ٹیگ کے محفوظات: آنے

وہ ستمگر پھر ڈگر پہلی سی اپنانے لگا

اگست 31, 2017ماجد صدیقی،اَکھیاں بیچ الاؤ،غزللہرانے،ڈھانے،آنے،اپنانے،برسانے،دکھلانےadmin

ماجد صدیقی ۔ غزل نمبر 36

زچ ہوئے پر جو ذرا سا تھا بدل جانے لگا

وہ ستمگر پھر ڈگر پہلی سی اپنانے لگا

بچ کے پچھلے دشت میں نکلے تھے جس کے سِحر سے

پھر نگاہوں میں وہی اژدر ہے لہرانے لگا

کر کے بوندوں کو بہ فرطِ سرد مہری منجمد

دیکھ لو نیلا گگن پھر زہر برسانے لگا

جُود جتلانے کو اپنی شاہ ہنگامِ سخا

عیب کیا کیا کچھ نہ ناداروں کے دِکھلانے لگا

سُرخرُو اس نے بھی زورآور کو ہی ٹھہرا دیا

حفظِ منصب کو ستم عادل بھی یہ ڈھانے لگا

دل میں تھا ماجدؔ جو سارے دیوتاؤں کے خلاف

اب زباں پر بھی وہ حرفِ احتجاج آنے لگا

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

آسماں کیوں ٹوٹ کر نیچے نہیں آنے لگا

اگست 31, 2017ماجد صدیقی،اَکھیاں بیچ الاؤ،غزللہرانے،آنے،بہلانے،دہلانے،سہلانےadmin

ماجد صدیقی ۔ غزل نمبر 44

دستِ شفقت کیوں بہ حقِ جور بن جانے لگا

آسماں کیوں ٹوٹ کر نیچے نہیں آنے لگا

کھیت جلنے پر بڑھا کر عمر، اپنے سود کی

کس طرح بنیا، کسانوں کو ہے بہلانے لگا

جانے کیا طغیانیاں کرنے لگیں گھیرے درست

گھونسلوں تک میں بھی جن کا خوف دہلانے لگا

خون کس نے خاک پر چھڑکا تھا جس کی یاد میں

اِک پھریرا سا فضاؤں میں ہے لہرانے لگا

مہد میں مٹی کے جھونکا برگِ گل کو ڈال کر

کس صفائی سے اُسے رہ رہ کے سہلانے لگا

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

آنچ کِن کِن منظروں کی آنکھ تک آنے لگی

مارچ 31, 2017ماجد صدیقی،غزل،غزل سراچھانے،آنے،اترانے،بہلانے،جانے،سہلانے،شرمانےadmin

ماجد صدیقی ۔ غزل نمبر 9

وحشتِ انسان کیا کیا رنگ دکھلانے لگی

آنچ کِن کِن منظروں کی آنکھ تک آنے لگی

دیکھئے اگلی رُتوں میں سرخروئی کو ہوا

کس طرح بے پیرہن شاخوں کو سہلانے لگی

کتنی چیزوں سے ہٹا کر، جانے ماں کی مامتا

دھیان بچّے کا، اُسے باتوں سے بہلانے لگی

لو بحقِ امن اپنی نغمگی کے زعم میں

فاختہ بھی دشتِ وحشت میں ہے اِترانے لگی

ظلمتِ شب کچھ بتا اُٹھی ہے کیسی چیخ سی

جبر کی ڈائن کِسے کّچا چبا جانے لگی

جھینپنا کیا، سچ اگر نکلی ہے، پّلے باندھ کر

وقت کی مریم، بھلا کاہے کو شرمانے لگی

دم بخود اتنا بھی ہو ماجدؔ نہ جلتی دُھوپ سے

آسماں پر دیکھ وُہ بدلی سی اک چھانے لگی

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

آئنوں میں جابجا اِک بال سا آنے لگا

مارچ 31, 2017ماجد صدیقی،غزل،غزل سراڈھانے،کہلانے،پچتانے،آنے،بہلانے،سستانےadmin

ماجد صدیقی ۔ غزل نمبر 62

جانے کیسا واہمہ ہر دل کو دہلانے لگا

آئنوں میں جابجا اِک بال سا آنے لگا

اپنی اپنی سی فراغت ہر کسی کی ہے یہاں

مکھیوں کو پھانس کر مکڑا بھی سستانے لگا

دیکھنے میں فاختہ بھی تو کُچھ ایسی کم نہ تھی

باز ہی کیوں معتبر، جنگل میں کہلانے لگا

لا کے وڈیو سے کھلونے، کھیل یہ بھی دیکھئے

آج کا بچّہ ہے دادی جی کو بہلانے لگا

گھس گیا ابلیس سا اِک شخص ہر اِک شخص میں

کون ہے جو اَب کئے پر اپنے پچتانے لگا

جو بھی زور آور ہے ماجدؔ اُس کا خاصہ ہے یہی

دیکھ لے دریا کناروں کو ہے خود ڈھانے لگا

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

جو گئے ہیں وُہ نہیں لوٹ کے آنے والے

مارچ 31, 2017ماجد صدیقی،غزل،غزل سراآنے،بچھانے،بجھانے،جلانے،دکھانےadmin

ماجد صدیقی ۔ غزل نمبر 66

جھڑکے شاخوں سے تہِ خاک سمانے والے

جو گئے ہیں وُہ نہیں لوٹ کے آنے والے

بارشِ سنگ سے دوچار تھا انساں کل بھی

کم نہیں آج بھی زندوں کو جلانے والے

آئے مشکیزۂ خالی سے ہوا دینے کو

تھے بظاہر جو لگی آگ بُجھانے والے

ضُعف کس کس نے نہیں خُلق ہمارا سمجھا

ہم کہ آنکھیں تھے بہ ہر راہ بچھانے والے

صدق جذبوں میں بھی پہلا سا نہیں ہے ماجدؔ

اب نہیں خضر بھی وُہ، راہ دکھانے والے

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

پر کرشمہ اور ہی اُس کے مکر جانے میں تھا

فروری 27, 2017ماجد صدیقی،سخناب،غزللانے،کتروانے،آنے،جانے،دہرانے،دکھلانے،سہلانےadmin

ماجد صدیقی ۔ غزل نمبر 47

کم نہ تھا وہ بھی جو ارضِ جاں کے ہتھیانے میں تھا

پر کرشمہ اور ہی اُس کے مکر جانے میں تھا

سر نہ خم کر کے سرِ دربار ہم پر یہ کُھلا

لطف بعد انکار کے کیا، گال سہلانے میں تھا

حق طلب ہونا بھی جرم ایسا تھا کچھ اپنے لیے

جاں کا اندیشہ زباں پر حرف تک لانے میں تھا

سر بہ سجدہ پیڑ تھے طوفانِ ابروباد میں

اور دریا محو اپنا زور دکھلانے میں تھا

سانحے کی تازگی جاں پر گزر جانے لگی

کرب کچھ ایسا ستم کی بات دہرانے میں تھا

جاں نہ تھی صیّاد کو مطلوب اتنی جس قدر

اشتیاق اُس کا ہمارے پَر کتروانے میں تھا

پھر تو ماجد کھو گئے ہم بھی فنا کے رقص میں

خوف سب گرداب کے ہم تک چلے آنے میں تھا

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

شجر پھر ہے پتے لُٹانے لگا

فروری 27, 2017ماجد صدیقی،سخناب،غزللٹانے،ٹھکانے،آنے،بہانے،جلانے،ستانے،سدھانےadmin

ماجد صدیقی ۔ غزل نمبر 78

رُتوں سے نئی مات کھانے لگا

شجر پھر ہے پتے لُٹانے لگا

انا کو پنپتے ہوئے دیکھ کر

زمانہ ہمیں پھر سِدھانے لگا

جو تھا دل میں ملنے سے پہلے ترے

وہی ولولہ پھر ستانے لگا

چھنی ہے کچھ ایسی اندھیروں سے نم

کہ سایہ بھی اب تو جلانے لگا

دیا جھاڑ ہی شاخ سے جب مجھے

مری خاک بھی اب ٹھکانے لگا

وُہ انداز ہی جس کے تتلی سے تھے

تگ و دو سے کب ہاتھ آنے لگا

نہ پُوچھ اب یہ ماجدؔ! کہ منجدھار سے

کنارے پہ میں کس بہانے لگا

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کسی بھی شاخ پہ کونپل کوئی نہ آنے دے

فروری 27, 2017ماجد صدیقی،سخناب،غزلنشانے،آنے،اٹھانے،جلانے،دکھانے،زمانےadmin

ماجد صدیقی ۔ غزل نمبر 114

جو دل میں پیڑ کے ہے تا بہ لب نہ لانے دے

کسی بھی شاخ پہ کونپل کوئی نہ آنے دے

کہ تنگ آ کے ترے منہ پہ تھُوک دوں میں بھی

مجھے نہ اِتنی اذّیت بھی اے زمانے! دے

دیا ہے جسم جِسے تابِ ضرب دے اُس کو

کماں ہے ہاتھ میں جس کے اُسے نشانے دے

نہ جھاڑ گردِ الم تُو کسی کے دامن پر

جو بوجھ جسم پہ ہے جسم کو اُٹھانے دے

ضمیرِ سادہ منش! وہ کہ مکر پر ہے تُلا

ہمیں بھی ہاتھ اُسے کچھ نہ کچھ دکھانے دے

ہوا کا خُبت ہے کیا؟ یہ بھی دیکھ لوں ماجد!ؔ

کوئی چراغ سرِ راہ بھی جلانے دے

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

بال سا اک شیشے میں آنے لگتا ہے

فروری 27, 2017ماجد صدیقی،سخناب،غزلٹھکانے،آنے،اترانے،بجھانے،دکھانے،سہلانےadmin

ماجد صدیقی ۔ غزل نمبر 116

جب بھی مجھ سے دُور وہ جانے لگتا ہے

بال سا اک شیشے میں آنے لگتا ہے

ابر کے اَوج سے جب بھی خاک پہ اترے تو

پانی کیا کیا زور دکھانے لگتا ہے

وقت فرعون بنائے کسی کو کتنا ہی

ایک نہ اک دن وہ بھی ٹھکانے لگتا ہے

دشت میں بھی یہ معجزہ ہم نے دیکھا ہے

جھونکا سا اک پیاس بجھانے لگتا ہے

دکھلائی دے چھاؤں جہاں بھی پرندے کو

چونچ سے اپنے پَر سہلانے لگتا ہے

مارا ہے کیا تیر سخن میں ماجدؔ نے

ہر ہر بات پہ کیوں اترانے لگتا ہے

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

عہد اُس نے کیا نہ آنے کا

فروری 27, 2017ماجد صدیقی،سخناب،غزلنشانے،پرانے،آنے،تازیانے،ترانےadmin

ماجد صدیقی ۔ غزل نمبر 145

اور عنواں ہو کیا فسانے کا

عہد اُس نے کیا نہ آنے کا

ہم نے اُس حُسن کو مقام دیا

ارضِ جاں کے مدھر ترانے کا

کچھ ہِمیں تاک حفظِ جاں میں نہ تھے

علم اُس کو بھی تھا نشانے کا

دھار تلوار کی نگاہ میں ہے

شور سر پر ہے تازیانے کا

وقت خود ہی سُجھانے لگتا ہے

فرق ماجدؔ نئے پرانے کا

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

لفظ مُنہ پر کوئی تو آنے دو

دسمبر 31, 2016ماجد صدیقی،تمازتیں،غزلآنے،بچھانے،بنانے،بجانے،جگمگانے،دلانے،سمانےadmin

ماجد صدیقی ۔ غزل نمبر 10

گنگُ جذبوں کو چہچہانے دو

لفظ مُنہ پر کوئی تو آنے دو

پھینک کر اب کے آخری پتّا

کھیل کو رُخ نیا دلانے دو

سیج پر شاخِ آرزُو سے گری

پتّیاں تُم مجھے بچھانے دو

وقت کے جلترنگ سے نہ ڈرو

اِس کو یہ ساز اب بجانے دو

جن پہ سُورج کبھی نہیں اُبھرا

وُہ اُفق اب کے جگمگانے دو

یہ اعادہ ہی بچپنے کا سہی

کُچھ گھروندے مگر بنانے دو

اشک دے گا پتہ ضرور اپنا

خاک میں یہ نمی سمانے دو

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

پوچھنا حالِ سفر بھی ہوش میں آنے تو دو

اکتوبر 31, 2016ماجد صدیقی،آغاز،غزلآنے،جانے،دہرانےadmin

ماجد صدیقی ۔ غزل نمبر 48

دھوپ میں جھلسا ہوں مَیں کچھ دیر سستانے تو دو

پوچھنا حالِ سفر بھی ہوش میں آنے تو دو

دیکھنا اُبھروں گا پہلو میں یدِ بیضا لیے

ظلمتِ شب میں ذرا مجھ کو اُتر جانے تو دو

نطق ہونٹوں سے مرے پھوٹے گا بن کر چاندنی

میری آنکھوں سے یہ چُپ کا زہر بہہ جانے تو دو

جز ادائے سجدۂ بے چارگی کر لے گا کیا

موجۂ سیلاب کو دہلیز تک آنے تو دو

پھر مری صحنِ گلستاں میں بحالی دیکھنا

اِک ذرا یہ موسمِ بے نم گزر جانے تو دو

ٹھیک ہے ماجدؔ فسانے تھیں تمہاری چاہتیں

یہ فسانے پر ہمیں اِک بار دُہرانے تو دو

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

وہی انداز ہے ظالم کا زمانے والا

نومبر 2, 2015احمد فراز،شعراء،غزللانے،ملانے،آنے،بتانے،جانے،زمانےadmin

احمد فراز ۔ غزل نمبر 11

دوست بن کر بھی نہیں ساتھ نبھانے والا

وہی انداز ہے ظالم کا زمانے والا

اب اسے لوگ سمجھتے ہیں گرفتار مرا

سخت نادم ہے مجھے دام میں لانے والا

صبح دم چھوڑ گیا نکہتِ گل کی صورت

رات کو غنچۂ دل میں سمٹ آنے والا

کیا کہیں کتنے مراسم تھے ہمارے اس سے

وہ جو اک شخص ہے منہ پھیر کے جانے والا

تیرے ہوتے ہوئے آ جاتی تھی ساری دنیا

آج تنہا ہوں تو کوئی نہیں آنے والا

منتظر کس کا ہوں ٹوٹی ہوئی دہلیز پہ میں

کون آئے گا یہاں کون ہے آنے والا

کیا خبر تھی جو مری جاں میں گھلا ہے اتنا

ہے وہی مجھ کو سرِ دار بھی لانے والا

میں نے دیکھا ہے بہاروں میں چمن کو جلتے

ہے کوئی خواب کی تعبیر بتانے والا

تم تکلف کو بھی اخلاص سمجھتے ہو فراز

دوست ہوتا نہیں ہر ہاتھ ملانے والا

احمد فراز

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

شہر تو شہر بدل جائیں گے ویرانے تک

اکتوبر 25, 2015قمر جلالوی،شعراء،غزلمیخانے،ویرانے،پیمانے،آنے،افسانے،جانےadmin

قمر جلالوی ۔ غزل نمبر 59

ہم کو ہم خاک نشینوں کا خیال آنے تک

شہر تو شہر بدل جائیں گے ویرانے تک

دیکھیے محفلِ ساقی کا نتیجہ کیا ہوا

بات شیشے کی پہنچنے لگی پیمانے تک

صبح ہوئی نہیں اے عشق یہ کیسی شب ہے

قیس و فرہاد کے دہرا لئے افسانے تک

پھر نہ طوفان اٹھیں گے نہ گرے گی بجلی

یہ حوادث ہیں غریبوں ہی کے مٹ جانے تک

میں نے ہر چند بلا ٹالنی چآ ہی لیکن

شیخ نے ساتھ نہ چھوڑا مرا میخانے تک

وہ بھی کیا دن تھے گھر سے کہیں جاتے ہی نہ تھے

اور گئے بھی تو فقط شام کو میخانے تک

میں وہاں کیسے حقیقت کو سلامت رکھوں

جس جگہ رد و بدل ہو گئے افسانے تک

باغباں فصلِ بہار آنے کا وعدہ تو قبول

اور اگر ہم نے رہے فصلِ بہار آنے تک

اور تو کیا کہیں اے شیخ تری ہمت پر

کوئی کافر ہی گیا ہو ترے میخانے تک

اے قمر شام کا وعدہ ہے وہ آتے ہوں گے

شام کہلاتی ہے تاروں کے نکل آنے تک

قمر جلالوی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

شمع رو دے گی مگر نہ لے گی پروانے کا نام

اکتوبر 25, 2015قمر جلالوی،شعراء،غزلویرانے،پیمانے،پروانے،آنے،جانے،دفنانےadmin

قمر جلالوی ۔ غزل نمبر 50

حسن سے رسوا نہ ہو گا اپنے دیوانے کا نام

شمع رو دے گی مگر نہ لے گی پروانے کا نام

ہو گئی توبہ کو اک مدت کسے اب یاد ہے

اصطلاحاً ہم نے کیا رکھا تھا پیمانے کا نام

میتِ پروانہ بے گور و کفن دیکھا کئے

اہلِ محفل نے لیا لیکن نہ دفنانے کا نام

یہ بھی ہے کوئی عیادت دو گھڑی بیٹھے نہ وہ

حال پوچھا چل دیے گھر کر گئے آنے کا نام

لاکھ دیوانے کھلائیں گل چمن کہہ دے گا کون

عارضی پھولوں سے بدلے گا نہ ویرانے کا نام

ان کو کوسے دے رہے، ہو خود، ہیں جو جینے سے تنگ

زندگی رکھا ہے جن لوگوں نے مر جانے کا نام

اِس ہوا میں قوتِ پرواز سے آگے نہ بڑھ

ہے قفس آزادیوں کی حد گزر جانے کا نام

قمر جلالوی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

خیالاتِ بشر میں انقلاب آنے سے کیا ہو گا

اکتوبر 25, 2015قمر جلالوی،شعراء،غزلپیمانے،آنے،جانے،خانے،دیوانےadmin

قمر جلالوی ۔ غزل نمبر 25

حرم کی راہ کو نقصان بت خانے سے کیا ہو گا

خیالاتِ بشر میں انقلاب آنے سے کیا ہو گا

کسے سمجھا رہے ہیں آپ سمجھانے سے کیا ہو گا

بجز صحرا نوردی اور دیوانے سے کیا ہو گا

ارے کافر سمجھ لے انقلاب آنے سے کیا ہو گا

بنا کعبہ سے بت خانہ تو بت خانے سے کیا ہو گا

نمازی سوئے مسجد جا رہے ہیں شیخ ابھی تھم جا

نکلتے کوئی دیکھے گا جو مے خانے سے کیا ہو گا

خدا آباد رکھے میکدہ یہ تو سمجھ ساقی

ہزاروں بادہ کش ہیں ایک پیمانے سے کیا ہو گا

تم اپنی ٹھوکریں کا ہے کو روکو دل کو کیوں مارو

ہمیں جب مٹ گئے تو قبر مٹ جانے سے کیا ہو گا

قمر جلالوی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

اڑا نہ لے کوئی انداز مسکرانے کا

اکتوبر 25, 2015اساتذہ،داغ دہلوی،غزلمسکرانے،چڑھانے،ٹھکانے،آنےadmin

داغ دہلوی ۔ غزل نمبر 13

سبب کھلا یہ ہمیں اُن کے منہ چھپانے کا

اڑا نہ لے کوئی انداز مسکرانے کا

طریق خوب ہے یہ عمر کے بڑھانے کا

کہ منتظر رہوں‌ تا حشر اُن کے آنے کا

چڑھاؤ پھول میری قبر پر جو آئے ہو

کہ اب زمانہ گیا تیوری چڑھانے کا

جفائیں کرتے ہیں تھم تھم کے اس خیال سے وہ

گیا تو پھر یہ نہیں میرے ہاتھ آنے کا

سمائیں اپنی نگاہوں میں ایسے ویسے کیا

رقیب ہی سہی ہو آدمی ٹھکانے کا

تمہیں رقیب نے بھیجا کھلا ہوا پرچہ

نہ تھا نصیب لفافہ بھی آدھ آنے کا

داغ دہلوی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

مجھ پہ یہ قہر ٹوٹ جانے دے

اکتوبر 24, 2015Jaun Elia،قطعہ،جون ایلیا،شعراءآنے،جانےadmin

جون ایلیا ۔ قطعہ نمبر 30

اپنی انگڑائیوں پہ جبر نہ کر

مجھ پہ یہ قہر ٹوٹ جانے دے

ہوش میری خوشی کا دشمن ہے

تو مجھے ہوش میں نہ آنے دے

قطعہ

جون ایلیا

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

شہر میں آگ لگانے کے لیے نکلے ہیں

اکتوبر 23, 2015Jaun Elia،جون ایلیا،شعراء،غزللڑانے،لگانے،منانے،نہانے،ڈھانے،آنے،اٹھانے،بچھانے،بھلانے،جانےadmin

جون ایلیا ۔ غزل نمبر 123

ہم ترا ہجر منانے کے لیے نکلے ہیں

شہر میں آگ لگانے کے لیے نکلے ہیں

شہر کوچوں میں کرو حشر بپا آج کہ ہم

اس کے وعدوں کو بھلانے کے لیے نکلے ہیں

ہم سے جو روٹھ گیا ہے وہ بہت معصوم ہے

ہم تو اوروں کو منانے کے لیے نکلے ہیں

شہر میں شورہے، وہ یوں کہ گماں کے سفری

اپنے ہی آپ میں آنے کے لیے نکلے ہیں

وہ جو تھے شہر تحیر ترے پر فن معمار

وہی پُر فن تجھے ڈھانے کے لیے نکلے ہیں

راہگزر میں تری قالین بچھانے والے

خون کا فرش بچھانے کے لیے نکلے ہیں

ہمیں کرنا ہے خداوند کی امداد سو ہم

دیر و کعبہ کو لڑانے کے لیے نکلے ہیں

سر شب اک نئی تمثیل بپا ہونی ہے

اور ہم پردہ اٹھانے کے لیے نکلے ہیں

ہمیں سیراب نئی نسل کو کرنا ہے سو ہم

خون میں اپنے نہانے کے لیے نکلے ہیں

ہم کہیں کے بھی نہیں پر یہ ہے روداد اپنی

ہم کہیں سے بھی نہ جانے کے لیے نکلے ہیں

جون ایلیا

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

یاد بھی طور ہے بُھلانے کا

اکتوبر 23, 2015Jaun Elia،جون ایلیا،شعراء،غزلہلانے،ڈھانے،کھانے،گنوانے،گنگنانے،پِلانے،آنے،آزمانے،بُھلانے،جانےadmin

جون ایلیا ۔ غزل نمبر 19

ہے عجب حال یہ زمانےکا

یاد بھی طور ہے بُھلانے کا

پسند آیا ہمیں بہت پیشہ

خود ہی اپنے گھروں کو ڈھانے کا

کاش ہم کو بھی ہو نصیب کبھی

عیش دفتر میں گنگنانے کا

آسمانِ خموشئ جاوید

میں بھی اب لب نہیں ہلانے کا

جان! کیا اب ترا پیالہء ناف

نشہ مجھ کو نہیں پِلانے کا

شوق ہےِاس دل درندہ کو

آپ کے ہونٹ کاٹ کھانے کا

اتنا نادم ہوا ہوں خود سے کہ میں

اب نہیں خود کو آزمانےکا

کیا کہوں جان کو بچانے میں

جون خطرہ ہے جان جانے کا

یہ جہاں جون! اک جہنم ہے

یاں خدا بھے نہیں ہے آنے کا

زندگی ایک فن ہے لمحوں کا

اپنے انداز سے گنوانے کا

جون ایلیا

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

فلک کا دیکھنا تقریب تیرے یاد آنے کی

اکتوبر 8, 2015مرزا اسد اللہ خان غالب،اساتذہ،غزلنی،چھپانے،آنے،اٹھانے،بہانے،جلانے،جانےadmin

دیوانِ غالب ۔ غزل نمبر 193

غمِ دنیا سے گر پائی بھی فرصت سر اٹھانے کی

فلک کا دیکھنا تقریب تیرے یاد آنے کی

کھلےگا کس طرح مضموں مرے مکتوب کا یا رب

قسم کھائی ہے اس کافر نے کاغذ کے جلانے کی

لپٹنا پرنیاں میں شعلۂ آتش کا آساں ہے

ولے مشکل ہے حکمت دل میں سوزِ غم چھپانے کی

انہیں منظور اپنے زخمیوں کا دیکھ آنا تھا

اٹھے تھے سیرِ گل کو، دیکھنا شوخی بہانے کی

ہماری سادگی تھی التفاتِ ناز پر مرنا

ترا آنا نہ تھا ظالم مگر تمہید جانے کی

لکد کوبِ حوادث کا تحمّل کر نہیں سکتی

مری طاقت کہ ضامن تھی بتوں کے ناز اٹھانے کی

کہوں کیا خوبیِ اوضاعِ ابنائے زماں غالب

بدی کی اس نے جس سے ہم نے کی تھی بارہا نیکی

مرزا اسد اللہ خان غالب

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

قریب ان کے آنے کے دن آرہے ہیں

اپریل 1, 2012فیض احمد فیض،نقش فریادی،غزللٹانے،چرانے،ٹھکانے،آنے،سنانے،سجانےadmin

فیض احمد فیض ۔ غزل نمبر 42

نصیب آزمانے کے دن آرہے ہیں

قریب ان کے آنے کے دن آرہے ہیں

جو دل سے کہا ہے، جو دل سے سنا ہے

سب ان کو سنانے کے دن آرہے ہیں

ابھی سے دل و جاں سر راہ رکھ دو

کہ لٹنے لٹانے کے دن آرہے ہیں

ٹپکنے لگی ان نگاہوں سے مستی

نگاہیں چرانے کے دن آرہے ہیں

صبا پھر ہمیں پوچھتی پھر رہی ہے

چمن کو سجانے کے دن آرہے ہیں

چلو فیض پھر سے کہیں دل لگائیں

سنا ہے ٹھکانے کے دن آرہے ہیں

فیض احمد فیض

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

وہی جرس کی صدا پھر کہیں سے آنے لگی

جنوری 10, 2012عرفان صدیقی،غزللگانے،مسکرانے،کھلانے،آنے،بلانے،جگمگانےadmin

عرفان صدیقی ۔ غزل نمبر 225

بساط رقص جو گردِ سفر بچھانے لگی

وہی جرس کی صدا پھر کہیں سے آنے لگی

عجیب موج ہے، دشمن کہوں کہ دوست کہوں

زمین کاٹ رہی تھی کہ گل کھلانے لگی

سدا کہیں کوئی بے آشنا نہیں رہتا

مجھے ہوائے مسافت گلے لگانے لگی

میں بے کنار سمجھنے کو تھا سمندر کو

کہ ایک شاخ سرِ آب جگمگانے لگی

دُعائے شامِ دل آزردگاں بھی کیا شے ہے

چراغ جلنے لگے‘ رات مسکرانے لگی

ابھی کھلا بھی نہ تھا رختِ شوق دلّی میں

کہ پھر ہمیں کششِ لکھنؤ بلانے لگی

عرفان صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

بتا یہ اپنے لہو میں نہانے والا کون

جنوری 5, 2012عرفان صدیقی،غزلہٹانے،لگانے،نہانے،آنے،اُگانے،جلانے،جانے،خزانے،سنانےadmin

عرفان صدیقی ۔ غزل نمبر 107

سراب دشت تجھے آزمانے والا کون

بتا یہ اپنے لہو میں نہانے والا کون

سواد شام یہ شہزادگان صبح کہاں

سیاہ شب میں یہ سورج اُگانے والا کون

یہ ریگزار میں کس حرف لازوال کی چھاؤں

شجر یہ دشت زیاں میں لگانے والا کون

یہ کون راستہ روکے ہوئے کھڑا تھا ابھی

اور اب یہ راہ کے پتھر ہٹانے والا کون

یہ کون ہے کہ جو تنہائی پر بھی راضی ہے

یہ قتل گاہ سے واپس نہ جانے والا کون

بدن کے نقرئی ٹکڑے لہو کی اشرفیاں

اِدھر سے گزرا ہے ایسے خزانے والا کون

یہ کس کے نام پہ تیغ جفا نکلتی ہوئی

یہ کس کے خیمے، یہ خیمے جلانے والا کون

اُبھرتے ڈوبتے منظر میں کس کی روشنیاں

کلام حق سر نیزہ سنانے والا کون

ملی ہے جان تو اس پر نثار کیوں نہ کروں

تو اے بدن مرے رستے میں آنے والا کون

عرفان صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

لوگ اپنے دئیے جلانے لگے

جنوری 8, 1972باقی صدیقی،شعراء،غزلچہچہانے،نشانے،پرانے،آنے،اٹھانے،بہانے،جلانے،جانے،خزانے،زمانے،سہانےadmin

باقی صدیقی ۔ غزل نمبر 231

داغ دل ہم کو یاد آنے لگے

لوگ اپنے دئیے جلانے لگے

کچھ نہ پا کر بھی مطمئن ہیں ہم

عشق میں ہاتھ کیا خزانے لگے

یہی رستہ ہے اب یہی منزل

اب یہیں دل کسی بہانے لگے

خود فریبی سی خود فریبی ہے

پاس کے ڈھول بھی سہانے لگے

اب تو ہوتا ہے ہر قدم پہ گماں

ہم یہ کیسا قدم اٹھانے لگے

اس بدلتے ہوئے زمانے کا

تیرے قصے بھی کچھ پرانے لگے

رُخ بدلنے لگا فسانے کا

لوگ محفل سے اٹھ کے جانے لگے

ایک پل میں وہاں سے ہم اٹھے

بیٹھنے میں جہاں زمانے لگے

اپنی قسمت سے ہے مفر کس کو

تیر پر اڑ کے بھی نشانے لگے

ہم تک آئے نہ آئے موسم گل

کچھ پرندے تو چہچہانے لگے

شام کا وقت ہو گیا باقیؔ

بستیوں سے شرار آنے لگے

باقی صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

ہم ترے واسطے مقتل میں تھے جانے والے

جنوری 8, 1972باقی صدیقی،شعراء،غزلمنانے،آنے،ارانے،جانے،دکھانے،زمانےadmin

باقی صدیقی ۔ غزل نمبر 210

ڈر کے حالات سے دامن کو بچانے والے

ہم ترے واسطے مقتل میں تھے جانے والے

خندہ گل کی حقیقت یہ کبھی ایک نظر

اے بہاروں کی طرح راہ میں آنے والے

وقت کے سامنے تصویر بنے بیٹھے ہیں

آئنہ گردش دوراں کو دکھانے والے

ختم ہنگامہ ہوا جب تو کھڑا سوچتا ہوں

آپ ہی چور نہ ہوں شور مچانے والے

غیر کے وصف کو بھی عیب کریں گے ثابت

تنگ دل اتنے کبھی تھے نہ زمانے والے

کوئی بات آ گئی کیا ان کی سمجھ میں باقیؔ

کس لئے چپ ہیں ہنسی میری ارانے والے

باقی صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

رند گھبرا کے نکل آئے ہیں میخانے سے

جنوری 8, 1972باقی صدیقی،شعراء،غزلمیخانے،ویرانے،آنے،دیوانے،سلجھانےadmin

باقی صدیقی ۔ غزل نمبر 203

خون اخلاص کی بو آتی ہے پیمانے سے

رند گھبرا کے نکل آئے ہیں میخانے سے

تیز ہوتا ہے جنوں اور بھی سمجھانے سے

کیا توقع کرے دنیا ترے دیوانے سے

اے ابھرتی ہوئی موجوں سے الجھنے والو

ڈوب مرنا کہیں بہتر ہے پلٹ آنے سے

کیا تری انجمن آرائیاں یاد آئی ہیں

کیوں پلٹ آئے ہیں وحشی ترے ویرانے سے

آرزوؤں کے معمے نہ ہوئے حل باقیؔ

زندگی اور الجھتی گئی سلجھانے سے

باقی صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

ہم کہاں اور ٹھکانے پاتے

جنوری 8, 1972باقی صدیقی،شعراء،غزلٹھکانے،آنے،بنانے،بسانے،جانے،خانے،زمانےadmin

باقی صدیقی ۔ غزل نمبر 195

تیرے در تک نہیں جانے پاتے

ہم کہاں اور ٹھکانے پاتے

ہر قدم پر ہے نیا ہنگامہ

ہوش میں ہم نہیں آنے پاتے

جلوہ پردہ ہے تو پردہ جلوہ

کیا ترا بھید زمانے پاتے

تم عناں گیر جنوں ہو ورنہ

چور چور آئنہ خانے پاتے

لوگ غربت کا گلہ کرتے ہیں

ہم وطن سے نہیں جانے پاتے

درد ہوتا تو مسلسل ہوتا

دل کو ہم دل تو بنانے پاتے

غم اگر ساتھ نہ دیتا باقیؔ

دشت بھی ہم نہ بسانے پاتے

باقی صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کسی کے خون کی بو راستوں سے آنے لگی

جنوری 8, 1972باقی صدیقی،شعراء،غزللڑکھڑانے،مسکرانے،آنے،بجھانے،جانےadmin

باقی صدیقی ۔ غزل نمبر 171

شفق کی آگ کہانی کوئی سنانے لگی

کسی کے خون کی بو راستوں سے آنے لگی

ملی ہے ایک زمانے کو روشنی جن سے

ہوائے دہر وہی مشعلیں بجھانے لگی

تھا جس خیال پہ قائم حیات کا ایواں

اسی خیال سے تلخی دلوں میں آنے لگی

سحر کے آئنے کا کوئی اعتبار نہیں

کلی تو دیکھ کے عکس اپنا مسکرانے لگی

میں اپنے دل کے بھنور سے نکل نہیں سکتا

تمہاری بات تو کچھ کچھ سمجھ میں آنے لگی

گلوں کے منہ میں زمانے نے آگ رکھ دی ہے

بہار اپنا ہی خوں پی کے لڑکھڑانے لگی

نسیم گزری ہے زنداں سے اس طرح باقیؔ

شکست دل کی صدا دور دور جانے لگی

باقی صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔