ٹیگ کے محفوظات: بہ یادِ قائدِ اعظم

بہ یادِ قائدِ اعظم

کفِ صبا پہ مہکتا ہوا گلاب تھا وہ

رَوش رَوش تری خوشبو سے مُشک بار ہوئی

کرن کرن ترے پَرتو سے تاب دار ہوئی

کفِ صبا پہ مہکتا ہوا گلاب تھا وہ

نگارِ موسمِ گُل کی جبیں کا داغ ہیں ہم

ہمیں سے لالہ و گُل کی قبا رفُو نہ ہوئی

ہمیں سے زحمتِ تائیدِ رنگ و بُو نہ ہوئی

نگارِ موسمِ گُل کی جبیں کا داغ ہیں ہم

مہ و نجوم کے جَھرنوں پہ نوحہ خواں ہوتے

تجھے جو خضر سمجھتے تو ہم یہاں ہوتے؟

شکیب جلالی