ٹیگ کے محفوظات: آدمی

بقدرِ ظرف ہر اک آدمی سمندر ہے

مئی 31, 2021کلیاتِ شکیب جلالی ۔ غزلیں،شکیب جلالی،غزلنمی،چاندنی،آدمی،خامشی،زندگیadmin

سمجھ سکو تو یہ تشنہ لبی سمندر ہے

بقدرِ ظرف ہر اک آدمی سمندر ہے

ابھر کے ڈوب گئی کشتیِٔ خیال کہیں

یہ چاند ایک بھنور، چاندنی سمندر ہے

جو داستاں نہ بنے دردِ بیکراں ہے وہی

جو آنکھ ہی میں رہے وہ نمی سمندر ہے

نہ سوچیے تو بہت مختصر ہے سیلِ حیات

جو سوچیے تو یہی زندگی سمندر ہے

تو اس میں ڈوب کے شاید ابھر سکے نہ کبھی

مرے حبیب مری خامشی سمندر ہے

شکیب جلالی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کوئی جھونکا، کوئی مژدہ خوشی کا

اپریل 30, 2017ماجد صدیقی،آنگن آنگن رات،غزلکسی،آدمی،آشتی،بندگی،خوشی،سہیadmin

ماجد صدیقی ۔ غزل نمبر 15

نہ آنے دے یہ موسم بے دلی کا

کوئی جھونکا، کوئی مژدہ خوشی کا

عبادت اور کی، قبلہ کہیں اور

عجب انداز نکلا بندگی کا

قد و قامت پہ نازاں ہے جو شعلہ

لگے چربہ اُسی سرو سہی کا

جہاں کُھل کھیلنے آئے تھے ژالے

وہیں تھا اِک گھروندا بھی کسی کا

گراں مایہ ہے ربطِ بے غرض بھی

یہ چنبیلی نشاں ہے آشتی کا

نہ جانے کب چلن اپنا بدل لے

بھروسہ کیا ہے ماجد آدمی کا

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

دل ملا کر مجھی سے ملنا تھا

اکتوبر 25, 2015اساتذہ،داغ دہلوی،غزلمجھی،مدّعی،آدمی،جی،خوشی،سبھیadmin

داغ دہلوی ۔ غزل نمبر 19

تم کو کیا ہر کسی سے ملنا تھا

دل ملا کر مجھی سے ملنا تھا

پوچھتے کیا ہو کیوں لگائی دیر

اک نئے آدمی سے ملنا تھا

مل کے غیروں سے بزم میں یہ کہا

مجھ کو آ کر سبھی سے ملنا تھا

عید کو بھی خفا خفا ہی رہے

آج کے دن خوشی سے ملنا تھا

آپ کا مجھ سے جی نہیں‌ملتا

اس محبت پہ جی سے ملنا تھا

تم تو اُکھڑے رہے تمہیں اے داغ

ہر طرح مدّعی سے ملنا تھا

داغ دہلوی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کہتا ہوں برا ہو عاشقی کا

اکتوبر 25, 2015اساتذہ،داغ دہلوی،غزلہنسی،کبھی،کسی،آدمی،اسی،جی،عاشقیadmin

داغ دہلوی ۔ غزل نمبر 15

بنتی ہے بری کبھی جو دل پر

کہتا ہوں برا ہو عاشقی کا

ماتم سے مرے وہ دل میں خوش ہیں

منہ پر نہیں نام بھی ہنسی کا

اتنا ہی تو بس کسر ہے تم میں

کہنا نہیں مانتے کسی کا

ہم بزم میں ان کی چپکے بیٹھے

منہ دیکھتے ہیں ہر آدمی کا

جو دم ہے وہ ہے بسا غنیمت

سارا سودا ہے جیتے جی کا

آغاز کو کون پوچھتا ہے

انجام اچھا ہو آدمی کا

روکیں انہیں کیا کہ ہے غنیمت

آنا جانا کبھی کبھی کا

ایسے سے جو داغ نے نباہی

سچ ہے کہ یہ کام تھا اسی کا

داغ دہلوی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

یوں گھر نہ تباہ ہو کسی کا

اکتوبر 25, 2015اساتذہ،داغ دہلوی،غزلہنسی،کلی،کبھی،کسی،آدمی،اسی،جی،خوشی،زندگی،عاشقیadmin

داغ دہلوی ۔ غزل نمبر 14

اب دل ہے مقام بے کسی کا

یوں گھر نہ تباہ ہو کسی کا

کس کس کو مزا ہے عاشقی کا

تم نام تو لو بھلا کسی کا

پھر دیکھتے ہیں عیش آدمی کا

بنتا جو فلک میر خوشی کا

گلشن میں ترے لبوں نے گویا

رس چوم لیا کلی کلی کا

لیتے نہیں بزم میں مرا نام

کہتے ہیں خیال ہے کسی کا

جیتے ہیں کسی کی آس پر ہم

احسان ہے ایسی زندگی کا

بنتی ہے بری کبھی جو دل پر

کہتا ہوں برا ہو عاشقی کا

ماتم سے مرے وہ دل میں خوش ہیں

منہ پر نہیں نام بھی ہنسی کا

اتنا ہی تو بس کسر ہے تم میں

کہنا نہیں مانتے کسی کا

ہم بزم میں ان کی چپکے بیٹھے

منہ دیکھتے ہیں ہر آدمی کا

جو دم ہے وہ ہے بسا غنیمت

سارا سودا ہے جیتے جی کا

آغاز کو کون پوچھتا ہے

انجام اچھا ہو آدمی کا

روکیں انہیں کیا کہ ہے غنیمت

آنا جانا کبھی کبھی کا

ایسے سے جو داگ نے نباہی

سچ ہے کہ یہ کام تھا اسی کا

داغ دہلوی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

دل کواب دل دہی سے خطرہ ہے

اکتوبر 23, 2015Jaun Elia،جون ایلیا،شعراء،غزلہی،لبی،مجھی،مصحفی،نمی،چاندنی،کمی،گہی،آدمی،امروہوی،دہی،سانولی،سبھیadmin

جون ایلیا ۔ غزل نمبر 224

عیشِ اُمید ہی سے خطرہ ہے

دل کواب دل دہی سے خطرہ ہے

ہے کچھ ایسا کہ اس کی جلوت میں

ہمیں اپنی کمی سے خطرہ ہے

جس کے آغوش کا ہوں دیوانہ

اس کے آغوش ہی سے خطرہ ہے

یاد کی دھوپ تو ہے روز کی بات

ہاں مجھے چاندنی سے خطرہ ہے

ہے عجب کچھ معاملہ درپیش

عقل کو آ گہی سے خطرہ ہے

شہر غدار جان لے کہ تجھے

ایک امروہوی سے خطرہ ہے

ہے عجب طورِ حالتِ گریہ

کہ مژہ کو نمی سے خطرہ ہے

حال خوش لکھنو کا دلّی کا

بس انہیں مصحفی سے خطرہ ہے

آسمانوں میں ہے خدا تنہا

اور ہر آدمی سے خطرہ ہے

میں کہوں کس طرح یہ بات اس سے

تجھ کو جانم مجھی سے خطرہ ہے

آج بھی اے کنارِ بان مجھے

تیری اک سانولی سے خطرہ ہے

ان لبوں کا لہو نہ پی جاؤں

اپنی تشنہ لبی سے خطرہ ہے

جون ہی تو ہے جون کے درپے

میر کو میر ہی سے خطرہ ہے

اب نہیں کوئی بات خطرے کی

اب سبھی کو سبھی سے خطرہ ہے

جون ایلیا

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

میں تو اس زخم ہی کو بھول گیا

اکتوبر 23, 2015Jaun Elia،جون ایلیا،شعراء،غزلہی،فرصتی،قسمتی،وابستگی،کمی،کسی،گلی،گری،آدمی،اجنبی،اسی،دہی،زندگی،سبھیadmin

جون ایلیا ۔ غزل نمبر 45

ضبط کر کے ہنسی کو بھول گیا

میں تو اس زخم ہی کو بھول گیا

ذات در ذات ہم سفر رہ کر

اجنبی، اجنبی کو بھول گیا

صبح تک وجہِ جانکنی تھی جو بات

میں اسے شام ہی کو بھول گیا

عہدِ وابستگی گزار کے میں

وجہ وابستگی کو بھول گیا

سب دلیلیں تو مجھ کو یاد رہیں

بحث کیا تھی، اسی کو بھول گیا

کیوں نہ ہو ناز اس ذہانت پر

ایک میں، ہر کسی کو بھول گیا

سب سے پر امن واقعہ یہ ہے

آدمی، آدمی کو بھول گیا

قہقہہ مارتے ہی دیوانہ

ہر غمِ زندگی کو بھول گیا

خواب ہا خواب جس کو چاہا تھا

رنگ ہا رنگ اسی کو بھول گیا

کیا قیامت ہوئی اگر اک شخص

اپنی خوش قسمتی کو بھول گیا

سوچ کر اس کی خلوت انجمنی

واں میں اپنی کمی کو بھول گیا

سب برے مجھ کو یاد رہتے ہیں

جو بھلا تھا اسی کو بھول گیا

ان سے وعدہ تو کر لیا لیکن

اپین کم فرصتی کو بھول گیا

بستیو! اب تو راستہ دے دو

اب تو میں اس گلی کو بھول گیا

اس نے گویا مجھی کو یاد رکھا

میں بھی گویا اسی کو بھول گیا

یعنی تم وہ ہو، واقعی؟ حد ہے

میں تو سچ مچ سبھی کو بھول گیا

آخری بت خدا نہ کیوں ٹھہرے

بت شکن، بت گری کو بھول گیا

اب تو ہر بات یاد رہتی ہے

غالباً میں کسی کو بھول گیا

اس کی خوشیوں سے جلنے والا جونؔ

اپنی ایذا دہی کو بھول گیا

جون ایلیا

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

یہ وہ چراغ ہیں جو روشنی نہیں دیتے

نومبر 16, 2013آفتاب اقبال شمیمنوکری،کبھی،آدمی،آسودگی،تیرگی،روشنیadmin

آفتاب اقبال شمیم ۔ غزل نمبر 59

خوشی کی آسر دلا کے خوشی نہیں دیتے

یہ وہ چراغ ہیں جو روشنی نہیں دیتے

ذرا سی دھوپ کھلے کشتِ اس پر میں جیسے

یہ قہقہے بھی کچھ آسودگی نہیں دیتے

وہ مانگتے ہیں وہ اہلیتیں جو ہم میں نہیں

اسی لئے تو ہمیں نوکری نہیں دیتے

ہمیشہ رکھتے ہیں روشن ستارہ ایک نہ ایک

وہ میری شب کو بہت تیرگی نہیں دیتے

بنا تو سکتے ہیں ہم بھی زمیں پہ خلد مگر

یہ اختیار ہمیں آدمی نہیں دیتے

اسی لئے ہمیں مرنا پڑا، کہ اہلِ جفا

محبتوں میں رعایت کبھی نہیں دیتے

آفتاب اقبال شمیم

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

پیو، کہ اور زیادہ ہو روشنی روشن

نومبر 15, 2013آفتاب اقبال شمیمنمی،چاندنی،کبھی،پھلجھڑی،آدمی،روشنیadmin

آفتاب اقبال شمیم ۔ غزل نمبر 13

کرے ہے آنکھ کے گوشوں کی تیرگی روشن

پیو، کہ اور زیادہ ہو روشنی روشن

تمام صحن شبِ یاد جگمگا اُٹھا

ہوئی جو آنکھ میں اشکوں کی پھلجھڑی روشن

تو کیا چراغ ہوں میں طاقِ روزمرہ کا

کبھی بجھا ہوا ہوتا ہوں اور کبھی روشن

سرور دینے لگا ہے مجھے اندھیرا بھی

لگے کہ اُس کے بدن میں ہے چاندنی روشن

مٹے نہ فرقِ سفید و سیاہ سورج سے

مٹے لہو سے، کرے جس کو آدمی روشن

جما ہے تن کے رہِ برف و باد میں کیسے

رکھو، مثالِ شجر جان کی نمی روشن

آفتاب اقبال شمیم

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔