ٹیگ کے محفوظات: اذاں

میں کہکشاں ہوں، مجھے نور کی کماں دے دے

مئی 31, 2017ماجد صدیقی،شہر پناہ،غزلنشاں،کماں،آشیاں،اذاں،جاں،زباں،سواںadmin

ماجد صدیقی ۔ غزل نمبر 38

جہاں کُھلیں مرے جَوہر وہ آسماں دے دے

میں کہکشاں ہوں، مجھے نور کی کماں دے دے

مرے سکوں کا جو، میری بقا کا ضامن ہو

جو مختلف ہو قفس سے، وہ آشیاں دے دے

کہوں جو بات وہ جھومر، جبینِ وقت کا ہو

جو حق سرا ہو، وہ منصور سی زباں دے دے

کٹی جو رات تو، نجمِ سحر سے میں نے کہا

میں جی اٹھاہوں مرے کان میں اذاں دے دے

جو بعدِ جنگ علامت ہو، سرفرازی کی

عَلم وہ دے مرے ہاتھوں میں، وہ نشاں دے دے

سو یُوں ہُوا کہ ہُوا اُس کا، اِک مکیں میں بھی

طلب یہ کی تھی ،مجھے وادیٔ سَواں دے دے

جب آئے جی میں تری بزم میں چلا آؤں

یہ اِذنِ خاص بھی،ماجد کو، جانِ جاں دے دے

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

شکستہ کشتیوں پر بادباں ہوں

اکتوبر 25, 2015پروین شاکر،شعراء،غزلمکاں،نامہرباں،نشاں،آسماں،اذاں،بادباں،سائباںadmin

پروین شاکر ۔ غزل نمبر 54

ہوا سے جنگ میں ہوں ، بے اماں ہوں

شکستہ کشتیوں پر بادباں ہوں

میں سُورج کی طرح ہوں دھوپ اوڑھے

اور اپنے آپ پر خود سائباں ہوں

مجھے بارش کی چاہت نے ڈبویا

میں پختہ شہر کا کچّا مکاں ہوں

خُود اپنی چال اُلٹی چلنا چاہوں

میں اپنے واسطے خود آسماں ہوں

دُعائیں دے رہی ہوں دشمنوں کو

اور اِک ہمدرد پر نامہرباں ہوں

پرندوں کو دُعا سِکھلا رہی ہوں

میں بستی چھوڑ ، جنگل کی اذاں ہوں

ابھی تصویر میری کیا بنے گی

ابھی تو کینوس پر اِک نشاں ہوں

پروین شاکر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کہ جس طرح کسی کافر کو ہو اذاں سے گریز

اکتوبر 25, 2015قمر جلالوی،شعراء،غزلمکاں،گلستاں،آسماں،آستاں،آشیاں،اذاں،دشمناںadmin

قمر جلالوی ۔ غزل نمبر 47

خدا کی شان تجھے یوں مری فغاں سے گریز

کہ جس طرح کسی کافر کو ہو اذاں سے گریز

وہ چاہے سجدہ کیا ہو نہ دیر و کعبہ میں

مگر ہوا نہ کبھی تیرے آستاں سے گریز

دلِ شکستہ سے جا رہی ہے ان کی یاد

مکیں کو جیسے ہو ٹوٹے ہوئے مکاں سے گریز

جہاں بھی چاہیں وہاں شوق سے شریک ہوں آپ

مگر حضور ذرا بزمِ دشمناں سے گریز

کچھ اس میں سازشِ بادِ خلاف تھی ورنہ

مرے ریاض کے تنکے اور آشیاں سے گریز

خطا معاف وہ دیوانگی کا عالم تھا

جسے حور سمجھتے ہیں آستاں سے گریز

خطا بہار میں کچھ باغباں کی ہو تو کہوں

مرے نصیب میں لکھا تھا گلستاں سے گریز

جہاں وہ چاہیں قمر شوق سے ہمیں رکھیں

زمیں سے ہم کو گریز اور نہ آسماں سے گریز

قمر جلالوی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

سب جیسے اڑ گئی ہے رنگینی گلستاں کی

اکتوبر 7, 2015میر تقی میر،اساتذہ،غزلنوجواں،کہاں،گلستاں،آسماں،اذاں،جہاں،جاں،زباںadmin

دیوان ششم غزل 1916

گلبرگ سی زباں سے بلبل نے کیا فغاں کی

سب جیسے اڑ گئی ہے رنگینی گلستاں کی

مطلوب گم کیا ہے تب اور بھی پھرے ہے

بے وجہ کچھ نہیں ہے گردش یہ آسماں کی

مائل ستم کے ہونا جور و جفا بھی کرنا

انصاف سے یہ کہنا یہ رسم ہے کہاں کی

ہے سبزئہ لب جو اس لطف سے چمن میں

جوں بھیگتی مسیں ہوں کوئی سرو نوجواں کی

میں گھر جہاں میں اپنے لڑکوں کے سے بنائے

جب چاہا تب مٹایا بنیاد کیا جہاں کی

صوم و صلوٰۃ یکسو میخانے میں جو تھے ہم

آواز بھی نہ آئی کانوں میں یاں اذاں کی

جب سامنے گئے ہم ہم نے اسے دعا دی

شکل ان نے دیکھتے ہی غصہ کیا زباں کی

دیکھیں تو میر کیونکر ہجراں میں ہم جیے ہیں

ہے اضطراب دل کا بے طاقتی ہے جاں کی

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

ہم کس کی امانت میں غمِ کارِ جہاں دیں

اپریل 11, 2012فیض احمد فیض،غزلاذاں،جہاںadmin

فیض احمد فیض ۔ غزل نمبر 14

مقتل میں نہ مسجد میں نہ خرابات میں کوئی

ہم کس کی امانت میں غمِ کارِ جہاں دیں

شاید کوئی ان میں سے کفن پھاڑ کے نکلے

اب جائیں شہیدوں کے مزاروں پہ اذاں دیں

قطعہ

فیض احمد فیض

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

نور کے گیت کہاں تیرہ شباں سنتے ہیں

دسمبر 1, 2007منصور آفاق،شعراء،غزلگماں،گراں،اذاں،بیاں،رواں،شباںadmin

منصور آفاق ۔ غزل نمبر 387

رات کا شور، اندھیروں کی زباں سنتے ہیں

نور کے گیت کہاں تیرہ شباں سنتے ہیں

ایک سقراط نے زنجیر بپا آنا ہے

دوستو آؤ عدالت میں بیاں سنتے ہیں

کیوں پلٹتی ہی نہیں کوئی صدا کوئی پکار

یہ تو طے تھا کہ مرے چارہ گراں سنتے ہیں

اب بدلنی ہے شب و روز کی تقویم کہ لوگ

شام کے وقت سویرے کی اذاں سنتے ہیں

ایسے منفی تو لب و دیدہ نہیں ہیں اس کے

کچھ زیادہ ہی مرے وہم و گماں سنتے ہیں

بات کرتی ہے ہوا میری نگہ سے منصور

اور رک رک کے مجھے آبِ رواں سنتے ہیں

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

نظم میں ہم بیاں ہوئے جائیں

دسمبر 1, 2007منصور آفاق،شعراء،غزلمکاں،اذاں،بیاں،داستاں،رائیگاں،عیاںadmin

منصور آفاق ۔ غزل نمبر 298

خاک پر آسماں ہوئے جائیں

نظم میں ہم بیاں ہوئے جائیں

دل نے خوشبو کشید کرلی ہے

ہم کہاں رائیگاں ہوئے جائیں

تتلیوں کے پروں پہ لکھے ہم

وقت کی داستاں ہوئے جائیں

گفتگو کی گلی میں ہم اپنی

خامشی سے عیاں ہوئے جائیں

مسجدِ دل کی خالی چوکھٹ پر

ہم عشاء کی اذاں ہوئے جائیں

اُس مکیں کی امید پر منصور

ہم سراپا مکاں ہوئے جائیں

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔