ٹیگ کے محفوظات: اودھم

پوچھئے گا نہ بات یہ ہم سے

فروری 27, 2017ماجد صدیقی، سخناب، غزلہم، مدّھم، اودھم، برہم، سمadmin

ماجد صدیقی ۔ غزل نمبر 44

کیوں خفا ہیں ہم ابنِ آدم سے

پوچھئے گا نہ بات یہ ہم سے

ہم اور اُس سے صفائیاں مانگیں

باز آئے ہم ایسے اودھم سے

اب تو ہے جاں کا بھی زیاں اِس میں

نشّہِ درد کم نہیں سم سے

جب سے اُبھرے نشیب سے ہم بھی

لوگ رہتے ہیں ہم سے برہم سے

کوئی خواہش بھی لَو نہ دے ماجدؔ

ہو گئے سب چراغ مدّھم سے

ماجد صدیقی

Rate this:

تم ہوئے رعنا جواں بالفرض لیکن ہم کہاں

اکتوبر 7, 2015میر تقی میر، اساتذہ، غزلہم، محرم، اودھم، آدم، دم، عالمadmin

دیوان ششم غزل 1855

دم ہے مہلت شیب میں جانے کا اپنے غم کہاں

تم ہوئے رعنا جواں بالفرض لیکن ہم کہاں

عالم عالم جمع تھے خوباں جہاں صافا ہوا

گرچہ عالم اور ہے اب واں پہ وہ عالم کہاں

تھی بلا شوخی شرارت یار کی ہنگامہ ساز

شور یوں تو اوروں کا بھی ہے پہ وہ اودھم کہاں

کیا جنوں ہے تم کو جو تم طالب ویرانہ ہو

جس کو فردوس بریں کہتے ہیں واں آدم کہاں

حبس دم میں شیخ جو کرتا نہیں حرف و سخن

حق طرف ہے اس کے اس بیہودہ گو میں دم کہاں

ہو سو ہو میں میر اب تو دم بخود ہوں ہجر میں

کیا لکھوں تہ دل کی باتیں کاغذ و محرم کہاں

میر تقی میر

Rate this:

کاش یہ آفت نہ ہوتی قالب آدم کے بیچ

اکتوبر 7, 2015میر تقی میر، اساتذہ، غزلماتم، نم، اودھم، آدم، خم، دم، غمadmin

دیوان ششم غزل 1821

دل یہی ہے جس کو دل کہتے ہیں اس عالم کے بیچ

کاش یہ آفت نہ ہوتی قالب آدم کے بیچ

چھاتی کٹتی سنگ ہی سے دل کے جانے میں نہیں

نعل سینوں پر جڑے جاتے ہیں اس ماتم کے بیچ

نقشہ اس کا مردم دیدہ میں میرے نقش ہے

یعنی صورت اس ہی کی پھرتی ہے چشم نم کے بیچ

شاد وے جو اب جواں تازہ ہوئے ہیں شہر میں

دل زدہ ہم شیب میں رہتے ہیں اپنے غم کے بیچ

دل نہ ایسا کر کہ پشت چشم وہ نازک کرے

سو بلائیں ہیں یہاں ان ابروؤں کے خم کے بیچ

حد سے افزوں اس گلی میں شور ہے عشاق کا

کون سنتا ہے کسو کی بات اس اودھم کے بیچ

رونق آبادی ملک سخن ہے اس تلک

ہوں ہزاروں دم الٰہی میر کے اک دم کے بیچ

میر تقی میر

Rate this:

بہت عالم کرے گا غم ہمارا

اکتوبر 7, 2015میر تقی میر، اساتذہ، غزلماتم، اودھم، برہم، خم، غمadmin

دیوان ششم غزل 1808

سخن مشتاق ہے عالم ہمارا

بہت عالم کرے گا غم ہمارا

پڑھیں گے شعر رورو لوگ بیٹھے

رہے گا دیر تک ماتم ہمارا

نہیں ہے مرجع آدم اگر خاک

کدھر جاتا ہے قد خم ہمارا

زمین و آسماں زیر و زبر ہے

نہیں کم حشر سے اودھم ہمارا

کسو کے بال درہم دیکھتے میر

ہوا ہے کام دل برہم ہمارا

میر تقی میر

Rate this:

جب تلک ہم جائیں اودھم ہو گیا

اکتوبر 6, 2015میر تقی میر، اساتذہ، غزلموسم، نم، اودھم، برہم، خم، دم، درہم، غمadmin

دیوان ششم غزل 1789

جمع اس کے نکلے عالم ہو گیا

جب تلک ہم جائیں اودھم ہو گیا

گو پریشاں ہو گئے گیسوے یار

حال ہی اپنا تو درہم ہو گیا

کیا کہوں کیا طرح بدلی یار نے

چائو تھا دل میں سو اب غم ہو گیا

کیا لکھوں مشکل ہوئی تحریر حال

خط کا کاغذ رونے سے نم ہو گیا

دم دیے بہتیرے یاروں نے ولے

خشک نے سا شیخ بے دم ہو گیا

کیوں نہ درہم برہم اپنا ہو مزاج

بات کہتے یار برہم ہو گیا

باغ جیسے راغ وحشت گاہ ہے

یاں سے شاید گل کا موسم ہو گیا

کیا نماز اے میر اس اوقات کی

جب کہ قد محراب سا خم ہو گیا

میر تقی میر

Rate this:

بس اب تو کھل گئیں ہیں آنکھیں دیکھا ہم نے دنیا کو

اکتوبر 6, 2015میر تقی میر، اساتذہ، غزلہم، ہمدم، ماتم، اودھم، عالمadmin

دیوان پنجم غزل 1708

کیا غیرت سے دل پر تنگ رنج و غم نے دنیا کو

بس اب تو کھل گئیں ہیں آنکھیں دیکھا ہم نے دنیا کو

رہا ہے ایک عالم اور دنیاداروں میں اس کا

کیا ہے بے وفا معلوم سب عالم نے دنیا کو

ہمیشہ رونا کڑھنا سینہ کوبی ہر زماں کرنا

عزاخانہ کیا دل کے مرے ماتم نے دنیا کو

سنا میں نے کہ آخر ہاتھ اٹھایا اس نے دنیا سے

اگر پایا بھی محنت کر کسو ہمدم نے دنیا کو

زمیں سے آسماں تک میر ہے شور جنوں میرا

تہ و بالا کیا دونوں میں اس اودھم نے دنیا کو

میر تقی میر

Rate this:

آٹھ پہر رہتا ہے رونا اس کی دوری کے غم کا

اکتوبر 6, 2015میر تقی میر، اساتذہ، غزلماتم، محرم، اودھم، دم، رستم، عالم، غمadmin

دیوان پنجم غزل 1571

کچھ اندیشہ ہم کو نہیں ہے اپنے حال درہم کا

آٹھ پہر رہتا ہے رونا اس کی دوری کے غم کا

روتے کڑھتے خاک میں ملتے جیتے رہے ہم دنیا میں

دس دن اپنی عمر کے گویا عشرہ تھا یہ محرم کا

کشتی ہماری عشق میں کیا تھی ہاتھ ملاتے پاک ہوئی

پاے ثبات نہ ٹھہرا دم بھر اس میدان میں رستم کا

عالم نیستی کیا عالم تھا غم دنیا و دیں کا نہ تھا

ہوش آیا ہے جب سے سر میں شوق رہا اس عالم کا

یاں واجب ہے ہم کو تم کو دم لیویں تو شمردہ لیں

دینا ہو گا حساب کسو کو یک دم ہی میں دم دم کا

چھاتی کوٹی منھ نوچا سر دے دے مارا پتھر پر

دل کے خوں ہونے میں ہمارا یہی طریق ہے ماتم کا

لڑکے شوخ بہت ہیں لیکن ویسا میر نہیں کوئی

دھوم قیامت کی سی ہے ہنگامہ اس کے اودھم کا

میر تقی میر

Rate this:

ان ہی دیدئہ نم دیدوں سے کیا کیا ہم نے ستم دیکھے

اکتوبر 6, 2015میر تقی میر، اساتذہ، غزلقدم، پیہم، اودھم، ستم، عالمadmin

دیوان چہارم غزل 1528

جب سے آنکھیں کھلی ہیں اپنی درد و رنج و غم دیکھے

ان ہی دیدئہ نم دیدوں سے کیا کیا ہم نے ستم دیکھے

سر جانے کی اور اپنے زنہار نگاہ نہ کی ہم نے

اٹھ کے اندھا دھند آئے چلے ہی اس ظالم کے قدم دیکھے

عالم ہیئت مجموعی سے ایک عجیب مرقع ہے

ہر صفحے میں ورق میں اس کے دیکھے تو عالم دیکھے

زخم نہ ہوویں کیونکر غائر چھاتی میں دل خستوں کی

تیرنگاہ یار جگر پر لگتے ہوئے پیہم دیکھے

یار کے در پر ذکر ہے کیا ہنگامۂ روزمحشر کا

اس کوچے میں قیامت سے تو میر بہت اودھم دیکھے

میر تقی میر

Rate this:

ہم نے کھینچی کمان رستم بھی

اکتوبر 6, 2015میر تقی میر، اساتذہ، غزلماتم، محرم، اودھم، دم، رستم، عالم، غمadmin

دیوان چہارم غزل 1491

زورکش ہیں گے عشق کے ہم بھی

ہم نے کھینچی کمان رستم بھی

ہے بلا دھوم دل تڑپنے کی

ایسا ہوتا نہیں ہے اودھم بھی

کچھ نہیں اور دیکھیں ہیں کیا کیا

خواب کا سا ہے یاں کا عالم بھی

حیف دل جاتے پڑ گئی جی کی

ورنہ غم کرتے لیتے ماتم بھی

حرم کعبہ کا نہ پایا بھید

نہ ملا واں کا ایک محرم بھی

خشک نے سا تھا شیخ حیف موا

یوں تو یار اس کو دیتے تھے دم بھی

کھپ ہی جاتا ہے آدمی اے میر

آفت جاں ہے عشق کا غم بھی

میر تقی میر

Rate this:

مژہ نم رہیں حال درہم رہا

اکتوبر 6, 2015میر تقی میر، اساتذہ، غزلاودھم، تھم، دم، درہم، رستمadmin

دیوان چہارم غزل 1331

کیا عشق سو پھر مجھے غم رہا

مژہ نم رہیں حال درہم رہا

ضعیف و قوی دونوں رہتے نہیں

نہ یاں زال ٹھہرا نہ رستم رہا

سحر جلوہ کیوں کر کرے کل ہوکیا

یہ اندیشہ ہر رات ہر دم رہا

ہوا غم مجھے خوں جگر میں نہیں

اگر آنسو آتے کوئی تھم رہا

رہی آتی آندھی سی سینے میں میر

بہت دل تڑپنے کا اودھم رہا

میر تقی میر

Rate this:

دل کے جانے کا بڑا ماتم ہوا

اکتوبر 6, 2015میر تقی میر، اساتذہ، غزلہم، ماتم، نم، کم، اودھم، برہم، عالمadmin

دیوان سوم غزل 1076

سینہ کوبی ہے طپش سے غم ہوا

دل کے جانے کا بڑا ماتم ہوا

آنکھیں دوڑیں خلق جا اودھر گری

اٹھ گیا پردہ کہاں اودھم ہوا

کیا لکھوں رویا جو لکھتے جوں قلم

سب مرے نامے کا کاغذ نم ہوا

ہم جو اس بن خوار ہیں حد سے زیاد

یار یاں تک آن کر کیا کم ہوا

آگیا یوں ہی خراماں وہ تو پھر

حشر کا ہنگامہ ہی برہم ہوا

درہمی سے برہمی سے دیکھیو

دونوں عالم کا عجب عالم ہوا

جسم خاکی کا جہاں پردہ اٹھا

ہم ہوئے وہ میر سب وہ ہم ہوا

میر تقی میر

Rate this: