ٹیگ کے محفوظات: باریاب

دل کی حالت بہت خراب نہیں

اکتوبر 23, 2015Jaun Elia،جون ایلیا،شعراء،غزلماہتاب،باریاب،جناب،جواب،حساب،خواب،خراب،دابadmin

جون ایلیا ۔ غزل نمبر 131

کیا یہ آفت نہیں عذاب نہیں

دل کی حالت بہت خراب نہیں

بُود پَل پَل کی بے حسابی ہے

کہ محاسب نہیں حساب نہیں

خوب گاؤ بجاؤ اور پیو

ان دنوں شہر میں جناب نہیں

سب بھٹکتے ہیں اپنی گلیوں میں

تا بہ خود کوئی باریاب نہیں

تُو ہی میرا سوال ازل سے ہے

اور ساجن تیرا جواب نہیں

حفظ ہے شمسِ بازغہ مجھ کو

پر میسر وہ ماہتاب نہیں

تجھ کو دل درد کا نہیں احساس

سو میری پنڈلیوں کو داب نہیں

نہیں جُڑتا خیال کو بھی خیال

خواب میں بھی تو کوئی خواب نہیں

جون ایلیا

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

ساتھ میرے دل گڑا تو آچکا مرنے کا خواب

اکتوبر 7, 2015میر تقی میر،اساتذہ،غزلنقاب،انتخاب،احتساب،باریاب،حجاب،خواب،خراب،شبابadmin

دیوان ششم غزل 1813

مارے ہی ڈالے ہے جس کا زندگی میں اضطراب

ساتھ میرے دل گڑا تو آچکا مرنے کا خواب

ٹک ٹھہرتا بھی تو کہتے تھا کسو بجلی کی تاب

یا کہ نکہت گل کی تھا آیا گیا عہد شباب

کی نماز صبح کو کھوکر نماز اشراق کی

ہو گیا مجھ پر ستم اچٹا نہ ٹک مستی میں خواب

دیکھنا منھ یار کا اس وجہ سے ہوتا نہیں

یا الٰہی دے زمانے سے اٹھا رسم نقاب

ضعف ہے اس کے مرض اور اس کے غم سے الغرض

دل بدن میں آدمی کے ایک ہے خانہ خراب

یار میں ہم میں پڑا پردہ جو ہے ہستی ہے یہ

بیچ سے اٹھ جائے تو ہووے ابھی رفع حجاب

صورت دیوار سے مدت کھڑے در پر رہے

پر کبھو صحبت میں اس کی ہم ہوئے نہ باریاب

مے سے توبہ کرتے ہی معقول اگر ہم جانتے

ہم پہ شیخ شہر برسوں سے کرے ہے احتساب

جمع تھے خوباں بہت لیکن پسند اس کو کیا

کیا غلط میں نے کیا اے میر وقت انتخاب

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

پڑھا ہوا وہ دِلوں کی کتاب کتنا ہے

جنوری 14, 2012عرفان صدیقی،غزلکتاب،آفتاب،اِضطراب،باریاب،خوابadmin

عرفان صدیقی ۔ غزل نمبر 317

اُس ایک شخص کو مجھ سے حجاب کتنا ہے

پڑھا ہوا وہ دِلوں کی کتاب کتنا ہے

حقیقتیں بھی سہانی دِکھائی دیتی ہیں

بسا ہوا مری آنکھوں میں خواب کتنا ہے

وہ مل گیا ہے مگر جانے کب بچھڑ جائے

سکوں بہت ہے مگر اِضطراب کتنا ہے

نہ ہو گا کیا کبھی اُس کے بدن کا چاند طلوع

لہو میں اُترا ہوا آفتاب کتنا ہے

صدائیں اُس کی دِلوں میں اُترتی جاتی ہیں

گدائے شہرِ سخن باریاب کتنا ہے

عرفان صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کون اے دوست باریاب نہیں

جنوری 8, 1972باقی صدیقی،شعراء،غزلانتخاب،باریاب،جواب،خواب،شرابadmin

باقی صدیقی ۔ غزل نمبر 137

میکشوں میں وہ اضطراب نہیں

کون اے دوست باریاب نہیں

بار دنیا نہ اٹھ سکا تو کیا

زندگی میرا انتخاب نہیں

دل کی تسکیں بھی چاہتا ہوں میں

میرا مقصد فقط جواب نہیں

اک نہ اک چیز کی کمی ہی رہی

کبھی ساغر کبھی شراب نہیں

دل کو کیونکر فریب دیں باقیؔ

غم حقیقت ہے کوئی خواب نہیں

باقی صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔