ٹیگ کے محفوظات: آب

نظر ہی سے ساقی شراب اٹھتے اٹھتے

مئی 31, 2021کلیاتِ شکیب جلالی ۔ غیر مدوّن کلام ۔ غزلیں،شکیب جلالی،غزلنقاب،آب،حباب،حجاب،شرابadmin

یہ کہتا ہے خانہ خراب اٹھتے اٹھتے

نظر ہی سے ساقی شراب اٹھتے اٹھتے

گھٹا جیسے گِھر آئے ماہِ جبیں پر

گری اس طرح سے نقاب اٹھتے اٹھتے

ذرا فلسفہ زندگی کا سمجھتے

کدھر چل دیے یہ حُباب اٹھتے اٹھتے

ابھی سے اٹھائیں تو شاید اُٹھیں گے

قیامت میں مستِ شراب اٹھتے اٹھتے

شبِ وصل بیٹھے ہیں محجوب سے وہ

اٹھے گا مگر یہ حجاب اٹھتے اٹھتے

شکیبؔ! آزمانے کو کشتی کی جرأت

بھنور بن گئی موجِ آب اٹھتے اٹھتے

شکیب جلالی

جلتے ہوئے چراغ تہِ آب دیکھتے

مئی 31, 2021کلیاتِ شکیب جلالی ۔ غزلیں،شکیب جلالی،غزلکمخواب،گرداب،آب،احباب،خوابadmin

ساحل سے دُور جب بھی کوئی خواب دیکھتے

جلتے ہوئے چراغ تہِ آب دیکھتے

ہم نے فضول چھیڑ دی زخمِ نہاں کی بات

چُپ چاپ رنگِ خندہِ احباب دیکھتے

غم کی بس ایک موج نے جن کو ڈبو دیا

اے کاش وہ بھی حلقہِ گرداب دیکھتے

بیتے دنوں کے زخم کُریدے ہیں رات بھر

آئی نہ جن کو نیند وہ کیا خواب دیکھتے

کشکولِ شعرِتر لیے پھرتے نہ ہم‘ شکیبؔ

اس ریشمیں بدن پہ جو کمخواب دیکھتے

شکیب جلالی

کچھ اس کا بھی سدِّباب یارو

مئی 31, 2021کلیاتِ شکیب جلالی ۔ غزلیں،شکیب جلالی،غزلآب،رکاب،سحاب،سدّباب،سرابadmin

تارے ہیں نہ ماہتاب یارو

کچھ اس کا بھی سدِّباب یارو

آنکھوں میں چتائیں جل رہی ہیں

ہونٹوں پہ ہے آب آب یارو

تاحدِ خیال ریگِ صحرا

تاحدِ نظر سراب یارو

رہبر ہی نہیں ہے ساتھ اپنے

رہزن بھی ہیں ہم رکاب یارو

شعلے سے جہاں لپک رہے ہیں

برسے گا وہیں سحاب یارو

شکیب جلالی

کیا کیا نہ عکس تیر رہے تھے سراب میں

مئی 31, 2021کلیاتِ شکیب جلالی ۔ غزلیں،شکیب جلالی،غزلماہتاب،کتاب،آفتاب،آب،حباب،خواب،سحاب،سراب،شرابadmin

اتریں عجیب روشنیاں رات خواب میں

کیا کیا نہ عکس تیر رہے تھے سراب میں

کب سے ہیں ایک حرف پہ نظریں جمی ہوئی

وہ پڑھ رہا ہوں جو نہیں لکھا کتاب میں

پانی نہیں کہ اپنے ہی چہرے کو دیکھ لوں

منظر زمیں کے ڈھونڈتا ہوں ماہتاب میں

پھر تیرگی کے خواب سے چونکا ہے راستہ

پھر روشنی سی دوڑ گئی ہے سحاب میں

کب تک رہے گا روح پہ پیراہنِ بدن

کب تک ہوا اسیر رہے گی حباب میں

یوں آئنہ بدست ملی پربتوں کی برف

شرما کے دھوپ لوٹ گئی آفتاب میں

جینے کے ساتھ موت کا ہے ڈر لگا ہوا

خشکی دکھائی دی ہے سمندر کو خواب میں

گزری ہے بار بار مرے سر سے موجِ خشک

ابھرا ہوا ہوں ڈوب کے تصویرِ آب میں

اک یاد ہے کہ چھین رہی ہے لبوں سے جام

اک عکس ہے کہ کانپ رہا ہے شراب میں

چوما ہے میرا نام لبِ سرخ سے شکیبؔ

یا پھول رکھ دیا ہے کسی نے کتاب میں

شکیب جلالی

تجھ سے ملنے میں ترے خواب میں آیا ہُوا ہوں

مئی 30, 2021عرفان ستار،غزلمہتاب،مضراب،آب،ابدتاب،اعصاب،تالاب،خوابadmin

کس عجب ساعتِ نایاب میں آیا ہُوا ہوں

تجھ سے ملنے میں ترے خواب میں آیا ہُوا ہوں

پھر وہی میں ہوں، وہی ہجر کا دریائے عمیق

کوئی دم عکسِ سرِ آب میں آیا ہُوا ہوں

کیسے آئینے کے مانند چمکتا ہُوا میں

عشق کے شہرِ ابدتاب میں آیا ہُوا ہوں

میری ہر تان ہے از روزِ ازل تا بہ ابد

ایک سُر کے لیے مضراب میں آیا ہُوا ہوں

کوئی پرچھائیں کبھی جسم سے کرتی ہے کلام؟

بے سبب سایہِٗ مہتاب میں آیا ہُوا ہوں

ہر گزرتے ہوئے لمحے میں تپکتا ہُوا میں

درد ہوں، وقت کے اعصاب میں آیا ہُوا ہوں

کیسی گہرائی سے نکلا ہوں عدم کی عرفان

کیسے پایاب سے تالاب میں آیا ہُوا ہوں

عرفان ستار

ابکے یُوں بھی کھیتیاں سیراب ہونے لگ پڑیں

اگست 31, 2017ماجد صدیقی،اَکھیاں بیچ الاؤ،غزلآب،آداب،برقاب،سیراب،غرقابadmin

ماجد صدیقی ۔ غزل نمبر 45

خونِ مظلوماں سے ہیں شاداب ہونے لگ پڑیں

ابکے یُوں بھی کھیتیاں سیراب ہونے لگ پڑیں

غاصبانِ تخت کی خود ساختہ آفات سے

جانے کیا کیا ہستیاں، غرقاب ہونے لگ پڑیں

حق طلب ہیں جس قدر خاموش رکھنے کو اُنہیں

اجتماع گاہیں تلک برقاب ہونے لگ پڑیں

حرص زادوں کے تدّبر کی تہِ شیریں لئے

گالیاں بھی شاملِ آداب ہونے لگ پڑیں

جب سے ماجدؔ مکر کا غلبہ مناصب پر ہُوا

دیکھ کیا کیا حرمتیں بے آب ہونے لگ پڑیں

ماجد صدیقی

منظر ہے پھر نگاہ میں پھٹتے حباب کا

فروری 27, 2017ماجد صدیقی،سخناب،غزلگلاب،آب،حباب،سحاب،عقابadmin

ماجد صدیقی ۔ غزل نمبر 99

چھیڑا یہ کس نے ذکر ہَوا کے عتاب کا

منظر ہے پھر نگاہ میں پھٹتے حباب کا

برسے تو پیڑ پیڑ جڑوں سے اکھیڑ دے

یہ بھی تو اِک چلن ہے اُمڈتے سحاب کا

کس سے کہوں کہ اس کی چمن میں خطا ہے کیا

نُچنے پہ آ گیا ہے بدن کیوں گلاب کا

دیکھی جہاں کہیں بھی کوئی جانِ ناتواں

پنجہ وہیں پہ آ کے پڑا ہے عقاب کا

ماجدؔ ہیں ہم وہ گوشۂ صحرا کہ جس کی اور

پھرنے کو رُخ نہیں ہے کسی جُوئے آب کا

ماجد صدیقی

کمیاب ہے لعلِ ناب سا وُہ

دسمبر 31, 2016ماجد صدیقی،تمازتیں،غزلنقاب،ناب،گلاب،آب،حباب،خواب،سراب،طناب،عتابadmin

ماجد صدیقی ۔ غزل نمبر 15

سر سے تا پا حجاب سا وُہ

کمیاب ہے لعلِ ناب سا وُہ

اُبھرے بھی جو سطحِ آرزُو پر

رُوکے نہ رُکے حباب سا وُہ

خوشبُو سا خیال میں دَر آئے

آنکھوں میں بسے گلاب سا وُہ

سب تلخ حقیقتوں پہ حاوی

رہتا ہے نظر میں خواب سا وُہ

حاصل ہے سرشکِ لالہ رُو کا

محجوب سا‘ دُرِّ آب سا وُہ

چھایا ہے بہ لُطف ہر ادا سے

خواہش پہ مری نقاب سا وُہ

ہُوں جیسے، اُسی کے دم سے قائم

تھامے ہے مجھے طناب سا وُہ

بارانِ کرم مرے لئے ہے

غیروں کے لئے عتاب سا وُہ

ماجدؔ ہو یہ جسُتجو مُبارک

ہاتھ آ ہی گیا سراب سا وُہ

ماجد صدیقی

تجھ سے ملنے میں ترے خواب میں آیا ہُوا ہوں

اکتوبر 26, 2015شعراء،عرفان ستار،غزلمہتاب،مضراب،آب،ابدتاب،اعصاب،تالاب،خوابadmin

عرفان ستار ۔ غزل نمبر 28

کس عجب ساعتِ نایاب میں آیا ہُوا ہوں

تجھ سے ملنے میں ترے خواب میں آیا ہُوا ہوں

پھر وہی میں ہوں، وہی ہجر کا دریائے عمیق

کوئی دم عکسِ سرِ آب میں آیا ہُوا ہوں

کیسے آئینے کے مانند چمکتا ہُوا میں

عشق کے شہرِ ابدتاب میں آیا ہُوا ہوں

میری ہر تان ہے از روزِ ازل تا بہ ابد

ایک سُر کے لیے مضراب میں آیا ہُوا ہوں

کوئی پرچھائیں کبھی جسم سے کرتی ہے کلام؟

بے سبب سایہِٗ مہتاب میں آیا ہُوا ہوں

ہر گزرتے ہوئے لمحے میں تپکتا ہُوا میں

درد ہوں، وقت کے اعصاب میں آیا ہُوا ہوں

کیسی گہرائی سے نکلا ہوں عدم کی عرفان

کیسے پایاب سے تالاب میں آیا ہُوا ہوں

عرفان ستار

اِس اماوس کی گھنی رات میں مہتاب کہاں

اکتوبر 25, 2015پروین شاکر،شعراء،غزلمہتاب،پایاب،آب،اعصاب،سیلاب،غرقابadmin

پروین شاکر ۔ غزل نمبر 50

نیند تو خواب ہے اور ہجر کی شب خواب کہاں

اِس اماوس کی گھنی رات میں مہتاب کہاں

رنج سہنے کی مرے دل میں تب و تاب کہاں

اور یہ بھی ہے کہ پہلے سے وہ اعصاب کہاں

مَیں بھنور سے تو نکل آئی،اور اب سوچتی ہوں

موجِ ساحل نے کیا ہے مجھے غرقاب کہاں

مَیں نے سونپی تھی تجھے آخری پُونجی اپنی

چھوڑ آیا ہے مری ناؤ تہہِ آب کہاں

ہے رواں آگ کا دریا مری شریانوں میں

موت کے بعد بھی ہو پائے گا پایاب کہاں

بند باندھا ہے سَروں کا مرے دہقانوں نے

اب مری فصل کو لے جائے گا سیلاب کہاں

پروین شاکر

تند ہے، تلخ ہے، لیکن ہے مئے ناب لذیذ

اکتوبر 25, 2015مصطفٰی خان شیفتہ،اساتذہ،غزلناب،آب،اسباب،خوابadmin

مصطفٰی خان شیفتہ ۔ غزل نمبر 47

طلبِ بوسہ پر اس لب سے شکر آب لذیذ

تند ہے، تلخ ہے، لیکن ہے مئے ناب لذیذ

کچھ مزا تو نہ سمجھ خضرِ اُمورِ عشرت

سب مزاجوں میں نہیں ایک سے اسباب لذیذ

سَم کی تاثیر کرے ہجر میں آبِ حیواں

مے گل گوں سے سوا وصل میں ہے آب لذیذ

ردِ زحاد سہی پر نہیں مقبولِ مغاں

تا نہ معلوم ہو تلخیِ مے ناب لذیذ

شیفتہ ذوقِ سحر اس نے کہاں دیکھا ہے

وہ جو کہتا ہے کہ ہے آخرِ شب، خواب لذیذ

مصطفٰی خان شیفتہ

کہ کچھ حظ اٹھے سیرِ مہتاب کا

اکتوبر 25, 2015مصطفٰی خان شیفتہ،اساتذہ،غزلمہتاب،نایاب،ناب،آب،احباب،اسباب،باب،تاب،جلباب،خواب،سیماب،عنابadmin

مصطفٰی خان شیفتہ ۔ غزل نمبر 17

پلا جام ساقی مے ناب کا

کہ کچھ حظ اٹھے سیرِ مہتاب کا

دلِ زار کا ماجرا کیا کہوں

فسانہ ہے مشہور سیماب کا

کہاں پھر وہ نایاب، پایا جسے

غلط شوق ہے جنسِ نایاب کا

نہ کیجو غل اے خوش نوایانِ صبح

یہ ہے وقت ان کی شکر خواب کا

محبت نہ ہرگز جتائی گئی

رہا ذکر کل اور ہر باب کا

دمِ سرد سے لا نہ طوفانِ باد

نہ سن ماجرا چشمِ پر آب کا

وہاں بے خودوں کی خبر کون لے

جہاں شغل ہو بادۂ ناب کا

وہاں تیرہ روزوں کی پروا کسے

جہاں شوق ہو سیرِ مہتاب کا

وہ تشخیصِ شخصی بھی جاتی رہی

کنارا الٹتے ہی جلباب کا

میں بے جرم رہتا ہوں خائف کہ واں

جفا میں نہیں دخل اسباب کا

پڑے صبر آرام کی جان پر

مری جانِ بے صبر و بے تاب کا

لبِ لعل کو کس کے جنبش ہوئی

ہوا میں ہے کچھ رنگ عناب کا

نہ کرنا خطا پر نظر شیفتہ

کہ اغماض شیوہ ہے احباب کا

مصطفٰی خان شیفتہ

میری آنکھوں میں کوئی خواب نہیں

اکتوبر 23, 2015Jaun Elia،جون ایلیا،شعراء،غزلآب،جواب،حساب،خواب،شرابadmin

جون ایلیا ۔ غزل نمبر 129

اب کسی سے میرا حساب نہیں

میری آنکھوں میں کوئی خواب نہیں

خون کے گھونٹ پی رہا ہوں میں

یہ میرا خون ہے ، شراب نہیں

میں شرابی ہوں میری آس نا چھین

تو میری آس ہے شراب نہیں

نوچ پھینکے میں نے لبوں سے سوال

طاقتِ شوخیِ جواب نہیں

اب تو پنجاب بھی نہیں پنجاب

اب خود جیسا آب دو آب نہیں

غم آباد کا نہیں ہے آن کا ہے

اور اس کا کوئی حساب نہیں

جون ایلیا

تھا سپندِبزمِ وصلِ غیر ، گو بیتاب تھا

اکتوبر 8, 2015مرزا اسد اللہ خان غالب،اساتذہ،غزلآب،بیتاب،بیخواب،باب،تاب،سنجاب،سیلابadmin

دیوانِ غالب ۔ غزل نمبر 94

نالۂ دل میں شب اندازِ اثر نایاب تھا

تھا سپندِبزمِ وصلِ غیر ، گو بیتاب تھا

مَقدمِ سیلاب سے دل کیا نشاط آہنگ ہے !

خانۂ عاشق مگر سازِ صدائے آب تھا

نازشِ ایّامِ خاکستر نشینی ، کیا کہوں

پہلوئے اندیشہ ، وقفِ بسترِ سنجاب تھا

کچھ نہ کی اپنے جُنونِ نارسا نے ، ورنہ یاں

ذرّہ ذرّہ روکشِ خُرشیدِ عالم تاب تھا

آج کیوں پروا نہیں اپنے اسیروں کی تجھے ؟

کل تلک تیرا بھی دل مہرووفا کا باب تھا

یاد کر وہ دن کہ ہر یک حلقہ تیرے دام کا

انتظارِ صید میں اِک دیدۂ بیخواب تھا

میں نے روکا رات غالب کو ، وگرنہ دیکھتے

اُس کے سیلِ گریہ میں ، گردُوں کفِ سیلاب تھا

مرزا اسد اللہ خان غالب

سخن سرا

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: آب

نظر ہی سے ساقی شراب اٹھتے اٹھتے

جلتے ہوئے چراغ تہِ آب دیکھتے

کچھ اس کا بھی سدِّباب یارو

کیا کیا نہ عکس تیر رہے تھے سراب میں

تجھ سے ملنے میں ترے خواب میں آیا ہُوا ہوں

ابکے یُوں بھی کھیتیاں سیراب ہونے لگ پڑیں

منظر ہے پھر نگاہ میں پھٹتے حباب کا

کمیاب ہے لعلِ ناب سا وُہ

تجھ سے ملنے میں ترے خواب میں آیا ہُوا ہوں

اِس اماوس کی گھنی رات میں مہتاب کہاں

تند ہے، تلخ ہے، لیکن ہے مئے ناب لذیذ

کہ کچھ حظ اٹھے سیرِ مہتاب کا

میری آنکھوں میں کوئی خواب نہیں

تھا سپندِبزمِ وصلِ غیر ، گو بیتاب تھا

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں: