ٹیگ کے محفوظات: آزما

جرأتِ جذبِ ذوقِ دید مانے تو آزما کے ہم

مئی 31, 2021کلیاتِ شکیب جلالی ۔ غیر مدوّن کلام ۔ غزلیں،شکیب جلالی،غزلمسکرا،چھپا،پآ،آزما،جلاadmin

ان کی نقاب ہی رہے حُسنِ طلب اٹھا کے ہم

جرأتِ جذبِ ذوقِ دید مانے تو آزما کے ہم

جن کو یقین ہی نہ ہو، ان سے اَلم کا ذکر کیا

پُرسشِ حالِ زار پر رہ گئے مسکرا کے ہم

فرطِ خوشی ہے یا فقط وہم و خیال کا سراب

منزلِ زیست کے نشاں کھو سے گئے ہیں پآ کے ہم

خطرہِ برق و باد ہے اور نہ فکرِ آشیاں

بیٹھ گئے ہیں آشیاں اپنا ہی خود جلا کے ہم

زیست کی غم سے نسبتیں کام ہی آج آگئیں

’’ہر غمِ بے پناہ پر رہ گئے مسکرا کے ہم،،

ایسے بھی داغ عشق نے بخشے ہیں قلبِ زار کو

چاہیں بھی گر شکیبؔ تو، رکھ نہ سکیں چھپا کے ہم

شکیب جلالی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

ہاں وجود اپنا جتا اور رقص کر

اکتوبر 1, 2017ماجِد نشان،ماجد صدیقی،غزلکہا،آزما،اٹھا،بنا،جتا،سماadmin

ماجد صدیقی ۔ غزل نمبر 38

ہے اگر زندہ تو آ اور رقص کر

ہاں وجود اپنا جتا اور رقص کر

خود کو پودوں، اور گُلوں میں ڈھال لے

آنکھ میں رُت کی سما اور رقص کر

فرش سے تا عرش یُوں بھی لَو لگا

چاہتوں کے پر بنا اور رقص کر

مُحتسب کی آنکھ سے بچ کر کبھی

مان لے تن کا کہا اور رقص کر

ہے اگر اِک یہ بھی اندازِ حیات

ہاتھ میں ساغر اُٹھا اور رقص کر

دیکھ یُوں بھی اپنے ماجِد کو کبھی

ظرف اِس کا آزما اور رقص کر

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

ارماں پسِ چشم جو رُکا ہے

اکتوبر 1, 2017ماجِد نشان،ماجد صدیقی،غزلمدّعا،نیا،آئنہ،آزما،رکا،سواadmin

ماجد صدیقی ۔ غزل نمبر 42

ہر آن بدن پہ بوجھ سا ہے

ارماں پسِ چشم جو رُکا ہے

جس میں نیا رنج روز اُترے

دِل ایسا ہی فرد آئنہ ہے

ہر سمت شروع میں سفر کے

دیکھا ہے جِدھر بھنور نیا ہے

رفعت کا ہے جو بھی اگلا زینہ

لاریب وُہ قوّت آزما ہے

اعصاب پڑے ہیں ماند جب سے

ہر تازہ سفر کٹھن سَوا ہے

بارش کو ترستا مُرغِ گِریاں

ماجِد! ترا حرفِ مُدّعا ہے

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

یہ مشعلیں بھی جلا کے دیکھو

دسمبر 31, 2016ماجد صدیقی،تمازتیں،غزلہلا،فضا،آزما،اٹھا،بڑھا،بجا،جلا،جگا،سجاadmin

ماجد صدیقی ۔ غزل نمبر 41

آنکھوں میں مری سما کے دیکھو

یہ مشعلیں بھی جلا کے دیکھو

ہے جسم سے جسم کا سخن کیا

یہ بزم کبھی سجا کے دیکھو

پیراک ہوں بحرِ لطفِ جاں کا

ہاں ہاں مجھے آزما کے دیکھو

اُترو بھی لہُو کی دھڑکنوں میں

کیا رنگ ہیں اِس فضا کے دیکھو

مخفی ہے جو خوں کی حِدتّوں میں

وہ حشر کبھی اٹُھا کے دیکھو

بے رنگ ہیں فرطِ خواب سے جو

لمحے وہ کبھی جگا کے دیکھو

بہلاؤ نہ محض گفتگو سے

یہ ربط ذرا بڑھا کے دیکھو

ملہار کے سُر ہیں جس میں پنہاں

وُہ سازِ طرب بجا کے دیکھو

طُرفہ ہے بہت نگاہِ ماجدؔ

یہ شاخ کبھی ہلا کے دیکھو

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

پڑے ہیں منہ پہ تھپیڑے اُسی ہوا کے مجھے

نومبر 30, 2016ہوا کا تخت،ماجد صدیقی،غزلہوا،لگا،آزما،اٹھا،خلا،دعا،سناadmin

ماجد صدیقی ۔ غزل نمبر 31

گئی جو چھوڑ کبھی شاخ پر سجا کے مجھے

پڑے ہیں منہ پہ تھپیڑے اُسی ہوا کے مجھے

ہُوا ہے جو بھی خلافِ گماں ہُوا اُن کے

بہت خفیف ہوئے ہیں وہ آزما کے مجھے

ہے میرے ظرف سے منصف مرا مگر خائف

مزاج پوچھ رہا ہے سزا سُنا کے مجھے

ابھی ہیں باعثِ ردِّ تپّش یہی بادل

بہم جو سائے بزرگوں کی ہیں دُعا کے مجھے

سُنا یہ ہے رہِ اظہارِ حق میں دار بھی ہے

چلے ہیں آپ یہ کس راہ پر لگا کے مجھے

زمیں کے وار تو اک ایک سہہ لئے میں نے

فلک سے ہی کہیں اب پھینکئے اُٹھا کے مجھے

سرِ جہاں ہوں وہ بیگانۂ سکوں ماجدؔ

پڑے ہیں جھانکنے گوشے سبھی خلا کے مجھے

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

جو پوچھے مہربانی کیا، وفا کیا

اکتوبر 25, 2015مصطفٰی خان شیفتہ،اساتذہ،غزللکھا،مدعا،وفا،پوچھنا،آزما،بہا،تھا،زا،صباadmin

مصطفٰی خان شیفتہ ۔ غزل نمبر 35

جفا و جور کا اس سے گلہ کیا

جو پوچھے مہربانی کیا، وفا کیا

وہ بے پروا جوابِ نامہ لکھے

خدا جانے کہ دشمن نے لکھا کیا

دیا کیوں ہونے اس بد خو پہ عاشق

ہمارا دوست کوئی بھی نہ تھا کیا

شمیمِ گل میں بوئے پیرہن ہے

غلط ہے یہ کہ احسانِ صبا کیا

نہ لکھنا تھا غمِ ناکامیِ عشق

جوابِ نامۂ بے مدعا کیا

ہمیں تھا آپ قصدِ عرضِ احوال

جو وہ خود پوچھتے ہیں پوچھنا کیا

تماشا ہے جلے گر خانۂ غیر

وہ کہتے ہیں کہ آہِ شعلہ زا کیا

فنائے عاشقاں عینِ بقا ہے

دیت زندوں کی کیسی، خون بہا کیا

اگر ہے بوالہوس تو قتل کر چک

عدو سے وعدۂ شوق آزما کیا

مصطفٰی خان شیفتہ

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

تلون سے ہے تم کو مدعا کیا

اکتوبر 25, 2015مصطفٰی خان شیفتہ،اساتذہ،غزلفزا،مدعا،وفا،کہا،کیا،آزما،حیا،خطا،دلربا،دیاadmin

مصطفٰی خان شیفتہ ۔ غزل نمبر 33

کہا کل میں نے اے سرمایۂ ناز

تلون سے ہے تم کو مدعا کیا

کبھی مجھ پر عتابِ بے سبب کیوں

کبھی بے وجہ غیروں سے وفا کیا

کبھی محفل میں وہ بے باکیاں کیوں

کبھی خلوت میں یہ شرم و حیا کیا

کبھی تمکینِ صولت آفریں کیوں

کبھی الطافِ جرات آزما کیا

کبھی وہ طعنہ ہائے جاں گزا کیوں

کبھی یہ غمزہ ہائے جاں فزا کیا

کبھی شعروں سے میرے نغمہ سازی

کبھی کہنا کہ یہ تم نے کہا کیا

کبھی بے جرم یہ آزردہ ہونا

کہ کیا طاقت جو پوچھوں میں "خطا کیا”

کبھی اس دشمنی پر بہرِ تسکیں

پئے ہم جلوہ ہائے دلربا کیا

یہ سب طول اس نے سن کر بے تکلف

جواب اک مختصر مجھ کو دیا کیا

ابھی اے شیفتہ واقف نہیں تم

کہ باتیں عشق میں ہوتی ہیں کیا کیا

مصطفٰی خان شیفتہ

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

نہ ہو مرنا تو جینے کا مزا کیا

اکتوبر 8, 2015مرزا اسد اللہ خان غالب،اساتذہ،غزلمزا،وفا،کیا،گلا،پوچھنا،آزما،ادا،بہا،بھلا،ربا،صبا،صداadmin

دیوانِ غالب ۔ غزل نمبر 109

ہوس کو ہے نشاطِ کار کیا کیا

نہ ہو مرنا تو جینے کا مزا کیا

تجاہل پیشگی سے مدعا کیا

کہاں تک اے سراپا ناز کیا کیا؟

نوازش ہائے بے جا دیکھتا ہوں

شکایت ہائے رنگیں کا گلا کیا

نگاہِ بے محابا چاہتا ہوں

تغافل ہائے تمکیں آزما کیا

فروغِ شعلۂ خس یک نفَس ہے

ہوس کو پاسِ ناموسِ وفا کیا

نفس موجِ محیطِ بیخودی ہے

تغافل ہائے ساقی کا گلا کیا

دماغِ عطر پیراہن نہیں ہے

غمِ آوارگی ہائے صبا کیا

دلِ ہر قطرہ ہے سازِ ’انا البحر‘

ہم اس کے ہیں، ہمارا پوچھنا کیا

محابا کیا ہے، مَیں ضامن، اِدھر دیکھ

شہیدانِ نگہ کا خوں بہا کیا

سن اے غارت گرِ جنسِ وفا، سن

شکستِ قیمتِ دل کی صدا کیا

کیا کس نے جگرداری کا دعویٰ؟

شکیبِ خاطرِ عاشق بھلا کیا

یہ قاتل وعدۂ صبر آزما کیوں؟

یہ کافر فتنۂ طاقت ربا کیا؟

بلائے جاں ہے غالب اس کی ہر بات

عبارت کیا، اشارت کیا، ادا کیا!

مرزا اسد اللہ خان غالب

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

دل کہاں کہ گم کیجیے؟ ہم نے مدعا پایا

اکتوبر 8, 2015مرزا اسد اللہ خان غالب،اساتذہ،غزلہوا،مدعا،مزا،نارسا،آزما،بارہا،دواadmin

دیوانِ غالب ۔ غزل نمبر 107

کہتے ہو نہ دیں گے ہم دل اگر پڑا پایا

دل کہاں کہ گم کیجیے؟ ہم نے مدعا پایا

عشق سے طبیعت نے زیست کا مزا پایا

درد کی دوا پائی، درد بے دوا پایا

دوست دارِ دشمن ہے! اعتمادِ دل معلوم

آہ بے اثر دیکھی، نالہ نارسا پایا

سادگی و پرکاری، بے خودی و ہشیاری

حسن کو تغافل میں جرأت آزما پایا

غنچہ پھر لگا کھلنے، آج ہم نے اپنا دل

خوں کیا ہوا دیکھا، گم کیا ہوا پایا

حال دل نہیں معلوم، لیکن اس قدر یعنی

ہم نے بار ہا ڈھونڈھا، تم نے بارہا پایا

شورِ پندِ ناصح نے زخم پر نمک چھڑکا

آپ سے کوئی پوچھے تم نے کیا مزا پایا

مرزا اسد اللہ خان غالب

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

میں نہ اچھا ہوا، برا نہ ہوا

اکتوبر 8, 2015مرزا اسد اللہ خان غالب،اساتذہ،غزلمزا،گلا،آزما،ادا،بوریا،بھلا،برا،روا،سراadmin

دیوانِ غالب ۔ غزل نمبر 75

درد مِنّت کشِ دوا نہ ہوا

میں نہ اچھا ہوا، برا نہ ہوا

جمع کرتے ہو کیوں رقیبوں کو

اک تماشا ہوا، گلا نہ ہوا

ہم کہاں قسمت آزمانے جائیں

تو ہی جب خنجر آزما نہ ہوا

کتنے شیریں ہیں تیرے لب ،”کہ رقیب

گالیاں کھا کے بے مزا نہ ہوا”

ہے خبر گرم ان کے آنے کی

آج ہی گھر میں بوریا نہ ہوا

کیا وہ نمرود کی خدائی تھی؟

بندگی میں مرا بھلا نہ ہوا

جان دی، دی ہوئی اسی کی تھی

حق تو یوں@ ہے کہ حق ادا نہ ہوا

زخم گر دب گیا، لہو نہ تھما

کام گر رک گیا، روا نہ ہوا

رہزنی ہے کہ دل ستانی ہے؟

لے کے دل، "دلستاں” روانہ ہوا

کچھ تو پڑھئے کہ لوگ کہتے ہیں

آج غالب غزل سرا نہ ہوا!

@ نسخۂ مہر، نسخۂ علامہ آسی میں ‘یوں’ کے بجا ئے "یہ” آیا ہے

مرزا اسد اللہ خان غالب

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

ہم تہی دامنوں سے کیا لینا

اپریل 11, 2012فیض احمد فیض،غزلکیا،آزماadmin

فیض احمد فیض ۔ غزل نمبر 25

اپنے انعامِ حسن کے بدلے

ہم تہی دامنوں سے کیا لینا

آج فرقت زدوں پہ لطف کرو

پھر کبھی صبر آزما لینا

قطعہ

فیض احمد فیض

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

دل بہت کچھ جلا کے دیکھ لیا

اپریل 1, 2012فیض احمد فیض،نقش فریادی،غزللگا،آزما،بنا،جلاadmin

فیض احمد فیض ۔ غزل نمبر 29

راز الفت چھپا کے دیکھ لیا

دل بہت کچھ جلا کے دیکھ لیا

اور کیا دیکھنے کو باقی ہے

آپ سے دل لگا کے دیکھ لیا

وہ مرے ہوکے بھی مرے نہ ہوئے

ان کو اپنا بنا کے دیکھ لیا

آج ان کی نظر میں کچھ ہم نے

سب کی نظریں بچا کے دیکھ لیا

فیض تکمیل غم بھی ہو نہ سکی

عشق کو آزما کے دیکھ لیا

فیض احمد فیض

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔