تو ہے مری زندگی اے مرے پیارے وطن

تو ہے مری روشنی اے مرے پیارے وطن

اے مری خلدِ بریں تیری بہاروں کی خیر

اے مرے عزم و یقیں تیرے دیاروں کی خیر

تیرے ستاروں کی خیر

تو ہے مری زندگی اے مرے پیارے وطن

پاک ترے آبشار پاک ہیں تیرے جبل

پاک تیری کھیتیاں پاک ترے پھول پھل

جلوئہ صبحِ ازل

تو ہے مری زندگی اے مرے پیارے وطن

تیری فضا پر کھلے چاند ستاروں کے راز

عرش کی محراب میں پڑھتے ہیں شاہین نماز

پاک دل و پاک باز

تو ہے مری زندگی اے مرے پیارے وطن