ٹیگ کے محفوظات: باس

کہ اس نگر میں بجھی مشعلوں کی باس تو ہے

مئی 31, 2021کلیاتِ شکیب جلالی ۔ غیر مدوّن کلام ۔ غزلیں،شکیب جلالی،غزللباس،باس،راسadmin

میں خندہ لَب نہ سہی، میرا دل اداس تو ہے

کہ اس نگر میں بجھی مشعلوں کی باس تو ہے

میں اپنے چَاک گریباں پہ مضمحل کیوں ہوں !

اس آئنے میں مری روح بے لباس تو ہے

میں کیوں بُجھاؤں کسی گل کے عارضوں کے چراغ

یہ زدر رنگ میری زندگی کو راس تو ہے

شکیب جلالی

ایک مرکز پہ آگئے ہیں حواس

مئی 31, 2021کلیاتِ شکیب جلالی ۔ غیر مدوّن کلام ۔ غزلیں،شکیب جلالی،غزللباس،کپاس،اُداس،احساس،باس،حواسadmin

جب کبھی بڑھ گیا ہے خوف و ہراس

ایک مرکز پہ آگئے ہیں حواس

رات تارے بھی میرے ساتھ رہے

مضمحل مضمحل اُداس اُداس

نرم و نازک سے آبگینے ہیں

ان کی دوشیزگی، مرا احساس

جب اُجالوں کے تیر چلتے ہیں

چاک ہوتا ہے ظُلمتوں کا لباس

چاند کی پُربہار وادی میں

ایک دوشیزہ چُن رہی ہے کپاس

خار تو شہرِ گُل کی رونق تھے!

کس نے خاروں کو دے دیا بن باس

شکیب جلالی

کسی کے ہاتھ نہ آئی مگر گلاب کی باس

مئی 31, 2021کلیاتِ شکیب جلالی ۔ غزلیں،شکیب جلالی،غزلقیاس،پیاس،پاس،آس،اُداس،باسadmin

اتر گیا تنِ نازک سے پتّیوں کا لباس

کسی کے ہاتھ نہ آئی مگر گلاب کی باس

اب اپنے جسم کے سائے میں تھک کے بیٹھ رہو

کہیں درخت نہیں راستے میں ‘ دُور نہ پاس

ہزار رنگ کی ظلمت میں لے گئی مجھ کو

بس اک چراغ کی خواہش‘ بس اک شرار کی آس

تمھارے کام نہ آئے گا جو بھی دانا ہے

ہر ایک شخص پہ کیوں کر رہے ہو اپنا قیاس

کسی کی آس تو ٹوٹی‘ کوئی تو ہار گیا

کہ نیم باز دریچوں میں روشنی ہے اُداس

وہ کالے کوس کی دوری اب ایک خواب سی ہے

تم آگئے ہو‘ مگر کب نہ تھے ہمارے پاس

یہ کیا طلسم ہے‘ جب سے کنارِ دریا ہوں

شکیبؔ‘ اور بھی کچھ بڑھ گئی ہے رُوح کی پیاس

شکیب جلالی

مُرجھا کے آ گرا ہوں مگر سرد گھاس میں

مئی 31, 2021کلیاتِ شکیب جلالی ۔ غزلیں،شکیب جلالی،غزللباس،مٹھاس،یاس،کلاس،گلاس،گھاس،پیاس،انعکاس،باسadmin

میں شاخ سے اڑا تھا ستاروں کی آس میں

مُرجھا کے آ گرا ہوں مگر سرد گھاس میں

سوچو تو سِلوٹوں سے بھری ہے تمام روح

دیکھو تو اک شکن بھی نہیں ہے لباس میں

صحرا کی بُود و باش ہے‘ اچھی نہ کیوں لگے

سُوکھی ہوئی گلاب کی ٹہنی گلاس میں

چمکے نہیں نظر میں ابھی نقش دُور کے

مصروف ہوں ابھی عملِ اِنعکاس میں

دھوکے سے اس حسیں کو اگر چُوم بھی لیا

پاؤ گے دل کا زہر لَبوں کی مٹھاس میں

تارہ کوئی رِدائے شبِ ابر میں نہ تھا

بیٹھا تھا میں اداس بیابانِ یاس میں

جُوئے روانِ دشت! ابھی سُوکھنا نہیں

ساون ہے دُور اور وہی شدّت ہے پیاس میں

رہتا تھا سامنے ترا چہرہ کھلا ہُوا

پڑھتا تھا میں کتاب یہی ہر کلاس میں

کانٹوں کی باڑ پھاند گیا تھا مگر‘ شکیبؔ

رستہ نہ مل سکا مجھے پھولوں کی باس میں

شکیب جلالی

آج دیکھا انہیں اُداس بہت

اگست 4, 2018ناصر کاظمی،دیوانِ ناصر،غزللباس،گھاس،پاس،اگاس،اداس،باسadmin

کل جنھیں زِندگی تھی راس بہت

آج دیکھا انہیں اُداس بہت

رفتگاں کا نشاں نہیں ملتا

اُگ رہی ہے زمیں پہ گھاس بہت

کیوں نہ روؤُں تری جدائی میں

دِن گزارے ہیں تیرے پاس بہت

چھاؤں مل جائے دامنِ گل کی

ہے غریبی میں یہ لباس بہت

وادیٔ دل میں پاؤں دیکھ کے رکھ

ہے یہاں درد کی اُگاس بہت

سوکھے پتوں کو دیکھ کر ناصر

یاد آتی ہے گل کی باس بہت

ناصر کاظمی

جیسے سپنا کوئی اُداس اُداس

اگست 4, 2018ناصر کاظمی،برگِ نے،غزلنراس،گھاس،پاس،آس،اداس،باسadmin

رنگ صبحوں کے راگ شاموں کے

جیسے سپنا کوئی اُداس اُداس

کیسا سنسان ہے سحر کا سماں

پتیاں محوِ یاس، گھاس اُداس

خیر ہو شہرِ شبنم و گل کی

کوئی پھرتا ہے آس پاس اُداس

بیٹھے بیٹھے برس پڑیں آنکھیں

کر گئی پھر کسی کی آس اُداس

کوئی رہ رہ کے یاد آتا ہے

لیے پھرتی ہے کوئی باس اُداس

مل ہی جائے گا رفتگاں کا سراغ

اور کچھ دن پھرو اُداس اُداس

صبح ہونے کو ہے اُٹھو ناصر

گھر میں بیٹھے ہو کیوں نراس اُداس

ناصر کاظمی

میں سخت اُداس ہو چلا ہوں

نومبر 30, 2016ہوا کا تخت،ماجد صدیقی،غزلقیاس،گھاس،پیاس،اداس،اساس،باسadmin

ماجد صدیقی ۔ غزل نمبر 44

فرہاد کی آس ہو چلا ہوں

میں سخت اُداس ہو چلا ہوں

ہجرت پہ گئے ہوں جس کے باسی

اُس صحن کی گھاس ہو چلا ہوں

جس کی نہ اُٹھے کبھی عمارت

اُس گھر کی اساس ہو چلا ہوں

شاخوں سے جھڑے ہوئے گُلوں کی

بکھری ہوئی باس ہو چلا ہوں

ٹانکے کوئی مجھ کو بادلوں میں

میں دشت کی پیاس ہو چلا ہوں

ماجدؔ مجھے جانے کیا ہوا ہے

برحق تھا قیاس ہو چلا ہوں

ماجد صدیقی

چاہنے والے ایک دفعہ بن باس تو لیتے ہیں

اکتوبر 25, 2015پروین شاکر،شعراء،غزلمیراث،پاس،باس،راس،سانسadmin

پروین شاکر ۔ غزل نمبر 64

پانی پر بھی زادِ سفر میں پیاس تو لیتے ہیں

چاہنے والے ایک دفعہ بن باس تو لیتے ہیں

ایک ہی شہر میں رہ کر جن کو اذنِ دید نہ ہو

یہی بہت ہے ، ایک ہوا میں سانس تو لیتے ہیں

رستہ کِتنا دیکھا ہُوا ہو ، پھر بھی شاہ سوار

ایڑ لگا کر اپنے ہاتھ میں راس تو لیتے ہیں

پھر آنگن دیواروں کی اُونچائی میں گُم ہوں گے

پہلے پہلے گھر اپنوں کے پاس تو لیتے ہیں

یہی غنیمت ہے کہ بچّے خالی ہاتھ نہیں ہیں

اپنے پُرکھوں سے دُکھ کی میراث تو لیتے ہیں

پروین شاکر

جائیں یاں سے جو ہم اداس کہیں

اکتوبر 6, 2015میر تقی میر،اساتذہ،غزلہراس،قیاس،لباس،نراس،پیاس،پاس،اداس،باس،شناسadmin

دیوان سوم غزل 1178

جمع ہوتے نہیں حواس کہیں

جائیں یاں سے جو ہم اداس کہیں

دل کی دو اشک سے نہ نکلی بھڑاس

اوسوں بجھتی نہیں ہے پیاس کہیں

بائو خوشبو ہے آئی ہے واں سے

کوئی چھپتی ہے گل کی باس کہیں

اس جنوں میں کہیں ہے سر پر خاک

ٹکڑے ہو کر گرا لباس کہیں

گرد سر یار کے پھریں پہروں

ہم جو ہوں اس کے آس پاس کہیں

سب جگہ لوگ حق و ناحق پر

نہ ملا حیف حق شناس کہیں

ہر طرف ہیں امیدوار یار

اس سے کوئی نہیں نراس کہیں

عشق کا محو دشت شیریں ہوں

جان کا بھی نہیں ہراس کہیں

عرش تک تو خیال پہنچے میر

وہم پھر ہے کہیں قیاس کہیں

میر تقی میر

فرق نکلا بہت جو باس کیا

اکتوبر 6, 2015میر تقی میر،اساتذہ،غزلنراس،پاس،التماس،اداس،اساس،باس،حواس،روشناس،طاسadmin

دیوان اول غزل 31

گل کو محبوب ہم قیاس کیا

فرق نکلا بہت جو باس کیا

دل نے ہم کو مثال آئینہ

ایک عالم کا روشناس کیا

کچھ نہیں سوجھتا ہمیں اس بن

شوق نے ہم کو بے حواس کیا

عشق میں ہم ہوئے نہ دیوانے

قیس کی آبرو کا پاس کیا

دور سے چرخ کے نکل نہ سکے

ضعف نے ہم کو مور طاس کیا

صبح تک شمع سر کو دھنتی رہی

کیا پتنگے نے التماس کیا

تجھ سے کیا کیا توقعیں تھیں ہمیں

سو ترے ظلم نے نراس کیا

دیکھا ڈھہتا ہے جن نے خانہ بنا

زیر افلاک سست اساس کیا

ایسے وحشی کہاں ہیں اے خوباں

میر کو تم عبث اداس کیا

میر تقی میر

یا آئینے سے چھین ہنر انعکاس کا

نومبر 16, 2013آفتاب اقبال شمیمہراس،یاس،پیاس،پاس،انعکاس،باس،شناسadmin

آفتاب اقبال شمیم ۔ غزل نمبر 49

یا پھونک سے چراغ، بجھا دے حواس کا

یا آئینے سے چھین ہنر انعکاس کا

دم گھُٹ گیا ہے لمسِ لطافت سے اے خدا

اعلان کر ہواؤں میں مٹی کی باس کا

ہر آب جُو پہ ریت کا پہرہ لگا ہوا

یہ زندگی ہے یا کوئی صحرا ہے پیاس کا

جب دے سکا نہ کوئی گواہی سرِ صلیب

جرمانہ شہر پر ہوا خوف و ہراس کا

گھر کے سکوت نے تو ڈرایا بہت مگر

وجہِ سکوں تھا شور میرے آس پاس کا

ہر دستِ پُر فسوں ، یدِ بیضا دکھائی دے

اے روشنی پرست! یہ منظر ہے یاس کا

دستک ہر اک مکان پہ دنیا پڑی مجھے

مقصود تھا سراغ مرے غم شناس کا

آفتاب اقبال شمیم

مجھے اتنا تو نہ اُداس کرو، کبھی آؤ نا!

نومبر 15, 2013آفتاب اقبال شمیمپاس،اُداس،احساس،باس،حواس،راسadmin

آفتاب اقبال شمیم ۔ غزل نمبر 31

کبھی خود کو درد شناس کرو، کبھی آؤ نا!

مجھے اتنا تو نہ اُداس کرو، کبھی آؤ نا!

مری عمر سرائے مہکے ہے، گُل ہجراں سے

کبھی آؤ آ کر باس کرو، کبھی آؤ نا!

مجھے چاند میں شکل دکھائی دے، جو دہائی دے

کوئی چارۂ ہوش و حواس کرو، کبھی آؤ نا!

اُسی گوشۂ یاد میں بیٹھا ہوں ، کئی برسوں سے

کسی رفت گزشت کا پاس کرو، کبھی آؤ نا!

کہیں آب و ہوائے تشنہ لبی، مجھے مار نہ دے

اسے برکھا بن کر راس کرو کبھی آؤ نا!

سدا آتے جاتے موسم کی، یہ گلاب رتیں

کوئی دیر ہیں ، یہ احساس کرو، کبھی آؤ نا!

آفتاب اقبال شمیم

ضمیر بوئیے، افلاس کاٹتے رہئے

نومبر 15, 2013آفتاب اقبال شمیمماس،گھاس،آس،افلاس،الماس،باسadmin

آفتاب اقبال شمیم ۔ غزل نمبر 23

سزائے جذبہ و احساس کاٹتے رہئے

ضمیر بوئیے، افلاس کاٹتے رہئے

اِس اژدہامِ حریصاں کو ہے یہی مطلوب

کہ ایک دوسرے کا ماس کاٹتے رہئے

ہر ایک شکل ملے مثلِ نخل بے چہرہ

یہی کہ شہر میں بن باس کاٹتے رہئے

یہ کارِ زندگی ہے کارِ کوہکن سے کٹھن

بصارتوں سے یہ الماس کاٹتے رہئے

بہ فیضِ نکتہ وری موسم بہار میں بھی

خزاں کی چھوڑی ہوئی گھاس کاٹتے رہئے

اِس انتظار کی لا حاصلی پہ زور ہی کیا

پرائے وقت کو بے آس کاٹتے رہئے

آفتاب اقبال شمیم

ہے عکس ریزچہرہ تمہارا گلاس میں

دسمبر 1, 2007منصور آفاق،شعراء،غزلہراس،قیاس،لباس،کپاس،گلاس،گھاس،باس،حواسadmin

منصور آفاق ۔ غزل نمبر 310

اس واسطے یہ شدتیں پھرتی ہیں پیاس میں

ہے عکس ریزچہرہ تمہارا گلاس میں

سبزے پہ رنگ آتے ہیں جاتے ہیں عصر سے

شاید چھپی ہوئی کوئی تتلی ہے گھاس میں

میں کر چکا ہوں اس سے ملاقات کتنی بار

آتا نہیں کسی کے جو پانچوں حواس میں

سرکار کا نہ نام لو اے واعظانِ شہر

موتی جڑے ہوئے ہیں تمہارے لباس میں

لایحزنُ کے ساز کو چھیڑو کہ ان دنوں

لپٹا ہوا ہے عہد ہمارا ہراس میں

آنکھوں سے اشک بن کے بہی ہیں عقیدتیں

محصور ہو سکیں نہ گمان و قیاس میں

تیرے حسیں خیال کی ڈھونڈیں نزاکتیں

تاروں کے نور میں کبھی پھولوں کی باس میں

طیبہ کی مے تو دشمنِ عقل و خرد نہیں

ہم لوگ پی کے آئے ہیں ہوش و حواس میں

عریاں ہے پھول چنتی کہیں زندگی کا جسم

منصور گم ہے گوئی سراپا کپاس میں

منصور آفاق

ڈوب گیا ہے تھل مارو میں میری آس کا دریا

دسمبر 1, 2007منصور آفاق،شعراء،غزلوسواس،یاس،پاس،الماس،آس،باس،حواسadmin

منصور آفاق ۔ غزل نمبر 115

پیر فرید کی روہی میں ہوں ، مجھ میں پیاس کا دریا

ڈوب گیا ہے تھل مارو میں میری آس کا دریا

عمرِ رواں کے ساحل پر اوقات یہی ہیں دل کے

صبح ، طلب کی بہتی کشتی، شب ،وسواس کا دریا

سورج ڈھالے جا سکتے تھے ہر قطرے سے لیکن

یوں ہی بہایا میں نے اشکوں کے الماس کا دریا

جس کے اک اک لمحے میں ہے صدیوں کی خاموشی

میرے اندر بہتا جائے اس بن باس کا دریا

ہم ہیں آبِ چاہ شباں کے ہم حمام سگاں کے

شہر میں پانی ڈھونڈ رہے ہو چھوڑ کے پاس کا دریا

تیری طلب میں رفتہ رفتہ میرے رخساروں پر

سوکھ رہا ہے قطرہ قطرہ تیز حواس کا دریا

سورج اک امید بھرا منصور نگر ہے لیکن

رات کو بہتا دیکھوں اکثر خود میں یاس کا دریا

منصور آفاق

اپنے لہجے میں کچھ مٹھاس ملا

دسمبر 1, 2007منصور آفاق،شعراء،غزلہراس،مٹھاس،گھاس،پیاس،آس،باس،سپاسadmin

منصور آفاق ۔ غزل نمبر 35

شہد ٹپکا، ذرا سپاس ملا

اپنے لہجے میں کچھ مٹھاس ملا

سوکھ جائیں گی اس کی آنکھیں بھی

جا کے دریا میں میری پیاس ملا

خشک پتے مرا قبیلہ ہیں

دل جلوں میں نہ سبز گھاس ملا

آخری حد پہ ہوں ذرا سا اور

بس مرے خوف میں ہراس ملا

آ، مرے راستے معطر کر

آ، ہوا میں تُو اپنی باس ملا

نسخہء دل بنا مگر پہلے

اس میں امید ڈال آس ملا

ہے خداوند کے لیے منصور

سو غزل میں ذرا سپاس ملا

منصور آفاق

سخن سرا

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: باس

کہ اس نگر میں بجھی مشعلوں کی باس تو ہے

ایک مرکز پہ آگئے ہیں حواس

کسی کے ہاتھ نہ آئی مگر گلاب کی باس

مُرجھا کے آ گرا ہوں مگر سرد گھاس میں

آج دیکھا انہیں اُداس بہت

جیسے سپنا کوئی اُداس اُداس

میں سخت اُداس ہو چلا ہوں

چاہنے والے ایک دفعہ بن باس تو لیتے ہیں

جائیں یاں سے جو ہم اداس کہیں

فرق نکلا بہت جو باس کیا

یا آئینے سے چھین ہنر انعکاس کا

مجھے اتنا تو نہ اُداس کرو، کبھی آؤ نا!

ضمیر بوئیے، افلاس کاٹتے رہئے

ہے عکس ریزچہرہ تمہارا گلاس میں

ڈوب گیا ہے تھل مارو میں میری آس کا دریا

اپنے لہجے میں کچھ مٹھاس ملا

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں: