ٹیگ کے محفوظات: آداب

ابکے یُوں بھی کھیتیاں سیراب ہونے لگ پڑیں

اگست 31, 2017ماجد صدیقی،اَکھیاں بیچ الاؤ،غزلآب،آداب،برقاب،سیراب،غرقابadmin

ماجد صدیقی ۔ غزل نمبر 45

خونِ مظلوماں سے ہیں شاداب ہونے لگ پڑیں

ابکے یُوں بھی کھیتیاں سیراب ہونے لگ پڑیں

غاصبانِ تخت کی خود ساختہ آفات سے

جانے کیا کیا ہستیاں، غرقاب ہونے لگ پڑیں

حق طلب ہیں جس قدر خاموش رکھنے کو اُنہیں

اجتماع گاہیں تلک برقاب ہونے لگ پڑیں

حرص زادوں کے تدّبر کی تہِ شیریں لئے

گالیاں بھی شاملِ آداب ہونے لگ پڑیں

جب سے ماجدؔ مکر کا غلبہ مناصب پر ہُوا

دیکھ کیا کیا حرمتیں بے آب ہونے لگ پڑیں

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کیوں چَین تجھے اے دلِ بے تاب! نہ آئے

مئی 31, 2017ماجد صدیقی،شہر پناہ،غزلمہتاب،آداب،اعراب،تاب،سرآبadmin

ماجد صدیقی ۔ غزل نمبر 40

ٹھہراؤ کہیں صورتِ سیماب نہ آئے

کیوں چَین تجھے اے دلِ بے تاب! نہ آئے

شکوہ جو سرِ اشک ہے لفظوں میں نہ ڈھالو

کائی کہ جو تہہ میں ہے، سرِآب نہ آئے

کیا لفظ تھے ہم اور غلط العام ہوئے کیا

کوئی بھی لگانے جِنہیں اعراب نہ آئے

وہ غار نشیں ہم ہیں تصوّر میں بھی جن کے

بہروپ میں جگنو کے بھی مہتاب نہ آئے

رفعت جو ذرا سر کے جھکانے سے دلائیں

ماجد تمہی اب تک، وہی آداب نہ آئے

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

روز اک تازہ تلاطم ہے مرے اعصاب میں

نومبر 30, 2016ہوا کا تخت،ماجد صدیقی،غزلآداب،احباب،اسباب،اعصاب،باب،خوابadmin

ماجد صدیقی ۔ غزل نمبر 29

گھِر گئی ہے رُوح اپنی جانے کس گرداب میں

روز اک تازہ تلاطم ہے مرے اعصاب میں

یاس کی خشکی، نمِ اُمید کی بہتات سے

ایک کائی سی جمی ہے دیدۂ بے خواب میں

میں کہ تنہائی میں تھا بے در حویلی کی طرح

بند کمرہ سا بنا بیٹھا ہوں اب احباب میں

دل کہ باغی لہر تھا اب پیرہن ذرّوں کا ہے

ڈھل گیا ہے یہ بھی آخر زیست کے آداب میں

اُکھڑے حرفوں کی کتابِ زیست کے اوراق پر

چیونٹیاں سی کسمساتی ہیں سکوں کے باب میں

کچھ ہَوا یا دھوپ ہی ماجدؔ مرے درپے نہ تھی

جانے کیا کچھ اور بربادی کے تھا اسباب میں

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

اب تو ہم لوگ گئے دیدۂ بے خواب سے بھی

نومبر 5, 2015احمد فراز،شعراء،غزلآداب،احباب،بیتاب،خواب،سیلابadmin

احمد فراز ۔ غزل نمبر 99

دل بہلتا ہے کہاں انجم و مہتاب سے بھی

اب تو ہم لوگ گئے دیدۂ بے خواب سے بھی

رو پڑا ہوں تو کوئی بات ہی ایسی ہو گی

میں کہ واقف تھا ترے ہجر کے آداب سے بھی

کچھ تو اُس آنکھ کا شیوہ ہے خفا ہو جانا

اور کچھ بھول ہوئی ہے دلِ بیتاب سے بھی

اے سمندر کی ہوا تیر اکرم بھی معلوم

پیاس ساحل کی تو بجھتی نہیں سیلاب سے بھی

کچھ تو اُس حُسن کو جانے ہے زمانہ سارا

اور کچھ بات چلی ہے مرے احباب سے بھی

احمد فراز

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔