ٹیگ کے محفوظات: افشا

فیصلہ دیتے ہوئے عادل بھی رُسوا ہو گئے

اگست 31, 2017ماجد صدیقی،اَکھیاں بیچ الاؤ،غزلمسیحا،افشا،رسوا،صحرا،عنقاadmin

ماجد صدیقی ۔ غزل نمبر 26

کیا کہیں ذی مرتبت کتنے تھے اور کیا ہو گئے

فیصلہ دیتے ہوئے عادل بھی رُسوا ہو گئے

کونپلیں کیا کیا نہیں جھلسی ہیں بادِ مکر سے

گلستاں امید کے، کیا کیا نہ صحرا ہو گئے

جن دنوں کی چاہ میں بے تاب تھی خلقت بہت

شو مئی قسمت سے وہ دن اور عنقا ہو گئے

خُبث کیا کیا کھُل گیا اُن کا بھی جو تھے ذی شرف

نیّتوں کے جانے کیا کیا راز افشا ہو گئے

دم بخود ٹھہرے ہیں اُن کی پاک دامانی پہ ہم

قتل کرنے پر بھی جو ماجد مسیحا ہو گئے

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

جو کیا ہے صاحبو! اچّھا کیا اچّھا کیا

فروری 27, 2017ماجد صدیقی،سخناب،غزلکیا،افشا،اچّھا،دیکھا،سہلایاadmin

ماجد صدیقی ۔ غزل نمبر 72

سامنے غیروں کے اپنے یار کو رُسوا کیا

جو کیا ہے صاحبو! اچّھا کیا اچّھا کیا

رفعتوں کی سمت تھیں اونچی اڑانیں آپ کی

اور میں بے چارگی سے آپ کو دیکھا کیا

آسماں ٹوٹا نہ گر، پھٹ جائے گی خود ہی زمیں

آنگنوں کے حبس نے یہ راز ہے افشا کیا

کل تلک کھُل جائے گا یہ بھید سارے شہر پر

ڈھانپنے کو عیب اپنے تم نے بھی کیا کیا کیا

گو سرِ ساحل تھا لیکن سیل ہی ایسا تھا کچھ

گال اپنے دیر تک ماجدؔ بھی سہلایا کیا

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

اس کو اپنے ساتھ لیں آرائش دنیا کریں

اکتوبر 23, 2015Jaun Elia،جون ایلیا،شعراء،غزلچھیڑا،افشا،احیا،بہکایا،دنیا،دیکھاadmin

جون ایلیا ۔ غزل نمبر 97

ہے تمنا ہم نئے شام و سحر پیدا کریں

اس کو اپنے ساتھ لیں آرائش دنیا کریں

ہم کریں قائم خود اپنا اک دبستان نظر

اور اسرار رموز زندگی افشا کریں

دفتر حکمت کے شک پرور مباحث چھیڑ کر

شہر دانش کے نئے ذہنوں کو بہکایا کریں

اپنے فکر تازہ پرور سے بہ انداز نویں

حکمت یونان و مصر و روم کا احیا کریں

ہو خلل انداز کوئی بھی نہ استغراق میں

ہم یونہی تا دیر آں سوئے افق دیکھا کریں

رات دن ہوں کائناتی مسٗلے پیشِ نظر

اور جب تھک جائیں تو اس شوخ کو چھیڑا کریں

جون ایلیا

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کبھی تقدیر کا خواہش سے سمجھوتا نہیں ہوتا

نومبر 16, 2013آفتاب اقبال شمیموا،پیسہ،آئینہ،افشا،اچھا،سمجھوتاadmin

آفتاب اقبال شمیم ۔ غزل نمبر 45

جو ہونا چاہئے اس کے علاوہ کیا نہیں ہوتا

کبھی تقدیر کا خواہش سے سمجھوتا نہیں ہوتا

بچھڑنا حادثہ بن جائے خود جاں سے بچھڑنے کا

کس کے ساتھ ایسا ربط بھی اچھا نہیں ہوتا

حقیقت پر گماں ، پھر اس گماں پر بھی گماں کرنا

یہ صورت ہو تو عکس افروز آئینہ نہیں ہوتا

ہمیں نظّارہ کرواتا ہے بے ساحل سمندر کا

وُہ آنسو جو ہماری آنکھ پر افشا نہیں ہوتا

ہم اپنے آپ کو اس شہر کا حاکم سمجھتے ہیں

ہمیشہ کی طرح جب جیب میں پیسہ نہیں ہوتا

لگا ہے قفل پر چہرے پر نامانوس چہرے کا

کہیں پہچان کا دروازہ ہم پر وا نہیں ہوتا

آفتاب اقبال شمیم

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔