لکھ کر بکھیرنی ہے وفا کی رپورتاژ

منصور آفاق ۔ غزل نمبر 257

اک راکھ کے بدن کو ہوا کی رپورتاژ

میں کھڑکیوں سے صبح کی پہلی کرن کے ساتھ

پڑھتا ہوں روز باد صبا کی رپورتاژ

تشکیل کائنات کی رودادِ گم شدہ

ہو گی کہاں پہ لوحِ خدا کی رپورتاژ

شاید ہے مانگنے کی جبلت وجود میں

لمبی بہت ہے دستِ دعا کی رپورتاژ

تقسیم کیا کرو گے وسائل زمین کے

لکھتے رہو گے جرم و سزا کی رپورتاژ

لکھتے ہیں روز خونِ جگر کو نچوڑ کے

سورج کے ہاتھ شامِ فنا کی رپورتاژ

لاشوں بھری سرائے سے نکلے گی کب تلک

جانِ جہاں کے ناز و ادا کی رپورتاژ

پڑھتے بنام علم ہیں بچے سکول میں

بالِ ہما کے بختِ رسا کی رپورتاژ

شاید لبِ فرات لہو سے لکھی گئی

اس زندگی کی نشو و نما کی رپورتاژ

برسوں سے نیکیوں کا فرشتہ رقم کرے

منصور صرف آہ و بکا کی رپورتاژ

منصور آفاق

اپنے خیالات کا اظہار کریں۔

Fill in your details below or click an icon to log in:

ای میل (ضروری) (Address never made public)

نام (ضروری)

ویب‌ سائٹ

آپ اپنے WordPress.com اکاؤنٹ کے ذریعے تبصرہ کر رہے ہیں۔ ( لاگ آؤٹ / تبدیل کریں )

آپ اپنے Twitter اکاؤنٹ کے ذریعے تبصرہ کر رہے ہیں۔ ( لاگ آؤٹ / تبدیل کریں )

آپ اپنے Facebook اکاؤنٹ کے ذریعے تبصرہ کر رہے ہیں۔ ( لاگ آؤٹ / تبدیل کریں )

Connecting to %s

سخن سرا