ٹیگ کے محفوظات: بہی

یہ ندی بعد مدت کچھ بہی تو

جولائی 24, 2018موجِ خیال، باصر کاظمی، غزلوہی، یہی، آگہی، بہی، رہی، سہیadmin

کہانی آنسوؤں نے کچھ کہی تو

یہ ندی بعد مدت کچھ بہی تو

کہا ہم نے کہ ہو تم بے مروت

کہا ہم بے مروت ہی سہی تو

تری ہی نذر کرنے کو ہے یہ جاں

اگر اغیار سے کچھ بچ رہی تو

ہمیں محفوظ کر رکھا ہے جس نے

یہی دیوار جب سر پر ڈہی تو

تمہاری بات سے میں متفق ہوں

ابھی میں کہہ رہا تھا کچھ یہی تو

جہالت ہی سے بچ جاؤ تو جانیں

بہت مشکل ہے باصرِؔ آگہی تو

باصر کاظمی

Rate this:

لکھتا ہوں تو پھرے ہے کتابت بہی بہی

اکتوبر 6, 2015میر تقی میر، اساتذہ، غزلوہی، یہی، کہی، بہی، سہیadmin

دیوان پنجم غزل 1732

کیا خط لکھوں میں رونے سے فرصت نہیں رہی

لکھتا ہوں تو پھرے ہے کتابت بہی بہی

میدان غم میں قتل ہوئی آرزوے وصل

تھی اپنے خاندان تمنا میں اک یہی

اپنا لکھا ہے یاد مجھے میری بات بھول

قاصد نے جا کے یار سے کچھ اور ہی کہی

شب شور کرنے میں جو سماجت کی تنگ ہو

کہنے لگا کہ مارو اسے یہ تو ہے وہی

مت بہ نمک حرام تو داغوں سے ساز کر

اے زخم کہنہ میر کی خاطر ہی یوں سہی

میر تقی میر

Rate this:

پر یہ کہا نہ ظالم اس کی نہیں سہی ہے

اکتوبر 6, 2015میر تقی میر، اساتذہ، غزلوہی، کہی، کوتہی، افسرشہی، بہی، تہی، رہی، سہیadmin

دیوان سوم غزل 1282

صدگونہ عاشقی میں ہم نے جفا سہی ہے

پر یہ کہا نہ ظالم اس کی نہیں سہی ہے

کرتی پھری ہے رسوا سارے چمن میں مجھ کو

گر کوئی بات دل کی بلبل سے میں کہی ہے

ہے صبح کا سا عرصہ پیری کا اس میں کیا ہو

باقی ہے وقت کتنا فرصت کہاں رہی ہے

درویش جب ہوئے ہم تب ہے ہمیں برابر

کشکول بازگوں ہے یا افسرشہی ہے

جیتے رہے بہت ہم جو یہ ستم اٹھائے

عمر دراز کی سب تقصیر و کوتہی ہے

رونے میں متصل ہے ہونٹوں پہ آہ میری

جاتا نہیں ہے سمجھا یہ بائو کیا بہی ہے

آزار عاشقی میں کاہے کی پھر توقع

ہوجائے یاس جس سے سو رنج یہ وہی ہے

روتا ہمیں نظر کر رہنا کیے کنارہ

چڑھنا ہمارے منھ پہ دریا کی بے تہی ہے

چلاہٹ اس طرح کی جز میر کس سے ہووے

باور نہ ہو تو دیکھو یہ ہو نہ ہو وہی ہے

میر تقی میر

Rate this:

یہ موج تو تہہِ دریا کبھی رہی بھی نہ تھی

مارچ 3, 2012مجید امجد، امروز، غزلکہی، گمرہی، آبِآگہی، بہی، رہی، سہی، سحرگہیadmin

مجید امجد ۔ غزل نمبر 52

جو دِل نے کہہ دی ہے وہ بات ان کہی بھی نہ تھی

یہ موج تو تہہِ دریا کبھی رہی بھی نہ تھی

جھکیں جو سوچتی پلکیں تو میری دنیا کو

ڈبو گئی وہ ندی جو ابھی بہی بھی نہ تھی

سنی جو بات کوئی ان سنی تو یاد آیا

وہ دِل کہ جس کی کہانی کبھی کہی بھی نہ تھی

نگر نگر وہی آنکھیں، پس زماں، پسِ در

مری خطا کی سزا عمرِ گمرہی بھی نہ تھی

کسی کی روح تک اک فاصلہ خیال کا تھا

کبھی کبھی تو یہ دوری رہی سہی بھی نہ تھی

نشے کی رو میں یہ جھلکا ہے کیوں نشے کا شعور

اس آگ میں تو کوئی آبِ آگہی بھی نہ تھی

غموں کی راکھ سے امجد وہ غم طلوع ہوئے

جنھیں نصیب اک آہِ سحرگہی بھی نہ تھی

مجید امجد

Rate this:

ہے یاد مجھے رنگوں بھری سات مئی تھی

دسمبر 1, 2007منصور آفاق، شعراء، غزلمئی، نئی، گئی، بہی، رہیadmin

منصور آفاق ۔ غزل نمبر 482

اک شخص نے ہونٹوں سے کوئی نظم کہی تھی

ہے یاد مجھے رنگوں بھری سات مئی تھی

میں انگلیاں بالوں میں یونہی پھیر رہا تھا

وہ کمرے کی کھڑکی سے مجھے دیکھ رہی تھی

اس شخص کے گھر وہی حالت تھی مگر اب

بِڈ روم کی دیوار پہ تصور نئی تھی

آئی ہے پلٹ کر کئی صدیوں کے سفر سے

اس گیٹ کے اندر جو ابھی کار گئی تھی

موسم کے تغیر نے لکھا مرثیہ اس کا

منصور ندی مل کے جو دریا سے بہی تھی

منصور آفاق

Rate this: