیراں ہیں بہت خود سے بچھڑ جانے پر

مستقل اپنی ہی جانب نگراں تھے ہم بھی

اب کہیں کیا، کہ وہ سب قصہءِ پارینہ ہُوا

رونقِ محفلِ شیریں سخناں تھے ہم بھی

وقت کا جبر ہی ایسا ہے کہ خاموش ہیں اب

ورنہ تردیدِ صفِ کجکلہاں تھے ہم بھی

رنج مت کر، کہ تجھے ضبط کا یارا نہ رہا

کس قدر واقفِ آدابِ فغاں تھے ہم بھی

تُو بھی کردار کہانی سے الگ تھا کوئی

اپنے قصے میں حدیثِ دگراں تھے ہم بھی

کیسی حیرت، جو کہیں ذکر بھی باقی نہ رہا

تُو بھی تحریر نہ تھا، حرفِ بیاں تھے ہم بھی

ہم کہ رکھتے تھے یقیں اپنی حقیقت سے سِوا

اب گماں کرنے لگے ہیں کہ گماں تھے ہم بھی

رائگاں ہوتا رہا تُو بھی پئے کم نظراں

ناشناسوں کے سبب اپنا زیاں تھے ہم بھی

تُو بھی کس کس کے لیے گوش برآواز رہا

ہم کو سنتا تو سہی، نغمہءِ جاں تھے ہم بھی

ہم نہیں ہیں، تو یہاں کس نے یہ محسوس کیا؟

ہم یہاں تھے بھی تو ایسے، کہ یہاں تھے ہم بھی

عرفان ستار

تیری آسودہ حالی کی امید پر، کر گئے ہم تو اپنا زیاں یا اخی

اکتوبر 26, 2015شعراء،عرفان ستار،غزلمہرباں،نشاں،یہاں،کہاں،آسماں،بیاں،جاں،دھواں،داستاں،درمیاں،زیاں،سائباںadmin

عرفان ستار ۔ غزل نمبر 56

رزق کی جستجو میں کسے تھی خبر، تُو بھی ہو جائے گا رائگاں یا اخی

تیری آسودہ حالی کی امید پر، کر گئے ہم تو اپنا زیاں یا اخی

جب نہ تھا یہ بیابانِ دیوار و در، جب نہ تھی یہ سیاہی بھری رہگزر

کیسے کرتے تھے ہم گفتگو رات بھر، کیسے سنتا تھا یہ آسماں یا اخی

جب یہ خواہش کا انبوہِ وحشت نہ تھا، شہر اتنا تہی دستِ فرصت نہ تھا

کتنے آباد رہتے تھے اہلِ ہنر، ہر نظر تھی یہاں مہرباں یا اخی

یہ گروہِ اسیرانِ کذب و ریا، بندگانِ درم بندگانِ انا

ہم فقط اہلِ دل یہ فقط اہلِ زر، عمر کیسے کٹے گی یہاں یا اخی

خود کلامی کا یہ سلسلہ ختم کر، گوش و آواز کا فاصلہ ختم کر

اک خموشی ہے پھیلی ہوئی سر بہ سر، کچھ سخن چاہیے درمیاں یا اخی

جسم کی خواہشوں سے نکل کر چلیں، زاویہ جستجو کا بدل کا چلیں

ڈھونڈنے آگہی کی کوئی رہگزر، روح کے واسطے سائباں یا اخی

ہاں کہاتھا یہ ہم نے بچھڑتے ہوئے، لوٹ آئیں گے ہم عمر ڈھلتے ہوئے

ہم نے سوچا بھی تھا واپسی کا مگر، پھر یہ سوچا کہ تُو اب کہاں یا اخی

خود شناسی کے لمحے بہم کب ہوئے، ہم جو تھے درحقیقت وہ ہم کب ہوئے

تیرا احسان ہو تُو بتا دے اگر، کچھ ہمیں بھی ہمارا نشاں یا اخی

قصۂ رنج و حسرت نہیں مختصر، تجھ کو کیا کیا بتائے گی یہ چشمِ تر

آتش غم میں جلتے ہیں قلب و جگر، آنکھ تک آ رہا ہے دھواں یا اخی

عمر کے باب میں اب رعایت کہاں، سمت تبدیل کرنے کی مہلت کہاں

دیکھ بادِ فنا کھٹکھٹاتی ہے در، ختم ہونے کو ہے داستاں یا اخی

ہو چکا سب جو ہونا تھا سود و زیاں، اب جو سوچیں تو کیا رہ گیا ہے یہاں

اور کچھ فاصلے کا یہ رختِ سفر، اور کچھ روز کی نقدِ جاں یا اخی

تُو ہمیں دیکھ آ کر سرِ انجمن، یوں سمجھ لے کہ ہیں جانِ بزمِ سخن

ایک تو روداد دلچسپ ہے اس قدر، اور اس پر ہمارا بیاں یا اخی

عرفان ستار

نہ کر ملال کہ کوئی یہاں کسی کا نہیں

اکتوبر 26, 2015شعراء،عرفان ستار،غزلیہاں،گماں،بیاں،دھواں،درمیاں،رائگاں،زیاںadmin

عرفان ستار ۔ غزل نمبر 48

زمیں کسی کی نہیں آسماں کسی کا نہیں

نہ کر ملال کہ کوئی یہاں کسی کا نہیں

بھلا یہ لفظ کہاں، اور کربِ ذات کہاں

بقدرِ رنج غزل میں بیاں کسی کا نہیں

عدم وجود میں ہے، اور وجود ہے ہی نہیں

یقیں کسی کا نہیں ہے، گماں کسی کا نہیں

ہمیں جو کہنا ہے اک دوسرے سے کہہ لیں گے

سو کام تیرے مرے درمیاں کسی کا نہیں

بہت سے لوگوں کا ہے نفع میرے ہونے میں

مرے نہ ہونے میں لیکن زیاں کسی کا نہیں

مرے سوا بھی بہت لوگ جل رہے ہیں یہاں

اگرچہ ایسا چمکتا دھواں کسی کا نہیں

ہمیشہ گونجتا رہتا ہے یہ کہیں نہ کہیں

میں جانتا ہوں سخن رائگاں کسی کا نہیں

عرفان ستار

عجب یقین پسِ پردہ ءِ گماں ہے یہاں

اکتوبر 26, 2015شعراء،عرفان ستار،غزلنقدِجاں،گماں،آسماں،اماں،بیاں،جاں،داستاں،درمیاں،رفتگاں،رائیگاںadmin

عرفان ستار ۔ غزل نمبر 27

نہیں ہے جو، وہی موجود و بے کراں ہے یہاں

عجب یقین پسِ پردہ ءِ گماں ہے یہاں

نہ ہو اداس، زمیں شق نہیں ہوئی ہے ابھی

خوشی سے جھوم، ابھی سر پہ آسماں ہے یہاں

یہاں سخن جو فسانہ طراز ہو، وہ کرے

جو بات سچ ہے وہ ناقابلِ بیاں ہے یہاں

نہ رنج کر، کہ یہاں رفتنی ہیں سارے ملال

نہ کر ملال، کہ ہر رنج رائیگاں ہے یہاں

زمیں پلٹ تو نہیں دی گئی ہے محور پر؟

نمو پذیر فقط عہدِ رفتگاں ہے یہاں

یہ کارزارِ نفس ہے، یہاں دوام کسے

یہ زندگی ہے مری جاں، کسے اماں ہے یہاں

ہم اور وصل کی ساعت کا انتظار کریں؟

مگر وجود کی دیوار درمیاں ہے یہاں

چلے جو یوں ہی ابد تک، تو اِس میں حیرت کیا؟

ازل سے جب یہی بے ربط داستاں ہے یہاں

جو ہے وجود میں، اُس کو گماں کی نذر نہ کر

یہ مان لے کہ حقیقت ہی جسم و جاں ہے یہاں

کہا گیا ہے جو وہ مان لو، بلا تحقیق

کہ اشتباہ کی قیمت تو نقدِجاں ہے یہاں

عرفان ستار

مگر جو کچھ نہیں، وہ سب یہاں باقی رہے گا

اکتوبر 26, 2015شعراء،عرفان ستار،غزلمکاں،یہاں،گماں،آسماں،بیاں،بادباں،خانماں،درمیاں،رواں،سائباں،عاشقاںadmin

عرفان ستار ۔ غزل نمبر 9

یہاں جو ہے کہاں اُس کا نشاں باقی رہے گا

مگر جو کچھ نہیں، وہ سب یہاں باقی رہے گا

سفر ہو گا سفر کی منزلیں معدوم ہوں گی

مکاں باقی نہ ہو گا لا مکاں باقی رہے گا

کبھی قریہ بہ قریہ اور کبھی عالم بہ عالم

غبارِ ہجرتِ بے خانماں باقی رہے گا

ہمارے ساتھ جب تک درد کی دھڑکن رہے گی

ترے پہلو میں ہونے کا گماں باقی رہے گا

بہت بے اعتباری سے گزر کر دل ملے ہیں

بہت دن تک تکلف درمیاں باقی رہے گا

رہے گا آسماں جب تک زمیں باقی رہے گی

زمیں قائم ہے جب تک آسماں باقی رہے گا

یہ دنیا حشر تک آباد رکھی جا سکے گی

یہاں ہم سا جو کوئی خوش بیاں باقی رہے گا

جنوں کو ایسی عمرِ جاوداں بخشی گئی ہے

قیامت تک گروہِ عاشقاں باقی رہے گا

تمدن کو بچا لینے کی مہلت اب کہاں ہے

سر گرداب کب تک بادباں باقی رہے گا

کنارہ تا کنارہ ہو کوئی یخ بستہ چادر

مگر تہہ میں کہیں آبِ رواں باقی رہے گا

ہمارا حوصلہ قائم ہے جب تک سائباں ہے

خدا جانے کہاں تک سائباں باقی رہے گا

تجھے معلوم ہے یا کچھ ہمیں اپنی خبر ہے

سو ہم مر جائیں گے تُو ہی یہاں باقی رہے گا

عرفان ستار

تم کہانی کے کس باب پر، اُس کے انجام سے کتنی دُوری پہ ہو اِس سے قطعِ نظر، دفعتاً یہ تمہارا بیاں ختم ہو جائے گا

اکتوبر 26, 2015شعراء،عرفان ستار،غزلوہاں،آسماں،بیاں،دھواں،زیاںadmin

عرفان ستار ۔ غزل نمبر 8