ٹیگ کے محفوظات: بہائے

یوں بھی جشنِ طرب منائے گئے

اگست 4, 2018ناصر کاظمی،برگِ نے،غزللٹائے،مچائے،بہائے،بجھائے،جلائےadmin

شہر در شہر گھر جلائے گئے

یوں بھی جشنِ طرب منائے گئے

اک طرف جھوم کر بہار آئی

اک طرف آشیاں جلائے گئے

اک طرف خونِ دل بھی تھا نایاب

اک طرف جشنِ جم منائے گئے

کیا کہوں کس طرح سرِبازار

عصمتوں کے دیے بجھائے گئے

آہ وہ خلوتوں کے سرمائے

مجمعِ عام میں لٹائے گئے

وقت کے ساتھ ہم بھی اے ناصرؔ

خار و خس کی طرح بہائے گئے

ناصر کاظمی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

پھول چاہت کے کچھ ایسے بھی کھلائے جائیں

جولائی 31, 2017ماجد صدیقی،دِل دِل کرب کمان،غزلکھلائے،اٹھائے،بہائےadmin

ماجد صدیقی ۔ غزل نمبر 12

وہ کہ اُجڑے ہوئے جُوڑوں میں سجائے جائیں

پھول چاہت کے کچھ ایسے بھی کھلائے جائیں

سیل کیا کیا نہ اُٹھائیں یہ کروڑوں آنکھیں

خشکیِ بخت پہ گر اشک بہائے جائیں

خشت سے چوب تلک قرض کی ہر چیز لئے

بیچ کٹیاؤں کے کچھ قصر اٹھائے جائیں

محض تائید ہی ہم نام نہ اِن کے لکھ دیں

احتجاجاً بھی کبھی ہاتھ اُٹھائے جائیں

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

پروانے کو پسند نہیں پر سوائے شمع

اکتوبر 25, 2015مصطفٰی خان شیفتہ،اساتذہ،غزلہائے،لائے،منگائے،پائے،بہائے،بلائے،جلائے،جائے،دکھائے،سوائے،ضیائےadmin

مصطفٰی خان شیفتہ ۔ غزل نمبر 57

خورشید کو اگرچہ نہ پہنچے ضیائے شمع

پروانے کو پسند نہیں پر سوائے شمع

اس تیرہ روزگار میں مجھ سا جگر گداز

مشعل جلا کے ڈھونڈے اگر تو نہ پائے شمع

پروانے کیا خجل ہوئے دیکھا جو صبح کو

تھا شب کو اس کی بزم میں خورشید جائے شمع

اُس رشکِ شمع و گُل کی ہے کچھ آب و تاب اور

دیکھے ہیں جلوہ ہائے گل و شعلہ ہائے شمع

دیتی ہے اور گرمئ پروانہ داغِ اشک

شب ہائے ہجر میں کوئی کیونکر جلائے شمع

کیا حاجت آفتاب کے گھر میں چراغ کی

ہے حکم شب کو بزم میں کوئی نہ لائے شمع

اُس لعلِ بے بہا سے کہاں تابِ ہمسری

روشن ہے سب پہ قیمتِ گُل اور بہائے شمع

خورشید جس کے جلوہ سے ہو شمعِ صبح دم

کیا ٹھہرے اس کے سامنے نور و ضیائے شمع

اس تیرہ شب میں جائیں گے کیونکر عدو کے گھر

میرا رقیب وہ ہے جو ان کو دکھائے شمع

آتے ہیں وہ جو گور پہ میری تو بہرِ زیب

کوئی نہ پھول لائے نہ کوئی منگائے شمع

گُل پر لگا کے آپ سے پہنچیں گے بے طلب

آئے گی اپنے پاؤں سے یاں بن بلائے شمع

ڈر ہے اُٹھا نہ دے کہیں وہ بزمِ عیش سے

کیا تاب ہے کہ شیفتہ آنسو بہائے شمع

مصطفٰی خان شیفتہ

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

یا لوہو اشک خونی سے منھ پر بہائے گا

اکتوبر 6, 2015میر تقی میر،اساتذہ،غزللائے،کھلائے،پائے،آئے،بہائے،بنائے،جائے،رجھائےadmin

دیوان سوم غزل 1062

وہ دل نہیں رہا ہے تعب جو اٹھائے گا

یا لوہو اشک خونی سے منھ پر بہائے گا

اب یہ نظر پڑے ہے کہ برگشتہ وہ مژہ

کاوش کرے گی ٹک بھی تو سنبھلا نہ جائے گا

کھینچا جو میں وہ ساعد سیمیں تو کہہ اٹھا

بس بس کہیں ہمیں ابھی صاحب غش آئے گا

ریجھے تو اس کے طور پہ مجلس میں شیخ جی

پھر بھی ملا تو خوب سا ان کو رجھائے گا

جلوے سے اس کے جل کے ہوئے خاک سنگ و خشت

بیتاب دل بہت ہے یہ کیا تاب لائے گا

ہم رہ چکے جو ایسے ہی غم میں کھپا کیے

معلوم جی کی چال سے ہوتا ہے جائے گا

اڑ کر لگے ہے پائوں میں زلف اس کی پیچ دار

بازی نہیں یہ سانپ جو کوئی کھلائے گا

اڑتی رہے گی خاک جنوں کرتی دشت دشت

کچھ دست اگر یہ بے سر و ساماں بھی پائے گا

درپے ہے اب وہ سادہ قراول پسر بہت

دیکھیں تو میر کے تئیں کوئی بچائے گا

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

پھر اپنے جھوٹ کو تکرار سے سچ کر دکھائے گا

نومبر 15, 2013آفتاب اقبال شمیممسکرائے،آزمائے،بہائے،جائے،دکھائےadmin

آفتاب اقبال شمیم ۔ غزل نمبر 17

کوئی تہمت لگا کر وہ تمہیں مجرم بنائے گا

پھر اپنے جھوٹ کو تکرار سے سچ کر دکھائے گا

میاں ، اس اشتہاروں کی دکاں میں جو نہیں وہ ہے

یہ آنکھیں ہار جائیں گی، تماشا جیت جائے گا

برابر ہی چھڑا دے گی بالآخر مصلحت ہم کو

میں تجھ کو آزماؤں گا تو مجھ کو آزمائے گا

مگر رکھنی ہے اپنے حوصلے کی آبرو تو نے

مجھے معلوم ہے تو زخم کھا کر مسکرائے گا

زرِ گم نام کو پھر ڈھونڈھ کر آثارِ فردا میں

زمانہ دیر تک میرے لئے آنسو بہائے گا

آفتاب اقبال شمیم

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔