ٹیگ کے محفوظات: اسلوبی

سلطان صلاح الدیں ایوبی ساتھ رہے

منصور آفاق ۔ غزل نمبر 640
اعمال میں اپنے حسن و خوبی ساتھ رہے
سلطان صلاح الدیں ایوبی ساتھ رہے
یہ پیڑ شریعت کے سایہ دار ہیں لیکن
کچھ ہوش کی وادی میں مجذوبی ساتھ رہے
دلدار کے نقشِ پاپیشانی پر چہکیں
محبوب کی گلیوں میں محبوبی ساتھ رہے
پُر وجد قوالی ہو یا عشق کی باتیں ہوں
ہر ایک عمل میں خوش اسلوبی ساتھ رہے
یہ ایک بروزِحشر گواہی کافی ہے
ظلمات کی جانب سے معتوبی ساتھ رہے
منصوراکیلا چھوڑا نہیں ہے رستے میں
اس شہرِ طلب میں درد بخوبی ساتھ رہے
منصور آفاق